Khamiis, July 29, 2010 (Wararka Dowladda ee Maanta): Golasha Shacabka Dowladda Soomaaliya waxay caddaynayaa inuu Dr. Badal Wayrax Kaariye u sharaxan yahay inuu ku guulaysto Biliada Sharafta Badan ee loo yaqaano "The Noble Prize", Xildhibaannada Golaha Shacabka iyo ummadda Soomaaliyeed waxay u rajaynayaan inuu ku guulaysto Biladaas.
Xukuumadda Somalia oo soo dhaweysay go'aanka Midowga Afrika uu ku kordhinayo ciidanka AMISOM
Khamiis, July 29, 2010 (Wararka Dowladda ee Maanta): Xukuumadda Soomaaliya ayaa soo dhaweysay go'aankii uu ururka Midowga Afrika ku gaaray inuu ku kordhiyo ciidammada AMISOM ee ku sugan magaalada Muqdisho, kaddib markii Xarrakatul Shabaab ay ku hanjabtay inay ridayso dowladda ay Qarammada taageerto. "Ururka Midowga Afrika wuxuu go'aansaday inuu ciidamo kale oo gaaraya 4,000-askari ku kordhiyo ciidammadiisa AMISOM, si ay dib ugu soo celiyaan ammaanka dalka." ayuu yiri afhayeenka xukuumadda Soomaaliya C/qaadir Walaayo oo la hadlyay VOA-da.
Afhayeenku wuxuu sheegay in ciidamadan ay sidoo kale dagaal la geli doonaan kooxaha dowladda kasoo horjeeda, kuwaasoo todobaadyadii ugu dambeeyay dagaallo adag kula jiray ciidanka dowladda iyo kuwa AMISOM.
Warbixin lagu daabacay wargeyska The Wall Street Journal Arbacadii ayaa lagu sheegay in duqeymaha ay ciidammada AMISOM ka geysanayaan Muqdisho ay dhaawaci karto taageerada ay ka helaan beesha caalamka.
Wargeyska ayaa hadalkan kasoo xigtay kaaliyaha xoghayaha arrimaha dibadda Mareykanka ee Afrika Johnnie Carson, kaasoo sheegay in qodobkan ay isaga iyo madaxda Midowga Afrika kaga doodeen shirkii Uganda.
Dowladda Mareykanka ayaa taageero dhaqaale ku bixisa howlgalada ciidammada AMISOM, kuwaasoo dagaal maalinle ah kula jira xoogagga Islaamiyiin ah, iyadoo dagaalkii ugu dambeeyay ay ku dhinteen ugu yaraan 13-qof, ayna ku dhaawacmeen 40-kale.
Xoogagga Islaamiyiinta ah ayaa sheegay inay doonayaan inay qabsadaan qaybta yar ee ay dowladda KMG ah ka maamusho Muqdisho, waxayna weerarro aan kala go` lahayn ku qaadaan xarunta Madaxtooyada oo meelo ku dhow ay ku sugan yihiin.
Guddoomiyaha guddiga ururka Midowga Afrika Jean Ping oo ka hadlay gabagabadii shirkii Midowga Afrika oo Talaadadii lagu soo gabgabeeyay xarunta dalka Uganda ee Kampala ayaa sheegay in sida ugu dhaqsiyaha badan ciidamo dheeraad ah u geynayaan Muqdisho.
Sh. Maxa’ed Siciid Atam oo sheegay in Al-shabab ay ka mideysanyihiin mabda’a
Khamiis, July 29, 2010 (Wararka Dowladda ee Maanta):Hogaamiyaha dagaalka la galay maamul goboleedka Puntland Sheekh Maxa’ed Siciid Atom ayaa markii ugu horeysay sheegay in iyaga iyo shabaabul mujahidiin ay ka mideysanyihiin mabda’a ah in soomaliya laga hir galiyo shareecada Islaamka
Sheekh Atom oo qaar kamida taagerayaashiisa kula hadlay qolka Baltooga ee wada sheekeysiga internetka ayaa sheegay in dagaalka uu ka bilaabay Puntland uu ka dhashay markii sida u sheegay uu u dul qaadan waayay dulmiga ka jira Puntland.
Sheekha ayaa sheegay in gobolada maamulkaasi lagu dhibaateeyo dad islaamka oo la masaafuriyo wa sida uu hadalka u dhigaye taasina ay keentay in uu isaga hajiro magaalada Boosaaso.
Waxa uu sheegay in dagaalkii shalay ay guulo ka gaareen gawaari ayuu sheegay in ay ka gubeen maamulka Puntland, 30- askari kabana ay ka dileen ku dhowaad 100-qofna ay ka dhaawaceen isagoo sheegay in dagaalka ay sii wadayaan.
Sheekh Maxa’ed Siciid atom ayaa waxa uu kamid ahaa ardeydii jaamacadda magaalada Boosaaso gaar ahaan kuliyadiihareecada waxa uuna sanadkii 2006-da ka tagay magaaladaasi markii isaga iyo dhalin yaro dhowra ay isku khilaafeen xukunka dowladii Cade Muuse, waxa uuna wixii markaa ka dambeeyay sal dhig ka dhigtay buuraleyda Galgalo.
Sedex ka Tirsan Xildhibaanada Barlamanka Puntland oo Maanta Xil ka Qaadis Lagu Sameeyay
Arbaco, 28 July 2010 (Wararka Dowladda ee Maanta): Sedex ka tirsan xildhibaanada Barlamanka Puntland ayaa maanta xilka laga qaaday,ka dib Fadhi ay Mudanayaashu ku yeesheen magaalada Garowe ee caasimada Puntland,waxaana lagu eedeeyay in ay ka shaqaynayeen falal amaanka gobolka lid ku ah.
26 Xildhibaan ayaa si gacan taag ah ah ugu codeeyay in xilka laga qaado sedexda mudane ,halka 22 ay ka soo horjeesteen ,waxaana ka aamusay afar mudane oo Barlamanka ka tirsan.
Xildhibaanada xilka laga qaaday ayaa kala ahaa: 1-Saleebaan Cumar Jaamac 2-Abshir Cabdi Sheikh 3-Ibraahim Cabdi Guure
Maxamed Cismaan xeer-ilaaliyaha guud ee Puntland ayaa sheegay in xildhibaanadan muddo baaritaan lagu hayay ,isla markaana maanta xilka laga qaaday,Waxaana fadhigii Barlamanka ka soo qayb-galay madaxwaynaha Punland Dr C/rixmaan Faroolle.
Xilka qaadista lagu sameeyay mudanayaashaan ayaa ku soo beegmaysa ,iyadoo ay jiraan dagaalo dowlada kala dhaxeeya Maleeshiyaadka Alshabaab ee ku sugan buuraha degmada Gal-Gala ee gobolka Sanaag.
Madaxweyne Siilaanyo oo ku Dhawaaqay Xukuumad Cusub
Arbaco, 28 July 2010 (Wararka Dowladda ee Maanta): Madaxweynaha cusub ee Somaliland Axmed Maxamed Maxamuud (Siilaanyo), ayaa maanta ku dhawaaqay liiska xukuumaddiisa cusub oo ka kooban 20 wasiir iyo lix wasiir-ku-xigeen.
Madaxweyne Siilaanyo oo maanta shir-jaraa’id ku qabtay Hargeysa, ayaa ka cudur-daartay haddii aanu liiska magacaabista ku darin dad diyaar u ahaa in ay xil qabtaan.
Liiska wasiirrada cusub:
Wasiirka arrimaha gudaha Dr. Maxamed Cabdi Gabboose
Wasiirka waxbarashada iyo tacliinta sare Samsam Cabdi Aadan
Wasiirka xannaanada Xoolaha Dr. Axmed Xaashi
Wasiirka maaliyadda Maxamed Xaashi Cilmi
Wasiirka qorshaynta Sacad Cali Shire
Wasiirka hawlaha guud Xuseen Axmed Caydiid
Wasiirka Caafimaad Dr. Xuseen Muxumed Maxamed (Xoog)
Wasiirka gaashaan-dhigga Axmed X. Cali Cadami
Wasiirka ganacsiga, wershadaha iyo dalxiiska Cabdirisaaq Khaliif Axmed
Wasiirka xannaanada, deegaanka iyo horumarinta reer miyiga Dr. Axmed Xaashi Oday
Madaxweynaha cusub ee Somaliland ayaa la filayay in uu raaco talooyin ay hore ugu jeediyeen guddi uu u magacaabay inay ka talo-bixiyaan qaabka ay noqonayso xukuumadda cusub ee uu maanta ku dhawaaqay, kuwaas oo ku taliyay in tirada wasiirada uu ka dhigo 15 xubnood, isla markaana uu magacaabo guddiyo kale. Waxa kale oo soo-jeedinta guddidaas ka mid ahayd in agaasimayaashu ay awoodda maamul yeeshaan. Hase yeeshee, liiska uu ku dhawaaqay madaxweynaha cusub ayaanay ka muuqan in uu raacay taladaas ku aaddanayd qaab-dhismeedka xukuumaddiisa, marka laga reebo habka uu isu-raaciyay wasaaradaha.
Talaado, 27 July, 2010 (Wararka Maanta ee Dowladda ): Axmed Max’ed Maxamud (Siilaanyo), oo 26-kii bishii June ku guuleystay doorashadii madaxweynanimo ee ka dhacday Somaliland, ayaa maanta si rasmi ah ula wareegay xilka madaxweynanimada, isagoo jagadaas kala wareegay madaxweynihii hore ee Somaliland, Dahir Rayaale Kahin.
“Waxaan idiin ballan-qaadayaa inaa shacabka ISmaamulka Somaliland ku dhaqo cadaalad iyo sinnaan,” ayuu yiri Mr. Siilaanyo, oo khudbad kooban ka jeediyey munaasabad loogu tala galay xil kala wareegista oo ka dhacday Aqalka Madaxtooyada Ismaamulka Somaliland.
Ra'iisul wasaaraha Soomaaliya oo sheegay inuu ciidamada AMISOM kala hadlay Madaafiicda lagu garaaco xilliyada Dagaalada Magaalada Muqdisho
Talaado, 27 July, 2010 (Wararka Maanta ee Dowladda ): Ra'iisul wasaaraha Soomaaliya Cumar C/rashiid Cali Shamar'arke oo la hadlay saxaafada Muqdisho ayaa sheegay in saraakiisha ciidamada AMISOM uu kala hadlay duqeymaha loo geysto goobaha ay shacabku ku sugan yihiin xilliyada ay dagaalladu dhacaan.
Sharma'arke ayaa sheegay in duqeynaha loo geysto Magaalada Muqdisho xilliyada ay dagaalladu dhacaan ay khasaaraha ugu badan kasoo gaarto dadka shacabka ah, isagoo xusay in ciidamada AMISOM ay ku wargeliyeen inaan la duqeyn Magaalada.
"Madaxda Ciidamada AMISOM iyo kuwa Dowladda waxaan ku wargelinay inaan degmooyinka aanay dagaaladu ka socon la duqeyn, marka ay dagaaladu ka socdaan Muqdisho" ayuu Ra'iisul wasaare Sharma'arke u sheegay Idaacadda ay dowladdu maamusho ee Radio Muqdisho.
Ra'iisul wasaaraha Soomaaliya ayaa hadalkiisa kusoo beegaya xilli ay dagaallo sababay dhimashada ugu yaraan 22-qof oo shacab u badan iyo dhaawaca dad ku dhow 50-qof oo kale ay shalay ka dhaceen Magaalada Muqdisho.
Dadka dhintay ayaa waxaa intooda badan ay madaafiic culus kula dhaceen degmooyin ka fog halka lagu dagaalamayay, waxaana tan iyo xalay ka socday Muqdisho duqeymo culus oo ku dhacayay degmada Boondheere oo uu dagaalku ka dhacay iyo degmooyinka kale.
Ugu dambeyn Ra'iisul wasaaraha Soomaaliya wuxuu ugu baaqay kooxaha Dowladda kasoo horjeeda inay dhankooda joojiyaan dagaalada ay uga horjeedaan Dowladda, si loo badbaadiyo dhimashada dadka rayidka ah ee aan waxba galabsan.
Todobaadyadii ugu dambeeyay waxaa magaalada Muqdisho ka socday dagaallo u dhexeeya Xarrakatul Shabaab iyo Xisbul Islaam oo dhinac kasoo jeeda iyo Dowladda Soomaaliya oo kaashanaysa ciidamada Midowga Afrika ka socda ee AMISOM, waxaana dagaalladaas ay khasaaraha ugu badan uu ka gaaray shacabka.
Dagaal ka dhacay gobolka Bari ee maamulka Puntland
Talaado, 27 July, 2010 (Wararka Maanta ee Dowladda ): Ugu yaraan 14-qof ayaa ku geeriyootay ku dhowad 10-kalena waa ay ku dhaawacmeen dagaal maanta gobolka Bari ee maamul goboleedka Puntland ku dhex maray ciidamo uu wato nin lagu magacaaboMaxa’ed Siciid Atom iyo ciidamada maamulka Puntland.
Dagaalka ayaa bilowday kadib markii ciidamada uu wato ninka lagu magacaabo Atom ay weerar ku ekeeyeen fariisimo ay ciidamada Puntland ku lahaayeen deegaanada Leego iyo fareey oo ka tirsan buuraleyda Galgalo duleedka magaalada Boosaaso.
Madaxweynaha Puntland C/raxmaan faroole oo maanta saxaafadda la hadlay ayaa sheegay in ciidamadiisu ay guul ka gaareen dagaalka isagoo sheegay in dhinici kasoo hor jeeday ay la dileen 13-qof.
Rasaasta ayaa wali si goos goos ah loo maqlayaa iyadoo dagaalku uu kusii fiday dhulka miyiga ah.
Dagaalka maanta ka dhacay gobolka bari ayaa kusoo beegmaya xili mudoyinkii ugu dambeeyay mamulka Puntland uu ku howlanaa musafurinta dadka kazoo jeeda koonfurta Soomaaliya.
Wasiirka dastuurka oo ugu baaqay Puntland in ay joojiyaan takooridda dadka ka soo jeeda koonfurta Soomaaliya.
Axad, July 25, 2010 (Wararka Dowladda ee Maanta): Wasiirka dastuurka iyo arrimaha federaalka xukuumada KMG ah ee Soomaaliya ayaa wax laga xumaado ku tilmaamay ficilada uu maamul goboleedka Puntland kula kacayo dadka ka soo jeeda koonfurta Soomaaliya, wuxuuna ugu baaqay in ay ka waantoobaan arrimahaas.
Wasiirka dastuurka iyo arrimaha federaalka KMG ah ee Soomaaliya Madoobe Nuunoow Maxamed oo u waramaayay warbaahinta isagoo joogo magaalada Jabuuti ee xarunta dalka Jabuuti, wuxuuna sheegay in talaabooyinka uu maamul goboleedka puntland ka qaadayo dadka Soomaaliyeed ee qaxootiga ku ah deegaanada hoos yimaada maamul goboleedkaas, wuxuuna ku tilmaamay mid keeni karta in dadka Soomaaliyeed ay kala irdhoobaan.
Wasiirka ayaa sidoo kale ka codsaday mas’uuliyiinta Puntland in ay ilaaliyaan xiriirka walaaltinimo iyo midka ehelnimo ee ka dhaxeeya dadkaas, wuxuuna sheegay in uu arrimahaas jeclaan lahaa in dowladda Soomaaliya ay si guud uga hadasho arrintaas, wuxuuna si gaar ah uga codsaday Ra’isal wasaaraha xukuumada KMG ah ee Soomaaliya in uu ka hadlo arrintaas, islamarkaana ka dhaadhiciyo mas’uulyiinta maamulkaas in ay joojiyaan howlgalada ay ku tarxiilayaan dadka qaxootiga ku ahaa deegaanaddooda.
Mudane Madoobe Nuunoow Maxamed ayaa dhanka kale sheegay in dadkaasi qaxtootiga ah ee deegaanadoodii uga soo cararay dhibaatooyinka ka jira ee soo maciin biday walaalahooda Soomaaliyeed ee nabada haysta aysan ahayn in sidaas loola dhaqmo, wuxuuna sheegay in uu ku dadaali doono sidii uu xiriir ugala sameyn lahaa mas’uuliyiinta maamulkaas arrimahaas, isagoo sheegay in uu rajeynayo in ay ka waantoobi doonaan iyagoo eegaya danta iyo maslaxada guud ee ummadda Soomaaliyeed ee walaalaha ah iyo xaqa ay ku leeyihiin dadkaasi walaalahood ah.
Hadalka wasiirka ayaa kusoo beegmaya xili maamulka Puntland uu ku howlanyahay tarxiilidda dadka aan u dhalan gobolada Puntlan ee kazoo jeeda koonfurta Soomaaliya, iyagoo ku eedeynaya in ay dadkaasi ka dambeeyaan dhibaatooyinka amniga ee ka jira gobolada maamulkaasi
Prof. Ibbi oo xariga ka jaray Maxjar cusub oo laga hirgeliyay deegaanka Jaziira ee Gobolka Bnaadir.
Axad, July 25, 2010 (Wararka Dowladda ee Maanta): Munaasabad balaaran oo lagu dhagax dhigayey dhismaha Maxjar Cusub oo Xoolaha lagu xanaaneeyo ayna ka qayb galeen Mas’uuliyiin ka tirsan Dowladda Soomaaliya iyo Ganacsato ayaa ka dhacday deegaanka Jasiira ee duleedka magaalada Muqdisho.
Gudoomiyaha maamulka degmada Wadajir ee gobolka Banaadir Axmed Xasan Cadoow Daaci oo furitaanka Munaasabadaas ka hadlay ayaa ugu horeyn u mahad celiyey Mas’uuliyiintii ka soo qayb gashay Munaasabadaasi, isagoo ku amaanay dadka deegaanka kaalintii ay ka geysteen sugidda amniga deegaanka Maxjarka laga hirgeliyey.
Xildhibaan Cumar Maxamed Maxamuud (Cumar Finish) oo ka mid ah Xildhibaanada Baarlamaanka Soomaaliya ayaa sidoo kale madashaasi ka hadlay wuxuuna sheegay in Maxjarkani dhismihiisa uu yahay mid dadka deegaanadaasi ku dhaqan ahmiyad gaar ah u leh, wuxuuna ugu baaqay in ay ka faa’ideystaan adeegyada Maxjarkan.
Gudoomiyaha Rugta Ganacsiga Soomaaliya ahna Gudoomiyaha shirkadda Ancaam International Live Stock oo mashruucani Hirgelinaysay Iimaan Maxamed Cali oo isna Munaasabada ka hadlay ayaa tilmaamay in hirgelinta dhismaha Maxjarkani ay leeyihiin ganacsato Soomaaliyeed, islamarkaasina ay soo bilaabeen qorshahiisa muddo haatan laga joogo 9 bilood loona baahan yahay in umadda Soomaaliyeed ay kafaa’ideystaan kheyraadka dalka.
Wasiirka Xanaanada Xoolaha Dhirta iyo Daaqa Xukuumada KMG ee Soomaaliya C/casiis Xasan Maxamed “Laftagareen” oo isna halkaasi ka hadlay ayaa sheegay in uu aad ugu faraxsan yahay dhismaha Maxjarkani, balse ay wasaaraddiisu ku tala jirto in Maxjaro kuwan la mid ah laga hirgeliyo magaalada Kismaayo ee xarunta gobolka Jubada hoose.
C/rashiid Cirro Wasiirka Ganacsiga DKMG oo isna mas’uuliyiintii Munaasabadaasi ka hadashay ka mid ah ayaa sheegay in hirgelinta Maxjarkani uu Qayb ka qaadan doono kobaca dhaqaalaha dalka Soomaaliya, wuxuuna Ganacsatada Soomaaliyeed ugu baaqay inay ka qeyb qaataan horumarinta ganacsiga Soomaaliya iyo sidii loo sameyn lahaa Maxjaro la mid ah midkan.
Ra,isulwasaare ku xigeenka ahna wasiirka Kalluumeysiga iyo Khayraadka Badda Prof. c/raxmaan Xaaji Aadan oo gabagabadii Munaasabada hadal kooban ka jeediyay ayaa ugu baaqay qeybaha kala duwan ee Bulshada Soomaaliyeed, gaar ahaan dhalinyarada in ay ka faa,ideystaan Mashaariicdan oo kale, islamarkaana ay iska daayaan dagaalada wuxuuna sheegay in ay soo dhaweynayaan xitaa kuwa ka soo horjeeda dowladda in ay ka qeybqaataan mashaariicdan oo dagaalka joojiyaan.
Wasaaradda haweenka oo aqoon isweydaarsi u qabatay qaar ka mid ah haweenka soomaaliyeed.
Axad, July 25, 2010 (Wararka Dowladda ee Maanta): Wasaaradda hormarinta haweenka iyo daryeelka qoyska Xukumadda KMG ee Soomaaliya ayaa aqoon isweydaarsi ugu qabtay xarunta wasaaraddaasi qaar ka mid ah haweenka Soomaaliyeed ee ku dhaqan gobolka Banaadir kaasoo socday muddo hal maalin ah.
Aqoon is-weydaarsigan oo looga doodayey bur burka ku dhaca qoyska iyo dhibaatada uu leeyahay guurka deg dega ah ayaa waxaa ka soo qeyb galay xildhibaano ka tirsan baarlamaanka Soomaaliya, xildhibaanada golaha degaanka gobolka Banaadir, musuuliyiinta iyo shaqaalaha wasaaradda hormarinta Haweenka iyo Daryeelka Qoyska, ardeyda Machadka Qamar wax ka barata iyo qaar ka mid ah haweenka Soomaaliyeed.
Xildhibaan Siciid Maxamed Cali oo halkaasi hadal ka jeediyay ayaa sheegay in dhibaatada soo gaartay Haweenka Soomaaliyeed muddadii uu burburka dalku ku jiray ay tahay mid aan la soo koobi Karin, isla markaana uu aad ugu faraxsan yahay in uu ka qeyb galo aqoon is weedaarsi noocan oo kale ah oo ay qabatay wasaaradda haweenka.
Dhanka kale waxaa gabagabadii aqoon is weedaarsigaas hadal ka jeedisay agaasimaha xiriirka gobolada ee wasaaradda Haweenka marwo Nadiifo Cabdi Diirshe waxeyna sheegtay in wasaaradda haweenka ay diyaar u tahay in ay wax ka qabato dhibaatooyinka heysta haweenka iyo carruurta iyadoo tilmaantay in wasaarddu horey daryeel ugu sameeysay qaar ka mid ah carruurta darbi jiifka ah ee k dayacan wadooyinka magaalada Muqdisho.
Saturday, July 24, 2010 (Wararka Dowladda ee Maanta): Dowladda Soomaaliya waxay ka codsanaysaa madaxweynahyaasha Afrika ee maanta uga furmi doona magaalada Kampala, Dowladda Soomaaliya waxay u baahan tahay inay waddamada Afrika ka hesho caawin dheeraad ah waayo Soomaaliya waxay ahayd xiddigtii qaaradda Afrika ee si toos ah iyo si dadban ula dagaalan tahay gummaystayaashii soo weeraray qaaradda Afrika.
Midowga Africa oo waqti kordhin u sameynayo ciidamada Nabad ilaalinta AMISOM ee ku sugan Magaalada Muqdisho
Friday, July 23, 2010 (Wararka Dowladaa ee Maanta): Shirweynaha ay isugu yimaadeen Madaxda ururka Midowga Africa ee ka soconaya magaalada Kampala ee dalka Uganda ayaa lagu xusay in waqti kordhin loo sameyn doono ciidamada nabad ilaalinta ee AMISOM ee ku sugan Magaalada caasimadda ah ee Muqdisho.
Madaxa nabadda iyo amniga ee midowga Africa Ramtane Lamamre ayaa sheegay in qodobada looga hadlayo shirka midowga Africa ay kamid tahay sidii waqtiga loogu kordhin lahaa ciidamada AMISOM islamarkaasina ciidamo kale oo dheeri ah loogu diri lahaa dalka Soomaaliya.
Ramtane ayaa intaasi ku daray in ay suurto gal tahay in ciidamada cusub ee loo dirayo soomaaliya ay kamid noqdaan kuwa dalalka dariska la ah Soomaaliya ee Ethiopea iyo Kenya, waxaana uu sheegay in xaaladda Soomaaliya ay haatan tahay mid aad u Qatar ah islamarkaasina u baahan in si deg deg ah wax looga qabto.
Hadallada kasoo yeeraya masuuliyiinta ururka midowga Africa ee ku aadan arimaha Soomaaliya ayaa u muuqnaya kuwa ay xooga ku saarayaan sidii ciidamo dheeri ah loogu diri lahaa dalka Soomaaliya iyadoo uu hore Madaxweeynaha dalka Uganda Yuweri Museveni uga codsaday Madaxda ururka Midowga Africa in howgallada isdifaacidda ah ee Ciidamada AMISOMee ku sugan magaalada Muqdisho loo badalo kuwo ay ku weeraraan goobaha ay ku suganyihiin ururrada Islaamiga ah ee kasoo horjeeda jiritaanka Xukuumadda KMG ah ee Soomaaliyo iyo weliba joogitaanka Ciidamada AMISOM ee ku sugan dalka Soomaaliya.
Jabuuti iyo Gini oo ciidamo degdega u soo diraya Mogadishu.
Friday, July 23, 2010 (Wararka Dowladaa ee Maanta): Kulanka wasiirada wadamada midowga afrika uga socda magaalada Kampala ayaa laga sheegay in labo guuto oo ka kala imaanaya wadamada Jabuuti iyo Gini ay todobaadyada fooda nagu soo haya ay si degdega u imaanayaan magaalada Muqdisho si ay u caawiyaan dawladda KMG ah oo dagaalo adag ay kaga imaanayaan Xarakada Shabaabul Mujaahidiin.
Joy Bean madaxa midowga afrika oo ka hadlayay magaalada Kampala ayaa sheegay in sida ugu dhakhsiyaha badan labo guuto oo ciidana oo ka kala imaanaysa wadamada Jabuuti iyo Gini loo gayn doono magaalada Muqdisho isagoo intaa ku daray inay hada ku suganyihiin caasimada Soomaaliya 6000 oo askari oo ka kala timid wadamada Ugandha iyo Burundhi hadii ay yimaadaana 2000 ee askari ee la filayo inay soo dhamaystiri doonto tiradii 8000 ee askari ee midowga afrika ugu yaboohay hawlgalka nabad ilaalinta ee Soomaaliya.
Go,aanda wasiirada ayaa la filayaa in la hordhigo kulan madaxeedka wadamada midowga afrika oo isna ka qabsoomi doona magaalada Kampala,waxaana si wayn loogu faaqidi doonaa arimaha Soomaaliya iyo qaraxyadii Kampala.
Nuur Cadde “waxaan wadnaa dadaalo ku aadan sidii loo heli lahaa balanqaadyadii la siiyay dowladda KMG
Khmaiis, July 22, 2010 (wararka Dowladda ee Maanta): Ra’isul wasaarihii hore ee dowladda KMG soomaaliya hadana ah safiirka Soomaaliya u fadhiya dalka Taliyaaniga ahna wakiilka Soomaaliya u jooga midowga yurub Nuur xasan Xuseen {Nuur cadde} ayaa sheegay in ay wadaan dadaalo ay ku baadi goobayaan balanqaadyadii maaliyadeed iyo militari ee horey loogu balan qaaday dowladda KMG Soomaaliya.
Nuur cadde ayaa tilmaamay in inkastoo ay jiraan shuruudo ku xiran in laga dhabeeyo balanqaadyadaasi ayaa hadana waxa uu sheegay in dadaalka ugu badan ay galinayaan sidii Soomaaliya looga caawin lahaa in ay ka baxdo dhibaatada ay kusoo jirtay mudada 20-ka sano ah isagoo rajo ka muujiyay safarka uu madaxweynaha dowladda KMG soomaaliya Sheekh Sharif Sheekh Axmed ku tagay dalka taliyaniga.
Dhinaca kale Nuur Xasan Xuseen {Nuur cadde} ayaa maadaama uu yahay wakiilka Soomaaliya ee midowga Yurub waxa uu sheegay in xafiiskooda uu dadaal ugu jiro in wax laga qabto dhibaatooyin fara badan oo soomaalida qaxootiga ku ah dalalka yurub ku heysta wadamada ay joogaan, isagoo dhalinta Soomaaliyeed ugu baaqay in ay u istagaan xal u raadinta dalkooda Soomaaliya oo dagaaladu ay la hareen.
Marka laga soo tago dhibaatooyinka soomalida ku heysta dalalka yurub ayaa hadana waxaa jira dhalin badan oo wali u hanqal taagaya in mar un ay ku noolaadaan dal kamida dalalka yurub iyagoo ka baxsanaya dagaalada ka holcaya dalka Soomaaliya mudadada 20-ka sano ah.
Mark Bowden ” waxaa sanadkan oo kaliya lagu qasbay in ay guryahooda ka cararaan 200,000 magaalada Muqdisho”
Khmaiis, July 22, 2010 (wararka Dowladda ee Maanta): Isku xiraha gargaarka biniaadannimada Soomaaliya u qaabilsan Qaramada miidoobey Mark bowden ayaa war bixin uu siiyay golaha amaanka ee Qaramada midoobey ku sheegay in Soomaaliya ay tahay dal kamida dalalka ay ka jiraan arimaha ugu adage e xagga bini aadannimada ah.
Bowden ayaa ugu baaqay qaramada midoobey in ay laba laabto gargaarka ay u qosheysay Soomaaliya si loo saacido soomaalida qaxootiga ku ah duleedyada caasimadda Soomaaliya, isagoo sheegay in 40% (afartan boqolkiiba} soomaalida ay ku tiirsanyihiin gar gaarka ay siisao qaramada midoobey, waa sida uu sheegaye.
Mark Bowden ayaa tilmaamay in 1.2-milyan oo qof lagu qasbay in ay ka cararaan guryahooda, iyadoo sanadkan oo kaliya ay guryahooda ka laa laalbteen 200,000 oo qof magaalada Muqdisho iyagoo ku biiray qaxooti horey u joogay duuleedka caasimadda iyo qaar kamida gobolada Soomaaliya.
Bowden ayaa sheegay in dhibaatada ugu badan ay heysato haweenka iyo caruurta oo ay isugu darsantay nafaqo daro iyo dagaalo xooggan oo ka socda caasimadda.
Waxa uu qaramada midoobey ku amaanay in gargaarka ay bixiso uu yahay mid fiican balse aan gaarsiisneyn heerkii loo baahnaa loona baahanyahay in la kordhiyo si loo caawiyo soomaalida dhibateysan.
Mark Bowden ayaa ugu dambeyn sheegay in soomaalida sanadkan ay isugu darsameen abaaro iyo dagaalo taasina ay dhalisay in si wanagsan uusan usoo go’in dalagii beeraha hadii aan wax laga qban dhibaatada Soomaaliyana ay noqon doonto mid aan wanagsaneyn.
AMISOM HA JOOJISO GUMAADKA AY KU HAYSO GOOBAHA SHACABKA
Arbaco, July 21, 2010 (Wararka Dowladda ee Maanta): Xafiiska Isgaarsiinta Iyo Heshiisyadda Dowladda waxuu u caddaynayaa inay AMISOM joojiso gumaadka ay ku wado goobaha ay shacabka ku ganacsanayaan meeshaasoo ay caaddaysteen inay madaafiic la dhacaan marka ay madaafiic soo tuuraan Xarakatul Shabaab kuwaasoo ilaa iyo hadda aan la ogayn waxay u dan leeyihiin maadaamo uu madaxdoodii shaqsi kamid ahaan jiray laga dhigay Madaxweynaha dalka.
Soomaali way wadahadli kartaa ee war dadoow iska daaya ciribtirka aad isku haysaan cidna kuuma naxariisanayso walina waxaan daba soconaa qabyaalad iyo qurunka munaafaqiinta Soomaaliyeed iyo shisheeyaba.
Qaar ka mid ah dadwaynaha buuhoodle oo weeraray xarunta shirkada isgaadhsiinta ee Telesom Buuhoodle
Arbaco, July 21, 2010 (Wararka Dowladda ee Maanta): Sida uu hornafrik u xaqiijiyay gudoomiyada shirkada telesom laasanod cabdirisaaq axmed warsame dhabayaco dadwayne cadhaysan ayaa burburiyay albaabadii Daaqadihii iyo boodhahkii shirkadaas
Dadkan ayaa kaca dhaysnaa arimo la xidhiidha isgaadhsiinta telesom oo ka goday magaalooyinka buuhoodle iyo widh widh malinimadii doraato ahayd oo ay dagaalo ka dhaceen magaalada widhwidh
Cabdirisaaq axmed warsame gudoomiyaha telesom laascaanood ayaa sheegay inay dadkaasi ahaayeen dad lasoo marin habaabiyay oo maskaxdana laga qalday
Arinta keentay inay isgaadhsiintu deegaa nadaas ay shaqayn waydo ayuu sheegay inay tahay ugu horayn in magaalada widhwidh ay waxyeelo kasoo gaadhay qalab ay leedahay shirkadu dagaalkii ka dhacay aaga widhwidh
Arinta kale ayuu cabdirisaaq dhabayaco sheegay inay dabaylo xoogleh oo kuwa xagaaga ah oo ka dhacayay aaga horufadhi ay waxyee leeyeen taawarkii uuna qalooc samay halkaana aanu gayne odayaal reer buuhoodle si ay u arkaan xaqiidadu siday tahay odayaasha halkaasi tagay waxaa ka mid ah caaqil cabdilaahi xasan qanbi iyo caaqil ismaciil xaaji cabdilaahi
Ugu danbayntii waxaa uu tilmaamay cabdirisaaq dhabayaco in shirkada isgaadhsiinta ee telesom ay tahay shirkad madax banaan oo dhex dhexaad ah
bishii may ee sanadkan aynu kujirno ayaa sida noo kale waxaa gabi ahaanba hawada kabaxday isgaadhsiintii deegaa nadaas
Madaxweynaha Soomaaliya Sheekh Shariif oo Magaalada Roma kulan kula qaatay Wasiirka Arrimaha Dibadda ee Dalka Talyaaniga
Talaado, July 20, 2010 (Wararka Dowladda ee Maanta): Madaxweynaha Soomaaliya Sheekh Shariif Sheekh Axmed oo booqasho rasmi ah ku jooga dalka Talyaaniga ayaa wuxuu xalay kulan la qaatay Wasiirka Arrimaha Dibadda ee dalkaas Franco Frattini.
Sheekh Shariif iyo Franco Frattini waxay kaga hadleen kulankooda xaaladda dalka Soomaaliya iyo sidii ay u xoojin lahaayeen xiriirka siyaasadda iyo midka dhaqaalaha ee u dhexeeya labada dal.
Booqashada Madaxweynaha Soomaaliya Sheekh Shariif ayaa noqonaysa tii ugu horreysay muddo 20-sano ah uu Madaxweyne Soomaali ah si rasmi ah ugu tago dalka Talyaaniga, isagoo maantana la kulmi doona Madaxweynaha Talyaaniga Giorgio Napolitano.
Madaxweyne Sheekh Shariif ayaa intii uu socday kulankii Frattini wuxuu sheegay in xaaladda ammaan dalka Soomaaliya ay tahay mid khatar ah, isagoo xusay in xoogagga Dowladdiisa ay dagaalka kula jirto ay diideen inay ka qaybgalaan dib u heshiisiinta.
Wasiirka Arrimaha Dibadda ee Talyaaniga ayaa sheegay in dowladdiisu ay xoogga saari doono sidii beesha caalamka ay uga dhaadhicin lahayd in taageero aan kala go' lahayn la siiyo Dowladda Soomaaliya oo dagaal kula jirta kooxo xiriir la leh Al-Qaacida.
Franco Frattini ayaa intii uu kulanku socday wuxuu tacsi u diray ehellada dadkii ku dhintay dagaallada ugu dambeeya ee ka socda Muqdisho, wuxuuna sheegay in dalkiisa uu diyaar u yahay inuu tababaro la dagaalanka argagaxisada ah siinayo 1000-askari oo tirsan Booliiska Soomaaliya.
Dowladda Soomaaliya oo Ururka Jaamacadda Carabta weydiisatay in bil walba ay siiyaan lacag gaaraysa 10-Milyan oo Dollar
Talaado, July 20, 2010 (HOL) - Dowladda Soomaaliya ayaa ka codsaday dalalka Jaamacadda Carabta inay bil walba ku taageeraan lacag gaaraysa 10-Milyan oo Dollar, si ay wax uga qabtaan dhibaatada dhaqaale ee Soomaaliya ka jirta.
Madaxweyne Sheekh Shariif Sheekh Axmed ayaa codsigan hordhigay xubnaha joogtada ah ee Jaamacadda Carabta iyo Xoghayah guud ee Ururkan Caamir Muusaa oo Magaalada Qaahira kula kulmay.
Sheekh Shariif wuxuu sheegay in lacagtan ay wax uga qabanayaan xaaladaha ammaanka, siyaasadda, dhaqaalaha iyo mushaaraadka ciidamada Dowladda oo gaarya 17,000-Askari iyo Xubnaha Baarlamaanka oo tiradoodu tahay 550-mudane.
"Xaaladda Ammaan ee Soomaaliya waa mid aan khatar ku hayn Soomaaliya oo keliya, balse waxay khatar ku tahay dalalka Afrika iyo kuwa Calaamka" ayuu yiri Madaxweyne Sheekh Shariif isagoo tusaale u soo qaatay qaraxyadii todobaad ka hor ka dhacay Magaalada Kampala ee xarunta dalka Uganda.
Wuxuu sheegay in haddii aan wax laga qaban xaaladda ay hadda ku sugan tahay Soomaaliya oo aan laga hortegin kooxaha dowladdiisa dagaalka kula jirto, inay imaanayso xilli aan waxba laga qaban karin.
Madaxweynaha Soomaaliya wuxuu sheegay in dowladdiisu aysan awood u lahayn inay kaligeed wax ka qabato dhibaatada dalka Soomaaliya ka taagan, sidoo kalena aysan dabooli karin baahida mushaar ee shaqaalaha Dowladda iyo Ciidamada.
Yaboohii loogu sameeyay dalka Belgium sannadkii hore oo gaarayay 56-Milyan oo Dollar ayuu sheegay inay ka heleen oo keliya 3.5-Milyan Dollar, taasoo uu sheegay inaysan waxba ka tari karin dhibaatada dhaqaale ee Soomaaliya ka jirta.
Ugu dambeyn madaxweyne Sheekh Shariif ayaa sheegay in kooxaha kasoo horjeeda ay diideen wadahadal, wuxuuna Xubnaha Jaamacadda Carabta ee uu la kulmay uu ku wargeliyay inay dowladdiisu ay diyaar u tahay wax walba oo loo go'aamiyo.
Xoghayaha guud ee Jaamacadda Carabta ayaa u sheegay Madaxweyne Sheekh Shariif in codsigiisan uu hordhigi doono kulanka uu horreeya ee ay yeelanayana dalalka Jaamacadda Carabta.
Talaado, July 20, 2010 (Wararka Dowladda ee Maanta): Burcadbdeed Soomaali ah ayaa maanta sii daayay Markab shidaalka qaada oo laga leeyahay dalka Norway, iyo doonni kalluumeysi oo watay calanka dalka Kenya, kuwaasoo muddo afar bilood ah ay gacant ku hayeen.
Markabka iyo doonidda ayaa lagu sii daayay Madaxdurasho lacageed oo aan cadad ahaan la sheegin, iyadoo shaqaalihii la socday labadan markab ee lasii daayay la sheegay inay caafimaad qabaan.
"War ku saabsan sii-daynta labadan markab waxaan helnay maanta oo Talaado ah, balse waxaa la sii daayay labadooda maalintii Isniinta ahayd" ayuu yiri Madaxa Hay'adda Xiriirka Badmaaxiinta Bariga Afrika Andrwe Mwangura oo saxaafadda la hadlay.
Doonida Kalluumeysi oo lagu magacaabo MV Sakoba oo bishii Maarso ee sannadkan laga soo afduubay meel ku dhow xeebaha dalka Kenya ayaa waxaa la socda 16-shaqaale ah oo u dhashay: Spain, Kenya, Poland, Senegal, Cape Verde iyo Namibia.
Markabka shidaalka qaada oo isna lagu magacaabo UBT Ocean oo ay la socdaan 21 shaqaale ah kuwaasoo aan la sheegin dalalka ay u kala dhasheen ayaa laga soo afduubay meel ku dhow Jasiiradda Seychelles, iyagoo u jihaystay markii lasii daayay dalka Norway.
Madaxda dalalka Midowga Afrika oo maanta uu shir uga furmayo Magaalada Kampala ee dalka Uganda kasoo lagu soo qaadayo Soomaaliya
Isniin, July 19, 2010 (Wararka Dowladda ee Maanta): Shirka Madaxda dalalka Afrika ayaa maanta ka furmaya Magaalada Kampala ee dalka Uganda, waxaan shirkaas qodobbada looga hadli doono ka mid ah arrimaha dalka Soomaaliya iyo Qaraxydii ka dhacay Kampala.
Shirka oo soo maray laba maalmood oo gogol-xaar ah ayaa waxay Madaxda 53-ka dal ee Afrika ay ka kooban tahay kaga doodi doodi doodi doonaan shirkaan qodobo xasaasi ah oo ay ka mid tahay sidii ammaanka Soomaaliya loo soo celin lahaa, sidoo kalena loo xoojin lahaa ciidamada AMISOM ee ku sugan Muqdisho.
Wasiirrada Arrimaha dibadda ee dalalka Afrika oo dajiyay ajandayaasha shirka ayaa waxay sheegeen in shirkan oo ah kii 15-aad ee Midowga Afrika looga doodi doono sidii 20,000-askari oo dheeraad ah loo geyn lahaa Soomaaliya, ciidamada AMISOM howlgalkoodana loogu badali lahaa mid Nabad dhalin ah.
Ammaanka goobta uu shirku ka dhacayo ayaa waxaa sugaya ciidamo fara badan iyadoo la baarayo qof walba oo ku dhawaada goobta uu shirku ka dhacayo, maadamaa todobaadkii hore ay qaraxyo khasaare badan geystay ay ka dhaceen Magaalada Kampala.
Kulanka ayaa waxaa sidoo kale loo hadli doonaa sidii dib u dhis loogu sameyn lahaa dalalka Afrika ee burbursan iyo sidii wax-soo-saarka qaaradda uu u noqon lahaa mid ka sarreeya sida uu hadda yahay.
Madaxweynaha Soomaaliya Sheekh Shariif Sheekh Axmed oo la kulmay Madaxweynaha dalka Masar Maxamed Xusni Mubaarak
Isniin, July 19, 2010 (Wararka Dowladda ee Maanta): Madaxweynaha Soomaaliya Sheekh Shariif Sheekh Axmed oo booqasho saddex maalmood ah ku joogay dalka Masar ayaa shalay gallinkii dambe kulan la qaatay Madaxweynaha dalka Masar Max'ed Xusni Mubaarak.
Kulanka labada madaxweyne oo ay goobjoog ka ahaayeen Wasiirrada Arrimaha Dibadda, waxayna uga hadleen xaaladda dalka Soomaaliya uu ku sugan yahay, iyadoo Madaxweyne Sheekh Shariif uu ka codsaday Madaxweynaha Masar inuu gacan ka geysto sidii Soomaaliya nabad loogu soo dabbaali lahaa.
Sidoo kale, shirka labada Madaxweyne waxaa goobjoog ka ahaa Xoghayaha Guud ee Ururka Jaamacadda Carabta Caamir Muusaa, iyadoo Sheekh Shariif uu ka codsaday Jaamacadda Carabta iyo Midowga Afrika in xil weyn la iska saaro soo celinta nabadda Soomaaliya.
"Madaxweyne Sheekh Shariif wuxuu ka codsaday hoggaamiyaha Masar iyo Muusaa inay dhexda u xirtaa sidii ay gacan uga geysan lahaayeen dib u soo celinta nabaddii Soomaaliya, dalkana looga saari lahaa xoogagga hubeysan ee ka horjeeda Dowladda" ayaa lagu yiri war kasoo baxay Xafiiska Madaxweynaha Soomaaliya ee Muqdisho.
Wadfiga Madaxweynaha Soomaaliya ayaa saakay ka dhoofay Magaalada Qaahira ee xarunta dalka Masar, iyadoo wararku ay sheegayaan inuu kusii jeedo Magaalada Roma ee xarunta Dalka Talyaaniga oo uu kulan kula qaadnayo Madaxda dalkaas.
\Sheekh Shariif oo maanta kulan la qaadanaya Camr Musa
Axad, July 18, 2010 (Wararka Dowladda ee Maanta):Madaxweynaha dowladda KMG Soomaaliya Sheekh Shariif Sheekh Axmed oo booqasho ku jooga magaalada Qaahira dalka Masar ayaa maanta kulan albaabada u xiranyihiin la qaadan doona xoghayaha guud ee Jaamacadda carabta Camir Musa.
Labada mas’uul ayaa kawada hadli doona xaaladda ay Soomaaliya hadda ku jirto iyo sida looga gudbi karo, iyadoo Sheekh Shariif uu ku dadaalayo sidii indhaha dalalka carabta uu ugu soo jeedin lahaa Soomaaliya.
Jaamacadda carabta ayaa mudooyinkii ugu dambeeyay ka gaabsatay wax ka qabashada xaaladda soomaaliya.
Kulanka labada mas’uul kadib ayaa la rajeynayaa in jamacada carabta ay balan qaadyo siiso dowladda KMG Soomaaliya.
Ciidamada Dowladda Soomaaliya oo maanta ku sameeyay baaritaanno qaar ka mid ah gaadiidka dadweynaha ee Muqdisho
Axad, July 18, 2010 (Wararka Dowladda ee Maanta): Ciidamada Dowladda Soomaaliya ayaa baaritaanno ay maanta ka sameeyeen qaybo ka tirsan Magaalada Muqdisho waxay kusoo qabteen laba qof oo watay rasaas iyo maandooriyeyaal, sida ay sheegeen saraakiisha ciidanka Booliiska.
Afhayeenka Ciidanka Booliiska Gobolka Banaadir G/dhexe: C/llaahi Xasan Bariise iyo Taliyaha Ciidanka Booliiska ee Gobolka Banaadir G/sare: Axmed Xasan Maalin ayaa waxay labaduba shir jaraa'id oo ay qabteen ku sheegeen in howlgalladan ay yihiin kuwo lagu sugayo ammaanka.
Ciidamo ka tirsan Booliiska ayaa waxay baaritaanno ku sameynayeen rakaabka la socda gaadiidka marayay Isgoyska Dabka, Isgoyska Sayidka iyo Isgoyska Ceelgaab oo dhamaantood ku yaalla goobaha ay Dowladdu ka taliso. "Baaritaannadan waa kuwo aan ku doonayno inaan ku sugno ammaanka goobaha ay Dowladdu maamusho, waana amar kasoo baxay Maamulka Gobolka Banaadir" ayuu yiri Taliyaha Ciidamada Booliiska Gobolka Col. Axmed Xasan Maalin.
Baaritaanadan oo lagu sameyay rabaabka gaadiidka BL-ka ah la socday ayaa lagu soo beegay, kaddib markii Guddoomiyaha Gobolka Banaadir Xildhibaan Tarzan uu sheegay inay sugayaan ammaanka degmooyinka ay ka taliyaan.
Saldhigga Booliiska ee degmada Waaberi ayaa lagu xiray labadii qof ee lagu qabtay rasaasta iyo waxyaabaha maanka dooriya, iyadoo saraakiisha Booliisku ay shegeen in Maxkamad la horgeyn doono labadan qof.
Mas'uuliyiinta Qarammada Midoobay oo walaac ka muujisay in xilligan ay Soomaaliya u diraan ciidam ka socda Qarammada Midoobay
Axad, July 18, 2010 (Wararka Dowladda ee Maanta): Masuuliyiinta Qarammada Midoobay oo ka jawaabayay codsi ay Madaxda Afrika u direen oo ahaa inay Qarammada Midoobay u dirto Soomaaliya ciidamo hoostaga Qarammada Midoobay ayaa sheegay inay taasi ku adag tahay xilligan.
Wakaaladda Wararka Shiinaha ee (Xinhua) oo soo xiganaysa saraakiil ka tirsan Qarammada Midoobay ayaa daabacday in xilligan aysan Qarammada Midoobay u diyaarsanayn inay ciidamo u dirto Soomaaliya, iyadoo saraakishu ay ku tilmaameen in Soomaaliya ay ka jirto khatar aan loo baabacdhigi karin.
Saraakiishan waxay sheegeen in Ciidamada AMISOM ee taageera Dowladda awood ahaan liitada ee Soomaaliya ay dhici karto in loo kordhiyo waqtiga, maadama ay dagaal adag kula jiraan kooxo hubeysan oo Islaamiyiin ah.
Ma'suuliyiinta u hadlay Qarammada Midoobay ayaa waxay u sheegeen AFP in dalka Soomaaliya uu gabi ahaan gacanta ugu jirto Xarrakatul Shabaabul Mujaahidiin oo gacansaar la leh Ururka Al-Qaacida, taasna ay qayb ka tahay sababaha aan ciidan ka socda Qarammada Midoobay loogu diri karin Soomaaliya.
Ciidamada AMISOM ayaa waxay ku joogaan xilli ay u qabteen Qarammada Midoobay iyadoo Madaxda Afrika ay dhowr jeer ku celceliyeen in lagu badalo kuwo ka socda Ummadaha Midoobay, iyadoo Madaxda UN-ku ay horay u diideen inay ciidamo u diraan Soomaaliya.
Dalka Soomaaliya oo aysan ka jirin dowlad 20-sano ku dhawaad ayaa waxaa ka socda dagaal u dhexeeya Xarrakatul Shabaab iyo Xisbul Islaam oo isku dhinac ah iyo Dowladda uu horkacayo Sheekh Shariif, taasoo aan awood u lahayn inay ka adkaato.
Madaxweyne Shariif “qaraxyadii Kampala ma saamayn doonaan hawlgalka AMISOM
Sabti, July 17, 2010 (Wararka Dowladda ee Maanta): Madaxweynaha dawladda Soomaaliya Shariif Sheekh Axmed oo maanta wariyayaasha kula hadlayay xarunta madaxtooyada ee Villa Soomaaliya ayaa ugu horeyn canbaareeyay qaraxyadii habeenimadii axada lagu qaaday magaalada Kampala ee dalka Ugandha oo ay ku dhinteen dad ka badan 76 qof isagoo tilmaamay inay ahaayeen qaraxyadaasi kuwo ka soo horjeeday danaha umadda Soomaaliyeed
Madaxweyne Shariif ayaa sheegay inaanay qaraxyadaasi waxba u dhimi doonin hawgalka ciidamada AMISOM ee Soomaalia isagoo tilmaamay in ciidamada AMISOM ay ka shaqaynayaan danta qaranka Soomaaliyeed isla markaana aan lagu bartilmaameedsan Karin qaladaad ay sameeyaan oo uu sheegay inay ciidan yihiin hadii ciidan hawgal sameeyana qalad uu ka iman karo.
Madaxweyne Shariif ayaa dhinaca kale ku dhaliilay beesha caalamka in sidii la rabay aanay gacan uga gaysan in soomaaliya loo helo dawlad shaqaysa isagoo ka codsaday in Soomaalida wax lala qabto
Dib u habeyn lagu sameynayo ciidamada dowladda ee ku sugan magaalada Muqdisho
Sabti, July 17, 2010 (Wararka Dowladda ee Maanta): Gudoomiyaha cusub ee gobolka Banaadir Maxa’uud Axmed Nuur {Tarsan} ayaa sheegay in ay wadaan qorshe ay dib u habeyn ugu sameynayaan ciidamada dowladda KMG soomaaliya ee sida is bar bar yaaca ah u wareega wadooyinka degmooyinka ay maamusho dowladda KMG Soomaaliya.
Gudoomiyaha ayaa dhinaca kale sheegay in ay ku howlanyihiin dib usoo celinta bilicda magaalada gaar ahaan degmooyinka gacanta ugu jira dowladda KMG Soomaaliya, iyagoo maantaba howlo nadaafadeed ka bilaabay degmada Xamar weyne.
Dhinaca kale maamulka cusub ee gobolka Banaadira ayaa maanta kulan la qaatay odeyaasha dhaqanka iyo midnimada beelaha Hawiye gaar ahaan gudoomiyaha golahaasi maxa’ed Xasan Xaad iyo af hayeenka Axmed Diiriye Cali, iyagoo ka wada hadlay arimaha amaanka iyo nadaafadda gobolka Banaadir.
Tan iyo markii la magacaabay gudoomiyaha cusub ee gobolka Banaadir Maxa’uud Axmed Nuur {Tarsan} ayaa waxa u waday dar dar cusub oo uu ku muujinayo wax qabadkiisa.
Ra'iisul wasaaraha Soomaaliya oo Magacaabay Guddoomiyaha Bankiga dhexe ee Soomaaliya iyo Guddi Wasiirro ah oo ka shaqeynaya ammaanka dalka
Jimco, July 16, 2010 (Wararka Dowladda ee Maanta): Ra'iisul Wasaaraha Soomaaliya Cumar C/rashiid Cali Sharma'arke ayaa shalay u magacaabay C/llaahi Xaaji Jaamca Cali guddoomiyaha cusub ee Bankiga dhexe ee dalka , waxaa sidoo kale la magacaabay guddi ka shaqeeya sidii lagu soo celin lahaa ammaanka dalka.
Magacaabidda Guddoomiyaha Bankiga dhexe iyo Guddigan cusub ayaa timid kaddib markii uu Ra'iisul wasaare Sharma'arke kulan la qaatay golihiisa cusub ee Wasiirrada kaasoo noqonaya kulankii ugu horreeyay oo uu la yeesho tan iyo sidii loo dhisay.
"Guddiga Ammaanka ee la magacaabay waxay ka shaqeyn doonaan sidii loo sugi lahaa ammaanka guud ee dalka iyo dib u habeynta ciidamada Ammaanka iyo kuwa Milateriga, waxaana ka mid ah: Wasiirka Gaashaandhigga, Wasiirka Gudaha, kan Warfaafinta iyo Wasiirka Beeraha" ayuu yiri Afhayeenka Xukuumadda Walaayo oo la hadlay saxaafadda markii uu kulanku dhammaaday.
Afhayeenku wuxuu sheegay in guddigan uu guddoomiye u yahah Wasiira Dekedaha iyo Gaadiidka Badda ahna Ra'iisul wasaare ku xigeen Sheekh Aadan Maxamed Nuur (Sheekh Aadan Madoobe). isla markaana ay qorshahooda kusoo bandhig doonaan kulanka Wasiirrada ee todobaadka soo socda.
Shirkii Golaha Wasiirrada ee shalay ka dhacay xaruntooda Muqdisho ayaa lagu ansixiyay Magacaabidda Guddoomiyaha Bankiga Dhexe C/llaahi Xaaji Jaamac Cali.
Afhayenka Xukuumadd C/qaadir Walaayo oo la weydiiyay in kulanka looga hadlay go'aankii IGAD ay ku gaartay in ciidamo dheeraad ah lagu keeno Muqdisho ayuu sheegay inaan looga hadlin, balse taas ay tahay mid ayidaad u baahan oo keliya.
Wasiirka Warfaafinta Soomaaliya oo sheegay in Dowladdu ay dhawaan qaadayso tallaabooyin ay dalka oo dhan ku qabsanayso
Jimco, July 16, 2010 (wararka Dowladda ee Maanta): Wasiirka Warfaafinta Soomaaliya C/raxmaan Cumar Cismaan (Eng. Yariisow) oo saxaafadda la hadlay ayaa sheegay in dowladdu ay dhawaan qaadayso guluf colaadeed oo ay dalka oo dhan ku qabsanayso.
Eng. Yariisow wuxuu sheegay in Dowladdu ay ku guuleysatay inay is-waafajiso ciidankii TFG iyo kuwii Maxkamadaha ee ku midoobay dowladdan, isagoo sheegay inay sidoo kale ciidamo ka tirsan kuwa Ahlusunna ee Muqdisho ku sugan ay kala dhexeyso wadashaqeyn.
"Dowladda waxaa u qorsheysan inay dhawaan qaaddo dagaal ay ku qabsanayso dalka oo dhan" ayuu yiri Wasiirka Wafaafinta Soomaaliya C/raxmaan Yariisow oo ka mid ah guddi dhinaca ammaanka ah uu Ra'iisul wasaare Sharma'arke magacaabay shalay gallinkii dambe.
Wasiirka ayaa dhanka kale sheegay inay jirto dhaqaale darre haysata Dowladda Soomaaliya taasoo uu sheegay inay sababtay in la awoodi waayo in qaar ka mid ah heshiiskii lala galay Ahlusunna la fuliyo.
"Heshiiskii ay Dowladdu la gashay Ahlusunna qaar ka mid ah waa la fuliyay, sidoo kale waxaa dhiman qaar kale oo la doonayo in sida ugu dhaqsiyaha badan lagu fuliyo" ayuu yiri Wasiirka Warfaafinta Soomaaliya oo ka hadlay heshiiskii ay wada galeen Dowladda iyo Ahlusunna.
Culumaa'uddiinka Ahlusunna Waljamaaca ayaa dhawaan gaashaanka ku dhuftay in la meelmariyay heshiiskii ay la galeen Dowladda Soomaaliya, iyadoo Madaxweynuhu uu isaguna dhankiisa sheegay xilligaas inay heshiiskaas u fuliyeen siduu ahaa.
Khamiis, July 15, 2010 (Wararka Dowladda ee Maanta) - Madaxweynaha dalka Yugaandha Yuweri Museveni oo xalay shir jaraa'id ku qabtay Magaalada Kampala ee xarunta dalkiisa ayaa kaga hadlay qaraxyadii khasaaraha badan dhaliyay ee ka dhacay Caasimadda dalkaas.
Madaxweyne Museveni wuxuu sheegay inay weli ka helayaan fariimo hanjabaad ah Xarrakatul Shabaab, isagoo carrabka ku dhuftay inay Muqdisho ka bilaabi doonaan dagaal ka dhan xoojin Xarrakada si ay meesha uga saaraana.
"Waxaan ka helaynaa fariimo cusub oo hanjahaad ah Xarrakatul Shabaab, waxaan adkeynay amaanka goobaha ay ciidamadeenna kaga sugan yihiin Muqdisho, sidoo kale waxaan adkeynay amaanka guud ee dalka" ayu yiri Museveni.
Madaxweynuhu wuxuu sheegay in Qaraxyadii ka dhacay Magaalada Kampala ay ku dhinteen 74-qof, dad kale oo badana ay yaallaan Isbitaallada, isagoo sheegay in loo qabqabtay qaraxyadaas dad badan oo shisheeye ah ayna baaritaanno ku socdaan.
Suxufiyiin badan ayaa ka qaybgalay shirka Jaraa'id ee uu qabtay kaasoo uu markii ugu horreysay kala hadlayay Qaraxyada dalkiisa ka dhacay, waxaana su'aalo badan oo la weydiiyay uu kaga jawaabayay si caro leh.
"Ciidamadeenna ku sugan Muqdisho kama soo saarayno, waxay xoojinayaan dagaalka ay kula jiraan Xarrakatul Shabaab si ay meesha uga saaraan, kuma fikirayno inaan ciidamadeenna kala soo baxno Soomaaliya" ayuu yiri Museveni.
Madaxweynaha Uganda wuxuu ka codsaday dalalka IGAD inay dadajiyaan ciidankii ay dhawaan ballanqaadeen inay geeyaan Soomaaliya si ay u ciribtiraan Xarrakatul Shabaab oo uu sheegay inay mas'uul ka yihiin qaraxyadii Kampala.
Xildhibaannada Baarlamaanka oo maanta xukuumadda weydiistay inay Baarlamaanka hortimaaddo si ay kalsooni u weydiisato
Arbaco, July 14, 2010 (Wararka Dowladda ee Maanta): Xildhibaannada Baarlamaanka Soomaaliya ayaa maanta ka dalbaday Xukuumadda inay muddo 10-maalmood gudahood ah ku hortimaaddo Baarlamaanka si ay codka kalsoonida u weydiisato.
Qoraal kasoo baxay kulan ay mudanayaashu ku yeesheen xaruntooda Muqdisho maanta oo Arbaco ah ayay u direen Xukuumadda, waxaana xildhibaanno si kooban uga hadlay go'aankan ay sheegeen inuu yahay mid lagula xisaabtamo Dowladda Soomaaliya.
Xildhibaan Saleebaan Maxamed Ibraahim oo ka hadlay qoraalka ay xukuumadda u direen ayaa sheegay inay kaga dalbadeen inay hortimaaddo baarlamaanka si ay u weydiisato Kalsoonida, isla markaana loola xisaatamo Wasaaradaha Dowladda.
Dhanka kale, kulanka ay Xildhibaannadu yeesheen ayay kaga doodeen xeerar hoosaadyada Baarlamaanka, waxaana mudanayaashu ay doodoodu ku aadanayn qodobbada 7-aad ilaa 10-aad iyadoo la meel mariyay saddex qodob, halka qodobka 8-aad la codsaday in lagu soo daro farqooyin ka dhiman.
Shirka Baarlamaanka ee maanta oo ay ka qaybgaleen 250-xildhibaan ayaa waxaa shir-guddoomiye ka ahaa C/weli Ibraahim Sheekh Muuddeey oo soo xiray kulanka kaddib doodo aad ay xildhibaannadu ka yeesheen Axdiga Baarlamaanka.
Mudanayaasha ayaa waxay todobaadkan doodo adag ka yeesheen xeerarka hoose ee Baarlamaanka waxaana ay marayaan qodobka 10-aad iyagoo horay u go'aamiyay inay qodob-qodob u ansixiyaan 46-qodob ee xeer hoosaadka Baarlamaanka.
Wasiirka Warfaafinta Soomaaliya oo maanta kulan la yeeshay Suxufiyiinta ka howgala Magaalada Muqdisho
Arbaco, July 14, 2010 (Wararka Dowladda ee Maanta): Wasiirka Wasaaradda Wafaafinta Soomaaliya C/raxmaan Cumar Cismaan (Eng. Yariisow) oo dhawaan xilkan la wareegay ayaa maanta kulan la qaatay suxufiyiinta ka howlgala Magaalada Muqdisho isagoo kala hadlay xaaladaha ay ku shaqeeyaan.
Wasiirka ayaa u ballanqaaday Suxufiyiinta inay howlahooda u gudan doonaan si xor ah oo waafaqsan sharciyada caalamiga ah iyo kuwa dalka u dagsan, isla markaana aysan dhinaca dowladda kaga imaanayn wax dhibaato ah.
Eng. Yariisow oo shir jaraa'id qabtay kaddib kulanka ayaa sheegay in dhankiisa uu ballanqaadayo inaanay suxufiyiintu dhinaca Dowladda kaga imaanayn wax dhib ah inta ay ku gudo jiraan howl-maalmeedyadooda warbaahineed.
"Dowlad ahaan waxaan ballanqaadaynaa in suxufiyiinta ka howgala goobaha aan gacanta ku hayno ay ku shaqeeyaan si xor ah" ayuu yiri Wasiirka Wafaafinta oo sheegay inay sidoo kale u fidin doonaan tababarro la xiriira howlahooda shaqo.
Kulanka ayaa waxaa ka qaybgalay qaar ka mid ah Madaxda Idaacadaha, Webpage-yada, Joornaallada iyo Telefishinnada ka howlgala Muqdisho, iyadoo kulankan uu noqonayo kii ugu horreeyay oo dhexmara wasiirka cusub iyo suxufiyiinta ka howlgala Muqdisho.
Dowladda Burundi oo sheegtay inaysan ciidamadeeda kala baxayn Soomaaliya ayna ka feejigan tahay Qaraxyo loo geysto
Talaado, July 13, 2010 (Wararka Dowladda ee maanta) Sarkaal u hadlay ciidamada dalka Burundi ayaa sheegay inaysan ciidamadooda kala baxayn dalka Soomaaliya, isagoo sheegay inay heegan buuxa geliyeen ciidamadooda si looga digtoonaado in qaraxyadii ka dhacay Kampala oo keliya laga fuliyo dalkooda.
Afhayeenka Ciidamada Burundi Col. Gaspard Baratuza oo saxaafadda dalkiisa la hadlay ayaa sheegay in howlgallada ay ciidamadooda ka wadaan Soomaaliya ay sii soconayaan, wuxuuna gaashaanka ku dhuftay hanjabaadii kaga timid Xarrakatul Shabaab.
"Waxaan qaadannay go'aan aan ku adkeynayno ammaanka guud ee dalka, si aan uga hortagno qaraxyo kusoo wajahan dalkeenna, ammaan goob walba aad ayaan u adkeynay, waxaana maalinta walba xoogga saaraynaa inaan ammaanka adkeyno" ayuu yiri Col. Gaspard Baratuza.
Hadalka sarkaalkan ayaa imaanaya iyadoo Xarrakaktul Shabaab oo mas'uuliyadda qaraxyadii ka dhacay habeen hore Magaalada Kampala ay ugu baaqday Burundi inay ciidamadooda kala baxdo Soomaaliya haddii kale ay qaraxyo la beegsan doonaan.
Dalka Burundi ayaa waxaa Soomaaliya ka joogo ciidamo Nabad ilaalin ah, kuwaasoo wata magaca AMISOM, waxaana ay ka mid yihiin 6,100-askari oo Midowga Afrika ka socda kuna sugan Muqdisho, kuwaasoo gacan siiya Dowladda Soomaaliya.
"Waxaan baaraynaa dadka oo dhan, waxaan si xooggan u ilaalinaynaa dadka soo galaya dalkeenna, taasina waa howsha booliiska, cid walba oo aan ka shakinno waan qabanaynaa, waana baaraynaa" ayuu yiri Col. Baratuza.
Dhanka kale saraakiisha ciidamada dalka Uganda ayaa iyaguna sheegay inaysan kala baxayn ciidamadooda Soomaaliya, balse ay xoojin doonaan, iyadoo ciidamada AMISOM ee ku sugan Muqdisho ay dagaal kula jiraan xoogagga hubeysan.
AFHAYEENKA AL-SHABAAB: "Qaraxyadii ka dhacay Kampala waxaan ugu aargudaynay shacabka Soomaaliyeed ee Mudisho lagu xasuuqayo"
Talaado, July 13, 2010 (Wararka Dowladda ee maanta) - Xarrakatul Shabaabul Mujaahidiin ayaa sheegatay mas'uuliyadda Qaraxyadii habeen hore ka dhacay Magaalada Kampala ee ay dadka badan ku dhinteen, iyagoo ku tilmamaya mid ay ugu aargudayeen Soomaali ay ciidamada AMISOM u geysteen xasuuq.
Afhayeenka Xarrakada Sheekh Cali Maxamuud Raage (Sheekh Cali Dheere) oo shir jaraa'id ku qabtay Muqdisho gallinkii dambe ee shalay ayaa sheegay inay ahaayeen qaraxyadaas kuwo ay horay uga digeen shacabka Uganda inay la kulmi karaan, haddii ay ciidamadooda joojin waayaan xasuuqa ay ku hayaan Shacabka Soomaaliyeed.
Monday, July 12, 2010 (Somaligov News): The Government of Somalia has been fighting with Al-qadea operatives with tiny technical and military support but now we are all suffering from what Al-shabab did, and they will properly do it again and again. The World must stadn up to root out Al-Qadea operatives in the Horn of African wherever they are living in or hiding because we do not take precautions now then they will attack us.
Addis Ababa, July 12, 2010 (Addis Ababa) - The Ethiopian government condemned the terrorist attack occurred on Sunday in Kampala, Uganda, the Ministry of Foreign Affairs said.
Addis Ababa, July 12, 2010 (Addis Ababa) - Foreign Affairs Minister Seyoum Mesfin said Ethiopia and Senegal have the opportunity to work closely in many sectors.
Axad, July 11, 2010 (Wararka Maanta ee Dowladda) Wasiirka Arrimaha Dibadda Moses Wantangula waxuu sheegayaa inay Soomaaliya joogaa shisheeye mintidiin ah halka uu ka qarinayo dhicii dhul baddeedka Soomaaliyeed ay isku dayeen inay kula wareegaan badda Soomaaliya ee Illaahay qani ka dhigay.
Axad, July 11, 2010 (Wararka Maanta ee Dowladda) Dowladda Soomaaliya waxay maanta sheegaysaa inay waxba ka qabin inay Ethiopia kamid noqoto ciidamada Ethiopia balse shacabweynaha Soomaaliyeed ma ogola inay Ethiopia ku soo laabato dhulka Soomaaliya.
Ahlusuna waljameeca oo ku eedeyay Itoobiya in ay xasuuq ka geysatay tuulada Ceel dibir.
Axad, July 11, 2010 (Wararka Maanta ee Dowladda) Culumaa’udiinka Ahlusunna waljameeca ayaa maanta si kulul u canbareeyay xasuuq ciidamo itoobiyan ah ay ka geeysteen tuulo ka tirsan gobolka war dheer oo lagu magacabo Ceel dibir taaso ciidamo Itoobiyaan ah ay ku dileen ilaa in ka badan 15 ruux oo ka tirsanaa wax garad, odeyaal iyo dhalin yaro ku dhaqnaa degmada Ceel dibir.
Sheekh Bashiir Cabdi Colaad oo ah xog hayaha arimaha dibada ee culumaa’udiinka Ahlusuna waljameeca oo u waramayay idaacada Hornafrik ayaa sheegay in dadka la laayay ay ahaayen taagerayaasha Ahlusuna waljameeca ciidamada Itoobiyanka ee xasuuqaasi geestayna ay kala hadleen dowladda KMG ee soomaaliya iyo dowladda Itoobiya ilaa imikana aysan muuqan wax laga qabtay.
Waa markii ugu horaysay ee culumaa’udiinka Ahlusuna waljameeca ay u jeediyaan ciidamada dowladda Itoobiya cambaareyn ku saabsan in ay xasuuq u geeysteen dad soomaaliyeed oo aan waxba galabsan.
Xasuuqa ay u geysteen ciidamada Itoobiya qaar ka mid ah shacabka soomaaliyeed ee ku dhaqan gobolka War dheer ayaa kusoo beegmeysa xili si weyn loo hadal hayo in soomaaliya ay imaanayan ciidamo ka socda dowladda Itoobiya kuwaasi oo qeyb ka noqon doono ciidamada midowga Afrika ee jooga Soomaaliya
Dil qisaasa oo maanta lagu fuliyay magaalada Gaalkacyo
Axad, July 11, 2010 (Wararka Maanta ee Dowladda) Maamulka magaalada Gaalkacyo dhineceeda waqooyi ayaa maanta dil qisaasa ku fuliyay nin lagu magacaabo C/laahi Daahir Raage oo todobadyo kahor magaaladasi ku dilay marxuum Ciise Maxa’uud Siciid.
Goobta dilka qisaasta ah lagu fuliyay ayaa waxaa goob joog ka ahaa odeyaasha labada dhinac ee wax kala qisasanayay iyo mas’uuliyiinta gobolka Mudug ee maamulka Puntland oo uu kamid yahay Axmed Salaad Faarax oo gudoomiyaha gobolka Mudug.
Dadka magaalada Gaalkacyo ayaa si weyn usoo dhoweeyay dilkaasi qisaasta ah ee maanta ka dhacay Gaalkacyo.
Xafiiska Madaxtooyada Soomaaliya Friday, July 09, 2010
Muqdisho, Somalia, July 9, 2010 (Wararka Dowladda ee Maanta): Madaxweynaha Soomaaliya, Mudane Sheekh Sharif Sheekh Axmed ayaa maanta Madaxtooyada Soomaaliya ka furay masaajid weyn oo jaamac ah, masjidkaas oo loo bixiyeyMasjidu Shuhadaa, masjidkaan waxaa uu hroay Madaxweynuhu u dhagax dhigay 13-kii bishii Febraayo ee sanadkaan.
Masjidka oo ilaa afar boqol oo qof ay markiiba ku tukan karto, waxaa loogu magac daray shuhadadii u dhintay difaaca diinta, dadka iyo dalka oo ay ka mid ahaayeen Cumar Xaashi Aaden, Ibraahim Caddow, Qamar Aden, Axmed cabdullahi (Waayeel), Saleebaan Colaad, iyo boqolaalka kale ee sida xaqdarada ah loo diley.
Masjidu Shuhadaa waxa uu noqon doonaa masaajid duruus cilmi ah ay ka baxdo, salaadahana lagu oogo.
Shariif Xasan Sheekh Aadan oo ku socday dalka Kenya ayaa waxaa la sheegay inuu kula kulmi doono Magaalada Nairobi xubno ka socda beesha calaamka iyo dalalka IGAD, isagoo kala hadli doonaa xalaadda uu dalka ku sugan yahay.
Waaa baaqday kulan uu maanta yeelan lahaa Baarlamaanka Soomaaliya, iyadoo aan la sheegin xilliga uu qabsoomayo, waana safarkii labaad oo uu dalka kaga ambabaxo Guddoomiyaha Baarlamaanka oo xilkan haya muddo bil ka yar.
Madaxweyne Sheekh Shariif iyo wafdigiisa ayaa waxay iyaguna kasoo laabteen dalka Itoobiya oo ay kasoo qaybgaleen shirkii aan caadiga ahayn ee dalalka IGAD ay ku yeesheen Addis Ababa, kaasoo lagu go'aamiyay in ciidamo dheeraad ah la geeyo Soomaaliya.
Guddoomiyaha Baarlamaanka iyo Madaxweynaha Soomaaliya oo isku badalay hal diyaarad ayaa waxaa labadaba ilaalo ka hayay ciidamada AMISOM ee Magaalada Muqdisho ku sugan, kuwaasoo Madaxweynaha geeyay Madaxtooyada
Khamiis, July 08, 2010 (Wararka Dowladda ee Maanta): Wasiirka Difaaca Soomaaliya Abuurka Cabdi Cismaan (Mardaadi) oo saxaafadda kula hadlay Muqdisho ayaa sheegay inuu wado qorshe cusub oo lagu badalayo dagaallada ay Dowladda Soomaaliya kula jirto xoogagga hubeysan ee kasoo horjeeda.
Wasiirka ayaa sheegay in qorshahan uu yahay mid lagu yareynayo khasaaraha kasoo gaaraya dadka shacabka ah dagaallada Magaalada Muqdisho ku dhexmara Dowladda Soomaaliya oo kaashanaya AMISOM iyo Xoogagga hubeysan.
"Si aan u yareyno dadka ku dhimanaya dagaallada Muqdisho ka dhaca waxaan dajinay qorshe aan ku doonayno inaan xabbada iyo madaafiicda kusoo koobno goobaha ay dagaalladu ka dhacayaan si ay dad badan u badbaadaan" ayuu yiri Wasiirka, isagoo kuwo aan loo baahnayn ku tilmaamay duqeymaha loo geysanayo Muqdisho.
Wasiirku wuxuu sheegay in ciidamada AMISOM iyo kuwa Dowladda loo sameyn doono qorshe dagaal, isagoo xusay in dadka shacabka ah ay badbaadin doonaan sidii ay ku badbaadin karaan, wuxuuna shacabka oo la laayo ku tilmaamay mid aan wanaagsanayn.
"Soomaaliya waxay jirtay gurmeystayaashii ka hor, sida ay u burburay 20-kii sano ee lasoo dhaafayna ma jirto xilli ay u burburtay, waxaan yareynaynaa in la burburiyo dhismayaasha Magaalada" ayuu yiri Wasiirka Gaashaandhigga Dowladda Soomaaliya.
Hadalka Wasiirka ayaa imaanaya iyadoo dhawaan ay dagaallo culus oo u ciidamada Dowladda iyo kuwa AMISOM oo isku dhinac ka dagaalamaya iyo kuwa Xarrakatul Shabaab ay ka dhaceen Waqooyiga Magaalada Muqdisho, kuwaasoo sababay inay dhintaan dad badan oo shacab ah.
Mar la weydiiyay sida uu u arko ciidamada dowladda ee dhexmaraya Magaalada oo qaarkood dadka dhibaatooyin u geysta ayuu sheegay inaysan jirin ciidamo iska dhex socda Magaalada, balse ay ciidamada la arkayo ay yihiin kuwo howlagalo ku jira.
Wednesday, July 07, 2010 11:59:13 AM (Wararka Dowladda ee Maanta): Dowladda Soomaaliya marnaba ma caburiso saxaafadda xorta ah isla-markaasna waxay u sahashaa sidii ay wax ula qaban lahayd balse haddii been-abuur la joojin waayo waxay Dowladda Soomaaliya soo rogi doontaa sharciyo lagu soo bandhigi doono sida ay Dowladda rabto inay u shaqeeyaan suxufiyiinta ayadoo waliba la raacayo hannanka caalamiga ee saxaafadda. Dowladda Soomaaliya waxay xaq u leedahay inay xirto wariyihii been-abuur ka sameeya arrimo aan meesha ka jirin isla-markaasna Dowladda Soomaaliya waxay u sheegaysaa hay'adda CJP iyo Hay'addaha kale inay joojiyaan been-abuurka ay ku wadaan Dowladda Soomaaliya.
Talaado, July 06, 2010 (Somaligov News): Xildhibaan Caasho Cabdalla ayaa waxaa xaflad heer sare ah loogu qabtay magaalada Minneapolis, ee gobalka Minnesota meeshaasoo ay ka soo qaybgalaan dad badan oo matalaya qabaa'ilka Soomaaliyeed ee degan dalkan Maraykanka. Xildhibaan Caasho waa qof u dooda xuquuda dumarka isla-markaasna waxay jeceshahay inay Soomaaliya xoroowdo. Waxaa meesha kale oo joogay xildhibaan ka socday dowladda ku-meel-gaarka.
Shirkii Urur Goballeedka IGAD ee Addis Ababa oo laga soo saaray in 20 Kun oo Askari la geeyo Soomaaliya.
Talaado, July 06, 2010 (Somaligov News): Magaalada Addis Ababa ee dalka Itoobiya waxaa ku soo dhamaaday kulan hal maalin qaatay oo ay lahaayeen wadamada ku jirra Urur Goballleedka IGAD kaasoo looga hadllay xaalada dalka Soomaaliya iyo sidii gacan looga siin lahaa dhinaca Amaanka Dowladda uu Madaxweynaha ka yahay Shariif Shiikh Axmed.
War murtiyeed laga soo saaray shirka ayaa lagu sheegay in AMISOM iyo QM lagala shaqeeyo sidii dalka Soomaaliya loo geyn lahaa Ciidamo gaaraya ilaa 20 Kun oo Askari kuwaasoo sida lagu qoray War murtiyeedka gacan ka geysan doono howlaha Sugida Nabad-galyada iyo tababar la siiyo Ciidamada Dowladda Soomaaliya oo ah kuwo aan karti badan u laheyn gacansiinta Ciidamada Nabad-ilaalinta u jooga dalka Soomaaliya.
Ka hor inta aan la geyn gudaha dalka Soomaaliya Ciidamada gaaraya 20 Kun ayuu shirku isku raacay in si deg deg ah loogu biiriyo Ciidamada hadda jooga gudaha dalka Soomaaliya 2000 oo Askri si sare loogu qaado howlaha Nabad-ilaalinta iyo in la joojiyo weerarada ay qaadayaan kooxaha kacdoonka wada, taasoo haddii laga dhabeeyo ka dhigeysa tirada Nabad-ilaaliyayaasha ku sugan gudaha Soomaaliya ilaa 8,000 Askari.
Sidoo kale waxaan meesha laga saarin suurtagalimada in gudaha Soomaaliya galaan Ciidamo ka socda wadamada dariska oo ay ka mid tahay Dowladda Itoobiya sida uu ka dhawaajiyay Wasiirrka Arrimaha dibada Itoobiya Sium Masfin, laakiin waxaa arintaa beeniyay Wasirrka Arrimaha dibada Dowladda Soomaaliya Yuusuf Xassan Ibraahim (Dheeg) oo tilmaamay in Ciidamada la sheegayo ka iman doonaan dalal aan Xad la laheyn dalka Soomaaliya.
Madaxweynaha Dowladda Soomaaliya Shiikh Shariif Shiikh Axmed oo ka mid ahaa Mas'uuliyiintii ka hadashay shirka ayaa ku booriyay ka qeyb-galayaasha kulanka in dalka Soomaaliya laga bad baadiyo kooxo sida uu hadalka u dhigay Argagixiso oo xiriir toos ah la leh Urur weynaha Al-qacida, waxaana uu intaa ku darray Madaxweyne Shariif in Dowladdiisu taag iyo tabar midna u aheyn awood kooxaha ka soo horjeeda oo ah mid ku xiran Ajnabi sidaa daraadeed waxaa uu ka dalbaday ka qeyb-galyaasha kulanka in gacan la siiyo Dowladdiisa.
Madaxda Urur Goballeedka IGAD ee ka qeyb-gashay kulanka ayaa dhinacooda isku raacay in dagaallka ka socda gudaha dalka Soomaaliya aheyn mid sokeeya oo u dhaxeeya Soomaalida, balse uu yahay dagaal u dhaxeeya Soomaalida iyo kooxo Argagixiso ah oo iska soo baheystay Caalam-ka intiisa kale, waxaana ay sheegeen haddii aan laga hortagin dhaq dhaqaaqyada hadda ay wadaan kooxahaasi in ay saameyn la taaban karro ku yeelan doonaan wadamada Goballka oo idil.
Xog-hayayaasha Difaaca Wadamada ku jirra Urur Goballeed IGAD ayuu shirku ka dalbaday in go'aanka hadda la gaaray hor dhigaan kulanka uu yeelan doono Midowgga Africa, iyaga oo sharxaad ka bixinaya baahida dheeraadka ah ee loo qabo xiligan in la hello Ciidamo wax ka qabta Amaanka dalka dagaalladu la hareen ee Soomaaliya.
Dhinaca kale waxaa kulanka u soo dhamaday wadamada ku jirra Urur Goballeedka IGAD lagu soo qaaday arrimo la xiriira Bani'aadanimda iyo sidii loo taakuleyn lahaa dadka ku dhibaateysan gudaha dalka Soomaaliya, waxaana uu shirku ugu baaqay Hay'addaha Samafalka in gacan taageero loo fidiyo dadka Soomaaliyeed ee ka barakacay dagaallada socda.
Waxaa ka mid ah hogaamiyayaasha qeyb-galay kulanka marka laga soo tago R/iisal Wasaarraha Itoobiya oo marti loo ahaa, Madaxweyne Shariif Shiikh Axmed, Ismaaciil Cumar Geelle, Cumar Xassan Al-bashiir, Yuwari Musevi, iyo Madaxweynaha dalka Kenya Mwai Kibaki, kuwaa oo dhamaantood qalinka ku duugay War murtiyeedka ka soo baxay kulanka Urur Goballeedka IGAD.
Madaxweynaha Soomaaliya oo sheegay in Dowladda Soomaaliya ay qarka u saaran tahay inay xukunka kala wareegaan xoogaga hubeysan
Talaado, July 06, 2010 (Somaligov News): Madaxweynaha Soomaaliya Sheekh Shariif Sheekh Axmed oo ka qaybgalay shirkii IGAD ee labadii laamood ee lasoo dhaafay ka socday Magaalada Addis Ababa ee dalka Itoobiya ayaa hadal uu ka jeediyay ku sheegay in xukuumadda Soomaaliya ay qarka u saaran tahay in la afgambiyo.
Madaxweyne Sheekh Shariif ayaa sheegay in kooxaha dowladdiisa dagaalka kula jira ay xiriir la leeyihiin Al-Qaacida ayna ku hareeraysan yihiin Madaxtooyada, isagoo xusay inay doonayaan inay xukunka ka tuuraan Dowladda, isagoo ka dalbay IGAD iyo dalalka Caalamka inay gacan naga siiyaan dagaalka ay kula jiraan kooxahaas.
"Soomaaliya waxay khatar ugu jirtaa in kooxo argagaxiso ah oo xiriir la leh Al-Qaacida ay qabsadaan" ayuu yiri Madaxweyne Sheekh Shariif oo sheegay in khatartu ay tahay mid aan indhaha laga qarsan karin. Hadalka Madaxweyne Sheekh Shariif ayaa imaanaya iyadoo dowladdu ay dagaal kula jirto Xarrakatul Shabaabul Mujaahidiin oo ku dhow Madaxtooyada Somalia, iyadoo ay sheegeen saraakiishooda inay ka go'an tahay inay ridaan xukuumadda.
"Dowladda Soomaaliya waa mid aan awood u lahayn inay ka adkaato kooxaha hubeysan ee dagaalka kula jira oo xiriir la leh Al-Qaacida" ayuu yiri Sheekh Shariif oo intaas raaciyay inay lagama maarmaan tahay in la helo xoog ciidan oo difaaca Dowladda.
Shirka IGAD ee uu hadalka ka jeediyay Madaxweynaha Soomaaliya oo shalay lagu soo gabgabeeyay Addis Ababa ayaa waxaa fadhiyay Ra'iisul wasaaraha Itoobiya Meles Zenawi, Madaxweynaha Kenya Mwai Kibaki, Madaxweynaha Sudan Cumar Xasan Al-Bashiir, Madaxweynaha Jabuuti Ismaaciil Cumar Geelle iyo Madaxweynaha Uganda Yuweri Museveni.
Madaxda IGAD ayaa waxay isla markaan ballanqaadeen in ciidamo gaaraya 2,000-askari oo deg-deg ah loo diro Soomaaliya, kuwaasoo hoostagaya ciidanka AMISOM ee haatan ku sugan Magaalada Muqdisho.
AMISOM oo kaluumeysato Soomaaliyeed ku dilay xeebaha Muqdisho
Talaado, July 06, 2010 (Somaligov News): Hal qof ayaa ku geeriyooday laba kalena waa ay ka badbaaday kadib markii ay ciidamada AMISOM ee ku sugan magaalada Muqdisho ay rasaas huwiyeen dooni ay saarnaayeen sedex kaluumeysato Soomaaliyeed oo nolol maalmeedkooda kasoo dhacsanayay xeebaha Soomaaliya.
Marxuumka geeriyooday oo lagu magacaabo Yaxye maxa’ed Nuur ayaa isaga iyo laba asxaabtiisa ah waxa ay maalinimadii shalay aheyd u kaluumeysi tageen xeebaha Muqdisho kahor inta aysan rasaas ku asqeyn ciidamada AMISOM ee ku sugan dekedda caalamiga ah ee Muqdisho.
Mid kamida raggii ka badbaaday rasaastaasi ay ciidamada AMISOM ku fureen doomahooda ayaa Hornafrik u sheegay in ciidamadii rasaasta ku furay ay wateen doomaha dheereeya.
Ma ahan markii ugu horeysay oo ay ciidamada AMISOM rasaaseeyaan doomo ay wataan kaluumeysato Soomaaliyeed iyagoo dhow jeer oo hore ay dil u geysateen kaluumeysato ka jilaabaneysay xeebaha Muqdisho taasi oo cabsi ku abuurtay kaluumeysatada.
Dibad bax looga soo horjeedo AMISOM oo ka dhacay Muqdsho.
Isniin, July 05, 2010 (Wararka Dowladda ee Maanta): Banaanbax ay soo qabanqaabiyeen Xarakada Al-shabaab oo ay ka soo qayb galeen dadweyne farabadan iyo saraakiil ka tirsan xarakada ayaa maanta ka dhacay xeradii hore ee maslax ee duleedka xaafada suuqa xoolaha ee magaalada Muqdisho.
Sheekh Mukhtar Roobow Cali abuu mansuur oo ka mid ah saraakiisha Xarakada Shabaabul Mujaahidiin ayaa dibad baxayaasha ugu yeeray dagaal jihaada oo ka dhana ciidamada midowga afrika ee Muqdisho jooga oo uu sheegay in la soo gaaray xiligii laga saari lahaa magaalada Muqdisho.
Sheekh Roobow ayaa dhanka kale ku eedeeyay wasiiro ka tirsan dawladda KMG ah inay dawladda ku soo galeen iyagoo balan qaaday inay dalka keenayaan ciidamo Ethopiana hadana ay xubnahaasi joogaan magaalada Adis ababa iyagoo u ololaynaya in dalka dib loo keeno ciidamo Ethopiana, waxaase sheekhu uu wacad ku maray inay la dagaalami doonaan cid kasta oo ku soo xad gudubta.
Sheekh Roobow ayaa dhanka kale sheegay inay soo dhawaatay xiligii dawlad islaami ah wadanka laga dhisi lahaa si loo soo gabagabeeyo dhibaatada Soomaaliya.
Dibad baxayaasha qaar ayaa socod ku soo maray wadada dheer ee warshadaha iyagoo ku qaylinayay hanaga baxaan ciidamada AMISOM.
IGAD oo isku raacday inay dalalka safka hore soo fara galiyaan
Madaxweynaha dawladda KMG ah ee Soomaaliya Shariif Sheekh Axmed oo maanta ka hadlayay kulan degdega oo ay isugu
Isniin, July 05, 2010 (Wararka Dowladda ee Maanta): yimaadeen madaxda urur goboleedka IGAD kaasoo maanta ka dhacay magaalada Adis ababa ayaa sheegay inaanay dawladiisu u babac dhigi Karin weerarada uga imaanaya kooxaha ka horjeeda isagoo dalbaday in si degdega loogu soo gurmado.
Madaxweyne Shariif ayaa sheegay in awooda milatari ee dawladiisu aanay u taag heli Karin weerarada xooga leh ee ka imaanaya kooxaha diidan dawladiisa isagoo si gaara beesha caalamka uga codsaday in loo taageero.
War murtiyeed ka soo baxay shirka ayaa lagu go,aamiyay in ciidamo safka hore ah oo ay ku jiraan kuwa Ethopia iyo Kenya ay soo faragaliyaan Soomaaliya.
Ciidamo Ethopiana ayaa Somalia soo fara galiyay 2006dii iyadoo dagaalo badan kadib oo ay la galeen dhinacyo soomaali ah oo ka soo horjeeday ay ku dhinteen dad ka badan 7000 oo soomaali ah iyo dhawr kun oo askari oo Ethopiana taasoo aakhirkii keentay inay isaga baxaan wadanka waxaase muuqata iney mar kale soo faragalinayaan Soomaaliya taasoo dad badan oo soomaali ah ay aaminsanyihiin iney dhali doonto dagaalo lagu hoobto.
Cali Jangali oo ka Hadley deeq ay dawladda taliyanigu siisay dawladda KMG ah.
Isniin, July 05, 2010 (Wararka Dowladda ee Maanta): Wasiirkii hore ee arimaha dibadda hadana haya jagada wasiirka hidaha iyo tacliinta sare Cali Axmed Jaamac Jangali oo wariyayaasha maanta kula hadlayay xarunta wasaaradaasi ayaa faahfaahin ka bixyay deeq lacageed oo dawladda taliyanigu ugu talagashay in lagu dayac tiro qaar kamid ah wasaaradaha dawladda.
Mudane Jangali ayaa sheegay in loogu deeqay lacag gaaraysa nus malyuun dollar taasoo qayb ahaan lagu wareejiyay safaarada Soomaalida ee wadanka Taliyaaniga oo dib dhis lagu sameeyay isagoo dhanka kale sheegay in la bilaabayo dhismaha wasaarada arimaha dibadda mudo sedex biloodana la soo gabagabayn doono iyadoo ay wada dagi doonaan wasaaradaha arimaha dibadda iyo tan qorshaynta iyo iskaashiga caalamiga ah.
Hay’ada horumarinta qaramada midowbay ee UNDP ayaa horey dawladda uga caawisay dayactirka qaar kamida wasaaradaha dawladda KMG ah oo ay hada ku shaqayso.
Axad, July 04, 2010 (Wararka Dowladda ee Maanta): Madaxweyne Shiikh Shariif Shiikh Axmed iyo Wasiiro ayaa maanta u dhoofay Addis Ababa meeshaasoo kuu uga qaybgalayo shirka Urur Goballeedka IGAD ee ka dhacaya Addis Ababa. Madaxweynugu waxuu ka codsan doonaa IGAD in la siiyo ciidamo dheeraad ah kuwaasoo loo baahan yahay hadda si ay wax uga qabtaan amniga.
Axad, July 04, 2010 (Wararka Dowladda ee Maanta): Dowladda Soomaaliya waxay si cad u taageeraysaa Musharaxa Saadiq Xirsi Warfaa kaasoo u sharaxan Degmada 61A Koonfurta Magaalada Minneapolis, Minnesota meeshaasoo ay degan yihiin Soomaali badan iyo waliba shacab ajinabi ah oo aad iyo aad u jecel inay deris la noqdaan Soomaalida. Dowladda Soomaaliya waxay kale oo si waadax ah u taageeraysaa Mr. Matt Entenza kaasoo u tartamaya Madaxweynaha Gobalka Minnesota.
Axad, July 04, 2010 (Wararka Dowladda ee Maanta): Qabaa'ilka Tanade Darod waxay iskugu yimaadeen Shirka Midnimo kaasoo ay uga wadahadlayaan ayaaha ama arrimaha guud iyo kuwa gaar ahaaneed ee Qabaa'ilka Tanade Darood. Shirkan oo ka furmay Magaalada Minneapolis shalay ayaa waxuu socon doonaa laba barri haddii Alle Idmo! Waxaanu leenahay guul iyo tallo wacan!
PROF. DALXA: "Waan soo dhaweynayaa xilka Wasiirnimo ee la ii magacaabay, waxana u shaqeynayaa si sharciga waafaqsan"
Axad, July 04, 2010 (Wararka Dowladda ee Maanta): Wasiirka cusub ee Wasaaradda Dhaqancelinta iyo Arrimaha Bulshada Soomaaliya Prof. Maxamed Cumar Dalxa oo ka hadlay xilka loo magacaabay ayaa sheegay inuu soo dhaweynayo, uuna u shaqeyn doono si sharciga waafaqsan.
Prof. Dalxa oo horay u ahaa guddoomiye ku xigeenka 1-aad ee Baarlamaanka Soomaaliya ayaa sheegay inuu uga mahadcelinayo xilka Wasiirnimo ee loo magacaabay Ra'iisul Wasaare Cumar C/rashiid Cali Sharma'arke.
"Waxaan xilka la ii magacaabay uga mahacelinayaa Ra'iisul wasaaraha Soomaaliya oo ii doortay inaan ka mid noqdo golihiisa Wasiirrada, runtiina waxaan jagada la ii magacaabay u arkaa inay tahay mid wanaagsan" ayuu yiri Prof. Maxamed Cumar Dalxa.
Ra'iisul wasaaraha Soomaaliya Cumar C/rashiid ayaa shalay gallinkii dambe ku dhawaaqay gole wasaaradeed oo ka kooban 39-xubnood, kuwaasoo ay ku jiraan xubno cusub oo aan horay uga mid ahayn Wasiirradii hore.
Wasiirka Dhaqancelinta iyo Arrimaha Bulshada Prof. Dalxa wuxuu dardaaran u diray Wasiirrada cusub, isagoo ka dalbaday inay u shaqeeyaan si sharciga waafaqsan, ayna dadaal u galaan sidii ay xukuumaddu ku noqon lahayd mid shaqeysa.
Sabti, July 03, 2010 (HOL) − Ra'iisul wasaaraha Soomaaliya Cumar C/rashiid Cali Sharma'arke ayaa gallinkii dambe ee maanta ku dhawaaqay golaha wasiirrada cusub ee xukuumaddiisa, kuwaasoo ka kooban 39-wasaaradooda.
Afhayeenka Xukuumadda Soomaaliya C/qaadir Maxamuud Walaayo ayaa saxaafadda u aqriyay magacyada xubnaha cusub ee golaha wasaaradda, kuwaasoo ay ku jiraan xubno cusub oo aan horay uga mid ahayn xukuumadda.
AMISOM oo maanta ka warbixisay khasaarihii ciidamadooda kasoo gaaray dagaalladii ka dhacay Waqooyiga Magaalada Muqdisho
Sabti, July 03, 2010 (Wararka Dowladda ee Maanta): Afhayeenka Ciidamada AMISOM ee Soomaaliya ku sugan Maj. Bahuko Barigiye oo maanta shir jaraa'id qabtay ayaa ka warbixiya khasaarihii kasoo gaaray ciidamdooda dagaalladii shantii maalmood ee lasoo dhaafay ka dhacayay Waqooyiga Magaalada Muqdisho.
Maj. Barigye wuxuu sheegay in dagaalkaas ay kaga dhinteen laba askari ayna kaga dhaawacmeen shan askari oo kale, kuwaasoo ka-barbar dagaalamayay ciidamada Dowladda Soomaaliya oo dagaal la galay Xoogagga Xarrakatul Shabaab.
"Askari ka mid ah ciidamadii nooga dhintay dagaalka waxaa lagu jiidayay qaybo ka mid ah Magaalada Muqdisho, ciidamadeenna waxay halkan u joogaan inay dhintaan, balse waxaa mudan in la ogaado in boqolaal Soomaali ah ay ku dhinteen dagaalka" ayuu yiri Maj. Bahuko Barigye.
Afhayeenka AMISOM wuxuu ku celceliyay Taangiga ka gubtay isagoo sheegay inuu ahaa mid ay ku timid cilad balse aysan gubin Xarrakatul Shabaab, isagoo ku tilmaamay hadalka Xarrakada ee ah inay iyagu gubeen mid been abuur ah.
"Kaaraha wuxuu ku gubtay cilad ku timid markii uu ku dhacay god lasii diyaariyay, lama gubin, waana been warkaas, waayo ma haystaan wax ay taangi ku gubaan" ayuu yiri Afhayeenka AMISOM oo shir jaraa'id ku qabtay Muqdisho.
Mar uu ka hadlay howlahooda Soomaaliya ayuu sheegay inaysan waxba u dhibayn khasaaraha ka gaaray dagaalka, ayna sii wadayaan dagaalka ay kula jiraan kooxaha hubeysan ee Dowladda Soomaaliya.
"Soomaaliya kama baxayno inta aan ka dhigayno goob ammaan ah, waxaana la dagaalami doonnaa argagaxisada oo doonaysa inay Soomaaliya u badalaan goob ka caagan nabadda" ayuu yiri Afhayeenka AMISOM oo sheegay inay ka go'an tahay nabad ka dhalinta Soomaaliya.
Ciidamada AMISOM oo ka socda dalalka Uganda iyo Burundi ayaa waxay inta badan ilaalo ka hayaan goobaha muhimka ah, iyadoo dagaalkan uu khasaaraha kasoo gaarayna uu ka mid yahay dagaallo ay galeen iyagoo gacansiinaya Dowladda Soomaaliya.
Afhayeenka AMISOM oo sheegay inuu mid ka mid ah gaadiidkooda dagaalka ku gubtay goobaha dagaalka markii uu dab qabsaday
Jimco, July 02, 2010 (HOL: Afhayeenka Ciidamada AMISOM Maj. Behuko Barigye ayaa xaqiijiyay in mid ka mid ah gaadiidkooda dagaalka uu gubtay, isagoo xusay inuu dab ka dhashay gudihiisa, waxayna ciidamadan qayb ka yihiin dagaalka socda.
Maj. Behuko wuxuu beeniyay hadal kasoo baxay Xarrakatul Shabaabul Mujaahidiin oo ahaa inay AMISOM ka gubeen Taangi dagaalka, balse isagu wuxuu sheegay in dab uu ka dhashay gudaha Kaaraha ayna inta badan dhacdo marka dagaallada lagu jiro, isagoo ka gaabsaday inuu sheego tirada askarta ku dhintay.
Afhayeenka Xarrakatul Shabaab ayaa hadalkaas ku tilmaamay mid been ah, wuxuuna xusay inay iyagu gubeen taangiga ayna ka carareen ciidamadii AMISOM ee ka barbar dagaalamayay kuwa Dowladda Soomaaliya. "Haddii ay runtiis tahay oo uu dab ka kacay Taangiga maxay u qaadan waayeen oo ay kaga carareen, warkaas waa been, mana ahan markii ugu horreysay oo uu sheego Maj. Behuko wararkan oo kale" ayuu yiri Afhayeenka Xarrakatul Shabaab.
Goobjoogayaal ayaa sheegay in Askari ku dhintay gudaha Taangiga la gubay iyo qaybo ka mid ah taaniga saakay lasoo dhigay Isgoyska Baar Ubax oo ah goob ay aad ugu xooggan tahay Xarrakatul Shabaab si ay u caddeeyaan guushooda
Afhayeenkaa AMISOM Maj. Barigye wuxuu sheegay in ciidamadooda ay dagaalka galeen markii loosoo dhaawaaday saldhigyadooda, isagoo sheegay in Soomaaliya aysan u joojin inay dagaallo galaan, balse ay xaq tahay inay isdifaacaan haddii ay khatar galaan.
Mar la weydiiyay inay dagaalka ku jiraan ayuu sheegay in haddii hadafkii ay ka lahaayeen ay ka gaaraan aysan dagaalka sii wadayn, wuxuuna xusay in dagaalka socda saakay ay qayb ka yihiin.
Dowladda Soomaaliya oo sheegtay inay ku jirto dagaal isdifaacid ah oo weli ka socda Waqooyi Muqdisho
Jimco, July 02, 2010 (Wararka Dowladda ee Maanta): Dowladda Soomaaliya ayaa sheegtay in dagaalka socda uu yahay mid ay isaga difaacayaan weerarro ay Xarrakatul Shabaab kusoo qaadeen goobo ay Dowalddu ku sugnayd, wuxuuna xusay in dagaalkan uusan ahayn kii ay ku baaqday Dowladdu inay qaadayso.
Afhayeenka Wasaaradda Wafaafinta Soomaaliya C/risaaq Maxamed Qaylow oo saxaafadda qaarkeed la hadlay ayaa sheegay in dagaalka socda uu yahay mid iyaga lagu soo qaaday iyaguna ay yihiin kuwo isdifaacaya oo keliya. "Shacabka Soomaaliyeed waxaan u sheegaynaa in dagaalka socda uusan ahayn mid ay dowladda Soomaaliya qaaday, balse uu yahay mid lagu soo qaaday, ayna Dowladu iska difaacayso weerarrada kaga imaanaya dhinaca Xarrakatul Shabaab" ayuu yiri C/risaaq Qaylow.
Hadalka Afhayeenka Wasaradad Wafaafinta ayaa imaanaya iyadoo Madaxweynaha Soomaaliya Sheekh Shariif Sheekh Axmed uu ku biiray hoggaaminta dagaallada ka socda Waqooyiga Muqdisho habeen hore, kuwaasoo ay isaga soo horjeedaan Dowladda oo garab ka helaysa AMISOM iyo Xarrakatul Shabaabul Mujaahidiin.
Ciidamada Dowladda ayaa gaaray Hotel Global oo ay awal ku sugnaayeen Ciidamada Xarrakatul Shabaabul Mujaahidiin, waxaana dagaalka socda uu u badan yahay mid Madaafiic ah, kuwaasoo lagu gaaracay deegaannada aysan dowladdu ku sugnayn
Thursday, July 01, 2010 (Wararka Dowladda ee Maanta): Madaxweynaha Shiikh Shariif Shiikh Axmed iyo dhammaan Dowladda Soomaaliya ayaa maanta waxay u dabaal-degayaan 1da Luulyo 2010. Madaxweynaha Shiikh Shariif Shiikh waxuu maanta hoggaamiyanayaa ciidamada jooga furinta asagoo dhiirigelinaya inay hawlahooda gutaan.
Ahlu-Sunna oo mar kale ku celisay inuu burburay heshiiskii ay dawladda la galeen.
Wednesday, June 30, 2010 (Wararka Dowladda ee Maanta) Gudoomiyaha Culumaa,udiinka Ahlu-Sunna Waljameeca Sheekh Maxamuud Xasan oo u waramayay idaacadda HornAfrik ayaa ka dhawaajiyay mar kale inuu burburay heshiiskii iyaga iyo dawladda ku dhexmaray magaalada Adis ababa isagoo eeda dusha uga tuuray dawladda oo ku eedeeyay inay masuul ka tahay burburka ku yimid heshiiskii dhexmaray iyaga iyo dawladda.
Sheekh Maxamuud ayaa dhanka kale sheegay inay talooyin u jeediyeen dawladda oo ku aadan hirgalinta qodobadii heshiiskii Adis ababa balse ay dawladdu ka dhaga adaygtay inay talooyinkaasi qaadato taasoo keentay sida shiikhu yiri fashilka ku yimid heshiiska.
Sheekh Maxamuud ayaa sidoo kale sheegay inay hayaan warar sheegaya inay dawladdu doonayso inay magacawdo xubno ay ku timaamayso inay ku socdaan qaybtii Ahlu-Sunna uga soo aaday heshiiskii awood qaybsiga ahaa taasoo sheekhu ku tilmaamay kuwo been abuura isla markaana xubnahaasi aanay matalin Ahlu-Sunna Waljameeca.
Warar kala duwan oo soo baxayay maalmihii ugu danbeeyay ayaa sheegayay in la soo magacaabi doono gole wasiiro cusub oo ay xubno ku leeyihiin Ahlu-Sunna Waljameeca kuwaas oo qayb ka ah heshiiskii awood qaybsiga ahaa ee Ahlu-Sunna iyo dawladda ku dhex maray caasimada Ethopia, waxaase muuqata in Ahlu-Sunna aanay waxba kala socon xubnaha magaceeda ku matali doona xukuumada cusub ee lagu wado in lagu dhawaaqo taasoo sii kala fogayn karta dawladda iyo Ahlu-Sunna oo dagaal adag kala kulmaya Xarakada Al-shabaab.
Macalin Xaashi oo warbaahinta ka manuucay tabinta manaasabadaha Kowda Luulyo
Wednesday, June 30, 2010 (Wararka Dowladda ee Maanta) Madaxa gobalka Banaadir ee mamulka uruka Xisbul islaam Macalin xaashi Faarax ayaa mar kale maanta waxaa u bahda saxaafada dusha ka saaray awaamiir hor leh oo kasoo baxday maamulka xisbul islaam, waxaana uu shegay in gabi ahaamba lamamnuucay xuska munaasabadaha maalmaha u gaarka ah taarikhda dalka Somaaliya oo ay kamid yihiin maalmihi gobalada konfureed iyo kuwa waqooyi ee soomaaliya ay xoriyada kaqaateen gumestayaashi ingriska iyo talyaaniga.
Macalin xaashi ayaa shir jaraaid oo uu maanta kuqabatay magaalada Muqdisho waxaa uu ka mamnuucay maalmaha laga xuso soomaliya iyo kuwo kale oo ay ku jiraan kuwa caalimiga ah waxaana uu farintaasi u si gaar ugu diray xurumaha warbaahineed ee ka howlgalo soomaliya .
Macalin Xaashi ayaa mar laweydiiyey sababaha ay ay u qaaten goankaasi waxa uu ku sheegay in ay yihiin xusaskaasi kuwa aaney ogoleyn shareecada Islaamka.
Si kastaba ha ahaate Macalin Xaashi oo ah godomiya gobalka Banaadir ee ururka Xisbul islaam ayaa amarkan maanta uu sheegay inay warbaahinta soomaaliya kaga mamnuucayaan tabinta wararka ku aadan munasabadaha maalmaha taarikhiga ah sida 26 june 1da lulyo iyo kuwo kale ayaa imaanaya xili saacodo kooban ay kahareen waqtiyadii looga bartay qeybo kamid ah dalka soomaaliya in lagu arko munaasabado loogu mujiyo malmahaasi iyadoo amarkani kaso baxay uruka xisbul islaamna uu imaanayo 50 sano kadib markii gobalada konfureed ee soomaaliya ay xoriyada ka qaateen gumeysigii talyaaniga.
Waxaan amarkini uu yahay mid qeyb ka ah amaro horay ay soo saaren uruka xisbul islaam oo ku jiray midkii warbaahinta muqdisho looga mamnuucay hesihii iyo muusigii ay sii deyn jireen
Wednesday, June 30, 2010 (Wararka Dowladda ee Maanta) Prof. Cabdi Ismaaciil Samatar oo kamida aqoonyahanada dibad joogga ah ee Soomaalida ayaa sheegay in ay wadaan isaga aqoonyahano kale oo Soomaali ah qorshe balaaran oo la isugu keenayo soomaalida qeybeheeda kala duwan, laguna dhameynayo dhibaatada Soomaaliya ka jirta mudada kasii siqeysa labaatanka sano.
Brofesoorka ayaa u sheegay aqoonyahanada ku sugan dalka gudihiisa ee muwaadiniinta ah in laga doonayo shaqo badan oo ay ka qabtaan barnaamijkaas ay soo wadaan.
Cabdi Ismaaciil Samatar ayaa sheegay in sedexdii dowladood ee ugu dambeysay ee kumeel gaarka aheyd ee Soomaaliya soo marta ee kala ahaa tii C/qaasim, tii C/laahi Yuusuf iyo tan Shariif ee hadda jirta ay usoo bandhigeen qorshayaal wanaagsan oo lagu badbaadinayo Soomaaliya iyagoo aan wax jago ah ka dooneyn balse laga diiday barnaamijyadii ay keeneen.
Dhinaca kale Prof cabdi Ismaaciil Samatar ayaa weeraray hadalkii uu jeediyay madaxweynaha dowladda KMG Soomaaliya Sheekh Shariif Sheekh Axmed 26-ki June, isagoo sheegay in madaxweynaha uu ku qaldanmaa adeegsashada areyga Somaliland.
Cabdi Ismaaciil Samatar ayaa ah aqoonyahan si weyn u falanqeeya siyaasadda Soomaaliya, isagoo ahaa aqoonyahankii ugu horeeyay ee sheega in dowaldii Jabuuti aaney meelna gaareyn oo waxba aaney soo kordhineyn.
Tuesday, June 29, 2010 9:34:54 AM (Wararka Dowladda ee Maanta): Madaxweynaha Dowladda Soomaaliya Mudane Shiikh Shariif shiikh Axmed ayaa maanta waxuu dalacsiiyey saraakill ciidanka xoolgga dalka ka tirsan kuwaasoo kala ahaa xidiglayaal, laba diglayaal, seddex xidiglayaa iyo gaanshaanle. Madaxweynaha waxuu aad iyo aad ugu faraxsan yahay inay ciidamada xoogga dalka ay guddanayaal shaqooyinkooda.
Nin u dhashay dalka Israel oo lagu eedeeyay inuu qaab ganacsi ah hub ku geeyn jiray Dalka Soomaaliya
Tuesday, June 29, 2010 9:34:54 AM (Wararka Dowladda ee Maanta): Wasaaradaha Arrimaha Dibadda iyo Difaaca ee dalka Israel ayaa iska fogeeyay inay wax lug ku leeyihiin hub ganacsi ah oo loo dhoofiyay dalka Soomaaliya.
Afhayeen u hadlay labadan wasaaradood oo ka jawaabayay war ku saabsan nin u dhashay dalka Israel oo ka ganacsada hubka xiriirna la leh dowladaas lagu xiray dalka Mareyaknka kaasoo lagu eedeeyay inuu hub ganacsi ah geeyay Soomaaliya.
Ninkan oo lagu magacaabo Hanoch Miller ayaa la sheegay inuu hubkaas intiisa badan geeyay Somaliland, taasoo la sheegay inuu ku jabiyay cunno-qabteyntii hubka ee ay Qarammada Midoobay saartay sannadkii 1992-kii.
Wasaaradda Gaashaandhiga ee Israel ayaa sheegtay inay ogyihiin in Soomaaliya ay saaran tahay cunnoqabteyn iyaguna aysan jabin, iyagoo xustay in Miller oo ah ninka la qabtay uusan ogolaasho uu hub ku geeyo Soomaaliya ka haysan, sidoo kalena aysan siin lahan haddii uu weydiinsan lahaa.
Maxkamad ku taalla Gobolka Florida ee dalka Mareykanka ayaa sheegtay in Miller iyo nin kale oo Mareykan ah balse aan magaciisa la shaacin ay hub u badan qoriga AK-47-ka ah ay geeyeen Somaliland, iyadoo labadan nin la sheegay in hubkaas ay ka dhoofiyeen Panama, kana heleen macaash badan.
Eedeysanayaasha ayaa la sheegay inay tageen Somaliland, iyadoo hubka ku dhoofin jiray qoraallo uu leeyahay Wasiirka Gaashaandhigga dalka Chad, dalkaasoo aanu hub mamnuuc ka ahayn in la geeyo.
Miller oo 53-jir ah ayaa ah Injineer ka shaqeeyay Warshad sameysa diyaaradaha dagaalka ee dalka Israel, iyadoo lagu eedeeyay Dowladda Isreal inay wax badan ka ogtahay baayac-mushtarkaas hubka ee uu ku jiray ninkan dalkeeda u dashay.
Monday, June 28, 2010 (Wararka Dowladda ee Maanta): Dowladda Soomaaliya waxay ummadda Soomaaliyeed ugu baaqaysaa inay wax ka qabtaan dadka raba inay magaca diinta ku qaraabtaan, Soomaaliya waa dad Islaam ah cidna cid kale ma gaalayn karto marka aanu kala saarno siyaasadda iyo Diinta waayo waddanka hadda waxaa dastuur u ah Dastuurka Diinta Islaamka marka waa ku dagaalamaysaa waa wax xaq-darro ah.
WFP oo raashin ka qeybisay Galgaduud
Monday, June 28, 2010 (Wararka Dowladda ee Maanta): Hay,adda WFP oo soo gabagabeeysay deeq macaawino raashina oo ay gaarsiisay barakacayaasha ku nool magaaladda Dhuus-mareeb iyo tulooyinka hoosyimaada.
Qaybinta raashinkani ayaa ku dhamaatay sidii loogu tala galay iyada oo ay ka faa iideysteen sida ay inoo xaqiijiyeen masuuliyiinta NGO towfiiq in ka badan 10-kun oo qoys,waxaana intaas kadib bahda saxaafadu ay la kulmeen dadkii la gaarsiiyay raashinkan kuwaa oo sheegay in si wanaagsan ay uheleen.
Si kastaba ha,ahaatee ma,aha markii ugu horeysay oo ay hay,adda WFP ay raashin gar gaara soo gaarsiiso dadka barakacayaasha ee ku nool degmada Dhuus-mareeb iyo tuulooyinka hoosyimaada isla markaana ay ka faaii’deystaan dadka tabaalaysan ee deeganadaan ku nool.
Dabley Soomaali ah oo gacanta ku dhigay markab xamuul ah
Monday, June 28, 2010 (Wararka Dowladda ee Maanta):Wararka laga helayo gacanka cadmeed ayaa sheegaya in kooxaha weerara marakiibta shisheeye ee Soomaalida ah ay gacanta ku dhigeen markab nooca xamuulka qaada ah oo uu ka babanayo calanka dalka Singabour.
Markabka ayaa waxaa saarnaa 19-shaqaale uu dhamaantood u dhashay dalka China, waxaana afduubashadiisa xaqiijiyay ciidamada midowga Yurub ee ku sugan biyaha bariga Africa iyo mas’uuliyiin ka tirsan dowladda China oo muwaadiniinteedu ay saaranyihiin markabka.
Sida la sheegayo markabka ayaa ka yimi boqortooyada Sacuudi arabiya, waxa uuna kusii jeeday dalka Liibiya.
Mas’uuliyiin ka tirsan ciidamada midowga Yurub ayaa sheegay in
Axad June 27, 2010 (Wararka Dowladda ee Maanta):
Axad June 27, 2010 (Wararka Dowladda ee Maanta): Dowladda Soomaaliya waxay u dabaal degi doontaa maalinta xoriyadda Jamhuuriadda Djibouti 27da June, 2010. Waxaa ummadda Soomaalliya farxad weyn u ah inay Dowladda Djibouti ay tahay Dowlad madaxbanaan oo calankeedu ka jiro addunka. Dowladda Soomaaliya waxay shacabka Djibouti uga mahadcelinayaa sidii ay wax ula qabteen shacabka Soomaalieed ee walaalohood ah.
Sabti, June 26, 2010 (Wararka Dowladda ee Maanta): Dowladda Soomaaliya waxay si cad u taageersan tahay Madaxweyne Daahir Riyaale Kaahin inuu ku guullaysto Maamulka Somaliland kasoo uu haatan hayo xilka madaxweynenimada. Soomaaliya waxay haatan samayn doontaa laba maamul oo kale kadibna waxay Dowladda Soomaaliya qaban doontaa doorasho guud oo ka dhacda maamuladda kuwaasoo lagu soo dooran doono dadka matali doono ummadda Soomaaliyeed.
Wasiirrada Difaaca Bariga Afrika oo Qarammada Midoobay ka dalbaday in Soomaaliya la geeyo ciidamo ka socda dalalka dariska ah
Sabti, June 26, 2010 (Wararka Dowladda ee Maanta): Wasiirrada Difaaca dalaka Geeska Afrika oo kulan ku yeeshay Nairobi todobaadkii hore ayaa ka codsaday Qarammada Midoobay inay baabi'iso qaraarka 1725 ee mamanuucaya in ciidamo ka socda dalalka dariska la geeyo Soomaaliya.
Nuqul ka mid ah codsiga ay soo-jeediyeen Wasiirradan oo ay daabacday Reuters ayaa looga dalbaday Qarammada Midoobay inay qaraarkaas ka laabato, si dalalka Itoobiya, Jabuuti iyo Kenya ay ciidamo u geeyaan Soomaaliya.
""Kulanka waxaan uga codsaday Qarammada Midoobay inay dib u eegto qaraarka 1,725 ee looga mamanuucay dalalka dariska ah inay ciidmo u diraan Soomaaliya" ayaa lagu yiri warbixinta ay kasoo saareen kulankooda Wasiiradda Difaaca dalalka Bariga Afrika.
Dalka Jabuuti oo ka mid ah dalalka dariska la ah Soomaaliya ayaa waxay horraantii sannadkan sheegeen inay Soomaaliya u dirayaan ciidamo gaaraya 450-Askari si ay uga mid noqdaan AMISOM oo nabad ilaalin ahaan u joogta Soomaaliya.
Ciidamada Midowga Afrika ee ku sugan Muqdisho ayaa waxay tiradoodu gaaraysaa 6,000-askari, waxayna ka socdaan dalalka Burundi iyo Uganda, iyadoo Wasiirradu ay ka dlbadeen dalalka dariska la ah Soomaaliya inay 2,000-askari geeyaan Muqdisho.
Sarkaal sare oo ka tirsan Dowladda Soomaaliya ayaa sheegay in go'aanka ay gaareen Wasiirrada dalalka bariga Afrika uusan ahayn mid xal u ah dalka Soomaaliya.
Xildhibaano ka Tirsan Barlamanka Puntland Oo ka Shiray Amni Xumada ka Jirta Bosaaso.
Sabti, 26 June, 2010 (Wararka Dowladda ee Maanta): Xildhibaano ka tirsan Barlamanka Puntland oo dhawaan soo gaaray Bosaaso ayaa shir ka yeeshay amni xumada ka jirta Magaalada Bosaaso ee xarunta Gobolka Bari.
Kulankan ay yeesheen mudanayaashan ayaa ka dhacay Bosaaso,waxaana ay ku soo hadal qaadeen dilal ka dhacay meelo kala duwan oo puntland oo ka tirsan.
Godoomiye ku xigeenka Barlamanka Puntland Salaad Xareed oo aan la xiriiray ayaa sheegay in xildhibaan kasta oo Barlamanka ka tirsan loo soo diray si uu usoo qiimayn ugu sameeyo xaaladaha ka taagan Gobolkii laga soo doortay.
Waxaa kaloo uu sheegay Salaad Xareed Godoomiye kuxigeenka Barlamanka Puntland in warbixin dhamaystiran ay ka dhagaysteen laamaha amniga ee Gobolka ,isla markaana isbadal lagu samayn sida wax u socdaan.
Sabti, June 26, 2010 (Wararka Dowladda ee Maanta): Madaxweynaha Soomaaliya Sheekh Shariif Sheekh Axmed oo khudbad uu ugu talogaay sannadguuradii 50-aad ee kasoo wareegtay markii ay Gobollada Waqooyi ee Soomaaliya (Somaliland) ay xorriyadooda ka qaateen gumeystihii Ingiriiska 1960-kii.
Madaxweyne Sheekh Shariif oo khudbada jeediyay saqdii dhex ee xalay ayaa si ka hadlay doorashooyinka Somaliland, wuxuuna u rajeeyay inay noqdaan kuwo si guul leh ku dhamaada, wuxuuna sidoo kale u diray dhammaan Shacabka Soomaaliyeed hambalyo iyo bogaadin ku aaddan 26-ka Juun.
Wuxuu hadalkiisa ku xusay Muwaadiniintii naftooda iyo maalkoodaba u huray sidii Soomaaliya ay ku gaari lahayd xornimo, kuwaas uu sheegay inay Soomaalida oo dhan ka mudan yihiin qadarin iyo qiimo gaar ah.
"Maanta waa maalin aad ugu weyn qalbiyadeenna loona baahan inaan gadaal u jaleecno halgankii dheeraa ee dhiig badan iyo maalkuba loo huray, taasoo keentay in lagu guuleysto in dalka laga xoreeyo gumeystayaashii xoogga ku qabsaday" ayuu yiri Madaxweyne Sheekh Shariif Sheekh Axmed.
Sidoo kale Madaxweynuhu wuxuu sheegay in dadka maanta jooga ay saaran tahay inay naftooda iyo maalkooda u huraan sidii ay nabadda dalka u soo celin lahaayeen, isagoo Alle uga baryay dadkii u dhintay xorriyadda maanta la haysto uu ku abaalmariyo Jannatul Fardowsa.
Halganka lagu gaaray xorriyadda ayuu sheegay inuu ahaa mid aan loo kala harin, isagoo sheegay inay ka qaybgaleen Caruur, Ciroole, Haween iyo Culummo, wuxuuna xusay in dalka maanta ay ku sugan yihiin shisheeye kale oo aan doonayn in nabad ay gaarto Soomaaliya, kuwaasna ay dagaal kula jirto dowladdiisa.
"Waxaa kaloo xusid mudan inaan xusuusanno gabaygii Allaha u naxariistee, Abwaan Cabdullaahi Suldaan Timcadde uu tiriyay habeenkii xorriyadda, kaasoo ay mirihiisa ka mid ahaayeen: Sarreeyoow ma nusqaamow, Aan siduu yahay eegnee, Kanna siib, kanna saar!!!" ayuu Madaxweyne Sheekh Shariif ku yiri khudbaddiisa.
Sheekh Shariif wuxuu sidoo kale sheegay in xoriyad gaarsiinta Gobollada Koonfurta iyo Waqooyiga Soomaaliya (Somaliland) ay dhexda u xirteen dhallinyaro ku midoobay SNL iyo SYL, kuwaasoo xaqiijiyay gobonimada maanta la harsanayo.
Waxaa nasiib darro ah, in khaladaad badan ay dhaceen oo aan sidii saxda ahayd loo maareen oo keentay arrimaha maanta ka jira dalka guud ahaan gaar ahaana wiiqay midnimadii Ummadda Soomaaliyeed ku naaloonayeen.
Waxaan dhinaceenna ballan-qaadeynaa in wixii dhacay oo dhan la saxo sidii midnimo ay u jiri lahaydna laga wada shaqeeyo oo midnimadii iyo qaranimadii Ummadda Soomaaliyeed la isla jaangooyo.
"Dhammaan Shacabka Soomaaliyeed waxaan ugu baaqaynaa in la xoojiyo Midnimada Soomaaliyeed isla markaana layska caabiyo u shaqeeyeyaasha danaha shisheeye ee doonaya doonaya in la iska horkeeno Soomaaliyeed oo isku Diin, Af, iyo Dhaqan ah". ayuu yiri Madaxweyne Sheekh Shariif.
Jimco, 25, Jun, 2010 (Wararka Dowladda ee Maanta) Ra'iisul Wasaaraha Soomaaliya Cumar C/rashiid Cali Sharma'arke ayaa bishan 21-keedii wuxuu qoraal Afka Ingiriiska ku daabacan u diray Wargeyska Forein Policy, waxaana HOL u suurogashay inay warbixinta oo loo badalay Afka Soomaaliga idiin soo gudbiso, waxaana ay u qornayd sidan:
Bilihii ugu dambeeyay dadka ku ugan Mareykanka waxay u ekaayeen inay ka quusteen Soomaaliya, Tusaale ahaan bishii April ee sannadkan guddiga Xiriiradda Dibadda ayaa soo saaray Warbixin Gaar ah oo ku baaqaysa "Siyaasad Cusub" oo ah "Iska Dhaafida Waxtarka leh" oo wadankeena ah, hadii dhanka kale loo dhigana ah in lagala noqdo Taageerada Caalamiga ah ee la siiyo Dowladda Soomaaliya.
Fikradaasi waxay si shaki la’aan ah u duufsanaysaa in badan oo ku sugan Washington, sidoo kale kuwo ku sugan London iyo Caasimadaha kale ee Reer Galbeedka, taasoo sii adkeynaaya dhibaatooyinka aanu wajahayno, maadaama ay Dowladdu ka shaqaynayso sidii ay u soo celin lahayd Nidaamkii ka jiray Dhul ay Cadaawadi ka jirto, laakiin sida muuqata Habkan cusub wuxuu ku noqon doonaa Musiibo maanta sida uu horay ugu noqday Soomaalida iyo Beesha Caalamkaba.
Wasiirrka Daryeelka Naafada :-- waxaan qabaa in Mas'uuliyiinta ugu sareysa Dowladda xilka isaga dagaan mar haddii ku fashilmeen wax ka qabashada xaalada dalka.
Wariiska oo la hadllayay Idaacada VOA-da ayaa sheegay in Madaxda ugu sareysa Dowladda Soomaaliya mas'uul ka yihiin wax qabad la'aanta Dowladda, waxaana uu intaa ku darray in waqti badan lagu lumayay muran iyo khilaaf hoosaad u dhaxeeya Madaxda ugu sareysa Dowladda oo xitaa awood waayay ayuu yiri in Tastuurka ku xalistaan farqiga u dhaxeeya.
Waxaa uu is weydiiyay Dr. Max'ed Cali Ibraahim Wasiirka Daryeelka Naafada iyo Dhaqan Celinta inta ay ka taliso Dowladda Soomaaliya''' Walaahi Rasaasta ay soo ridaan kooxaha ka soo horjeeda Dowladda Soomaaliya gudaha Madaxtooyada ayeey dad ku dhaawacday, sidaa daraadeed waxaa muuqta in Madaxda Dowladdu ku qanacsan yihiin buqcada yar ee hadda gacanta ugu jirta ayuu yiri Dr. Max'ed Cali Ibraahim oo sidoo kale sheegay in uu ku jahwareeray sababta marka ay Ciidamada Dowladdu dhul ka qabsadaan kooxaha ka soo horjeeda haddana dib uga soo laabtaan.
Mar uu ka hadllayay dhinaca Militariga waxaa uu sheegay in Dowladdu leedahay Ciidamo ku filan oo qaarkood sida uu hadalka u dhigay meelo kala duwan lagu soo tababaray, laakiin waxaa uu yiri waxaa jirra qorsho xumo heysata Ciidamada iyo Saraakiisha hogaamisa taasoo ay ka faa'ideysteen ayuu yiri kooxaha ku kacsan Dowladda oo ah ayuu yiri kuwo aan tabar badan laheyn.
Dowladda KMG oo beenisay warbixin lagu qoray wargeyska New York Times
Khamiis, 24 June, 2010 (Wararka Dowladda ee Manata): Mas’uuliyiinta dhinaca amaanka dowladda KMG soomaaliya ayaa maanta galinkii dambe magaalada Muqdisho kusoo bandhigay 5-caruur ah oo dowladu ay sheegtay in ay ahaayeen kuwii uu soo sawiray wargeyska New York times markii uu qorayay warbixintii lagu sheegay in dowladda KMG ay askareyso caruurta aadka u yar yar.
Taliye xigeenka ciidamada militariga dowladda KMG Soomaaliya General C/kiriin yuusuf Aadan (Dhego badan) ayaa ku eedeeyay jariirada New York Times in ay ka been abuurtay ciidamada qalabka sida isagoo sheegay in ay ku daba jiraan cidii arintaas sameysay ayna soo qaban doonaan cid alaala iyo cidii ku lug yeelata shirqoolkaas, waa sida uu hadalka u dhigaye.
Gudoomiye ku xigeenka dhinaca siyaasadda iyo arimaha bulshada gobolka Banaadir C/salaam Daahir Ibraahim oo isagana goobta caruurta lagu soo ban dhigay ka hadlay ayaa sheegay in ay u sahlanaatay in ay daba galaan filimkii ay qaaday jariiradda New York Times, isagoo sheegay in jariiradda ay arintan u adeegsatay lacago fara badan.
Waxa una saxaafadda kaga digay gudoomiyaha in ay ku dhaqaaqaan arimaha ceynkan oo kala ah oo been abuurka uu ku sheegay.
Saxafiyiintii qoray warbixintii lagu daabacay jariiradda New York Times ayaa kazoo degay garoonka diyaaradaha Aden Adde International Airport, iyagoo marti u ahaa mudadii ay Muqdisho joogeen mas’uuliyiinta dowladda KMG Soomaaliya, waxaana warbixintaasi la tuhmayaa in ay ku luh leeyihiin mas’uuliyiin xiriir dhow la leh dowladda KMG soomaaliya.
Madaxweyne Rayaale oo ka hadlay is casilaadii wasiirada
Khamiis, 24 June, 2010 (Wararka Dowladda ee Manata): Madaxweynaha jamhuuriyadda la magac baxday Somaliland Daahir Rayaale Kaahin ayaa sheegay in aysan waxba u dhimeynin xisbigiisa is casilaadii ay ku dhawaaqeen laba kamida golihiisa wasiirada.
Madaxweynaha oo u waramayay BBC-da ayaa iska fogeeyay eedeyn ay u jeediyeen xubnahaasi is casilay oo ku eedeyay madaxweyne Rayaale in uu ka gaabiyay ololaha doorashada, isagoo sheegay in is casilaadooda ay ceeb ku tahay shaqsiyadooda bacdamaa ay xilikii ka tageen iyadoo doorasahada madaxyinimada maamulkaasi ay ka harsantahay laba maalin.
Daahir Rayaale Kahin ayaa ku eedeeyay qaar kamida ganacsatada Somaliland in ay lacago ku bixiyaan is casilaada qaar kamida xubnaha xisbiga UDUB si look ala fur furo xukumada hadda jirta iyo xisbigiisa.
Hadalka madaxweynaha ayaa kusoo beegmaya xili ay xisbiga UDUB isaga tagayaan tobonaan qof iyadoo doorashada madaxtinimada maamulkaasina ay ka harsantahay maalin qura
Khamiis, 24 June, 2010 (Wararka Dowladda ee Manata): Laba Wasiir oo ka tirsan Xukuumadda Madaxweyne Rayaale, ayaa iska casilay xilkii ay ka hayeen Xukuumaddaas, isla markaana waxay dhaliil u jeediyeen maamulka iyo Xisbiga ay ka tirsanaayeen, taas oo uu jawaab ka bixiyay Madaxweyne Rayaale.
Wasiirada Wershadaha Axmed Cali Ubaxle iyo Madaxtooyada Xasan Axmed Ducaale (Xasan-Macallin), ayaa sheegay inay iska casileen xilkii ay Xukuumadda Somaliland ka hayeen, isla markaana waxay gaabisnimo ku dhaliileen Xukuumadda iyo Xisbiga UDUB ee talada haya.
Wasiiradan oo goor dambe oo xalay ah Shir-jara’id ku qabtay Hargeysa, ayaa sababta ay isu-casileen ku macneeyay ka dib markii ay arkeen habka uu u socdo Ololaha Doorashada uu ugu jiro Xisbiga UDUB, waxaanay sheegeen in Madaxweyne Rayaale ka hadhay tartanka Doorada, iyaga oo sheegay in ay taasi caddayn u tahay habka uu u socday Ololaha UDUB ee Doorashada Madaxtooyada Somaliland. Labadan Wasiir ee is-casilay oo ka mid ahaa Wasiirada Xukuumadda Madaxweyne Rayaale kuwa ugu adag dhinaca mabda’a Xisbiga talada haya, isla markaana midkood saacado ka hor intii aanu is-casilin xalay dood uu kaga qayb galay Idaacadda BBC-da, laanta Afka Soomaaliga ku adkaysanayay in Xisbiga UDUB yahay ka kaliya ee dalka wax u qabtay, ayaa sheegay in ay ku biireen Xisbiga Mucaaradka ah ee KULMIYE, waxaanay ammaaneen siyaasadda Xisbigaas.
Mar Wasiiradan la waydiiyay in ay iscasilaaddooda u gudbiyeen Madaxweyne Rayaale, ayaa waxay sheegeen in aanay u gudbin ee ay Warbaahinta ku horreeyeen, balse ay qoran tahay oo ay u gudbin donaan.
Dhinaca kale, Madaxweyne Rayaale ayaa isna maanta mar uu u waramay Idaacadda BBC-da waxa uu ka hadlay iscasilaadda Wasiiradan, waxaanu ku tilmaamay wax iyaga hore ugu qorshaysnaa. Madaxweyne Rayaale wuxuu iska difaacay eedaynta ay u jeediyeen Wasiirada is-casilay oo uu ku tilmaamay mid aan sal iyo raad toona lahayn, waxaanu sheegay in aanu ka hadhin Doorashada iyo tartankeeda.
Sidoo klae, Madaxweyne Rayaale wuxuu xusay in uu aqbali doono natiijada ka so baxda Doorashada Madaxtooyada Somaliland oo qabasheeda ay ka hadhay berri oo kaliya, dalkana ka dhici doonta Sabtida soo socota.
Si kastaba ha ahaatee, maaha markii u horraysay ee Wasiiro ka tirsan Xukuumadda Rayaale ay is-casilaan, hase ahaatee, waxa intii uu Ololaha Doorashadu socday is-casilay Wasiir-ku-xigeenkii Wasaaradda Deegaanka iyo horumarinta reer Miyiga, oo isna sidan si la mid ah eedayn iyo dhaliil u jeediyay Xisbiga UDUB iyo Hoggaankiisa.
Madax ka tirsan Puntland oo u Safray Dalka Itoobiya
Arbaco, June 23, 2010(Wararka Dowladda ee Maanta): Madax ka tirsan Puntland oo uu hogaaminayo Madaxwayne ku xigeenka General C/samad Cali Shire ayaa Maanta ka dhoofay garoonka diyaaradaha ee magaalada Galkacyo.
Wafdigan ayaa ayaa u anbabaxay Magaalada Adis Ababa ka dib markii ay casuumaad ka haleen Madaxda Itoobiya ,si looga wada hadlo Xiriirka labada dhinac.
Wasiirada Safarka ku wehliya madaxwayne ku xigeenka waxaa ka mid ah Wasiirka Amniga,Wasiirka Kaluumaysiga,Wasiir xigeenka amniga & Agaasimaha guud ee madaxtooyada Puntland iyo madax kale.
Madaxwayne ku xigeenka oo garoonka Galkacyo warbaahinta kula hadlay ayaa sheegay in Muddo ay halkaasi soo joogi doonaan ,isla markaana ay la kulmi doonaan madax ka tirsan Itoobiya.
Waxaa kaloo uu madaxwayne ku xigeenka uu sheegay in Puntland iyo Itoobiya uu ka dhaxeeyo xiriir wanaagsan,kaasi qaybo badan isugu jira .
Wafdigan ayaa la sheegay in ay u ambabaxeen dhamaystirka heshiisyo qaybo ahaa oo u dhaxeeyay Puntland iyo Itoobiya ,kuwaasi oo horay ay labada dhinac u kala saxiixdeen.
Ugu danbayntii wafdigaan ayaa lagu wadaa inta ay ku suganyihiin Itoobiya in ay la kulmaan Safiiraadaha Qaar ee Itoobiya ku yaala si Puntland looga taageero dhinacyo.
Garab kamida jabhadda ONLF oo heshiis la galay dowladda Itoobiya
Tuesday, June 22, 2010 (wararka Dowladda ee Maanta): Jabhadda ONLF garabka uu hogaamiyo Salaaxudiin C/raxmaan Macoow ayaa heshiis xabad joojin oo sedex bilood ah la saxiixday dowladda fedralka Itoobiya.
Shir jaraa’id oo taliyaha ciidanka jabhadda ONLF Xuseen Mursal iyo afhayeenka ururkaasi ay ku qabteen magaalada Nairobi ee dalka Kenya ayey ku sheegeen in heshiiskaasi uu dhacay 12-kii bishan aynu ku gudo jirno uuna ka dhacay dalka Jarmalka.
Xuseen Mursal ayaa ugu baaqay dhamaan ciidamada jabhadda ONLF in ay u hogaansamaan heshiiska xabad joojinta xabadana ay joojiyaan inta heshiiska lagu gudo jiro.
Waa jabhadii labaad ee sanadkan gudihisa ay dowladda fedraalka Itoobiya heshiis la gasho, waxeyna horey ula heshiisay jabhadda xoreynta Soomaali galbeed oo hubkii iska dhigay.
Safaaradda Soomaaliya ee Liibiya oo sheegtay in lasii daynayno maxaabiista Soomaalida ah ee ku jira xabsiyada dalkaas
Talaado, June 22, 2010 (Wararka Dowladda ee Maanta): Safiirka Soomaaliya u fadhiya dalka Liibiya C/qani Maxamed Wacays ayaa sheegay in Dowladda Liibiya ay qorsheynayso inay siidayso maxaabiista ku xiran xabsiyada dalkeeda, kuwaasoo la qabtay iyagoo isku dayay inay isaga gubaan dalalka Liibiya iyo Talyaaniga.
Wuxuu safiirku sheegay in Dowladda Liibiya aysan doonayn in dhalllinyaradaan marka laga siidaayo xabsiyad ay galaan dalka si ay u qorsheeyaan inay mar kale badda galaan, balse la qorsheynahyo in dib loogu celinayo Soomaaliya, ayna ka dalbanayaan waalidiinta dhalay inay soo dirsadaan qarashaadkii dib loogu celin lahaa.
Dalka Liibiya ayaa waxaa ku xiran in ka badan 300-dhallinyaro Soomaaliyeed ah, kuwaasoo doonayay isugu jira rag iyo dumar la qabqabtay iyagoo qaab tahriib ahaan ah uga baxayay dalka Liibiya kuna socday dalka Taliyaaniga.
Safiirku wuxuu sheegay inaysan jirin wax jidillo ah oo loo geystay caruurtaas ku jira xabsiyada dalka Liibiya, iyadoo horay maxaabiis ka mid ah dhallinyaradaas ay sheegeen in loo geyso dhibaatooyin kala duwan oo ay ka mid yihiin jirdilo iyo iyagoo aan la siin cunno ku filan.
Mudane Shariif Xasan oo maanta Muqdisho ku soo laabtay
Sabti, June 19, 2010 (Wararka Dowladda ee Maanta): Gudoomiyaha dhowaan la doortay ee baarlamaanka dowladda KMG soomaaliya Shariif Xasan Sheekh Aadan oo maalmo kadib doorashadiisa ka ambabaxay magaalada Muqdisho ayaa maanta Dib ugu soo laabtay dalka kadib markii uu safaro kusoo kala bixiyay dalalka Kenya iyo Isutagga imaraadka carabta.
Gudoomiyaha ayaa ugu horeyn u mahad celiyay ciidamada AMISOM ee ku sugan magaalada Muqdisho oo soo dhoweyntiisa qeyb weyn ka qaatay iyo dhamaan dadkii kusoo dhoweeyay garoonka diyaaradaha Aadan Cadde International Airport.
Gudoomiyaha ayaa sheegay in dalalkii uu tagay uu kulasoo kulmay jaaliyadaha soomaliyeed ee ku dhaqan dalalkaasi iyo qaar kamida wadamada beesha caalmka oo wax badan ay isla garten.
Gudoomiyaha ayaa tilmaamay in xubnaha baarlamaanka uu ka rajeynayao in ay iftiimiyaan howlaha horyaala dowladda KMG, xukuumadana ay fuliso waxa loo iftiimiyo, isagoo sheegay in xukumadu aysan shaqeyn Karin hadii baarlamaanka uusan shaqeyn.
Shariif Xasan ayaa soo laabashadiisa kadib waxaa hor yaala howlo badan oo ay ugu horeyso mideynta barlamaanka oo si aad ah ukala tagsan iyo dhameynta khilaafka xubnaha baarlamaanka kala dhexeeya xukuumada KMG soomaaliya.
Kulan dhex maray ciidamada NATO iyo odeyaasha degmada Laasqorey
Sabti, June 19, 2010 (Wararka Dowladda ee Maanta): Shalay galinkii dambe ayaa xeebta magaalada Laasqorey ee gobolka Bari waxaa kulan ku qaatay odeyaasha magaaladaasi iyo mas’uuliyiinta ciidamada NATO ee ku sugan biyaha bariga Africa.
Labada dhinac ayaa waxa ay ka wada hadleen sidii amaanka loo sugi lahaa iyo sidii si wada jir ah looga har tagi lahaa kooxaha burcad badeeda Soomaalida ee saldhigyada ku leh xeebaha gobolka Bari.
Mid kamida odeyaasha degmada Laasqorey oo Hornafrik la hadlay ayaa sheegay in is afgarad wanaagsan uu dhex maray iyaga iyo mas’uuliyiinta ciidamada NATO oo ay kulanka wada qaateen.
Dhowr jeer oo hore ayaa kulan ceynkan oo kala ah waxa uu dhex maray ciidamada NATO ee ku sugan xeebaha Soomaaliya iyo odeyaasha gobolada waqooyi bari Soomaaliya.
Sabti, June 19, 2010 (Wararka Dowladda ee Maanta): Ra'iisul wasaaraha dalka Itoobiya Meles Zenawi oo saxaafadda kula hadlay Magaalada Addis Ababa Jimcihii shalay ayaa sheegay in Dowladda Soomaaliya ay u baahan tahay taageero caalami ah si ay u soo celiso ammaanka iyo Sharciga.
"Dowladda Soomaaliya waxay haystaa fursad ay nabad kaga dhalin karto dalkeeda, balse waxay u baahan tahay taageero caalami ah" ayuu yiri Meles Zenawi oo intaas raaciyay: "Dagaalka ka socda Soomaaliya khatar kuma ahan Soomaaliya oo keliya, balse waxay khatar ku yihiin caalamka oo dhan".
Meles Zenawi wuxuu sheegay in xoogagga Islaamiyiinta ah ee dagaalka kula jira Dowladda Soomaaliya ay xiriir wanaagsan la leeyihiin Al-Qaacida ayna awood badan ku yeesheen dalka Soomaaliya.
"Dowladda Soomaaliya waxay sameystay horumar intii ay jirtay; laakiinse waxay ku jiraan dagaal maalinle ah oo ay kusoo qaadayaan kooxaha kasoo horjeeda, taasna ma ahan mid indhaha laga qabsan karo" ayuu yiri Ra'iisul Wasaaraha Itoobiya.
Kooxaha Dowladda dagaalka kula jira ee Xarrakatul Shabaab iyo Xisbul Islaam ayuu ku sheegay inay yihiin kuwo aan nabad doonayn, isla markaana horay u caddeystay mowqifkooda oo ah inay qabsadaan Gobolka Bariga Afrika oo dhan.
Shirkii ay dalalka IGAD ku yeesheen Todobaadkii hore Magaalada Addis Ababa ayaa waxay caalamka ku boorriyeen in la taageero Dowladda Soomaaliya, waxaana ay Itoobiya faragelin aan wax natiijo ah dhalin horay ugu sameysay dalka Soomaaliya.
kulan Looga Hadlayo Qaxootiga Puntland oo ka Dhacay Magaalada Garowe.
Jimce, June 18, 2010 (Wararka Dowladda ee Maanta): Kulankan ayaa ahaa mid looga hadlayay xaalada Barakacayaasha ku nool xeryaha qaxootiyada ee Puntland,Waxaana uu dhaxmaray wafdi ka socday hay'da Amerca refugee iyo wasiiro ka tirsan Maamulka.
Waxaa Wasiiradii ka qayb galay kulankaasi ka mid ah Wasiirka maamulwanaaga puntland Maxamed Ciise Faarax gaashaan oo shalay ku soo dhaweeyay wafdigan garoonka diyaaradaha ee Magaalada Garowe.
Xubnahan soo gaaray magaalada Garowe ayaa la sheegay in shirkaasi ay ku dhagaysteen warbixin ku saabsan xaalada qaxootiyada Puntland halka ay marayso iyo isbadaladii dhacay sanadihii la soo dhaafay.
Wasiirka Maamulwanaaga puntland Maxamed Ciise Faarax oo Warbaahinta la hadlay ayaa sheegay in wafdigan ay joogi doonaan muddo shan cisho si ay u kormeen goobaha ay ku suganyihiin barakacayaasha Puntland.
Waxaa kaloo uu Wasiirka tilmaamay in la wado qorshe ku aadan sidii loo hormarin lahaa nolosha dadka qaxootiga ah ee Puntland jooga oo baryahan dane ay la soo diristay nolol aad u hoosaysa.
Ugu danbaytii Xubnahan ka socda xafiiska Amerca Refugee waxaa wahliya qaar ka mid ah jaaliyaad reer Puntland ee wadanka Maraykanka,waxaana kullumada danbe ay la qaadan doonaan Madaxwaynaha Puntland Dr C/rixman Faroolle.
Madaxweynaha Soomaaliya Sheekh Shariif oo amar ku bixiyay in ciidamada Dowladda laga saaro caruurta aan Qaan-gaarka ahayn
Jimco, June 18, 2010 (Wararka Dowladda ee Maanta) - Madaxweynaha Soomaaliya Sheekh Shariif Sheekh Axmed ayaa ugu baaqay Taliyeyaasha ciidamada Dowladdiisa in baaritaanno lagu sameeyo warar sheegaya in Dowladdu ay askar ahaan u qorato caruur aad u da'yar.
Warsaxaafadeed kasoo baxay Xafiiska Madaxweynaha Soomaaliya ayaa lagu sheegay in Madaxweynuhu uu amar ku bixiyay in muddo afar todobaad ah lagu soo baaro eedeymahan oo uu sheegay inuusan waxba kala socon.
"Haddii caruur yaryar ay ku jiraan ciidamada Dowladda waa in sida ugu dhaqsiyaha badan looga saaro ciidanka" ayaa lagu yiri warka kasoo baxay Madaxtooyada, waxaana amarka uu bixiyay Madaxweyne Sheekh Shariif uu imaanaya kaddib warbixinno ku saabsan in caruurta yaryar ay askar ka dhigtaan Dowladda iyo kooxaha kasoo horjeeda.
Warbixin todobaadkan lagu daabacay Wargeyska The New York Times ayaa lagu sheegay in Dowladda Soomaaliya iyo Xarrakatul Shabaab ay ciidamo ka dhigtaan caruur aad u yaryar, ayna Soomaaliya ka mid tahay dalalka caruurta laga dhigto askarta.
Ciidamada Dowladda ayaa la sheegay in saddex-meelood hal meel ay askartoodu yihiin caruur aad u da'yar, halka Xarrkatul Shabaab la sheegay in saddex-meelood hal meel ay ciidamadoodu yihiin caruur aad u da'yar.
Gudoomiyaha golaha talada Ahlusunna oo sheegay in go’aan siyaasi ah ay ka qaadan doonaan heshiiska dowladda
7:06:45 AM Thursday, June 17, 2010 (Wararka maanta ee Dowladda) Gudoomiyaha golaha talada culumaa’udiinka Ahlusunna-waljameeca Sheekh Cumar C/qaadir Aadan oo lasoo xiriiray idaacadda Hornafrik ayaa sheegay in dowladda KMG ah ay ka gaabisay doorkii ay ku laheyd dhaqan galinta heshiiskii labada dhinac ku dhex maray magaalada Adis ababa ee dalka Itoobiya, islamarkaana ay lumisay waqtigii loogu talagalay in lagu dhaqan galiyo heshiiska.
Gudoomiyaha ayaa sheegay in heshiiska loogu talo galay in lagu fuliyo mudo bil ah balse ay mudadau sii dhaaftay sedex bilood sidaa daraadeedna ay heshiiskaasi ka qaadan doonaan go’aan siyaasi ah iyagoon ku qanacsaneyn waxa socda.
Sheekh Cumar C/qaadir Aadan ayaa ka mid ahaa xubnihii culumaa’udiinka Ahlusunna waljameeca u saxiixay heshiisyadii ka kala dhacay magalooyinka Adis ababa iyo Muqdisho waxa uu sidoo kale ka mid ahaa xubnihii sida aadka ah ugu ololeynayay in la dhaqangaliyo heshiiska iyadoo qaar kamida culimada Ahlusunna ay goor horeba shaaciyeen in heshiiska uu fashilmay, hase yeeshee xiligan waxa uu u muuqdaa in dul qaadkii uu ka dhamaaday Sheekha.
Waa mas’uulkii labaad oo kamida culumaa’udiinka Ahlusunna-waljameeca oo si aad ah u dhaliila qaabka ay u waajahday dowladda KMG heshiiskii Adis ababa iyadoo gudoomiyaha guud ee culumaa’udiinka Ahlusunna Macalin Maxa’uud Sheekh Xasan uu meel fagaare ah ka sheegay in uu bur buray heshiiskii dhex maray iyaga iyo dowladda KMG Soomaaliya.
Ilaa hadda majiro mas’uul ka tirsan dowladda KMG oo ka hadlay heshiiskaasi iyo hadalada kasoo yeeraya Ahlusunna-waljameeca.
Saraakiil Puntland ah oo Gaalkacyo kusoo bandhigay walxo qarxa oo ay soo qabteen.
7:06:45 AM Thursday, June 17, 2010 (Wararka maanta ee Dowladda) Saraakiisha sar sare ee amaanka gobolka Mudug ayaa Saldhiga bartamaha magaalada Gaalkacyo waxay ku soo bandhigeen gabar 15 sano jirta iyo gaari gacan ay saaran yihiin waxyaabaha qarxa oo ka kooban saddex shey.
Taliyaha Saldhiga Bartamaha Gaalkacyo Cawil Billey ayaa ka warbixiyey habkii lagu soo qabtey gabadhan yar iyo qaraxa ay wadey, isaga oo sheegay in ay bixisay cadaymo dhab ah oo ku saabsan meeshii ay ka keentay iyo halkii ay u wadey alaabadaasi qaraxda oo ay ku waday gaari gacan nooca xoogsatadu ku shaqeysato.
G/sare Muuse Axmed C/raxmaan (Xasaasi) oo ah Taliyaha Qeybta Booliska Gobolka Mudug ayaa sheegay in uu aad ugu farax san yahay sida ay ugu guuleysteen ciidanka Boolisku in ay soo qabtaan waxyaabahaasi qarxa, isla markaana ay ka hortageen fal lagu dhibaateyn lahaa shacabka sida uu hadalka u dhigay Taliyuhu.
Madaxweynaha Puntland oo mar kale weeraray jabhadda SSC iyo Somaliland
Wednesday, June 16, 2010 (Wararka Dowladda ee Maanta) Madaxweynaha maamul goboleedka Puntland Dr C/raxmaan Xaaji Maxa’uud faroole oo shalay ka hadlay kalfadhigii 24-aad ee barlamaanka maamul goboleedka Puntland ayaa si kulul u weeraray jabahdda dhowaan laga aas aasay gobolada Sool iyo Sanaag ee SSC iyo maamulka jamhuuriyadda la magac baxday Somaliland.
Madaxweyne Faroole ayaa tilmaamay in Soomaaliya dhibaatada hadda ay ku jirto ay u geysteen jabhadihii ka curtay dhamaadkii todobaatameeyadii oo ay ugu horeeyeen jabhadihii SSDF iyo USC isagoo sheegay in C/laahi Yuusuf oo ahaa aas aasihii ugu horeeyay ee jabhad Soomaaliyeed uu xiligan ka shalaynayo waxii uu sameeyay.
Madaxweyne faroole ayaa sheegay in xoreynta gobolada Sool iyo sanaag ay mas’uuliyadaasi saarantahay maamulka Puntland jabhadna aysan jirin wax ay qaban karto wax ay bur buriso mooyaane.
Dhinaca kale madaxweyne Faroole ayaa maamulka la magac baxay Somaliland ku eedeeyay in ay xasuuq wadareed ka geysteen degmada Widh widh oo ka tirsan deegaanada ay isku heystaan maamulada Puntland iyo Somaliland maamulka Somaliland-na lagula xisaabtami doono xasuuqaasi.
Ma ahan markii ugu horeysay oo uu C/raxmaan faroole uu weeraro maamulka Somaliland iyo jabhadda SSC oo iyada shegata in ay ka madax banaantahay maamulada Somaliland iyo Puntland.
Siyum Misfin oo tageeray in ciidamo Qaramada midoobey ka socda la keeno Soomaaliya
Wednesday, June 16, 2010 (Wararka Dowladda ee Maanta) Wasiirka arimaha dibadda dalka Itoobiya Siyuum Misfin ayaa magaalada Adis Ababa ee caasimada dalka Itoobiya ka sheegay in lagama maarman ay tahay in dalka Soomaaliya la keeno ciidamo ka socda qaramada midoobey oo bedela kuwa AMISOM ee hatan ku sugan gudaha magaalada Muqdisho.
Misafin oo ka hadlayay furitaanka shir aan caadi aheyn oo golaha wasiirada IGAD ay isugu yimaadeen ayaa sheegay in beesha caalmka ay ka gaabisay taageerida dowladda KMG Soomaaliya, isagoo sheegay in beesha caalamka xiligan laga sugayo howl badan bacdamaa dowladda ay heysato waqti aad u yar loona baahnyahay in la dhameystiro dhisidda hay’adaha dowladda gar ahaan kuwa aadka muhimka u ah.
Waxa uu kaloo Siyuu Misfin xusay sida ay lagama maarmaan u tahay sii wadida hanaankii nabadeynta ee Jabuuti oo uu sheegay in ay ku jirto nabada Soomaliya.
Dhinaca kale wasiirka boostada iyo isgaarsiinta dowladda KMG Soomaliya C/risaaq Cusmaan Jurille oo shirkasi ka hadlay ayaa urur goboleedka IGAD uga warbixiyay isbedeladii ugu dambeeyay oo ay sameysay dowladda KMG Soomaaliya
Ciidamada midowga Yurub ee la dagaalanka burcad badeeda oo waqtiga loo kordhiyay
Wednesday, June 16, 2010 (Wararka Dowladda ee Maanta) Kulan ay magaalada Baraseles isugu yimaadeen golaha midowga Yurub ayey waqtiga ugu kordhiyeen ciidamada loogu magac daray howlgalka Atlantika ee ka shaqeeya la dagaalanka kooxaha burcad badeeda Soomaalida ee ku sugan biyaha Soomaaliya iyo kuwa ku dhow dhow.
Waqti kordhintan ayey golaha midowga Yurub ku sheegeen in ay keeni karto is bedel xagga dhaqaalaha iyo gancsiga ah iyagoo dhinaca kale codsaday in taageero buuxda lala garab istaago howl galka la dagaalanka burcad badeeda.
Midowga Yurub ayaa sheegay in howlgalada ciidamadooda lagu fidin doono gobo hor leh oo burcad badeeda ay ka howl galaan si loo balaariyo dagaalka lagala horjeeda qowleeysatada badda Soomaliya ee ku can baxay qafaalashada maraakiibta shisheeye, iyagoo ka qaata lacago madax furasho ah.
Waqti kordhintan loo sameeyay ciidamada howlgalka Atlantika ayaa kusoo beegmaya xili dowladda Yemen madaxweyneheeda Cali Cabdalla Saalax uu beesha caalamka ka codsaday in taageero laga siiyo dagaal u sheegay in ay kala hortagayan burcad badeeda ka qaraabata bariga Afrika
Tuesday, June 15, 2010 (Wararka Dowladda ee Maanta) waxaa la sheegayaa inuu Ururka Al-Shabaab mamnuucay inay dadka daawadaan ciryaaraha addunka gaar ahaan ciyaaraha laga daawanayo Televisionka kuwaasoo ay ku soo rogeen inaanan la daawan karin. Al-Shabaab waa Al-qaacidada Barriga Afrika fidmada ay wadaan ummad badan ayaa waxyeelo ku soo gaartaa.
Tuesday, June 15, 2010 (Wararka Dowladda ee Maanta) Khilaafka Dowladda ayaa sii xoogaysanaya waayo waxaa jira dad badan oo raba qaarkood burburiyaan wax alaale wixii dowlad sheegaynaya arrintana waxaa ka dembaysa Al-qaacida. Madaxda Sare ee Dowladda Soomaaliya way iskhilaafsan yihiin walina waxaa socda khilaafaadkii siyaasaddeed ee u dhexeeyey Madaxweynaha Shiikh Shariif Shiikh Axmed Iyo Ra'iisal Wasaaraha Dr. Cabdirashiid Cali Sharmaake..
Monday, June 14, 2010 (Wararka Maanta ee Dowladda) Xeer Ilaaliyaha Maxamkamada Sare ee Qaranka Soomaaliya ayaa waxuu caddeeyey inuu wali Prof. Maxamed Cumar Dhalxa yahay wale Guddoomiya Koowaad ee Golaha Shacabka sidaas awgeedna waxaanu ummadda Soomaaliyeed u sheegaynayaa inay sharci-darro tahay wixii kuu ku kacay Guddoomiyaha cusub ee Golaha Shacabak Mudane Shariif Aadan Sheikh Hassan.
Dalxa “waa gabo gabo dacwaddeydi ka socotay maxkamadda sare”
Monday, June 14, 2010 (Wararka Maanta ee Dowladda) Prof maxa’ed Cumar Dlaxa oo wali sheeganaya in uu yahay gudoomiye ku xigeenka koowad ee baarlamanka Soomaaliya ayaa sheegay in dacwadi ku aadaneyd jagadiisa ee ka socotay maxkamada sare ay gabo gabo mareyso dhowaana la filayo in laso afjaro.
Dalxa oo u waramayay Hornafrik ayaa sheegay in isaga uu wali aamnsanyahay in uu yahay gudoomiye ku xigeenka koowad ee barlamaanka Soomaaliya, uuna rajeynayo in loo hagaansamo go’aanka kasoo baxa maxkamadda sare.
Xildhibaanada golaha baarlamanka ayaa iyagu doortay gudoomiye kuxigeen cusub iyadoo maxkamadda sarena ay amar ku bixisay in la hakiyo doorashadaasi.
Lama oga halka uu ku dhmaan doono muranka ka dhex taagan baarlamaanka dhexdiisa iyadoo ay jiraan xildhibaano boqol ka badan oo u sacaba tumaya Prof Maxa’ed Cumar Dalxa.
Sabti, June 12, 2010 (Wararka Dowladda ee Soomaaliya): Maanta waxaa wali dheelaya Maraykanka Iyo Ingiriiska kuwaasoo haatan iska dhaliyey 1-1 waxaayna ku dhammaato is-le'eg ama bareejo.
Xeer ilaaliye ku xigeenkii gobolka Bari oo maalin cad lagu toogtay Boosaaso.
Sabti, June 12, 2010 (Wararka Dowladda ee Soomaaliya): Wararka ka imaanaya magaalada Boosaaso ayaa ku waramaya in maanta barqadii kooxo hubaysani ay ku toogteen meel ku dhaw maxkamada magaaladaasi xeer ilaaliye ku xigeenkii gobolka Bari ahaana ku simihii xeer ilaaliyaha gobolka Cali Jaamac Qalaf.
Wararka ayaa intaa ku daraya in qof kale oo rayida oo goobta ku dhaawacmay uu isbitalka ugu geeriyooday dhaawacii soo gaaray,waxaa sidoo kale tacshiiradaasi ku dhawaacmay nin ilaaliye u ahaa xeer ilaaliyaha la toogtay.
Ciidamada booliska ayaa soo buux dhaafiyay halka ay wax ka dhaceen iyagoo halkaasi baaritaano ka wada, waxaana xirmay dhamaan goobihii ganacsi ee aagaasi ku yiilay.
Saraakiisha ciidamada iyo maamulka gobolka Bari ilaa hada wax wara kama soo bixin oo ku aadan dilka maalin cad laagu gaystay magaalada Boosaaso xeer ilaaliye ku xigeenkii gobola Bari Cali Jaamac Qalaf.
Magaalada Boosaaso ayaa bilihii ugu danbeeyay waxaa ku soo kordhayay dilalka qorshaysan iyadoo dabaayaqadii sanadkii hore sidan oo kale lagu toogtay maalin cad magaalada Boosaaso Maxamed Cabdi Awaare gudoomihii maxkamada darajada koowaad ee gobolka Bari.
Ahlusunna oo dad usoo qab qabatay bamkii xalay lagu tuuray guriga Xeefoow
Sabti, June 12, 2010 (Wararka Dowladda ee Soomaaliya): Howlgalo ay maanta sameeyeen ciidamada amaanka culumaa’udiinka Ahlusunna-waljameeca ee degmada Guriceel ayey kusoo qab qabteen ilaa shan qof oo lagu eedeeyay in ay ku lug lahaayeen weerar bambaano oo xalay lagu qaaday guriga gudoomiyaha golaha fulinta Ahlusunna-waljameeca Sheekh Maxa’ed Yuusuf Xeefoow oo ku yaala degmada Guricel.
Madaxa amniga degmada Guriceel Maxa’ed Shidane Diiriye (Daqarre) oo la hadlay idaacadda Hornafrik ayaa sheegay in ragaasi maanta la qabtay maxkamad lasoo taagi doono.
Daqarre ayaa intasi ku daray in ay sii wadayaan howl galada ay ku baacsanayaan rag uu sheegay in ay falal amaan daro ka wadaan degmada Guriceel.
Xalay fiidkii ayey aheyd markii mar qura qarax laga maqlay degmada Guricel, iyadoo qaraxuna uu ahaa bam lagu tuuray guri uu Xeefoow ku leeyahay degmada Guriceel ee gobolka galgaduud.
Jimco, June 11, 2010 (Wararka Dowladda ee Maanta): Ciyaartii South Africa Iyo Mexico waxay ku dhammaatay barbardhac, Dowladda Soomaaliya aad ayey u raaxaysatay ciyaartaas waxaana sugaynaa ciyaaraha soo socds.
Jimco, June 11, 2010 (Wararka Dowladda ee Maanta): Dowladda Soomaaliya waxay si diiran u soo dhawaynaysaa ciyaaraha iyo ciyaartoyda ku dheelin doonta Koofur Afrika koobka kubada cagta ee adduunka, sidoo kale Dowladda Soomaaliya waxay u mahadnaqaysaa fanaanka caanka ee K'naan kasoo qaadatay calanka Jamhuuriyaddiisa Soomaaliya.
Jimco, June 11, 2010 (Wararka Dowladda ee Maanta): Waxaan maanta ciyaaraha addunka ay ku bilaabanaysaa labada koox ee kala ah kooxda Waddanka Barriga Afrika Bafana Bafana Iyo Mexico taasoo lagu wado inay ku dheelaan magaaladda Johnessburg, dalka Koonfur Afrika.
Roobab waxyeelo geystay oo ka da’ay deegaanka Carmo
Jimco, June 11, 2010 (Wararka Dowladda ee Maanta): Ugu yaraan sideed qofood ayaa ku waxyeelowday xoolo iyo guryana waa ay ku baaba’een roobab lixaad leh oo 24-kii saac ee lasoo dhafay ka da’ay deegaanka Carmo ee gobolka bari.
Qasaaraha aya alaga yaabaa in uu intaa kasii bato iyadoo roobabka ay wali ka socdaan deegaankaasi.
Ma ahan markii ugu horeysay oo roobab ka da’a gobolka Bari ay dad ku waxyeelobaan.
Dowladda Soomaaliya oo safiir cusub u magacowday Shiinaha
Jimco, June 11, 2010 (Wararka Dowladda ee Maanta): Dowladda Soomaaliya ayaa u magacowday Yuusuf Xasan Ibraahim (Dheeg) inuu noqdo Safiirka cusub ee Soomaaliya u fadhiya dalka Shiinaha, waxaana magacaabiddaan ogolaaday Golaha Wasiirrada oo shalay oo Khamiis ahayd ku shir ku yeeshay Magaalada Muqdisho.
Golaha Wasiirrada Dowladda Soomaaliya ayaa sidoo kale waxay Danjirihii hore Mudane Maxamed Axmed Cawil ugu baaqeen inuu dib ugu soo laabto Magaalada Muqdsiho, iyadoo lagu sheegay wareegtada lagu magacaabay Danjiraha cusub in Safiirkii hore uusan matalin Dowladda Soomaaliya ayna howshiisa ku eg-tahay 10-ka June 2010.
Dowladda Soomaaliya ayaa waxay ku wargelisay dowladda Shiinaha in howlaha safaaradda uu sii wadayo ku xigeenka Danjirihii hore ee Safaaradda Soomaaliya Mr. Cawaale Cali Kullane inta uu Safiirka cusub howshiida la wareegayo.
Magacaabidda safiirkan cusub ayaa waxay dowladda Soomaaliya ku sheegtay inay tahay mid ay ku xoojinayso xiriirka saaxiibtinimo ee u dhexeeya labada dal ee Soomaaliya iyo Shiinaha.
Dalka Shiinaha ayaa ka mid ah dalalka ay wax ka bartaan dhallinyaro oo Soomaali ah, iyadoo sidoo kalena ay ganacstada Soomaalida ka keensadaan alaabaha kala duwan ee Ganacsiga.
Xafiiska Ra'iisul Wasaaraha Soomaaliya oo ka hadlay Iscasilaadda Wasiirro ka tirsan Xukuumadda sheegayna in isbadal la sameynayo
Khamiis, June 10, 2010 (Wararka Dowladda ee Maanta) − Xafiiska Ra'iisul wasaaraha Soomaaliya ayaa ka hadlay Iscasilaad ay sameeyeen labadii maalmood ee lasoo dhaafay dhowr wasiir oo xukuumadda ka tirsan, kuwaasoo ku eedeeyay xukuumadda waxqabad la'aan.
Wasiir u dowlaha Xafiiska Ra'iiusl wasaaraha Soomaaliya Khaalid Cumar Cali oo saxaafadda la hadlay ayaa sheegay in mowqifka ay qaateen wasiirradaas ay tahay mid aan waxba u dhimayn howlaha xukuumadda Soomaaliya.
"Xukuumadda intii ay jirtay waxay ku guuleysatay inay wax qabato, sidoo kalena waxay ku guuldareystay inay qabato wax badan oo looga baahnaa, taasna waxaa mas'uul ka ah Wasiirro kasoo bixi waayay howshooda" ayuu yiri Khaalid Cumar Cali.
Wasiir u dowluhu wuxuu sheegay in Xukuumadda wixii ay qabtay ay ka mid yihiin in dib loo fasaxo dhoofinta Xoolaha Nool ee Soomaaliya oo muddo dheer hakad ku jiray iyo inay dibadda dalka Waxbarasho ugu dirto arday badan oo Soomaaliyeed.
Inkastoo uusan ka hadlin waxqabad la'aanta xukuumadda ayuu haddana si guud u sheegay inay waxyaabo badan oo looga baahaa ku guuleysan wayday, balse isbadal lagu sameynayo xukuumadda si howlaha u dhiman ay u qabto.
"Waxaa la gaaray xilligii isbadal lagu sameyn lahaa Xukuumadda dhawaan ayaana la sameynayaan, Ra'iisul wasaaruhu wuxuu leeyahay soo jeedin, Madaxweynuhu inuu aqbalo" ayuu yiri Khaalid Cumar Cali.
Maalmihii lasoo dhaafay ayaa waxaa xilalkooda ka tagay Laba wasiir iyo laba wasiir u dowle, kuwaasoo sheegay inay isaga casileen xilalkooda waxqabad la'aanta Dowladda uu hoggaaminayo Cumar C/rashiid Cali Sharma'arke.
Qaramada Midoobay oo qabatay kulan lagu hirgelinayo qodobbadii shirkii looga hadlay Arrimaha Soomaaliya ee ka dhacay Turkiga
Khamiis, June 10, 2010 (Wararka Dowladda ee Maanta) − Kulan ay ka qaybgaleen dalalka daneeya Arrimaha dalka Soomaaliya iyo Qarammada Midoobay ayaa waxaa lagu qabtay xafiiska UNPOS ee Magaalada Nairobi, waxaana looga hadlay hirgelinta go'aannadii lagu gaaray shirkii ka dhacay Magalada Istanbuul ee dalka Turkey oo looga hadlayay Arrimaha Soomaaliya.
Ergayga gaarka ah ee Qaramada Midoobay Axmed Walad Cabdallah iyo wakiillo ka socda Bangiga Horumarinta Islamaka (IDB) iyo Dowladda Turkiya ayaa wada-gudoomiyay kulankan oo ahaa kii ugu horreeyay ee lagu hirgelinayo Talooyinkii shirkii Isbtanbuul lagu gaaray.
Kulanka oo lagu qabtay codsi ka yimid Bangiga Horumarinta Islamaka (IDB) ayaa waxaa lagu sameeyay guddi shaqo oo si deg-deg ah wax uga qabta dhinacyada adeegga Asaasiga, dib-u-dhiska, kaabayaasha nolosha iyo Tamarta.
Kulanka waxaa kaloo looga dooday hanaan dib loogu nooleynayo ilaha dhaqaalaha iyo habab maalgelin, kuwaasoo lagu sii kordhinayo hanaankii horay u sii jiray, waxaana ka-qaybgalayaashu mar kale qeexeen baahida loo qabo in la maalgeliyo dib-u-dhiska iyo horumarinta, waxayna ku nuux-nuux-sadeen baahida loo qabo in lala shaqeeyo ganacsatada Soomaaliyeed oo qayb muhiim ah ka qadanaya in nabad iyo ammaan lagu soo celiyo Soomaaliya.
"Wada-shaqeynta aan ka wadno dib-u-dhiska iyo horumarinta waa go’aan aan ku gaarnay inay naga go’an tahay in talaabooyin is-bar-bar socda laga qaado dhinacyada Siyaasadda, Ammaanka iyo Horumarinita" ayuu yiri Axmed Walad Cabdallah.
Shirka ayaa waxaa ka qaybgalay xubno iyo wakiillo ka kala socday dalalka: Faransiiska, Talyaaniga, Japan, Norway, Sweden, Soomaaliya, Turkiya, Ingiriiska, Midowga Afrika, Midowga Yurub, Urur Goboleedka IGAD, Jaamacadda Carabta, Bankiga Adduunka iyo Jamciyadda Bisha Cas ee Qatar.
Wasiir ka laabtay Istiqaalad uu horay u gudbiyay sheegayna in isbadal lagu sameynayo Xukuumadda Soomaaliya
Arbaco, June 09, 2010 (Wararka Dowladda ee Maanta) − Wasiirka Daryeelka iyo Dhaqan-celinta Naafada Dowladda Soomaaliya Dr. Maxamed Cali Ibraahim ayaa si rasmi ah ugu dhawaaqay xalay inuu ka laabtay go'aankiisii ahaa inuu iska casilo xilka uu ka hayo Xukuumadda Sharma'arke.
Dr. Maxamed Cali Ibraahim wuxuu sheegay in go'aankan uu ku dhashay markii ay u muuqdeen isbadaladii dhinaca baarlamaanka ee ahaa in loo doortay guddoon cusub, uuna rajeynayo inay wax badan iska badalayaan xaaladdu sidii ay ahayd.
"Waxaa socda dadaal lagu doonayo in lagu badalo xukuumadda hadda jirta si wax looga qabto xaaladda dalka, waana taas sababta keentay inaan ka laabto go'aankii hore ee ahaa inaan shaqada ka tago" ayuu yiri Dr. Maxamed Cali Ibraahim.
Sidoo kale, wasiirku wuxuu sheegay in Ra'iisul wasaaraha Soomaaliya Cumar C/rashiid uu ka diiday inuu xilkaas ka tago isaguna uu ka aqbalay, isagoo xusay inuu ka-dhur-sugayo isbadalka lagu sameynayo xukuumada oo dhawaan dhaci doona.
Wasiirkan ka laabtay inuu xilkiisa ka tago ayaa wuxuu Iscasilaaddiisa u gudbiyay Ra'iisul wasaaraha 5-tii May, waxaana xilligaas uu ka gaabsaday inuu sheego sababta keentay inuu shaqada ka tago.
Tuesday, June 08, 2010 (Somaligov News): Wasiirka Tacliinta Sare Maxamed Cabdullaahi Omaar oo hadda London jooga ayaa is casilay, waxuuna isku casilay ma sheegin waayo siyaasadda gudaha oo aad u sii khasan. Waxaa jira laba wasiiru dowlo oo ayaguna iscasilay kuwaasoo kala ah Wasiiru Dowlaha Gaanshaandhiga Yuusuf Siyaad Indho Cade Iyo Wasiiru Dowlaha Madaxtooyadda Xassan Macallin.
Tuesday, June 08, 2010 (Somaligov News): Madaxweynaha Shiikh Shariif waxuu si dadban u dalacsiiyey saraakiil yar yar oo difaaci doona danaha qarankooda isla-markaasna laga rabo inay ka sifeeyaan Al-qaacida iyo inta la shaqaysa. Soomaaliya waxay u baahan tahay nabadgelyo iyo wadashaqayn.
Tuesday, June 08, 2010 (Somaligov News): Dowladda Eritrea oo ka baxday xadka Djibouti ee ay horay khaladka u soo fadhiisteen waa hore kaasoo dowladda Eritrea ay ku khaldanayeen inay soo weeraraan dalka Djibouti. Dowladda Soomaaliya waxay u mahadcelinaysaa inay garnaqsatay dhibaatadii ay ku haysay Djibouti, dowladaha deriska iyo Soomaaliya.
Saturday, June 05, 2010 (Somaligov News): Cabdiweli Shiikh Ibraahim Muudey 2:24:28 ayaa waxaa loo doortay Guddomiye ku-xigeenka Golaha Shacabka ee Soomaaliyeed
Brof Dalxa “waa wax aan hore loo arag arinta maanta dhacday”
Sabti, June 05, 2010 (Somaligov News): Brof Maxa’ed cumar Dalxa oo wali sheeganaya in uu yahay gudoomiye ku xigeenka Koowaad ee baarlamaanka Soomaaliya ayaa sharci daro kiu tilmaamay doorashada maanta la doortay gudoomiye ku xigeenka baarlamaanka.
Dalxa ayaa arin aan hore loo arag ku tilmaamay arinta maanta ka dhacaday guriga umadda ee magaalada Muqdisho isagoo ula jeeday doorashada gudoonka baarlamaanka.
Brofesoorka ayaa beeniyay hadal saaka kasoo yeeray gudoomiyaha gudiga doorashada gudoonka baarlamaanka oo ahaa in maxkamadda sare ay fasaxday doorashada, waxa uuna shegay in Xaaji Shukri arintaasi lagula xisaabtami doono.
Dalxa ayaa sheegay in maxkamada sare uu wali go’aankeedu yahay in la joojiyo doorashada gudoomiye ku xigeenada baarlamaanka, isagoo sheegay in isagana uu kawar sugayo maxkamadda.
Brof Dalxa ayaa ciidamada booliska dowladda KMG ku eedeeyay in ay maanta ka hor istaageen kursigiisa.
Hadalka kasoo yeeray Brof Maxa’ed Cumar Dalxa aya kusoo beegmay saacado un kadib markii xubnaha baarlamaanka Soomaaliya ay doorteen gudoomiye ku xigeenka koowaad ee baarlamaanka.
Dhinaca kale xeer ilaaliyaha guud ee qaranka ayaa sharci daro ku tilmaamay doorashada maanta dhacday
Dagaaladii saaka Muqdisho ka bilowday oo si goos goos ah u socda
Thursday, June 03, 2010 (Wararka Dowladdda Eee Maanta): Dagaalo saaka aroortii ka bilowday magaalada Muqdisho ayaa soo gaaray ilaa caawa fidkii iyadoo wali magaalada laga maqlayo dhawaqa madaafiicda cul culus iyo rasaasta ka dhacda qoryaha fudud.
Xarakada mujaahidiinta Al-shabaab ayaa guulo ka sheegatay dagaalkii maanta iyadoo saxaafadda loo soo bandhigay gaari kuwa dagaalka ah oo laga gubay ciidamada AMISOM.
Ku dhowaad 30-qof oo rayid u badnaa ayaa ku geeriyootay madaafiic ku dhacday degmooyin badan oo ka tirsan magaalada Muqdisho iyadoo dhaawacuna uu kor u dhaafay 70-qof.
Maanta galinkii dambe ayaa sedex qof oo meyd ah lasoo dhigay isgoysyada Bakaaraha iyo kan Howl-wadaag ee magaalada Muqdisho.
Si aad u daawato sawirka gaariga laga gubay AMISOM ka fiiri dhinaca bidix ee bogga adigoo dib u laabanaya.
Afhayeenka culumaa’udiinka Ahlusunna-waljameeca Sheekh C/laahi Sheekh C/raxmaan (Abuu yuusuf Al-qaadi) oo caawa la hadlay idaacadaha Muqdisho ayaa sheegay in dhinacooda ay guulo ka gaareen dagaaladii maalmihii ugu dabmeeyay
Wasaaradda Qorshaynta Puntland iyo Qaar ka Mid ah Hayadaha Qaramada Midoobay oo kulan ku yeeshay Magaalada Garowe
Tuesday, June 01, 2010 (Wararka Dowladda ee Maanta):
Kulankan ayaa ahaa Mid Qaatay Saacado badan waxaana u dhaxmaray Dowlada iyo Masuuliyiin ka socday hay’adaha Qaramada Midoobay ee Sugun Puntland.
Wasiirka qorshaynta iyo Xirrirka caalamiga ah Daa’uud Maxamed Cumar ayaa furay kulankaasi ,waxaana ka soo Qayb galay hayado ay ka mid ahaayeen UNDP ,UNICEF iyo Qaar ka mid ah hay’adda Maxaliga ah ee Garowe ka howlgala.
Shirkan ayaa ku saabsanaa is waraysi u dhaxeeya Maamulka iyo hay’adaha ,Waxaana hayad kasata ay soo bandhigtay waxyaabihii ay qabatay Bilhii Tagay. Wasiirka Qorshaynta iyo xiriirka Caalamiga ee Puntland oo ka hadlay kulankaasi ayaa sheegay in ay lama huraan tahay sidii uu xirir caalami ah u dhaxmari lahaa Dowlada iyo hay’adaha ,isla markaana la isaga kaashan lahaa hormarinta Gobolka
Madax ka socotay hay’ada UNDP ayaa ku tilmaamay shirkan inuu ahaa Mid Muhiim ,Waxaana lagu soo bandhigay Hormarinta Howlaha deegaamaynta Puntland Mustaqbalka dhow,Waxaana uu shirkan ahaa Mid la Qabto Lixdii Biloodba Mar.
Ugu danbayntii Madaxdii kala duwanaa ee ka soo qaybglay shirkaasi ayaa ku Ballamay in la dar dargaliyo howlaha Dowlada ,Waxaana uu ku soo beegmay ,xilli Madaxda Puntland ay ishortaageen shir ay lahaayeen Madaxda Hayada PDRC ee Cilmi Baarista.
Shaqo joojin ay sameeyeen maamulka iyo shaqaalaha Universal TV ee Muqdisho
Sunday, May 30, 2010 (Wararka Dowladda ee Maanta):Mamulka taleefishinka Universal xafiiska magaalada Muqdisho waxa uu soo saaray war saxafadeed ku aadan war ka baxay telefishinka 29-05-2010-ka, ahaana war uu soo diray wariye uga soo warama telefishinka dalka koonfur Africa, islamarkaana warka lgu dhex arkay kartoon ay wargeysyada dalka koonfur Africa soo dabeceen kaasoo ahaa mid aflagaado ku ah Nabigeena Maxamed (NNKH).
Dhamaan shaqaalaha iyo maamulka TV-ga xafiiska magaalada Muqdisho ayaa war saxaafadeedkooda ku sheegay in ay si aad ah uga xunyihiin arintaasi, waxa ayna muslimiinta caalamka oo idil raali galin ka siiyeen warbixintaasi qaldan.
Shaqaalaha iyo maamulka Muqdisho ayaa sheegay in ay shaqada iska joojiyeen ilaa amar dambe, waxa ayna sheegeen in aysan marnaba raali ka noqon doonin wax alaala iyo wixii wax u dhimaya diinteena islaamka.
Sunday, May 30, 2010 (Wararka Dowladda ee Maanta): Afhayeenka Xarakada Shabaabul Mujaahidiin oo shir jaraa,id saxaafada muqdisho ugu qabtay khadka teleefanka ayaa sheegay inay si kumeel gaar ah u hakiyeen wada shaqayntii ay la lahaayeen TV-ga Univesal kadib markii uu sheegay Sheekh Cali inuu TV-gaasi baahiyay wargaysyo soo daabacay kaartoono lagu aflagaadeynayay nabigeena NNKH.
Sheekh Cali Dhere ayaa sheegay in laga qayb qaato aflagaadaynta nabigeenii suubanaa NNKH lagu gaaloobayo sida culumada islaamku isku waafaqsantahay.
Afhayeenka Al-shabab ayaa sheegay inay tahay markii ugu horeysay oo TV sheeganaya inuu dal muslim ah ka yimid uu baahiyo dacaayadaha raqiiska ah ee gaaladu ku aflagaadaynayaan suubanaheenii xushmada badnaa NNKH.
Dhanka kale waxa uu umadaha islamka ugu baaqay sheekh Cali Dheere inay il gooniya ku eegaan TV-gaasi oo ay ogaadaan inuu qayb ka yahay ololaha ka dhanka ah islamka.
Waxaana ugu baaqay Mujaahidiinta inay ka fiirsadaan la tacaamulka TV-ga Univesal.
Sheekh Cali Dheere ayaa sheegay in waaxda warfaafinta ee xarakada Al-shabab ay joojisay xalay laga soo bilaabo wada shaqayntii kala dhaxaysay TV-ga Universal oo saldhigiisu yahay magaalada London oo ay leeyihiin ganacsato Somali ah isla markaan af somaaliga ku hadla.
24/7 Online (Wararka Dowladda ee Maanta): Golaha Shacabka ee Soomaaliya ayaan maanta Golaha Shacabka Soomaaliyeed u doorteen guddoomiyaha Baarlamaanka asagoo xilkaas horay uu uga qaaday Madaxweyne Cabdilaahi Yuusuf Axmed kaasoo xilligaas ahaa Madaxweynihii Ku-Meel-gaarka ee Dowladda Soomaaliya. Inkastoo ay ummadda Soomaaliyeed aaminsan tahay inuu Shariif Xassan yahay nin wax kala dira isla-markaasna eegta danihiisa siyaasaddeed ayaa haatan wax cusub iyo wax qabad looga fafhin. Xildhibaanada doorashada soo xaadiray waxay ahaayeen 388 qof balse waxaa Shariif Xassan Shiikh Aadan u codeeyey 217 qof.
Madaxwayne Faroolle Oo Sheegay In Puntland ay ka Qayb Qaadanayso Xalinta Khilaafka u Dhaxeeya Madaxda Dowlada Soomaaliya
24/7 Online Arbaco, May 26, 2010 (Wararka Dowladda ee Maanta): Madaxwayaha Puntlad Dr C/rixmaan Maxamed Faroolle oo la hadlay warbaahinta ayaa sheegay in puntland ay kaalin wayn ku leedahay xalinta khilaafaadka ka dhex taagan xubno ka mid ah DFKM ah ee Somaliya.
Waxa uu sheegay Madaxwaynaha in khilaafkii Dowlada intiisa badan uu kala hadlay Madaxwane Sheekh Shariif oo ay ku wada kulmeen magaalada Istanbul ee dalka Turkiga.
Madaxwaynaha Puntland Dr Faroolle ayaa tilmaamay in khilaafka dowlada ka dhex taagan uu horseedi karo Bur Bur hor leh oo ku yimaada Umada Soomaaliyeed.
Puntland waxa ay dhex dhexaad ka tahay hormarinta umadda Soomaaliyeed" ayuu yiri madaxwaynaha isaga oo ku sugan dalka Turkiga xilli uu la hadlayay warbaahinta gudaha ee Puntland.
Dr Faroolle Madaxwaynaha Puntland ayaa Barlamanka somaliya ku tilmaamay in ay yihiin Indhaha soomaaliyeed ,waxaana uu ugu baaqay in xaalada dalka ay go,aan ka gaaraan.
Ugu danbayntii Xiriirka Puntland iyo Dowlada KMG ah ee Somaliya ayaa soo hagaagay wixii ka danbeeyay khilaafkii kenya ,Waxaana lagu wadaa in labada dhinac ay iska kaashadaan dhinacyo badan oo ah dhanka Nabad galyada ah.
Xeer ilaaliyaha guud ee Qaranka oo sheegay in lasoo gaarsiiyay dacwooyin ka dhan ah Wasiirro ka tirsan Xukuumadda Soomaaliya
24/7 Online Arbaco, May 26, 2010 (Wararka Dowladda ee Maanta): Xeer ilaaliyaha guud ee Qaranka Soomaliya Dr. C/llaahi Daahir Barre ayaa saxaafadda u xaqiijiyay inay soo gaareen dacwooyinka 10-wasiir oo Dowladda ka tirsan, isagoo sheegay inay baaritaanno wadaan.
Dr. C/llaahi Daahir Barre wuxuu sheegay in dacwooyinkaan ay soo gudbiyeen guddiga dhowrista iyo hantida Qaranka ee Baarlamaanka, isagoo ka gaabsaday inuu sheego xubnaha dacwooyinkooda loo keenay ee ku jira golaha Wasiirrada.
Guddigan oo horay uga hadlay dacwooyinkan ayaa sheegay in Wasiirrada la dacweeyay ay ku jiraan Wasiirka Maaliyadda Shariif Xasan Sheekh Aadan oo hadda u sharraxan xilka Guddoomiyaha Baarlamaanka Soomaaliya, Wasiirka Lacagta Eng. C/raxmaan Cumar Cismaan (Yariisow) iyo Wasiirro kale.
Xeer ilaaliyaha oo wax laga weydiiyay khilaafka u dhexeeya Madaxda dalka ugu sarrreysa ayaa sheegay inuusa xilligaan ka hadlayn, balse ay dhowrayaan waxa kasoo baxa khilaafkooda, iyadoo la sheegayo in Madaxweyne Sheekh Shariif uu ka fikirayo inuu soo magacaabo Ra'iisul Wasaare cusub oo badala Cumar C/rashiid.
"Labada mas'uul waxay ku kala bixi karaan Maxkamadda sare, waayo dowladdu waa mid dhisan qaab saddex qaybood ah howlahoodu kala duwan yihiin, innagu hadda faraha lama geli karo khilaafka" ayuu yiri Xeer Ilaaliyaha guud ee Qaranka.
Dhanka kale, maruu ka hadlay xilka guddoomiye ku xigeenka 1-aad ee Baarlamaanka oo la sheegay in loo tartamayo ayuu ku sheegay inay tahay mid aan sharciga waafaqsanayn, balse loo tartami karo xilalka la iska casilay oo kaliye.
Xeer Ilaaliyuhu wuxuu sheegay in guddiga doorshooyinka ay tahay inay dib u eegaan qodobadkaas, isagoo sheegay in Prof. Dalxa uu xilkaas hayo, haddii laga tallaabsadana aysan doorashadu noqonayn mid sharciga waafaqsan.
Madaxweyne Shariif Sh. Axmed oo soo magacaabidoono Ra'iisul Wasaare Cusub
24/7 Online Talaado, May 25, 2010 (Wararka Dowladda ee Maanta) - Warar lagu kalsoon yahay oo ay HOL ka heshay ilo wargaleen ayaa sheegaya in Madaxweyne Sharif Sh. Axmed uu ka fekerayo inuu soo magacaabo ra'iisul wasaare cusub oo beddela ra'iisul wasaare Cumar C/rashid Cali Sharma'arke, kaddib markii isaga iyo Sharma'arke ay ku heshiiyeen in ra'iisul wasaaruhu is-casilo muddo laba toddobaad kaddib ah.
Shakhsiyaadka sida weyn loo hadal hayo, lana sheegay inuu madaxweynuhu shir gaar ah la qaatay waxaa kamid ah: Max'ed C/llahi Oomaar, wasiirkii hore ee arrimaha dibadda, haatanna ah wasiirka tacliinta sare. Mudane Oomaar, oo madaxweynaha ku weheliyey shirweynihii dhawaan ka dhacay dalka Turkiga, ayaa kasoo jeeda gobollada Somaliland, waana aqoonyahan iyo siyaasi sumcad wanaagsan ku abuurtay intii uu wasiirka arrimaha dibadda ahaa.
Waxaa kaloo uu madaxwenuhu qiimeynayaa Gen. Cali Madoobe, oo ah sarkaalka u taliya ciidanka booliiska Soomaaliyeed. Gen. Cali Madoobe, ayaa kasoo jeeda gobollada Gedo, waana masuul khibrad weyn u leh arrimaha ammaanka iyo xasillinta.
Sidoo kale, waxaa hadal-hayaa Maxamed C/rizaaq, oo ah aqoonyahan da'a yar, kana shaqeeya xafiiska Wakiilka Xoghayaha Guud ee Qaramada Midoobay, Axmedou Ould-Cabdallah. Max'ed C/rizaaq ayaa hore u ahaan jiray madaxa shaqaalaha ee madaxweynihii hore ee Somalia, C/llahi Yuusuf Axmed, waxaana la rumeysan yahay inuu wato Ould-Cabdallah.
Wararka ay HOL heleyso ayaa muujinaya inay jiraan rag kale oo uu madaxweynuhu ka baaraan-dagayo.
24/7 Online Monday, May 24, 2010 (Wararka Dowladda ee Soomaaliya): Madaxweynha Dowladda Soomaaliya Mudane Shiikh Shariif Shiikh Axmed iyo wafdigiisa ayaan maanta ka soo degay garoonka asagoo ka soo qayb galay shirkii ay Turkeygu u qabteen Soomaaliya. Dowladda Turkeyga oo si weyn u qabatay shirkaas ayaa waxay kale oo ay la sixiixatay Dowladda Soomaaliya arrimaha quseeya tababarka ciidamada iyo qalabaynta.
24/7 Online Dowladda Turkiga oo dhexdhexaadinaysa Dowladdaha Soomaaliya iyo Eritrea. Dalka Turkiga oo shalay lagu soo gaba gabeeyey shir Caalami ah oo dalal badan oo Caalamka ah isugu yimaadeen kana .»» sii akhr24 May 2010
Axad, May 23, 2010 (Wararka Dowladda ee Maanta): Madaxweynaha Soomaaliya Shiikh Shariif Shiikh Axmed iyo wafdigiisa oo la filayo inay wax ka qabtaan dhibaatooyinka caalamka ka haysata burcad baddeedka iyo xasillooni la'aanta Soomaaliya. Waxaa shirkaas ka soo qaybgalay Dowladdo farabadan iyo Xoghayaha Qaramada Midooway Ban Ki-moon.
Madaxweynaha Soomaaliya Ayaa Maanta Turkey Yimid, lana Kulmay Madaxweynaha Dalka Turkiga Abdullah Gul
Madaxweyne Sheikh Sharif iyo Madaxweynaha Turkiya Abdullah Gull
Xafiiska Madaxweynaha Soomaaliya
(Istanbul, Turkey, May 21, 2010) Madaxweynaha Soomaaliya, Mudane Shariif Sheekh Axmed iyo wafdi ballaaran oo uu hoggaaminayo ayaa maanta soo gaaray magaalada istanbul ee dalka Turkey, halkaas oo uu ka furmay shir caalami ah oo looga hadlaayo dib u dhiska Soomaaliya, ayna isla qaban-qaabiyeen dowladda Turkey iyo Qaramad Midoobey.
Isla galabta, Madaxweynuhu waxa uu kulan dheer la galay Madaxweynaha Turkey Abdullah Gul, isaga oo war bixin dheer ka siiyey xaaladda amni, midda siyaasadeed iyo tan nololeed ee Soomaaliya, dhanka kalana uga warramay himilooyinka dowladda ku meel gaarka ah iyo waxa ay ka rajeyneyso shirkan caalamiga ah iyo dowladda Turkiga.
Sidoo kale, Madaxweynuhu waxa uu codsaday in ay xaaladda taariikhiga ah ee Soomaailya ay maanta ku jirto uu dalka Turkey ka istaago mowqif taariikhi ah.
Madaxweyne Abdullah Gul oo kulan dheer la qaatay wafdiga ayaa Madaxweynaha xog-waraysi dheer ka weydiiyey arrimaha Soomaailya, iyada oo weliba, kolkii kulanka labada dhinac uu dhammaaday uu Madaxweyne Abdullah Gul codsaday in ay gooni isku haraan Madaxweynaha Soomaaliya iya isagu.
Wafdiga Madaxweynaha Soomaaliya ee kulanka galabta ka qayb galay waxaa ka mid ahaa, Wasiirka Arrimaha Dibadda, Wasiirka Tacliinta Sare, Wasiirka Boostada iyo Isgaarsiinta, iyo Wasiirka Macdanta iyo Biyaha, Xildhibaan Cumar Idriis, Madaxa Xafiiska Madaxtooyada iyo Agaasimaha Warfaafinta ee Madaxtooyada.
Dalka Tanzania oo ku biiray dalalka aqbalay in lagu maxkamadeeyo laguna xiro burcadbadeedda Soomaaliya ee lasoo qabto
Jimco, May 21, 2010 (HOL) - Dowladda Tanzania oo ka mid ah dalalka kulaala Bariga Afrika ayaa sheegtay inay qayb ka noqonayso dalalka lagu xiro laguna maxkamadeeyo burcadbadeedda Soomaaliya ee lagu soo howlgallada Maraakiibta Midowga Afrika ay ka wadaan gacanka Cadan iyo Badweynta Hindiya.
Ururka Midowga Yurub ee ku howlan la dagalaanka kooxaha burcadbadeedda ah ee Soomaaliya ayaa horay heshiis noocan oo kale ah ula galay dalalka Kenya iyo Seychelles halkaasoo haatan ay ku xiran yihiin kooxo burcadbadeed ah oo ay qabteen ciidamada NATO iyo kuwa kale ee howlgalka qaybta ka ah.
"Mooshin ku saabsan arrintan ayaan u gudbinay baarlamaanka dalkeena, kaasoo lagu qeexay inaan qayb ka noqonayno dalalka lagu maxkamadeynayo kooxaha burcadbadeedda ah ee la qabto" ayuu yiri Guddoomiyaha Maxkamadda sare ee dalka Tanzania Federick Wereme oo la halay Reuters.
Madaxa Arrimaha Dibadda iyo Siyaasadda Midowga Yurub Catherine Ashton ayaa sheegtay in go'aanka kasoo baxay dalka Tanzania uu ka mid yahay codsiyo ay u direen dalal badan oo Afrikaan ah si loogu maxkamadeeyo burcadbadeedda.
"Burcadbadeenimadu waa loolanka ugu adag ee aan ku jirno, waxaana sidoo kale qayb ka ah beesha calaamka, waana qorshe lagu doonayo in xal loogu helo kooxaha ka qowlaysta Badweynta Hindiya, si Maraakiibtu ay nabad ugu maraan" ayay tiri Ashton oo saxaafadda kula hadlaysay Magaalada Darusalam ee dalka Tanzania.
Kooxaha burcadbadeeda Soomaaliya ayaa bilaabay inay afduubyo ka geystaan meelo ka baxsan biyaha dalka Soomaaliya, waxaana ciidamada ku sugan biyaha Soomaaliya ay xal u la'yihiin burcadbadeedda.
Madaxweynaha Jabuuti: waa in Muqdisho laga saaraa xoogagga mucaaradka
24/7 OnlineThursday, May 20, 2010 6:30 AM (Wararka Dowladda ee Maanta): Madaxweyne Ismaaciil Cumar Geelle oo la hadlayay golaha amaanka ee jamciyadda quruumaha ka dhexeysa ayaa walaac xoog le ka muujiyay dhibaatooyinka sii kordhaya ee ka jira gobolka geeska Afrika iyo si gaara Soomaaliya oo muddo 20-sana xisiloonideedii la’la yahay.
Mr geelle oo rajo xumo ka muujinayay sida aduunyadu ugu guuldareysatay in ay Soomaaliya ka saarto xaaladda fashilka iyo dowlad la la’aanta ayaa ku baaqay in waxa ugu yar laqabto isagoo yiri” mar hadii ay guul dareysteen dadaaladii kale, ugu yaraan aan ka sifeynno caasimadda kooxaha mintidka ah ee Al-qaacidda ku xiran kadibna aan dib u soo celinno hay’adihii dowladda iyo kala dambeyntii kagadaalna si Qaramada midoobey xafiisyadeedii dib uga furatto caasimadda Muqdisho” sida uu hadalka u dhigay.
Ismaaciil Cumar Geelle madaxweynaha jamhuuriyadda Jibuuti ayaa inkasta oo uu sheegay in kooxaha dowladda ka soo horjeeda bartilmaameedkoodu yahay in ay ridaan dowladda sharciga ah ee Soomaaliya hadana aan meesha ka saarin rajada dib u heshiisiin lala galo xoogagaasi. .
Ugu dambeyn Mr Geelle ayaa tilmaamay in dhibaatada Soomaaliya ay salka ku heyso abaaraha iyo colaadaha kuwaasi oon wax laga qabanna aan xal laga gaari Karin xaaladda murugsan ee soomaliya
Xeer ilaaiyaha qaranka oo sheegay in ay u kala gar qaadayaan Shariif iyo Sharmaarke
24/7 OnlineThursday, May 20, 2010 6:30 AM (Wararka Dowladda ee Maanta): Xeer ilaaliyaha guud ee qaranka Soomaaliyeed C/laahi Daahir Barre ayaa markii ugu horeysay ka hadlay khilaafka hareeyay xubnaha sare.
Midowga Africa oo ka digay khilaafka madaxda sare ee dowladda
24/7 OnlineThursday, May 20, 2010 6:30 AM (Wararka Dowladda ee Maanta): Galaha maanka iyo nabadda midowga ayaa sheegay in caqabado ay ka hor iman karaan kulanka looga hadlayo dib u dhiska Soomaaliya oo todobaadka soo socda ka furmi doona magaalada satambul ee dalka turkiga hadii madaxda sar sare ee dowladda KMG aysan soo afjarin khilaafka dhexdooda ah.
Ramtane Lamamra oo kamid ah xubnaha ugu sar sareeya dhanka amaanka iyo nabadgalyada midowga Africa ayaa wareysi uu siiyay VOA-da waxa uu ku sheegay in hogamiyaasha dowladda KMG Soomaaliya looga baahnyahay wax ka qabashada xaaladaha dhexdooda ka jira si loo adkeeyo buu yiri adkeynta kalsoonida beesha calamka ay ku qabto dowlada KMG Somalia.
“waa muhiim dabcan in aanu fariimo u dirno mas’uuliyiinta dowladda KMG Soomaaliya si ay u xaqiijiyaan wad hadalo dhexdooda ah iyo sidoo kale in lasoo gabagabeeyo khilaafka dhexdooda ka jira”ayuu yiri Lamamra.
Goob joogayaal ayaa ku waramaya in siyaasadda xiligan ee Soomaaliya ay tahay bidhaan gabi ka laalaada iyadoo beesha caalamkana ay walaac xooggan ay muujineyso is qab qabsiga Hogaanka sare ee dowladda KMG soomaaliya.
Arintan ayaa timid kadib markii madaxwene Shariif uu kala diray xukuumadii ra’isulwasaare Sharmaarke, tiiyoo Sharmaarkana uu ku gacan seyray hadalka kasoo yeeray madaxweynaha, kuna adkeystay in uu yahay ra’isulwasaare sharci ah.
Lamamra ayaa sheegay in arintan kusoo korodhay madaxda dowladda Soomaaliya ay dib u dhac ama carqaladeyn ku keeni karto shirka ka furmi doona Stambuul oo looga hadlayo arimaha dib u hwshiisiinta, dib u dhiska Soomaaliya iyo sidoo kale wax ka qabashada xaladaha burcad badeeda.
Sidoo kale lamamra ayaa beesha caalamka ugu baaqay in ay tix galiso arimaha Soomaaliya iyo in dowladda KMG ay usoo dadajiyaan malayiinta doolar oo ay horey ugu balan qaadeen si dib loogu dhiso hay’adaha fedraalka dowladda KMG soomaaliya.
Dadka taxliiliya arimaha siyaasadda soomaaliya ayey warbixintu kasoo xigatay in khilaafka u dhexeeya dowladda ay keeni karto in ay fursadaasi ka faa’ideystaan xoogagga dowladda Ku kacsan gaar ahaan xarakada mujaahidiinta Al-shabaab oo reer galbeedku ay aaminsanyihiin in ay xiriir la leeyihiin Alqaacidda
24/7 Online Arbaco, May 19, 2010 (Wararka Maanta ee Dowladda): Maxadweyne Shiikh Shariif Shiikh Axmed ayaa waxuu caddeeyey inaynan meelna ka shaqayn doonin xukuummaddii hore ee Ra'iisal Wasaare Cabdirashiid Cali Sharmaake. Madaxweynaha oo ku faraxsan soo magacaabida Ra'iisal Wasaare kale oo cusub kaasoo si deg deg ah u soo dhisi doona xukuummad cusub?
24/7 Online Arbaco, May 19, 2010 (Wararka Maanta ee Dowladda): Ra'iisal Wasaare Cabdirashiid Cali Sharmake waxuu wali ku adkaysanayaa in uu madaxweynaha xilka ka qaadi karin isla-markaasna Ra'iisal Wasaaraha waxuu diiday casilaada. Ra'iisal Wasaaraha oo haatan raba inay sii shaqayso xukuumaddiisa ayaa jecel in la xalliyo khilaafaadka.
24/7 Online Talaado, May 18, 2010 (Wararka Maanta ee Dowladda): Madaxweynaha Dowladda Soomaaliya Shiikh Shariif Shiikh Axmed ayaa laga sugayaa inuu soo magacaabo Ra'iisal Wasaare Cusub oo soo xula golaha xukuumad kuwaasoo lagu soo xuli doono aqoon iyo khibrad. Inkastoo Ra'iisal Wasaarihii Hore Cabdirashiid Cali Sharmaake ka biya-diiday cayrinta iyo kala dirka madaxweynaha balse madaxwaynaha waxuu awood u leeyahay inuu soo magacaabo ra'iisal wasaare cusub.
Xildhibaanno ku shiray Golaha Shacabka oo magacaabay guddi soo diyaariya doorashada Guddoomiyaha cusub ee Baarlamaanka
24/7 Online Talaado, May 18, 2010 (Wararka Maanta ee Dowladda): Xildhibaannada Baarlamaanka Soomaaliya ayaa maanta kulan ku yeeshay Golaha Shacabka, iyadoo shirka uu guddoominayay Xaaji Shukri Sheekh Axmed oo dhawaan ay xildhibaanno ka tirsan Baarlamaanka u doorteen guddoomiye KMG ah.
Kulanka ayaa markii uu furmay waxaa wadahadal yeeshay xildhbaannadii iskasoo horjeeday, kuwaasoo heshiis ka gaaray khilaafaadyadii u dhexeeyay, waxayna isku raaceen in baarlamaanka uu si KMG ah u guddoomiye Xildhibaan Xaaji Shukri Sheekh Axmed, waxayna iyagoo wadajira soo fariisiyeen miiska guddoonka.
Mudane Xasan Abshir Faarax oo ka hadlay guddoonka baarlamaanka ayaa sheegay inay isku raaceen dhamaantood inuu Xaaji Shurki shirarka baarlamaanka guddoomiyo inta ay ka dooranayaan guddoomiye cusub.
Guddoomiyaha meel ku gaarka ah ee Baarlaamanka Xaaji Shukri ayaa durbadii ku dhawaaqay guddi ka kooban 15-xubnood oo la sheegay inay soo diyaarin doonaan sida ay ku dhacayso doorashada guddoomiyaha cusub ee Baarlamaanka, waxaana saxaafadda u aqriyay qoraalkaas Xildhibaan C/llaahi Sheekh Ismaaciil.
"Guddiga la magacaabay waxay ka kooban yihiin 15-xubnood, waxaana guddoomiye u ah Xaaji Shukri Sheekh Axmed, waxayna kasoo shaqeyn doonaa sidii loo dooran lahaa guddoomiye cusub" ayuu yiri C/llaahi Sheekh Ismaaciil.
Sidoo kale waxaa qoraalka kasoo baxay guddoonka KMG ah ee baarlamaanka lagu sheegay in xoghayayaashii hore ee Baarlamaanka iyo Nidaamiyeyaashii ay howsha sii wadi doonaan, inta laga badalayo.
Xildhibaannada ayaa u muuqday kuwo aanu wax khilaaf ah u dhexeyn, mana jirin wax duqeymo ah oo loo geystay xarunta Golaha shacabka intii uu kulanku socday, iyadoo Maalintii Axadda oo ahayd markii ugu horreysay oo xaruntaas uu ka dhaco kulan uu yeesho Baarlamaanka Soomaaliya tan iyo 1991-kii la weeraray.
Monday, May 17, 2010 (Somaligov News): Madaxweynaha Dowladda Soomaaliya oo
24/7 Online maanta shaaca ka qaaday inay gabi ahaanba uu casilay Golaha Wasiiradda iyo Raysal Wasaaraha. Soomaaliya wixii maanta laga billaabo wax xukuumad ah ma laha balse waxaan rajaynayaa in aan soo dhiso.
Agaasimihii Wasaaradda Haweenka iyo Arrimaha Qoyska Soomaaliya oo kooxo hubeysan ay xalay ku dileen Muqdisho
Axad, May 16, 2010 (Wararka Dowladda ee Maanta): Kooxo ku hubeysan bastoolado ayaa xalay toogasho ku dilay agaasimihii wasaaradda Haweenka iyo Arrimaha Qoyska Soomaaliya Mudane Cali Nuur Jiley.
Dilka Agaasimaha ayaa ka dhacay albaabka hore Hotelka Madiina ee degmada Xamarjajab oo uu daganaa, waxaana xiligaas ay wadafadhiyeen mudane ka tirsan baarlamaanka Soomaaliya, kaasoo aan wax rasaas ah lagu furin.
Kooxaha dilka geystay ayaa baxsaday, iyadoo aanay jirin koox sheegatay inay ka dambeyso dilka agaasimaha, waxaana agaasimaha Maydkiisa la geeyay Isbitaalka Madiina ee Muqdisho.
Mudanihii la joogay Agaasimaha xilligii la dilayay ayaa sheegay in isagu uu ku cararay hoteelka markii ay xabbadu bilaabatay, waxaana goobta uu dilkan ka dhacay ku dhawaa ciidamo ka tirsan kuwa Dowladda.
Dowladda Soomaaliya ayaan ka hadlin dilka agaasimahan oo xilka loo dhiibay bishii Jannaayo ee Sannadkii hore, markaasoo la dhisay xukuumadda talada haysa ee uu hoggaaminayo Madaxweyne Sheekh Shariif Sheekh Axmed.
Marxuumka ayaa la sheegay inuu ifka kaga tagay gabar yar oo ay u dhashay Haweeney Swidish ah, waxaana muddo dheer ahaa dadka Soomaalida ah ee ku nool dibadaha dalka.
SHEEKH AADAN MADOOBE: "Dowladda Soomaaliya way dhacday, kaddib markii ay gudan wayday waajibaaadkeedii"
Axad, May 16, 2010 (Wararka Maanta ee Dowladda): Guddoomiyaha Baarlamaanka Soomaaliya Sheekh Aadan Maxamed Nuur (Sheekh Aadan Madoobe) oo maanta shir jaraa'id qabtay ayaa sheegay in dowladda Soomaaliya ay dhacday.
Sheekh Aadan Madoobe ayaa kaga dhawaaqay hadalkan albaabka hore ee xarunta Golaha Shacabka, isagoo sheegay in baarlamaanka uu kalsoonida kala laabtay xukuumadda markii ay garwaaqsadeen inay waxba qaban-wayday.
"Xukuumadda Soomaaliya way dhacday, waxaana cod loo qaaday kalsoonida kala laabtay 280-xildhibaan, 30-xildhibaan waxay siiyeen codka, halka ay ka aamuseen 8-xildhibaanna" ayuu yiri Sheekh Aadan Madoobe.
Guddoomiyaha Baarlamaanka wuxuu sheegay in Madaxweynaha Soomaaliya looga baahan yahay inuu soo magacaabo Ra'iisul wasaare cusub oo soo dhisa ka tayo iyo waxqabad wanaagsan midda dhacday.
Agaasimihii Wasaaradda Haweenka iyo Arrimaha Qoyska Soomaaliya oo kooxo hubeysan ay xalay ku dileen Muqdisho
Axad, May 16, 2010 (HOL) − Kooxo ku hubeysan bastoolado ayaa xalay toogasho ku dilay agaasimihii wasaaradda Haweenka iyo Arrimaha Qoyska Soomaaliya Mudane Cali Nuur Jiley.
Dilka Agaasimaha ayaa ka dhacay albaabka hore Hotelka Madiina ee degmada Xamarjajab oo uu daganaa, waxaana xiligaas ay wadafadhiyeen mudane ka tirsan baarlamaanka Soomaaliya, kaasoo aan wax rasaas ah lagu furin.
Kooxaha dilka geystay ayaa baxsaday, iyadoo aanay jirin koox sheegatay inay ka dambeyso dilka agaasimaha, waxaana agaasimaha Maydkiisa la geeyay Isbitaalka Madiina ee Muqdisho.
Mudanihii la joogay Agaasimaha xilligii la dilayay ayaa sheegay in isagu uu ku cararay hoteelka markii ay xabbadu bilaabatay, waxaana goobta uu dilkan ka dhacay ku dhawaa ciidamo ka tirsan kuwa Dowladda.
Dowladda Soomaaliya ayaan ka hadlin dilka agaasimahan oo xilka loo dhiibay bishii Jannaayo ee Sannadkii hore, markaasoo la dhisay xukuumadda talada haysa ee uu hoggaaminayo Madaxweyne Sheekh Shariif Sheekh Axmed.
Marxuumka ayaa la sheegay inuu ifka kaga tagay gabar yar oo ay u dhashay Haweeney Swidish ah, waxaana muddo dheer ahaa dadka Soomaalida ah ee ku nool dibadaha dalka.
Gudoomiyaha Baarlamaanka oo xariga ka jaray guriga umudda.
Saturday, May 15, 2010 (Wararka Dowladda ee Maanta): Gudoomiyaha baarlamaanka dowladda KMG ee soomaaliya sheekh aaden madoobe ayaa maanta xariga ka jaray hoolka shirarka guriga umadda kaasoo dhismo ay ku socotay in muda ah si halkaasi ay uga dhacaan kalfadhiyada baarlamaanka.
Sheekh Aden Madoobe ayaa wariyayaasha hortooda xariga uga jaray hoolkan oo ay u dhanyihiin dhamaan agabyadii looga baahnaa in shir uu ku qabsoomo.
Gudoomiyaha Baarlamanka oo ka hadalayay kadib markii uu xariga ka jaray hoolka shirarka ee guriga umadda ayaa sheegay in maalinta barito ah uu ka furmi doono hoolkaasi fadhigii xildhibaanada Baarlamanka KMG ah oo aan qabsoomin mudo kabadan sideed bilood.
Xarig ka jaridan guriga umadda ayaa imaanaysa iyadoo uu sii kordhayo muranka ka dhex aloosan mudanayaasha dhexdooda ee ku aadan inuu waqtigu ka dhamaaday iyo in kale gudoonka sare ee Baarlamanka.
Gudoomiyaha Baarlamaanka oo xariga ka jaray guriga umudda.
Saturday, May 15, 2010 (Wararka Dowladda ee Maanta): Gudoomiyaha baarlamaanka dowladda KMG ee soomaaliya sheekh aaden madoobe ayaa maanta xariga ka jaray hoolka shirarka guriga umadda kaasoo dhismo ay ku socotay in muda ah si halkaasi ay uga dhacaan kalfadhiyada baarlamaanka.
Sheekh Aden Madoobe ayaa wariyayaasha hortooda xariga uga jaray hoolkan oo ay u dhanyihiin dhamaan agabyadii looga baahnaa in shir uu ku qabsoomo.
Gudoomiyaha Baarlamanka oo ka hadalayay kadib markii uu xariga ka jaray hoolka shirarka ee guriga umadda ayaa sheegay in maalinta barito ah uu ka furmi doono hoolkaasi fadhigii xildhibaanada Baarlamanka KMG ah oo aan qabsoomin mudo kabadan sideed bilood.
Xarig ka jaridan guriga umadda ayaa imaanaysa iyadoo uu sii kordhayo muranka ka dhex aloosan mudanayaasha dhexdooda ee ku aadan inuu waqtigu ka dhamaaday iyo in kale gudoonka sare ee Baarlamanka.
Guddoomiyaha Baarlamaanka Sheekh Aadan Madoobe oo maanta sheegay xilliga ay sida rasmiga ah u furmayaan kulammada Baarlamaanka
Khamiis, May 13, 2010 (Wararka Dowladda ee Maanta) − Guddoomiyaha Baarlamaanka Soomaaliya Sheekh Aadan Maxamed Nuur (Sheekh Aadan Madoobe) ayaa maanta kaga dhawaaqay Muqdisho xilliga ay si rasmi ah u furmayaan kulammada baarlamaanka oo muddo dheer hakad ku jiray.
Sheekh Aadan Madoobe oo shir jaraa'id qabtay kaddib kulan aan caadi ahayn oo ay yeesheen guddiyada Baarlamaanka ayaa sheegay in maalinta Axadda ah ee toddobaadka soo socda uu furmayo kulanka Baarlamaanka uuna ka furmayo xarunta Golaha Shacabka oo dayactir lagu sameeyay.
"Markii aan la kulannay guddiyo loo xilsaaray kasoo shaqeynta xilliga uu furmayo kulanka ugu horreeya ee baarlamaanka waxay noosoo gudbiyeen in shirka uu furmi karo Maalinta Axadda ah ee soo socota" ayuu yiri Sheekh Aadan Madoobe.
Guddoomiyaha Baarlamaanka ayaa ugu baaqay xildhibaannada ku sugan Magaalada Muqdsiho inay kasoo qaybgalaan kulammadda Baarlamaanka si ay ugu shaqeeyaan shacabka Soomaaliyeed ee ay xilka u hayaan.
"Xildhibaannada dalka dibaddiisa ku maqan waxaan ku boorrinaynaa inay sida ugu dhaqsiyaha badan dalka ugu soo laabtaan ayna ka qaybgalaan kulammada furmaya, xildhibaankii uu dhaafo kulanka hore waa inuu ku dadaalo sidii uu kan lahaad uga soo gaari lahaa" ayuu yiri Sheekh Aadan Madoobe.
Mudanayaasha kasoo horjeeda guddoonka baarlamaanka ayaa Muqdisho ka sheegay inaysan ka qaybgalay kulan uu Sheekh Aadan Madoobe guddoominayo, waxayna ka digeen in shirarka Baarlamaanka uu furo Sheekh Aadan Madoobe.
Baarlamaanka Soomaaliya ayaan wax kulammo ah yeelan muddo sannad ku dhow, kaddib markii la kala fasaxay bishii September ee sannadkii hore, waxaana tani iyo xilligaas ay dib-u-dhacyo ku imaanayaan furintaanka fadhiyada baarlamaanka.
Taliyihii ciidamada Jandarmaariiga Dalka Jabuuti oo maydkiisa laga helay gurigiisa iyadoo jirkiisa ay ku yaallaan xabbado
Khamiis, May 13, 2010 (Wararka Dowladda ee Maanta) − Taliyihii ciidamada Jandarmaariiga dalka Jabuuti Marxuum Cabdi Boqorre ayaa maydkiisa laga helay gurigiisa habeenkii Arbacada isagoo ay afar xabadood jirkiisa ku yaalaan.
Inkastoo aan la ogeyn in taliyuhu uu isdilay iyo in la dilay ayaa hadana saxaafada dalkaas waxay sheegtay in taliyaha uu isagu isdilay, mana jirto mas'uul ka tirsan dowlada dalka Jabuuti oo ka hadlay geeridan.
Guddoomiyaha Xisbiga PND ee dalka Jabuuti Aadan Rooble Cawaale oo wareysi siiyay VOA-da laanteeda Afka Soomaaliga ayaa sheegay in warar kala duwan ay kasoo baxayaan dilka taliyaha, balse aan la ogeyn in la dilay iyo inuu isdilay.
Mr. Cawaale wuxuu sheegay in ehelada taliyaha dhintay ay qabaan in la dilay, iyagoo sidoo kalena aan ku kalsoonayn baaritaano ay wado Dowlada dalka Jabuuti, waxaana dhacdadan ay noqontay mid ay dadku shakiyo badan ka muujiyeen.
Ciidamada Jandarmaariiga ayaa ah ciidamada ka shaqeeya ammaanka guud ee dalka, waxaana gacanta ku hayaan goobaha muhimka ah sida Dekeda, Garoonka iyo Madaxtooyada oo ay ilaalo xoogan ka hayaan. Dilkan ayaa imaanayaa iyadoo dhawaan baarlamaanka dalka Jabuuti uu dastuurka dalkaas ku daray qodob u ogolaanaya Madaxweynaha dalkaas inuu mar saddexaad uu ka qaybgeli karo doorashada Madaxweynenimo ee dalkaas oo dhacaysa 2011.
Wednesday, May 12, 2010 3:54:48 PM (Wararka Dowladda ee Maanta): Xafiiska Isgaarsiinta Iyo Heshiisyada Dowladda waxuu ogeysiinayaa shacabka Soomaaliyeed inay bulshada caalamka ay iska indho-tirayso khasaaraha iyo sunta ay ku qubaan badda Soomaaliya isla-markaasna ay ka hadlaan burcad baddeeda Soomaaliyeed kuwaasoo ay ayga ku kalifeen inay noqdaan burcad baddeed markii ay burburiyeen shabaaktoodii ay ku jilaabanayeen.
Wednesday, May 12, 2010 3:54:48 PM (Wararka Dowladda ee Maanta): Xafiiska Isgaarsiinta Iyo Heshiisyada Dowladda waxuu ummadda Soomaaliyeed u sheegayaa inay bulshada caalamka ay ka dembeyso khas iyo dhibaatada Soomaaliya ka taagan. Dowladdaha Soomaaliya isku dayey inay qumaystaan Soomaaliya waxay ku guuldaraysteen kala qaybinta ummadda Soomaaliyeed haatana waxay diyaar u yihiin inay naga tirtiraan khad qaarada Afrika.
Wasaarda Caafimaadka Xukuumada KMG ah ee Soomaaliya ayaa wax laga xumaado ku tilmaantay boobkii kooxda la magac baxday Xisbul Islaam ay u geeysteen Cisbitaalka Xaawo Cabdi ee duleedka Magaalada Muqdisho.
Sunday, May 09, 2010 (Wararka Dowladda ee Maanta): Wasiirka Tiknoolojiyada iyo Cilmibaarista ahna sii hayaha Wasaarada Caafimaadka Xukuumada KMG ah ee Soomaaliya Maxamed Cali Xagaa oo u waramayay Radio Muqdisho ayaa si kulul u Cambaareeyay boobkii iyo Bililaqadii Maleeshiyada Xisbigu ay u geeysteen Cisbitaalka Xaawa Candi oo ku yaala Wadada isku Xirta Muqdisho iyo Afgooye.
Wasiirku waxaa uu ku tilmaamay fal Bani’adnimada ka baxsan talaabada foolxumada leh oo ay ku dhaqaaqeen Maleeshiyada Xisbiga, waxa uuna muujiyay sida Dowlada KMG ah ay uga xuntahay bililiqada loo geeystay Cisbitaalka Xaawo Cabdi oo adeegyo kala duwan ee dhinaca Caafimaadka ah u qabanjiray Bulshada Soomaaliyeed ee ku dhaqan deegaanada loo barakacay ee u dhaxeeya Muqdisho iyo Afgooye.
Wasiirku waxa uu ugu baaqay kooxda Xisbiga in ay sii daayaan Drs Xaawo Cabdi oo walli ku jirta gacanta maleeshiyada Xisbul Islaam, kadib markii ay ka kaxeeysteen gudaha Cisbitaalka xiligii ay bililaqeeysanayeen, dadka ku dhaqan deegaanada u dhaxeeya Muqdisho iyo Afgooye ayaa si weyn uga xumaaday falkii Maleeshiyada la magic baxday Xisbigu ay ku bililiqeeysteen Cisbitaalka Xaawo Cabdi ee duleedka Magaalada Muqdisho.
Agaasimaha Guud ee Baarlamaanka Jamhuuriyadda Soomaaliya ayaa ka warbixiyay Shirar uu uga soo qeyb galay dalka Koofur Afrika kuwaasoo ay yeesheen Xubno ka tirsan Baarklamaannada dalalka ku bahoobay Ban Afrika.
Sunday, May 09, 2010 (Wararka Dowladda ee Maanta): Mudane Abuukar Guure oo ah Agaasimaha Guud ee Baarlamaanka Jamhuuriyadda Federaalka KMG-ka Soomaaliya oo la hadlayay Radio Muqdisho Codka Jamhuuriyadda Soomaaliya kadib markii uu Maalintii shalay dib ugu soo laabtay gudaha Magaalada Muqdisho,ayaa shaaca ka qaaday in uu labo Shir uga soo qeyb galay dalka Koofur Afrika kuwaasoo lagu qabtay Magaalada Johansburg ,isagoo tilmaamay inay shirarkaasi lahaayeen Labo weji oo kala ah mid ay isugu yimaadeen Xildhibaanno ka tirsan Baarlamaannada Ban Afrika oo ay Soomaaliya ku leedahay Afar Xubnood iyo mid kale oo ay lahaayeen Agaasimeyaasha Guud ee Baarlamaannada Ban Afrika,waxa uuna agaasimuhu xusay in Muhiimadda looga hadlay Kulamadaasi ay ahaayeen sidii Iskaashi dhinaca wada shaqeynta ah ay u yeelan lahaayeen Xubnaha Barlamaannada ku mideysan Ban Afrika islamarkaasna inta badan diiradda lagu saaray Arrimaha Baarlamaanka.
Agaasimaha Guud ee Baarlamaanka Jamhuuriyadda Soomaaliya Abuukar Guure ayaa sidoo kale hoosta ka xariiqay inuu Maalmaha soo socda u safri doono Magaalada Kampala ee Caasimadda dalka Uganda halkaasoo uu ugu fidiyay Baarlamaanka wadanka Uganda.
Soomaaaliya ayaa xubin weyn ka ah Baarlamaannada dalalka ku mideysan Ban Afrika iyadoo sidoo kalena qeyb muhiim ka ah Baarlamaannada Dowladaha IGAD,Jaamacadda Carabta,Baarlamaannada caalamka ,Baarlamaanka Dowladaha Carabta iyo kuwo kale,waxayna Masuuliyiinta Dowladda Soomaaliya ka qeyb galaan Shirarka caalamiga ah ee lagu qabto dalalka Caalamka kuwaasoo waxyaabaha looga hadlayo mararka qaarkood ay Ajandaha koowaad ka tahay Arrimaha Soomaaliya.
Saturday, May 08, 2010 (Wararka Dowladda ee Maanta) Dowladda Soomaaliya waxay u diyaar goroowaysaa isku shaandhaynta golaha xukuummadda si wadaadada Ahlu Sunna Wal Jameeca ay u helaan jaggooyinkood. Dowladda waxay diyaar u tahay inay wax u qabato shacabkooda Soomaaliyeed meelkasta oo ay joogaan. Soomaaliya waxay u baahan tahay nabadgelyo marka waa in aanu si deg deg ah u dooraanaa madaxdii noo hoggaamin lahayd Golaha Shacabka Soomaaliyeed.
Madaxweyne Sheekh Shariif Sheekh Axmed oo maanta magacaabay taliye ku xigeenka ciidanka Milateriga Soomaaliya
Khamiis, May 06, 2010 (HOL) − Madaxweynaha Soomaaliya Sheekh Shariif Sheekh Axmed ayaa maanta magacaabay taliye ku xigeenka ciidanka Milateriga Soomaaliya kaddib shir jaraa'id oo uu ku qabtay xafiiskiisa Muqdisho.
Taliye ku xigeenka ciidanka Milateriga Sooomaaliya ayaa waxaa loo magacaabay G/sare C/kariin Yusuuf Aadan, iyadoo lagu sheegay wareegtadii lagu magacaabay in magacaabiddan ay qayb ka tahay heshiiska ay wadagaareen Dowladda Soomaaliya iyo Ahlusunna Waljamaaca.
"Magacaabiddan waxay qayb ka tahay fulinta heshiiskii Ahlusunna iyo Dowladda Soomaaliya ay wada-gaareen, waxaana magacaabidda taliyaha cusub kala taashaday Wasiir u dowlaha Gaashaandhigga Sheekh Yuusuf Maxamed Siyaad (Indha-cadde)" ayuu Madaxweyne Sheekh Shariif ku yiri shirkiisa jaraa'id.
G/sare C/kariin Yuusuf Aadan ayaa Madaxweynaha hortiisa lagu dhaafiyay, isagoo hadal uu ka jeediyay goobta ku sheegay inuu diyaar u yahay xilkiisa loo dhiibay uuna kasoo bixi doono.
"Marka hore waxaan uga mahadcelinayaan Madaxweynaha Soomaaliya xilka uu ii magacaabay, waxaana ka codsanayaan saraakiisha Wasaaradda Gaashaandhigga inay gacan igu siiyaan gudaha xilkeyga" ayuu yiri G/sare C/kariin Yuusuf Aadan.
Magacaabidda Mas'uulkan oo ka tirsan Ahlusunna Walajmaaca ayaa imaanaysa xilli uu guddoomiyaha guud ee Ahlusunna uu Macallin Maxamuud Sheekh Xasan uu sheegay inuu burburay heshiiskii ay wadagaleen Dowladda iyo Ahlusunna, isagoo u burburkiisa ku eedeeyay Madaxda Dowladda Soomaaliya.
Madaxweynaha Soomaaliya oo taliye ku xigeen u magacaabay Ciidanka XDS. SAWIRRO.
Thursday, May 06, 2010 1:54:08 PM (Wararka Dowladda ee Maanta) Madaxweynaha Jamhuuriyadda Soomaaliya ayaa maanta magacaabay taliye ku xigeenka cidanka xooga dalka Soomaaliya.
Shir jaraa’id oo uu Madaxweyne Shariif uu ku qabtay Xarunta madaxtooyada Villa Somalia ayuu taliye ku xigeen ugu magacaabay S/guuto C/kariin Yuusuf Aadan Dhega Badane , waxaana wareegtada magacaabidda saxaafadda u aqriyay madaxa Baratakoolka Madaxtooyada Mursal Maxamed Fareey.
Madaxweynaha ayaa sheegay in magacaabidda taliye ku xigeenka ay qeyb ka tahay dadaladda dib u heshiisiinta ee ay dowladdu wado, wuxuuna sheegay in sidoo kale uu taliye ku xigeenku ka qeyb qaadan doono dadaalka dib loogu soo celinayo Ammaanka dalka Soomaaliya.
C/kariin Yuusuf Aadan oo maanta loo magacaabay taliye ku xigeenka Ciidamda Xoogga dalka Soomaaliyeed ayaa ka yimid dhinaca Culumada Ahlu Sunna Waljamaaca, wuxuuna madaxweynhu sheegay in ay tallabadani qeyb ka tahay heshiiskii Addis Ababa ku dhex maray Dowladda Iyo ASWJ.
Taliye ku xigeenka ayaa sheegay in xil la qaado waqtigaan aysan ahayn wax sahlan, hase yeeshee uu dadaali doono si dalka iyo dadka Soomaaliyeed loo badbaadiyo, waxaana isla goobta Shirku ka dhacay ku dhaariyay Taliye ku xigeenka Wasiiru Dowlaha Gaashaan Dhigga Sh. Yuusuf Maxamed Siyaad Indhacade.
Saraakiil ka tirsan Ciidamada Xoogga Dalka Soomaaliya ayaa madasha magacaabidda iyo Dhaarintuba ka dhacday ku sugnaa, kuwaas oo si weyn u soo dhaweeyay xilka loo magacaabay taliye ku xigeenka Cusub ee Ciidamda Xoogga dalka Soomaaliya.
Q/Midoobay oo cambaareysay qaraxyadii ka dhacay Masaajid ku yaalla Suuqa Bakaaraha ee ay dadka badan ku dhinteen
Isniin, May 03, 2010 (Wararka Dowladda ee Maanta) - Ergeyga gaarka ah ee Qarammada Midoobay u qaabilsan Arrimaha Soomaaliya Axmed Walad Cabdalla ayaa si kulul u cambaareeyay qaraxyadii ka dhacay Masjidka Cabdalla Shideye ee Suuqa Bakaaraha, kuwaasoo ay ku dhinteen kuna dhaawacmeen dad badan oo Soomaali ah.
"Qaraxan wuxuu ahaa weerar naxariis-darro ah oo lala beegsaday dad Masaajidka u tagay inay ku cibaadeystaan" ayuu yiri Axmed Walad Cabdalla oo warsaxaafadeed kasoo saaray xafiiskiisa Nairobi.
"Weerarradan oo kale waa in la cambaareeyaa" ayuu hadalkiisa sii dabo dhigay, isagoo sheegay in weerarka lagu qaaday Suuqa Bakaaraha oo ay gacanta ku hayaan kooxaha Dowladda kasoo horjeeda uu sii kordhin karo dhiigga daadanaya iyo colaadda dalka ka jirtay 20-kii sano ee ugu dambeysay.
Wakiilka Qarammada Midoobay ee Arrimaha Soomaaliya ayaa sheegay in weerarkan uu ahaa mid aan horay uga dhicin Soomaaliya ayna aad uga walwalsan yihiin inay soo laabtaan kuwo la mid ah oo dad badan dila.
"Weli ma garanayno cidda qaraxyadan ka dambeysay, ula jeeddadooda ama cidday ahaayeen dhibbanayaasha, laakiinse waa dadka Soomaaliyeed cidda ay dhibaatadu ku dhici doonto," ayuu yiri Ergayga Qarammada Midoobay ee Soomaaliya.
"Falkan dani ugu ma jirto Wadahadal ama Xasillooni ku soo celinta Soomaaliya" ayuu hadalkiisa dabo-dhigay, isagoo ugu baaqay Soomaalida inay digtooni ka muujiyaan qaraxyada noocan oo kale ah.
Ugu dambeyn wuxuu sheegay in isagoo ku hadlaya Magaca Xoghayaha guud ee Qarammada Midoobay Ban-Ki-Moon uu ugu baaqayo dadka Soomaaliyeed in dilka iyo dhibaateynta shacabka la joojiyo.
Wasiirka Dastuurka iyo Arrimaha Federaalka Soomaaliya oo sheegay inay soo gabgabeeyeen qoraalka dastuur ay yeelato Soomaaliya
Isniin, May 03, 2010 (Wararka Dowladda ee Maanta) - Wasiirka dastuurka iyo Arrimaha Federaalka Soomaaliya Madoobe Nuunow Maxamed oo shir jaraa'id ku qabtay Muqdisho ayaa sheegay inay dhameystireen qoraalka dastuurka cusub ee uu dalka yeelanayo.
Madoobe Nuunow ayaa sheegay in dastuurkan cusub ee ay qoreen uu yahay mid Federaali ah oo lagu badalayo dastuurkii hore, isagoo xusay in shacabka loo weydiin doono codka kalsoonida marka la isla ogolaado.
"Sannadkan dabayaaqadiisa ayaan Shacbka Soomaaliyeed u soo bandhigaynaa dastuurkan cusub ee qoraalkiisa la dhameeyay, markaasoo aan ururin doono rayiga dadweynaha si loogu daro haddii ay noqdaan kuwo ka maqan" ayuu yiri Wasiirka Dastuurka oo intaas ku daray:
"Dastuurkan qof walba oo Soomaali ah wuxuu ka dhiiban doonaa rayigiisa, waayo waa axdigii lagu dhaqi lahaa, waxaana dastuurkan uu hannaanka maamul ee dalka u badali doonaa mid Federaali ah iyadoo laga gudbayo nidaamka 4.5-ka ah". Xubnaha qoraya dastuurkan ayaa waxay ku sugan yihiin dalka Jabuuti, iyadoo la sheegay in lagu baqay inay faragelin ku sameyso qoraalkiisa Madaxda Dowladda Soomaaliya iyo hay'adaha caalamiga ah ee ay saaxiibka yihiin.
Ugu dambeyn wasiirku wuxuu sheegay in dastuurkan uu noqonaya kii ugu horreeyay oo laga ansixiyo shacabka Soomaaliyeed, isla markaana gogol-xaar u noqda doorasho xor ah oo ka dhacda dalka.
Dowladda Soomaaliya oo ugu baaqay Hay'adaha gargaarka inay Magaalada Muqdisho u soo wareejiyaan xafiisyada uga furmay Dalka Kenya
Isniin, May 03, 2010 (Wararka Dowladda ee Maanta) - Wasiirka Gargaarka Bani'aadamnimo ee Soomaaliya Maxamuud Cabdi Ibraahim (Garweyne) oo maanta shir jaraa'id ku qabtay Muqdisho ayaa sheegay in hay'adaha gargaarka ay ka dalbanayaan inay xafiisyadooda u soo wareejiyaan Magaalada Muqdisho.
"Hay'adaha gargaarka ee caalamiga ah waxaan ugu baaqaynaa inay xafiisyadooda u soo wareejiyaan Magaalada Muqdisho, si gargaar loo gaarsiiyo dadka dhibaateysan" ayuu yiri Wasiirka Gargaarka Bani'aadamnimo ee Dowladda Soomaaliya.
Wasiirku wuxuu sheegay inay la xisaabtami doonaan hay'adaha sheegta inay ka shaqeeyaan Soomaaliya kuna qaata lacag balse aan waxba ka qaban, isagoo xusay inay jiraan hay'ado badan oo magaca Soomaalida dhaqaale uga qaata calaamka.
"Dowladda waxaa ka go'an inay la xisaabtanto hay'adaha walba oo lacagta loogu talogalay shacabka Soomaaliyeed u istimaasha sidii ay doonaan" ayuu yiri wasiirka oo intaas ku daray in la-xisaabtankaas uu dhawaan bilaaban doono.
Hay'adaha Caalamiga ah ee gargaarka ee howlahooda gargaar ay ku wajahan yihiin Soomaaliya ayuu ugu baaqay inay ku daydaan Ururka Islaamka ayna xafiisyadooda ka furtaan Magaalada Muqdisho.
Inta badan hay'adaha gargaarka ee ka shaqeeya arrimaha dalka Soomaaliya ayaa waxay xafiisyo ku leeyihiin Magaalada Nairobi ee dalka Kenya, iyagoo sheegay inaysan ku shaqeyn karin Soomaaliya sababo la xiriira amaankooda.
24/7 Online Sunday, May 02, 2010 3:41:17 PM (Wararka Dowladda Ee Soomaaliya): Qarax Kismaayo ka dhacay oo la beegsaday Masjid kaasoo aan hadda la hubin in wax dadka ah ay ku dhinteen ama ku dhaawacmeen.
Qarax xooggan ayaa caawa ka dhacay Masjid ku yaala Gudaha Magaalada Kismaayo ee xarunta Gobolka Jubada Hoose.
Hal qof ayaa ku dhintay inta la ogyahay inka badan 10na way ku dhaawacmeen qaraxaan oo lala beegsaday masjid ku yaala xaafadda Guulwade oo woqooyi galbeed uga taala magaalada Kismaayo.
Warar kala duwan ayaa ka soo baxaya nooca qaraxa, dadka qaar ayaa sheegaya in qaraxu uu ahaa Bam gacmeed lagu tuuray Masjidka, halka ilo kale ay sheegayaan in qaraxu uu ahaa Miino masjidka ka dhex qaraxday.
qaraxu wuxuu dhacay xilligii salaadda Ceshaha ee caawa, ayadoo dadku ay ku sugn aayeen gudaha iyo banaanka masaajidka.
waa maalintii labaad oo si xiriir ah qaraxyo looga fuliyo Masjidyo ku yaala gudaha dalka Soomaaliya, kadib markii shalay qarax ka dhacay Masjid ku yaala Suuqa Bakaaraha, waxaana xusid mudan in ay qaraxyadani ka dhacayaan goobaha ay ku sugan yihiin maleeshiyaadka diiddan Dowladnimada Soomaaliya.
Wixii warar ah eek u soo kordha waan idiin soo gudbin doonaa Hadduu Alle Idmo.
24/7 Online Sunday, May 02, 2010 3:41:17 PM (Wararka Dowladda Ee Soomaaliya): Dowladda Soomaaliya waxay caddaynaysaa miinooyinka lagu qarxinayo masaajidada waxaa ka dembeeya Xisbul Islaam Iyo Shadaadiinta Shabaabul Shaydaan kuwaasoo raba inay shacabka jahwareeriyaan balse shacabku uu fahansan yahay isla-markaasna shacabka Soomaaliyeed waxay beelaha caalamka ka codsanayaan inay ka joojiyaan khaska iyo qaraxda.
24/7 Online Saturday, May 01, 2010 (Wararka Dowladda Soomaaliya ee Maanta) Dowladda Soomaaliya waxay maanta aqoonsatay inuu Safiirkii hore ee xafiiska Qaramada Midooway u-qaabilsanaa Soomaaliya Mudane Winston A. Tubman ahaa shaqsi Afrikaan ah oo run ahaantii jeclaa inay Soomaaliya degto isla-markaasna ay Afrika noqoto meesha kaliya ee laga helo dad isku diin ah, isku af ah. Dowladda Soomaaliya waxay u aqoonsatay inuu Winston A. Tubman matali karo qaaradda Afrika asagoo noqo kara madaxweynaha qaarada Afrika.
24/7 Online Friday, April 30, 2010 Muqdisho:(Wararka Dowladda ee Maanta)-Waxaa saacadihii ugu danbeeyey kulamo xasaasi ah kulahaa Aqalka Madaxtooyada ee Villa-Soomaaliya madaxda ugu saraysa dawlada soomaaliya kuwaas oo kulamo culus ku lahaa sidii loo dejin lahaa khilaafaadka sharci ee soo kala dhex galay Baarlamaanka soomaaliya.
Kulankan oo laga fogeeyey saxaafada soomaaliya ayaa waxaa garwadeen ka ahaa madax kasocota Dawlada jabuuti,balse madaxdaasi maanta laguma dhex arag kulamada,kulamadan ayaa xataa laga hor istaagay Wasiiro ka tirsan dawlada soomaaliya oo lagu eedaynayey in ay khilaafka kaalin mug leh ka qaateen.
Kulamadan ayaa lasoo gaba gabeeyey goordhaweyd oo maanta ah,waxaana kulamadii u danbeeyey si toos ah u wada fadhiyey Sheekh Shariif Sheekh Axmed madaxweynaha soomaaliya,Aadan Maxamed Nuur (Aadan madoobe) gudoomiyaha baarlamaanka & Dr,Cumar Cabdirashii Sharmaake,waxayna kawada xaajoonayeen sidii khilaafka baarlamaanka oo lagu eedaynayo inay ku lug leeyihiin madaxda dawlada soomaaliya loo dhamayn lahaa.
Wada hadalka sadexda mas'uul ee ugu saraysa Dawlada soomaaliya ayaa markii uu soodhamaaday waxay si wada jir ah u soo saareen War murtiyeed ay uga hadlayaan kulamadooda,waxayna sheegeen in ay kulamadu guul kusoo dhamaadeen isla markaasna xal laga gaaray khilaafka sharciga ku salaysan ee u dhexeeya baarlamaanka soomaaliya.
Wasiirka warfaafinta ee DFKMG ah Daahir Maxamed Geele oo ay dhinacyadiisa fadhiyeen Sadexda mas'uul ee ugu saraysa Dawlada soomaaliya ayaa qoraalkan warbaahinta u akhriyey,wuxuuna sheegey Madaxda Qaranku waxa ay ku midaysan yihiin dareenka ah in dhammaan hay’adaha dastuuriga ah iyo xubnaha Baarlamaankuba ay ku dadaalaan hir-gelinta waajibaadka qaran ee loo wada dhaartay.
"Madaxweynaha, Guddoomiyaha Baarlamaanka iyo Ra’iisul Wasaaruhu u go’aansadeen in ay u caddeeyaan shacabka Soomaaliyeed, mudanayaasha Baarlamaanka, xubnaha golaha Wasiirada iyo bulshada caalamka, gaar ahaan saaxiibada Soomaaliya, in masuuliyiinta sare ee Qaranka Soomaaliyeed ay midaysan yihiin, una taagan yihiin in ay ku shaqeeyaan kana mira dhaliyaan mabaadiiddii iyo himilooyinkii loo soo dhisay DFKM"ayaa lagu yiri Qoraalka ay sida wada jirka ah u soo saareen sadexda mas'uul ee ugu saraysa dawlada soomaaliya.
Qoraalka ayaa loogu mahadceliyey dawlada Jabuuti oo qeyb ka ahayd samaynta dawladan,isla markaasna gudi dhawaan u soodirtay xalinta khilaafka ka dhex jira madaxda dawlada"Madaxda ugu saraysa dawlada soomaaliya waxay mahad ballaaran u soo jeeddinayaan dowladda iyo shacabka aan walaalaha nahay ee Jabuuti, Madaxweyne Ismaaciil Cumar Geelle iyo ergeyga Madaxweynha Jabuuti ahna Wasiirka Awqaafta iyo Arrimaha Islaamka ee dalka Jabuuti Mudane Xaamud Cabdi Suldaan oo gacan weyn nagu siiyey xallinta khilaafka baarlamaanka soo dhex-galay"ayaa kamid ahaa waxyaabihii Warsaxaafadeedka lagu dhex sheegey.
ugu danbayn Warsaxaafadeedka ayaa lagu sheegey in Baarlamaanka soomaaliya looga baahan yahay inay dejiyaan Xaalada adag ee ka dhex jirta,mase sheegin Madaxda dawladu in khilaafka xalintiisa loo gudbin doono baarlamaanka soomaaliya,dad badan ayaa aamin san in heshiiskan ay gaareen sadexda mas'uul uusan waxba ka bedeli karin khilaafka baarlamaanka sababtoo ah ma jirto isfahansiin laga dhexsameeyey Baarlamaanka Soomaaliya oo iyagu todobaadyadii u danbeeyey kukala fikir duwanaa jirtaanka Gudoonka baarlamaanka ee soomaaliya.
24/7 Online Thursday, April 29, 2010 (Wararka Dowladda Ee Maanta) Guddoomiye ku-xigeenka Golaha Shacabka Soomaaliya Mudan Maxamed Cumar Dalxa ayaa sheegay inuu jiro khilaafkii baarlamaanka sababtuna tahay mushahar la'aan sidaas awgeedna waxaa la filayaa in la xilli doono. Soomaaliya waxay hadda u baahan tahay lacag lagu xalliyo dhibaatooyinka siyaasaddeed ee ka dhex taagan xildhibaannadda baarlamaanka.
24/7 Online Tuesday, Wednesday, April 28, 2010 (Wararka Dowladda ee Maanta) Madaxweynaha Dowladda Soomaaliya Shiikh Shariif Shiikh Axmed ayaa u magacaabay Dr. Badal Kariye inuu noqdo Madaxa Xafiiska Ciidanka Ilaalinta Dibolomaasiyadeed.kaasoo kamid ah Hay'adda Nabadsugida Qarabka Soomaaliyeed. Dr. Badal Kaariye waxuu horay u ahaa Agaasimaha Xafiiska Isgaarsiinta Iyo Heshiisyada Dowladda Soomaaliya meshaasoo uu madaxweynaha Soomaaliya wali rajaynayo inuu sii hayn doono Dr. Badal Kaariye.
24/7 Online Tuesday,Wednesday, April 28, 2010 SHIIKH C/LLAAHI ABUU YUUSUF ALQAADI : “Dhawaan ayaan ka sifeyn doonnaa Goballka Banaadir kooxaha dagaalka ka wada”
Arbaco, 28, April, 2010 (Wararka Dowladda ee Maanta) Dagaallo shalay ku dhaxmaray Magaalada Muqdisho kooxaha Mucaaradka ah iyo Ciidamada Dowladda ayaa markii ugu horreysay waxaa qeyb ka ahaa Xoogagga Culima'udiinka Ahlu Sunna Waljameeca oo dhawaan heshiis la galay Dowladda Soomaaliya kaas oo qeyb ka ahaa in meel looga soo wada jeesto kooxaha ku kacsan Dowladda Soomaaliya.
Madaxa Warfaafinta Culama'udiinka Ahlu Sunna Waljameeca Shiikh C/llaahi Shiikh C/raxmaan Abuu Yuusuf Al Qaadi oo la hadllay warbaahinta ayaa sheegay in dagaallkii shalay ay ka qeyb qaateen dhinacooda isla markaana sida uu hadalka u dhigay ay dharbaaxo weyn ku dhufteen kooxaha dagaallka kula jirra Dowladda Soomaaliya, waxaana uu intaa ku darray in dagaallkaas uu ahaa mid bilaw ah kana duwan kuwii hore.
''Xoogagga Culima'udiinka Ahlu Sunna Waljameeca iyaga oo kaashanaya shacabkooda samaha jecel waxaa hubaal ah in dhawaan ay ka sifeyn doonaan guud ahaan Goballka Banaadir kooxaha shisheeyaha u adeegaya ee haddana Diinta Islaamka gabaadka ka dhiganaya" ayuu yiri Shiikh C/llaahi Abuu Yuusuf Al Qaadi oo beeniyay in dagaallkii shalay dhacay dhinacooda lagu jabiyay.
Waxaa uu sheegay Madaxa Warfaafinta Culima'udiinka Ahlu Sunna Waljameeca Shiikh C/llaahi Abuu Yuusuf Al Qaadi in markii sida uu yiri ay xanuunsadeen kooxaha dagaallka kula jira ay bilaabeen in duqeeyaan deegaanno ay ku nool yihiin dad rayid ah, waxaana uu sheegay in arrintaasi marqaati u tahay sida aysan marnaba ugu dhicin in ay dagaal kala hor yimaadaan Xoogagga Ahlu Sunna Waljameeca.
Waa markii ugu horreysay oo Xoogagga Culima'udiinka Ahlu Sunna Waljameeca ka qeyb qaataan dagaallada Magaalada Muqdisho ku dhaxmaraya Ciidamada Dowladda Soomaaliya iyo AMISOM oo isku dhinac ka soo jeeda iyo kooxaha ku kacsan, waxaana arintani muujineysaa in Dowladda Soomaaliya iyo Ahlu Sunna Waljameeca ka dhabeynayaan higelinta mid ka mid ah qodobadii lagu soo heshiiyay ee ahaa in dagaal wada jir ah lagu qaado Xoogagga Dowladda ka soo horjeeda.
24/7 Online Tuesday, April 27, 2010 4:08:04 PM (Wararka Dowladda ee Maanta) Madaxweynaha Dowladda Soomaaliya Shiikh Shariif Shiikh Axmed ayaa maanta Sheegay in khilaafkii siyaasaddeed ee golaha shacabka iyo xukuumadda uu xalliyey balse aynan suurtagel u ahayn in Golaha Shacabka ay dib u caroon doonaan haddii la siin waayo gunnooyinkooda. Dowladda waxaa ku batay khiyaano qaran iyo mid shacab anigana waxaa la igu siray Is-afgaradkii iyo heshiiskii badda kaasoo aanu ku guul-darraysanay isla-markaasna ay shacabka Soomaaliyeed diideen si qayax. Dowladda way ku qaldaneed sidaas awgeedna waxaanu hadda iyo wixii ka dembeeya sixi doonaa khaladaadkii aanu u gaysanay ummadda Soomaaliyeed.
24/7 Online Tuesday, April 27, 2010 4:08:04 PM (Wararka Dowladda ee Maanta) Waxaa ilaa iyo hadda madaxweyne isku soo sharaxay 3 qof, laba qof waxay ku kala noolyihiin Waqooyinga Ameerika midna haatan waxuu ku sugan yahay caasimadda Moqdisho oo waxuu kamid ahaan jiray dagaal-oogayaashii ka biyo-diiday Dowladddii uu hoggaaminayey Mudane Cabdiqaasim Salaad Hassan.
24/7 Online Tuesday, April 27, 2010 4:08:04 PM (Wararka Dowladda ee Maanta) Dowladda Soomaaliya waxaa filaysaa inay dhawaan qaban doonto tartanka jaggadda Afhayeenka Golaha Shacabka ee Soomaaliya. Haddaba marka la doorto Afhayeenka Golaha Shacabka iyo guddoonka sare waxaa si deg deg ah loo dooran doonaa Madaxweyne Cusub kaa soo soo dooran doona Ra'iisal Wasaare cusub oo soo dhisa xukuumad cusub
War Saxaafadeed ka soo baxay Xafiiska QM u qaabilsan Soomaaliya. 24/7 Online Nairobi, 26 Abriil 2010 – Kulankii 17aad ee Kooxda Xiriirka Caalamiga ee Soomaaliya ayaa toddobaadkii hore lagu qabtay xarunta Jaamacadda Dowladaha Carabta ee Qaahira.
Ergeyga Gaarka ah ee Qaramada Midoobay u qaabilsan arrimaha Soomaaliya, Ahmedou Ould-Abdallah, ayaa u riyaaqay ka soo qaybgalka Xoghayaha Guud ee Jaamacadda Carabta, Md. Amr Musa, wuxuuna ku tilmaamay ka soo qaybgalkiisa inuu ahaa mid mira dhal ah. Wuxuu kaloo garwaaqsaday dadaalka midaysan ee bulshada caalamka iyo dadka Soomaaliyeed ay ku muujiyeen inay si aad ah u danaynayaan inay wax ka qabtaan xaaladda guud ee Soomaaliya. Hase ahaatee, Ergeyga Gaarka ayaa maanta niyadjab ka muujiyay muranka ka dhex aloosan Barlamaanka.
“Sidaa darteed, waxaan si xanuun leh ula socdaa doodda aan waxtarka lahayn ee arrimaha Barlamaanka ee ka socota Muqdisho. Inkastoo, aniga iyo dadka intooda kaleba aan garwaaqsanahay in wax laga qabto arrinta gunnooyinka xildhibaannada Barlamaanka, waxaan ka xumahay cambaaraynayaana waqtiga iyo awoodda la geliyay dood aan waxtar lahayn, taasoo ay ahayd in loo adeegsado arrimaha muhiimka ah ee hadda jira,” ayuu yiri Ahmedou Ould-Abdallah. “Waxaa wax ka qabasho degdeg ah u baahan baahida dadweynaha Soomaaliyeed, sida arrimaha amniga iyo hirgelinta heshiiskii lala galay Ahlu Sunna Wal Jamaa (ASWJ) iyo heshiiskii lala galay Puntland ee ku saabsanaa wax ka qabashada burcad badeedda.”
“Sidoo kale waxaan hubaa in madaxda Dowladda iyo Barlamaanka ay ka gudbi doonaan khilaafka u dhexeeya ayna xoogga saari doonaan wax ka qabashada hawlaha caadiga ah ee Dowladda kuwaas oo taabanaya dadweynaha, ha ahaadeen kuwa jooga dalka gudihiisa ama dibaddiisaba,” ayuu yiri Md. Ould-Abdallah.
“Sidaa darteed waxaan la kulmayaa safiirka Mexico Claude Heller, oo ah Guddoomiyaha Guddiga Qaramada Middobay u qaabilsan arrimaha cunaqabataynyta saaran Soomaaliya iyo Eritrea, isaga iyo guddigiisa oo booqanaya gobolka lana kulmaya wakiillo ka socda Soomaaliya iyo Kenya, iyo saraakiil kale oo ka socota gobolka iyo Qaramada Midoobay iyagoo xilkooda gudanaya.
Wafdigu wuxuu tixraacayaa soona hadalqaadi doonaa arrinta ku saabsan la xisaabtan la’aanta muddada dheer dhibaatada ka jirta Soomaaliya sii xumaynaysay. Sidaa darteed waa inay caddaato in cunaqabatayn lagu soo rogo kuwa falalkoodu gacan ka geysanayo xasillooni darrada Soomaaliya.”
“Waqti ma jiro fursadahana waa la lumin doonaa haddii madaxda Soomaaliyeed ay ogolaadaan in khilaafaadka yaryari ay ka leexiyaan inay wax ka qabtaan arrimaha u baahan inay si degdeg ah wax uga qabtan, gaar ahaan hawlgalkooda.”
24/7 Online AFHAYEENKA AHLU SUNNA: "Duqeyntii Muqdisho ka dhacday waxaa mas'uul ka ah Dowladda Soomaaliya, waana cambaareynaynaa"
Isniin, April 26, 2010 (Wararka Dowladda ee Maanta): Afhayeenka Culummada Ahlusunna Waljamaaca Sheekh C/llaahi C/raxmaan Abuu-Yuusuf (Al-Qaaddi) oo ku sugan Magaalada Muqdisho ayaa ku eedeeyay Dowladda Soomaaliya inay mas'uul ka tahay khasaarihii ka dhashay duqeymo dad badan ay ku dhinteen oo shalay ka dhacday Muqdisho.
Afhayeenku wuxuu sheegay in duqeynta ay geysteen ciidamada AMISOM ayna mas'uul ka tahay Dowladda Soomaaliya, isagoo daboolka ka qaaday inay dhankooda cambaareynayaan duqeyntaas khasaaraha geystay.
"Shacabka Muqdisho kuma jiri karaan in maalin walba la duqeeyo, waxaana ugu baaqaynaa Dowladda inay ka adkaato kooxaha kasoo horjeeda ama ay dalka isaga baxdo si cadowgu u qabsado" ayuu yiri Madaxa Wafaafinta ee Ahlusunna.
Wuxuu tacsi u diray ehellada dadkii ku dhintay duqeyntii shalay ka dhacday Muqdisho, gaar ahaan Suuqa weyn ee Bakaaraha oo ay ku dhaceen madaafiicdii ugu badnayd oo dhaliyay khasaare nafeed oo fara badan.
"Magaalada Muqdisho waxaa ka socda duqeyn arxan darro ah kumana tilmaami karno dagaal, waxaa looga baahan yahay dowladda inay badbaadiso dhiigga rayidka ee maalinta walba daadanaya" ayuu yiri Sheekh C/llaahi C/raxmaan oo u rajeeyay dadkii ku dhaawacmay duqeynta inuu Alle caafimaad siiyo.
Dhanka kale, mar uu ka hadlay wadahadallada lagu qaybasanayo awoodda ee ay la leeyihiin Dowladda Soomaaliya ayuu sheegay inaysan jrin wax kulan ah oo ay weli ka yeesheen arrintaas iyaga iyo Dowladda Soomaaliya.
"Haddii aan dowladda la kulanno waxaa xisaabta noogu jirta inaan kala hadalno duqeynta naxariis-darrada ah ee ka dhacaysa Muqdisho maalin walba" ayuu yiri Afhayeenka Ahlusunna oo intaas ku daray in Dowladda ku biirin doonaan fikrado.
Culummada Ahlusunna Waljamaaca ayaa waxay heshiis dhinaca awood-qaybsiga ah la galeen Dowladda Soomaaliya bishii Maarso ee sannadkan, iyadoo dhameystirka heshiisaas lagu ballamay inuu ka dhaco Magaalada Muqdisho.
24/7 Online Madaxweynaha Soomaaliya iyo Xildhibaanno maanta ku shiray Xarrunta Madaxtooyada oo isku afgartay in cod loo qaado Guddoomiyaha Baarlamaanka.
Isniin, 26, April, 2010 (Wararka Dowladda ee Maanta): Xarunta Madaxtooyada ee Villa Soomaaliya ayaa maanta waxaa kulan xasaasi ah ku yeeshay qaar ka mid ah Mudanayaasha ka soo horjeeda jiritaanka Guddoonka sare ee Baarlamaanka Soomaaliya iyo Madaxweyne Shiikh Shariif Shiikh Axmed oo ay ka wada hadleen sidii loo dhameyn muranka dhinaca sharciga ee ka dhax oogan Xildhibaannada.
Madaxweynaha Soomaaliya Shiikh Shariif Shiikh Axmed oo la hadllay Mudanayaashii ay is arkeen ayaa u sheegay in ay iyagu ku taagan yihiin qodobka sharciga ah laakiin taa badalkeeda waxaa uu Madaxweyuhu u soo jeediyay Xildhibaannada in meel leyska dhiggo muranka iyo khilaafka jirra Guddoonkuna sii wato howlahiisa simarkaa loo wajaho howlo ka badan tan hadda lagu mashquulsan yahay.
Waxaa uu sheegay in Madaxweynuhu in haddii uu khilaafku sii jiitamo arintaa keeni karto bur bur ku dhaca Dowladda iyo waliba in ay ka faa'ideystaan kooxaha ka soo horjeeda ee dagaallka kula jirra Dowladda Soomaaliya, laakiin codsigaasi ma noqon mid sii socda kadib markii ay is hortaag ku sameeyeen Mudanayaashii la kulman Madaxweynaha.
C/qaadir Cismaan Shiddo oo ka mid ah Xidhibaannada sida weyn uga soo horjeeda Guddoonka sare ee Baarlamaanka islamarkaana ka mid ahaa Xildhibaannadii la kulmay Madaxweynaha Dowladda Soomaaliya ayaa sheegay in ugu danbeytii iyaga iyo Madaxweynuhu isku afgarteen in cod loo qaado Guddoonka sare waqtiga ugu soo horeeya ee fadhiga Baarlamaanka kaasoo uu shir Guddoomin doono Shiikh Aadan Max'ed Nuur, waxaana fadhigaa goob joog ka ahaa Wasiirrka Diinta iyo Owqaafta Dalka Jabuuti Xaamud Cabdi Suldaan.
Is afgaradka ay gaareen Madaxweyanaha Soomaaliya Shiikh Shariif Shiikh Axmed iyo Xildhibaannadii la kulmay ayaa meesha ka saareysa doodii Xildhibaannada ee aheyd in uusan shir gudoomin karin Shiikh Aadan Madoobe fadhiga ugu soo horeeya ee Baarlamaanka, iyo waliba qorshahoodii ahaa in ay doortaan gudoon cusub oo badalla Guddoomiyaha Baarlamaanka Soomaaliya oo loo saaray gudi gaar ah oo ka soo shaqeeya.
Xidhibaannada maanta la kulmay Madaxweynaha Dowladda Soomaaliya ayaa maalmihii ugu danbeeyay Magaalada Muqdisho ku lahaa kulamo gaar gaar ah oo ay uga arin sanayaan sidii ay ka yeeli lahaayeen Guddoonka Baarlamaanka iyo waliba sidii loo dooran lahaa Guddoon cusub.
Dhinaca kale waxaa maanta garoonka diyaaradaha ee Magaalada Muqdisho ka soo daggay Xubnno ka socda Hay'adda WFP, WHO, iyo UNICEF kuwaasoo uu horkacayay u qeybsanaha Arrimaha Bani'aadanimada ee QM waxaa uu wafdigu kulan kula qaatay Magaalada Muqdisho qaar ka mid ah golaha Wasiirrada Dowladda Soomaaliya.
Wafdiga iyo Wasiiradii ay arkeen ayaa ka wada hadllay arrimo u badnaa howlaha gar gaarka iyo caafimaadka waxaana ay sheegaan Xubnaha wafdiga in ay gar gaari doonaan dadka dhibaateysan ee Soomaaliyeed islamarkaana ay gar gaarkooda gaarsiin doonaan inta badan dalka Soomaaliya iyaga oo dhinaca kalana intaa ku darray in ay ka shaqeyn doonaan arrimaha Caafimadka.
Inkastoo Xubnaha ka socday Hay'addaha Samafalka ee soo gaaray Magaalada Muqdisho sheegeen in ay gaar gaari doonaan inta badan dadka Soomaalida ah ayaa haddana waxaa xusid mudan in Xarrakada Mujaahidiinta Al-shabaab oo ka taliya deegaanno badan oo Koofurta Soomaaliya ah horay u mamnuuceen Hay'addaha Samafalka sida WFP oo maanta xubno ka socda soo gaareen Magaalada Muqdisho
24/7 Online Sunday, April 25, 2010 (Wararka Dowladda ee Maanta) Madaxweynha Dowladda Soomaaliya Shiikh Shariif Shiikh Axmed ayaa maanta kulan la qaatay golaha wasiiradda VIlla Soomaaliya meeshaasoo looga wadahadlay sidii loo xallin lahaa khilaafaadka kaligii-talisnimada Dowladda iyo Golaha Shacabka madaxdooda sare sare ka dhexaysa. Madaxweynuhu waxuu intaas ku daray in Soomaaliya ay u baahan tahay nabad iyo nolo balse hadda isqab-qabsi siyaasaddeed aynan wax faa'iido ah u lahayn!
24/7 Online 4:41:31 PM Sunday, April 25, 2010 (Wararka Dowladda ee Maanta):
Wasaarada Isboortiga iyo Dhalinyarada oo amaantay guulihii ay soo hooyeen xulka K/cagta ee Soomaaliya. Wasaarada Isboortiga iyo dhalinyarada Xukuumada KMG ah ee Soomaaliya ayaa rajo wanaagsan ka muujisay in xulka Kubbada Cagta ee Soomaaliya ay guullo wanaagsan ka gaaridoonaan Ciyaar ka tirsan Qaarada Africa oo ka dhicidoona Dalka Ruwandha, kadib markii Ciyaartooyda K/cagta ee Soomaaliya ay guullo ka gaareen Ciyaartii dhexmartay xulka Soomaaliya iyo Kenya.
Kusimaha Wasaarada Isboortiga iyo Dhalinyarada ahna Wasiirka Horumarinta reer Miyiga Qadiijo Maxamed Diiriye, ayaa rajo wanaagsan ka muujisay in ciyaartooyda Soomaaliya ay guullo ka gaari doonaaan kulamada danbe ee ku soo fool leh.
Wasiirada ayaa amaantay dadaalka balaaran oo ay muujiyeen Ciyaartooyda K/cagta ee Soomaaliya, waxeeyna ku dhiirigelisay in ay sii kordhiyaan dadaalkoodaasi si ay sare ugu qaadaan sumcada Qaranka Soomaaliyeed, iyadoo dhanka kalena xustay in Ciyaartoodu aaneey helin dhiirigelin wanaagsan oo gaareeysa heerkii loo baahnaa, waxeeyna ku amaantay wadaniyada iyo dhabar adeeyga ay muujiyeen.
Wasiirada ayaa sidoo kale amaantay Gudoomiyaha Olyompikada Soomaaliyeed iyo Dowlada Djabuuti oo ay sheegtay in ay dhiirigelin wanaagsan u sameeyeen ciyaartooydaasi, iyadoo ku tilmaantay wax lagu faani karo guulihii ay Ciyaartooydaasi ka soo hooyeen kulamadii ay xulka Kenya kula yeesheen jabuuto iyo Keenya.
24/7 OnlineGen. Gaafoow "Baasaboorka Soomaaliya waxaa laga qaadanayaa maanta ka dib dalka Talyaaniga".
4:41:31 PM Sunday, April 25, 2010 (Wararka Dowladda ee Maanta): Waaxda socdaalka iyo Jinsiyadaha Soomaaliya ayaa maanta sheegtay in Bixinta Baasaboorka Cusub ee Soomaaliya maanta oo axad ah ay ka bilaabatay dalka Talyaaniga.
Taliyaha waaxda Socdaalka iyo Jinsiyadaha Soomaaliya Janaraal C/laahi Gaafoow Maxamuud ayaa Radio Muqdisho u sheegay in lagu guulaystay in Soomaalida ku nool qaaradda Yurub ay Baasaboorka ka qaataan dalka Talyaaniga ka dib dadaalo xooggan oo ay sameysay Waaxdu.
Safaaradda Soomaalida ee dalka talyaaniga ayaa si toos ah looga qaadan karaa Baasaboorka Cusub (E baasaboor), wuxuuna intaa raaciyay Taliyuhu in dhawaan la gaarsiin doono waddamo kale oo caalamka ah.
Horay waxaa looga qaadan jiray Baasaboorka waddamo ku yaala Afrika iyo Asia, hadda waxaa noo suuro gashay Talyaaniga, Dhawaana waxaan ka hergilin donna dalka Masar oo dad badan oo Soomaali ah ku nool yihiin” ayuu ku warramay taliyaha Socdallka iyo Jinsiyadaha Soomaaliya Gen. Gaafoow.
Taliyaha ayaa sheegay in baasaboorka cusub ee dalka uu ku socdaali karo cid kasta oo haysta, wuxuuna sheegay in dhawaan laga heli doono dhamaan safaaradha ay Soomaalidu ku leedahay caalamka.
24/7 Online Ciidamada AMISOM oo saldhig ka sameystay Bankigii Ganacsiga Muqdisho iyo Hotel Curuba oo laga saaray dad barakayaal ah
Sabti, April 24, 2010 (Wararka Dowladda ee Maanta) Ciidamo ka tirsan kuwa AMISOM ayaa saldhig ciidan ka dhigtay Bankigii Ganacsiga iyo Hotel Curubo oo ku yaalla degmada Shangaani ee Gobolka Banaadir, halkaasoo lagu arkayay maanta iyagoo nadiifinaya.
Goobjoogayaal ku sugan degmada Shangaani ayaa sheegay in ciidamo wata gaadiid dagaal oo ka tirsan AMISOM oo ay wehliyaan kuwa Dowladda Soomaaliya ay Bankiga dageen shalay oo Jimco ahayd.
"Ciidamo wata gaadiid dagaal oo aad u fara badan ayaa soo dagay Hotel Curuba iyo Bankigii ganacsiga, halkaasoo dhawaan laga saaray dad barakayaal ah" ayuu yiri Axmed Cali oo ka mid ahaa dadka degmada Shingaani ku nool oo la hadlay HOL.
Goobjoogahan ayaa sidoo kale sheegay in ciidamada AMISOM ay adkeeyeen amaanka hareeraha dhismayaasha ay dageen, iyadoo saldhigan uu noqonaya kii ugu horreeyay oo ay AMISOM ka sameysato Waqooyiga Magaalada Muqdisho oo ay ka dhacaan dagaallada ugu badan ee u dhexeeya Dowladda iyo xoogagga ka horjeeda.
Xoghayaha guud ee Gobolka Banaadir C/kaafi Hilowle Cismaan ayaa sheegay in ciidamo ka tirsan AMISOM la dajiyay Bankigii hore iyo Hotel Curuba, si ay u sugaan ammaanka Dekedda weyn ee Muqdisho iyo Xarunta Maamulka Gobolka.
Barakacayaashii laga saaray Hotel Curuba iyo Bankigii Ganacsigaq oo aan weli helin meel ay dagaan ayaa sheegay in maamulku uu ku wargeliyay in la dhisi doono labadan xarumood, balse ay aad ula yaabeen markii la dajiyay AMISOM.
Ciidamada AMISOM oo tiradoodu gaarayso 5,300-askari ayaa waxay saldhigyo aan badnayn ku leeyihiin Muqdisho, iyagoo sidoo kalena ilaalo ka haya Dekedda Muqdisho, Garoonka iyo Madaxtooyada.
24/7 Online Friday, April 23, 2010 (Wararka Dowladda ee Maanta) Madaxweynaha Dowladda Soomaaliya Mudane Shiikh Shariif ayaa maanta la kulmay haweenka ka tirsan Xiidanka Xoogga Dalka Soomaaliyeed asagoo guddoonsiiyey inay tabar iyo taag weyn ku yeeshaan sidii dalka loogu sooceli lahaa nabaddii iyo kala-dembeyntii dhuntay. Madaxweynaha waxuu hawaankaas u ballan-qaaday inuu si gaar ah u qaabili doonoo baahidooda iyo shaqada ay u hayaan qarankooda.
Arbaco, April 21, 2010 (Wararka Dowladda ee Maanta) Guddoomiyaha Baarlamaanka Soomaaliya Sheekh Aadan Maxamed Nuur (Sheekh Aadan Madoobe) oo maanta shir jaraa'id ku qabtay Muqdisho ayaa ka hadlay mooshinka ka dhan ah ee la wado iyo furmidda kulammada Baarlamaanka.
Sheekh Aadan Madoobe oo booqday xarunta Golaha Shacabka ayaa sheegay in Xildhibaannada wada mooshinka ka dhanka ah ay yihiin kuwo doonaya inay burburiyaan Qaranka Soomaaliyeed, taasna uusan ka aqbalayn.
"Qorshahan waa mid la doonayo in lagu burburiyo Dowladda Soomaaliya, si ay cadowgu uga faa'iideystaan in dalka uusan ka bixin dhibaatada, shacabkuna ay ku raagaan dhibka ay ku jiraan" ayuu yiri Sheekh Aadan Madoobe.
Guddoomiyuhu wuxuu sidoo kale ka hadlay qabsoomidda kulanka ugu horreeya ee baarlamaanka oo lagu wado inuu ka dhaco xarunta Golaha Shacabka, isagoo xusay inuusan dib u dhacayn, balse ay jiraan waxyaabo u baahan dhameystir.
Sheekh Aadan Madoobe wuxuu sheegay in haddii danta Shacabka Soomaaliyeed ay ku jirto inuu xilka ka tago uu ka tagao; isagoo gaashaanka ku dhuftay in xilkiisa uu uga tago Xildhibaanno uu sheegay inay xiriir la leeyihiin Xarrakatul Shabaab.
"Haddii danta Ummadda Soomaaliyeed ay ku jirto inaan xilka ka dago waan ka dagayaa waayo shacabka ayaa iga weyn, inay badbaadaan ayaana ka wanaagsan inaan xilka sii hayo, balse shaqsi fowdo wada oo xiriir la leh Al-shabaab ugama tagayo shaqadayda" ayuu Guddoomiyaha Baarlamaanka.
Sidoo kale guddoomiyuhu wuxuu sheegay in xilliga Baarlamaanka iyo Xilliga Guddoonka ay yihiin kuwo isku xiran oo aanay jirin xilliyo kala duwan oo weligood loo kala sameeyay.
"Aniga waxaan Madaxweyne Sheekh Shariif ku wareejiyay xilka Madaxweynimo markii lagu doortay Jabuuti, marka ma doonayo inaan isku dhajiyo xil, waxaana qabaa in sharciga loo maro wixii khalad ah ee la igu haysto" ayuu yiri Sheekh Aadan Madoobe.
Golaha Shacabka oo uu ka dhacayo kulanka ugu horreeya ee Baarlamaanku uu yeelanayo ayaa waxaa ka muuqday dayactir, iyadoo halkaas ay yaalleen kuraastii ay ku fariisan lahaayeen mudanayaasha baarlamaanka haddii uu fadhigu furmo berri.
Puntland oo Ciidamo la Dagaalama Burcadda Badeed u Diraysa Degmada Garacad ee G/Mudug
24/7 Online
Arbaco, 21, April, 2010 (Wararka Dowladda ee Maanta) Maamulka Puntland ayaa Qorshaynaya in Ciidamo xoogan loo diro degmada Garacad oo ka tirsan Gobolka Mudug ,halkaasi oo afduub loogu haysto dhowr Markab oo Beesha Caalamka laga leeyahay.
Waxaa La sheegay in Ciidamadan ay weerari doonaan xarumo dhowr ah oo ay Burcad badeedu ku leeyihiin degmadaasi ,isla markaana xoog looga sii daynayo maraakiibta ay haystaan.
Taliyaha Ciidamada Birmadka Puntland C/risaaq Axmed Gantaal oo la hadlay qaar ka mid ah warbaahinta Bosaaso ayaa sheegay in howlgalo balaaran ay ka fulin doonaan degmada Garacad oo aan horay loo gayn ciidamo ka tirsan Puntland.
Waxaa kaloo Taliyaha uu sheegay in Howlgalo laga fuliyay degmada Baargaal ay ku guulaysteen Ciidanka Birmadka ,kaasi oo lagu soo qabqabtay kooxo ka tirsan Burcad badeeda Somaalida oo halkaasi ku sugnaa.
"Cidii is hortaagta Hawlgalada la fulin doono,Waxaa la marsiin doonaa Sharciga u dagan Puntland, Burcaddana waan la dagaalamaynaa" ayuu yiri Taliyaha isaga oo ku sugan degmada Bosaso.
Maamulka Puntland ayaa bilaabay dadaalo hor leh oo lagula dagaalmayo Burcad badeeda ,ka dib markii Guddi ka tirsan Qaramada Midoobay uu saaray Warbixin ku aadan in Hogaanka Puntland iyo Burcadd badeeda ay Xiriir leeyihiin.
Dhawaan Degmada Baargaal waxaa tagay Ciidamo ka tirsan Birmadka ,Waxaana la hadal hayaa sida ay suurtagal ku noqonayso in Burcadd Badeeda laga sifeeyo Degmada Garacad oo ah meel ay awooda badan kuu leeyihiin.
Wasiirka Lacagta Soomaaliya oo sheegay in muddo shan bilood ah ah ay ku dhaqangelin doonaan lacagta cusub ee lagu badalayo Shilling Soomaaliga
24/7 Online Talaado, April 20, 2010 (Wararka Dowladda ee Maanta) Wasiirka Lacagta Soomaaliya C/raxmaan Cumar Cismaan (Eng. Yariisow) ayaa sheegay in lacagta cusub ee badalaysa Shillinka Soomaaliga ay ku meel marin doonaan muddo shan bilood gudahood ah.
Eng. C/raxmaan Yariisow oo u warmayay warbaahinta Muqdisho ayaa sheegay in sameynta lacagta cusub ay gabogabo ku dhow-dahay ayna dhawaan soo baxayso, isagoo sheegay inay tahay mid loogu talogalay kobcinta dhaqaalaha dalka.
"Waxaan doonaynaa inaan lacagta cusub hirgelino markii ay soo baxdo, balse sababo ammaan awood ayaan dib ugu dhigaynaa, waxaana lasoo saari doonaa markii ay dowladdu la wareegto dalka oo dhan" ayuu yiri Eng. Yariisow.
Wasiirku wuxuu sheegay in sameynta lacagtan cusub ay ogolaasho kaga haystaan Hay'adda lacagta Adduunka ee IMF iyo Bankiga Calaamka isagoo xusay in tani ay qayb ka tahay sidii loosoo nooleyn lahaa dhaqaalaha dalka oo burburay.
"Lacagta Shilling Soomaaliga ah waxaa ku dhacay qiimo jab, waxaana khasab nagu noqotay inaan lacagtan cusub soo sameyno, hirgelinteedana aad ayaan ugu rajo weynahay" ayuu yiri Wasiirka Lacagta Soomaaliya.
Dhanka kale, wasiirka Lacagta wuxuu sheegay in dib u habeyn ay ku sameeyeen Bankigii dhexe ee Soomaaliya si loo ogaado halka uu ku baxo dhaqaalaha dowladda soo gala iyo kuwa deeq ahaanta ay ku hesho, taasoo uu sheegay in lagu guuleystay.
24/7 Online
24/7 OnlineBaarlmaanka Jabuuti oo ansixiyay isbadalka lagu sameeyay dastuurka dalkaas iyo mudaaharaadyo lagu taageeray (DAAWO SAWIRRO)
Talaado, April 20, 2010 (Wararka Dowladda ee Maanta Baarlamaanka dalka Jabuuti ayaa ansixiyay isbadal lagu sameeyay dastuurka dalkaas, kaasoo u ogolaanaya in Madaxweynaha xilka haya Ismaaciil Cumar Geelle uu mar saddexaad isku sharaxo doorashooyinka dalkaas.
Xildhibaannada dalka Jabuuti oo tiradoodu tahay 63-mudane ayaa waxaa shalay fadhiyay kulankii ansixinta 59-mudane, kuwaasoo dhamaantood codka kalsoonida ah siiyay isbadalka lagu sameeyay dastuurka dalka. Qodobbada ugu waaweyn ee isbadalka lagu sameeyay ayaa waxaa ka mid ah in Madaxweynuhu uu xilka dalkaas isku taagi karo, iyadoo aan waqti cayiman laga dhigin, sidoo kalena in Madaxweynaha xilka isku taagaya uusan ka yaraan da' ahaan 40-sano, iyadoo aan la ogoleyn in Madaxweyne ka badan 75-sano uu hoggaamiyo dalkaas.
"Waxaan shacabka dalka Jabuuti ka helnay fikrado ay ku codsanayaan in hoghaanka dalka uu sii hayo Madaxweynaha, iyagoo sheegay inay ku doorteen kartidiisa hoggaamineed, horumarka uu dalka gaarsiiyay iyo dagaalka uu kula jiro faqriga, taas ayaana keentay inaan codka kalsoonida siino isbadalka lagu sameeyay dastuurka" ayuu yiri Guddoomiyaha Baarlamaanka Jabuuti Idiris Arnood Cali.
Shacabka dalka Jabuuti oo gaaraya 750,000-qof aya intooda badan waxay isugu soo baxeen markii la meel mariyay dastuurka dalkaas ee isbadalka lagu sameeyay jidadka iyagoo taageeraya Madaxweynahooda oo doorashada isku taagaya.
Dalka Jabuuti oo xorriyadiisa ka helay Faransiiska 1977, ayaa waxaa soo maray laba Madaxweyne oo keliya, iyadoo doorashada ay dhacayso Bisha April ee 2011, waxaana shacabku ay sheegeen inay dooran doonaan Ismaaciil Cumar Geelle.
24/7 Online Saturday, April 17, 2010 4:25:31 AM (Wararka Dowladda ee Maanta) Dowladda Soomaaliya waxay caddaynaysaa in Soomaaliya ay leedahay hub wax gumaada haddii aan laga qaadin hadda waxaa suurtagal ah inay Al-qaaciida Soomaaliya aynan gacanta ku dhigin. Hubkan waxaa Soomaaliya keenay waddamo kale oo rabay inay qashinka iska soo fogeeyaan balse aan ku xisaab tamin dhibta ka imaan karto.
24/7 OnlineMudanayaal ka tirsan oo maanta kulan ku yeeshay Muqdisho.
Friday 16 April 2010 03:34 PM
...
Kudhawaad 200 oo ah Mudanayaal ka tirsan Barlamaanka Soomaaliya ayaa maanta kulan lagu dhameynayo khilaafka barlamaanka ka dhex jira ku yeeshay magaalada Muqdisho.
Kulankaan oo ahaa mid si weyn loo soo agaasimay ayaa mudanayaashu ay uga hadleen arrimo fara badan oo haatan dalku ku jiro ayaa waxa ay isku raaceen in laga shaqeeyo sidii xaaladda adag ee dalku ku jiro looga samata bixin lahaa iyo qabsoomidda kulamada mudanayashaa barlamaanka .
Xildhibaan C/raxmaan Kulmiye Xirsi oo ah gudoomiyaha guddi isu xilsaaray dhamaynta aragti kala duwanaashaha mudayaasha Baarlamaanka ayaa sheegay in ay dadaal u galeen deminta guuxa xildhibaanada dhexdooda ah iyo khilaafaadka yar yar ee xildhibaanada ku yimid.
Waxa uu sheegay in qayb ka mid ah xildhibaanada ay la kulmeen islamarkaana ay ka wada hadleen sidii meesha looga saari lahaa wax kasta oo khilaaf keeni kara haaatanna ay ku guda jiraan sidii ay qaybta kalana ay u la shiri lahaayeen.
Gebegebadii shirkaan ay mudayaashu yeesheen ayaa waxa ay ka soo saareen baaq dhowr qodob ah, oo ay kamid yihiin in la furo fadhiyada Baarlmaanka xilligii la iclaamiyay, in dib loo dhigo mowshinada ku wajahan gudoonka Baarlamaanka iyo xukuumadda ayadoo la fiirinayo marxaldda xasaasiga ah ee uu ku jiro baarlmaanka iyo guud ahaan dalk Soomaaliya iyo in marwalba leyska ilaaliyo waxyaabaha keeni kara kala tagga islamarkaana sharafka Baarlamaanka dhaawacaya .
Ugu danbeynti xildhibaanadaan manta ku shiray gudah magaalada Muqdisho ayaa soo dhoweeyay kacdoonada shacabku ay isga dulqaadayaan maleeshiyaadka dowladda kasoo horjeeda ee dhibaatada ka wada gudaha wadanka Soomaaliya.
WASIIRKA LACAGTA SOOMAALIYA: "Waan soo dhaweynaynaa go'aankii cunnoqabteynta lagu saaray Madaxda kooxaha naga soo horjeeda"
Jimco, April 16, 2010 (Wararka Dowladda ee Maanta) Wasiirka Lacagta Soomaaliya C/raxmaan Cumar Cismaan (Inj.Yariisow) oo saxaafadda kula hadlay Muqdisho ayaa sheegay in go'aankii uu Mareykanku cunnoqabteynta dhaqaale ku saaray xubnaha sarsare ee kooxaha ka horjeeda Dowladda Soomaaliya ay soo dhaweynayaan.
Wasiika oo ku hadlayay afka Dowladda ayaa sheegay tallaabadan ay tahay mid lagu hakinayo khatarta Al-Qaacida ay ku hayso Soomaaliya, isla markaana lagu dhimayo awoodda kooxaha dowladda ka horjeeda.
"Dowladda Soomaaliya waxay si diirran u soo dhaweynaysaa go'aankii lagu saaray Cunnoqabteynta ama xayiraadda kooxaha naga soo horjeeda, mana hubno in xubnaha la magacaabay ay jirto lacag dibadaha u talaa" ayuu yiri Inj. Yariisow.
Sidoo kale wasiirku wuxuu dalalka kale ee caalamka ka dalbaday inay qaataan mid la mid ah go'aanka Mareykanka ee xayiraadda lagu saaray xubnaha uu ka mid yahay Sheekh Xasan Daahir Aweys oo ah hoggaamiyaha Ururka Xisbul Islaam.
"Waxaan codsanaynaa in laga hortago lacag iyo hub dibadaha uga yimaada kooxaha dowladda kasoo horjeeda, runtiina go'aankan waa mid lagu farxo" ayuu yiri Wasiirka Lacagta oo sheegay in kooxahan ay yihiin kuwo dhibaatooyin kawad dalka.
Wuxuu wasiirku hadalkiisa kusoo gabgabeeyay in Dowladdu ay ugu baaqayso kooxaha kasoo horjeeda inay miiska wadahadalada soo fariistaan, mana jirto weli wax hadal ah oo kasoo baxay Xisbul Islaam iyo Xarrakatul Shabaab.
Taliyaha Ciidamada Badda ee Mareykanka oo sheegay in Burcadbadeedda Soomaaliya aan wax looga qaban karin awood ciidan
Jimco, April 16, 2010 (Wararka Maanta ee Dowladda) Taliyaha ciidamada Badda Mareykanka ee ku sugan Afrika iyo Yurub Admiral Mark Fitzgerald ayaa ka sheegay Pentagon in awood ciidan aan waxba looga qaban karin burcadbadeedda Soomaaliya.
"Maraakiibta ganacsiga ee ku safaraya biyaha Soomaaliya waa in ay qaataan hub ay isaga difaacaan kooxaha burcadda ah" ayuu yiri Admiral Fitzerald, isagoo sheegay in Howlgallada ay cidamada ku sugan Biyaha Soomaaliya sameeyaan aysan ahayn kuwo lagu xadidi karo burcadbadeednimada.
Sarkaalkan wuxuu sheegay inuu soo jeedinayo in Maraakiibta ganacsiga ay qaataan hub taasoo uu sheegay inay hoos u dhigi karto oo keliya weerarrada kooxaha burcadbadeedda ah oo aad u kordhay sannadkan.
"Waxaan geynay Soomaaliya Maraakiibtii ugu badnaa ee la geeyo dal Afrika ku yaalla, welina awood uma yeelan inaan ka hortagno afduubyada ka dhaca biyaha Soomaaliya" ayuu yiri Admiral Mark Fitzgerald.
Sidoo kale wuxuu sheegay inay wadaan qorshayaal ay ku weerarayaan dekedaha ay ku sugan yihiin kooxaha burcadbadeeda ah si ay u laciifiyaan awoodooda, taasoo uu ku sheegay inay tahay mid lagu xalin karo burcadbadeednimada.
Ugu dambeyn wuxuu sheegay in qorshahooda la dagalaanka burcadbadeednimada uusan filayn inay hoos u dhigi karaan afduubyada ay ka geystaan biyaha Soomaaliya abdikood, haddii aan la qaadan firkadaha ah in la iska difaaco laguna weeraro meel walba.
Taliyaha Ciidamada Badda ee Mareykanka oo sheegay in Burcadbadeedda Soomaaliya aan wax looga qaban karin awood ciidan
Jimco, April 16, 2010 (HOL) Taliyaha ciidamada Badda Mareykanka ee ku sugan Afrika iyo Yurub Admiral Mark Fitzgerald ayaa ka sheegay Pentagon in awood ciidan aan waxba looga qaban karin burcadbadeedda Soomaaliya.
"Maraakiibta ganacsiga ee ku safaraya biyaha Soomaaliya waa in ay qaataan hub ay isaga difaacaan kooxaha burcadda ah" ayuu yiri Admiral Fitzerald, isagoo sheegay in Howlgallada ay cidamada ku sugan Biyaha Soomaaliya sameeyaan aysan ahayn kuwo lagu xadidi karo burcadbadeednimada.
Sarkaalkan wuxuu sheegay inuu soo jeedinayo in Maraakiibta ganacsiga ay qaataan hub taasoo uu sheegay inay hoos u dhigi karto oo keliya weerarrada kooxaha burcadbadeedda ah oo aad u kordhay sannadkan.
"Waxaan geynay Soomaaliya Maraakiibtii ugu badnaa ee la geeyo dal Afrika ku yaalla, welina awood uma yeelan inaan ka hortagno afduubyada ka dhaca biyaha Soomaaliya" ayuu yiri Admiral Mark Fitzgerald.
Sidoo kale wuxuu sheegay inay wadaan qorshayaal ay ku weerarayaan dekedaha ay ku sugan yihiin kooxaha burcadbadeeda ah si ay u laciifiyaan awoodooda, taasoo uu ku sheegay inay tahay mid lagu xalin karo burcadbadeednimada.
Ugu dambeyn wuxuu sheegay in qorshahooda la dagalaanka burcadbadeednimada uusan filayn inay hoos u dhigi karaan afduubyada ay ka geystaan biyaha Soomaaliya abdikood, haddii aan la qaadan firkadaha ah in la iska difaaco laguna weeraro meel walba.
Afhayeenka guud ee Ahlusunna Waljamaaca oo maanta loo magacaabay Sheekh Cumar Sheekh Maxamed Faarax
Arbaco, April 14, 2010 (Wararka Dowladda ee Maanta) Ururka Ahlusunna Waljamaaca oo maanta kulan ku yeeshay Muqdisho ayaa u magacaabay Afhayeen cusub ee ururkaas Sheekh Cumar Sheekh Maxamed Faarax oo horay u ahaa guddoomiyaha Ururka Ahlusunna.
"Wixii maanta ka dambeeya Afhayeenka Ururka Ahlusunna Waljamaaca waxaa loo magacaabay Sheekh Cumar Sheekh Maxamed Faarax, wixii howlgallo ah oo ay Ahlusunna sameyso iyaga ayaa lagala soo xiriirayaa" ayuu yiri Sheekh C/qaadir Soomow oo saxaafadda la hadlay kulankaas kaddib.
Mas'uuliyiinta kulanka lagu magacaabay Afhayeenka Ahlusunna ku yeeshay Muqdisho ayaanay ku jirin xubnihii 19-ka ahaa ee shalay soo gaaray Muqdisho, kuwaasoo ka yimid Gobolka Galguduud oo ay ku xooggan tahay Ahlusunna.
Afhayeenka guud ee Ahlusunna Waljamaaca oo maanta loo magacaabay Sheekh Cumar Sheekh Maxamed Faarax
24/7 OnlineArbaco, April 14, 2010 (Wararka Dowladda ee Maanta) Ururka Ahlusunna Waljamaaca oo maanta kulan ku yeeshay Muqdisho ayaa u magacaabay Afhayeen cusub ee ururkaas Sheekh Cumar Sheekh Maxamed Faarax oo horay u ahaa guddoomiyaha Ururka Ahlusunna.
"Wixii maanta ka dambeeya Afhayeenka Ururka Ahlusunna Waljamaaca waxaa loo magacaabay Sheekh Cumar Sheekh Maxamed Faarax, wixii howlgallo ah oo ay Ahlusunna sameyso iyaga ayaa lagala soo xiriirayaa" ayuu yiri Sheekh C/qaadir Soomow oo saxaafadda la hadlay kulankaas kaddib.
Mas'uuliyiinta kulanka lagu magacaabay Afhayeenka Ahlusunna ku yeeshay Muqdisho ayaanay ku jirin xubnihii 19-ka ahaa ee shalay soo gaaray Muqdisho, kuwaasoo ka yimid Gobolka Galguduud oo ay ku xooggan tahay Ahlusunna.
Maxkamadda Gobolka Saaxil oo dil iyo xabsiyo ku kala xukuntay dad loo haystay Qaraxyo ka dhacay Laascaanood
Arbaco, 14 April 2010 (Wararka Dowladda ee Maanta)- Maxkamadda Gobolka Saaxil ayaa maanta xukunno isugu jira dil, xadhig iyo masaafurin ku ridday 11 qof oo loo haystay Qaraxyo ka dhacay magaalada Laascaanood oo lagu dilay Taliyihii Ciidamada Qaranka Somaliland.
Dacwaddan oo muddooyinkii u dambeeyay ka socotay Dugsiga tababarka Ciidamada ee Degmada Mandheera ee Gobolka Saaxil, ayaa maanta la soo gebogebeeyay, ka dib markii la xukumay 11 qof ee u xidhnaa falalkaas.
Garsooraha Dacwaddan qaadayay Cismaan Ibraahim Daahir ayaa maanta halkaa kaga dhawaaqay in saddex qof oo mid ka mid ahi maqan yahay lagu xukumay dil, kuwaas oo kala ah Taliyihii Sirdoonka Gobolka Sool ee Somaliland Cabdifataax Muuse Yuusuf iyo Maxamed Axmed Af-Gaalow. Waxa kale oo uu Garsooruhu halkaa kaga dhawaaqay in saddex xubnood oo kale lagu kala xukumay xadhig kala duwan, sida, mid sannad lagu xukumay, mid kale oo 8 sanno oo xadhig ah lagu xukumay iyo ka saddexaad oo isna 15 sanno lagu xukumay. Halka afar qof oo kale oo u dhashay dalalka Itoobiya iyo Ereteriya la sii daayay, laguna xukumay in dalka laga masaafuriyo.
Eedaysanayaashan la xukumay, ayaa loo haystay Qaraxyo lagu dilay Taliyihii Ciidamada Milatariga Somaliland Marxuum Cismaan Yuusuf Nuuroo 1 November ee sanadkii tegay lagu dilay Magaalada Laascaanood ee Somaliland.
24/7 Online Tuesday, September 21, 2004 1:06:11 PM (Wararka Dowladda Ee Maanta) Goddoomiyaha Golaha Baarlamaanka MUdane Shiekh AAdan Nuur Xussen "Aadan Madoobe' ayaa la filayaa inuu maanta ku soo noqdo dalka asagoo kulamo la soo yeeshay haya'addaha caawiya baarlamaanka Soomaaliya. Guddoomiya waxaa la filayaa inay la soo safraan xildhibaanno io madax kale.
24/7 Online Monday, April 12, 2010 (Somaligov News) The Government of Somalia has done a good job to eliminate Al-Shabaab amd Al-qadea extremists in Somalia but the international community is watching piracy to grow. Let's defend peace before the international security collapses.
24/7 Online Saturday, April 10, 2010 (Wararka Dowladda ee Maanta) AL-Shabaab waxay gabi ahaanba mamnuucday idaacadaha dalka Soomaaliya kuwaasoo ka hawlgala meelaha ay xooga ku haystaan. Sida la ogyahay Al-Shabaab waxay caddaysteen inay ka tirsan yihiin ururka Al-Qaaciida ee uu hoggaamiyo Osma Bini Ladin. Ururka Al-Shabaab oo hadda khatar ku haya Dowladda Soomaaliya ayaa waxay sidoo kale khatar ku hayaan amniga dowladdaha deriska iyo kan caalamigaba.
24/7 OnlineThursday, April 08, 2010 (Wararka Dowladda ee Maanta): Xildhibanadda Dowladda Soomaaliya oo Nairobi-Kenya ku sharay ayaa waxaa u hadashay Xildhibaan Caasho Cabdalla taasoo u soo jeedisay daliilo kulul Madaxweynaha Soomaaliya Iyo Guddoomiyaha Golaha Shacabka ee Soomaaliya kuwaasoo ay ku tilmaamtay inay ku xadgudbeen dastuurka dalka iyo axdigii ku-meel-gaarka haddaba xildhibaanadda oo inta badan qaylisa ayaa waxay u muuqataa hadda inay run ka tahay hawlshaas. ay ku kaceen madaxweynaha iyo guddoomiya.
24/7 Online Thursday, April 08, 2010 (Wararka Dowladda ee Maanta): Afhayeenka Golaha Shacabka Soomaaliya Mudane Shiikh Aadan Nuur "Madoobe" ayaa booqasho ku jooga dalka Ethiopia meeshaasoo uu kula kulmayo madaxda dowladda Ethiopia kadibna waxuu sii aadi doonaa dalka Kenya meeshaasoo uu rabo inuu waydiiyo hay'adaha UNDP sidii ay u siin lahayn mushaharadii xildhibaanadda.
Thursday, April 08, 2010 (Wararka Dowladda ee Maanta): Guddoomiyaha Golaha Baarlamaanka Soomaaliya ayaa Kulan kula qaatay Magaalada Addis-ababa Madaxweynaha Dowladda Ethiopia kaasoo ay ka wada hadleen Arrimo faro badan oo ku saabsan Soomaaliya.
Guddoomiyaha Baarlamaanka Soomaaliya Mudane Sheekh Aaden Maxamed Nuur Madoobe oo Wareysi qaas ah siiyay Radio Muqdisho ayaa sheegay inuu Magaalada addisababa kulan kula qaatay Madaxweynaha Dowladda Ethiopia,kaasoo ay ka wada hadleen arrimo faro badan oo ay ka mid yihiin dhibaatooyinka ka jira Soomaaliya,Iskaashiga deris wanaagga Labada dal iyo sidii ay Dowladdaasi u caawin laheyd Dowladda KMG-ka Soomaaliya.
Sh.Aaden Maxamed Nuur Guddoomiyaha Baarlamaanka Soomaaliya ayaa intaasi ku daray in Madaxweynaha Ethiopia uu tilmaamay inay si aad ah Dowladdiisa uga murugsantahay Xaaladda Soomaaliya taasoo uu sheegay inay Qatar ku noqon karto Geeska Afrika haddii aan waxba laga qaban Dhibaatooyinka ka jira Gudaha Soomaaliya.
Afheyeenka Baarlamaanka Soomaaliya Sh.Aaden Maxamed Nuur Madoobe ayaa sheegay inuu Maanta Kulammadii ugu dambeeyay uu la qaadanayo Masuuliyiin ka tirsan Ururka Midowga Afrika iyo Dowladda Ethiopia,kuwaasoo uu kala hadlayo sidii wax loogu qaban lahaa guud ahaan hay’adaha Dowladda KMG-ka Soomaaliya.
Sheekh Aaden Maxamed Nuur Madoobe Guddoomiyaha Baarlamaanka Soomaaliya ayaa dhanka kale carabka ku dhuftay in Maalinta Jimcada wixii ka dambeeya ay isaga iyo Wafdigiisa u safrayaan Magaalada Nairobi ee Xarunta Dalka Kenya halkaasoo Kulammo kula qaadan doono Masuuliyiin ka tirsan Qaramada Midoobe,Diplomaasiyiin iyo Mudaneyaal ka tirsan Baarlamaanka Soomaaliya ee ku sugan Magaalada Nairobi,isagoo xusay in uu ka shaqeynayo sidii Xildhibaannadaas loogu fududeyn lahaa Helitaanka Gunnooyinkooda si ay u yimaadaan Magaalada muqdisho uguna qeyb galaan Kulamada baarlamaanka Soomaaliya.
Guddoomiyaha baarlamaanka Soomaaliya Sh.Aaden Maxamed Nuur ayaa Maalmihii la soo dhaafay Kulammo gooni gooni ah la qaatay masuuliyiin ka tirsan Dowladda Ethiopia kuwaasoo uu kala hadlay arrimo ay ka mid yihiin sidii ay Iskaashi buuxa u yeelan lahaayeen Dowladaha Deriska ah ee Ethiopia iyo Soomaaliya.
24/7 OnlineThursday, April 08, 2010 3:13:15 AM Dowladda oo ka hadashay Qabuuro Faagista, Caburinta saxafadda iyo Martiqaadka loo sameeyay Usaama. Dowladda KMG ee Soomaaliya ayaa maanta ka hadashay Qabuuro faagista ay Shabaab ka wadaan Muqdisho, Martiqaadkii Maleeshiyaadku ay u sameeyeen Usaama Bin Laden iyo Afduubka ay Saxaafadda ku hayaan Shabaab iyo Xisbul-Islaam.
Wasiirka warfaafinta Soomaaliya Sh. Daahir Maxamuud geelle oo shir Jaraa’id u qabtay saxaafadda ayaa cadeeyay mowqifka Dowladda iyo shacabka Soomaaliyeed ay ka qabaan arrimahaan ay ku kaceen Maleeshiyaadka Dhibaatada ka wada Soomaaliya, isagoo tilmaamay in dhamaantood ay dhamaan doonaan oo aysan sii socon doonin.
QabuuroFaagista.
Wasiirka warfaafinta Soomaaliya Sh. Daahir maxamuud Geelle ayaa sheegay in ficilka Shabaab iyo kuwa ku mabda'a ah ay ku faagayaan Qabuuraha Mashaa’ikhda Soomaaliyeed uu yahay mid aan raad ku lahayn diinta Islaamka, dhaqanka Soomaaliyeed, isagoo tilmaamay in xataa caqliga wanagsan uusan aqbali Karin in la soo bixiyo lafaha qof dhintay sanado ka hor, hadana bulshada magic ku dhex leh.
Sh. Daahir ayaa tusaale Islaami ah u soo qaatay baadinimada falalka Shabaab ee qodista Qabuuraha, wuxuuna sheegay in Islaamku uusan ogoleyn in la taabto xataa Qabuuraha Muslimiinta, wuxuu tusaale u soo qaatay Ahraamta Masar ku taala oo uu ku tilmaamay in ay yihiin Qabuuro ay ku aasan yihiin Gaalo ka tirsanayd Boqortoyadii Fircoon, wuxuu shegay in Markii Muslimiintu ay furteen Masar aysan u dhawaan ama ku kicin Burburinta Qabuurahaas, taas oo daliil cad u ah in aysan Diintu farin in la qodo qabuuraha dadka.
Wasiirka warfaafinta ayaa sheegay in xawaalaha la qodayo ay ku jiraan dad lagu yaqaano Diinia ISlaamka oo dhintay ayagoo Diinta faafinaya, “xawaalka la faagayo waxaa ku jira oo la ogyahay dad la hubo in ay islaanimo ku dhasheen, la hubo in ay diin ka shaqeeyeen oo dugsiyo Qur’aan ay ku sheegan yihiin, oo ay dhinteen ayadoo qaddii qasan tahay oo qalinkii qoyan yahay, oo dadka faagaya haddayba faataxada sixi karaan ay ka keeneen ayaga in la dhaho waa la soo saara oo carrada kuma jiro karo wax la qaadan karo maaha” ayuu yiri wasiirka warfaafinta Soomaaliya.
Sh. Daahir ayaa sheegay in kuwa falkaan sameynaya ay meersadaan rag uu ku tilmaamay in aysan diinta aqoon u lahayn, oo xataa laga yaabo in aysan Muslimba ahayn ee ay wax qaldayaan, dhawaana sheegtay in ay diinta soo galeen “mid la hubo in uusan Islaanimada ku dhalan lkaakin la dhahayo sanad ka hor ayuu soo galay, laga yaabo in dhegtu ay u duran tahay, laga yaabo in garbaha ama jirka uu shabad ku leeyahay, shabaddana diintu ma ogola, oo an la hubin xaalkiisa saxda marka laga reebo waxa uu sheegayo, oo aan la hubin in diinta uu ku dhiman doono, waa arrin soomaalida ku cusub” ayuu hadalkiisa ku daray wasiirku.
Wasiiirka ayaa sheegay in falkaani aysan Al-Qaacida wada qabin ee ay gar u tahay Qaacidada Soomaaliya, ISagoo sheegay in saldhigga weyn ee Qaacida oo ah Afgaanistaan aan laga qodin Qabuuraha, ayna cadeynayso falalka Cadowtooyada ku dhisan ee lagu hayo Shacabka Soomaaliyed.
Wuxuu wasiirku arrin qeexan ka dhigay falka Shabaabku ay ku qodayaan Qabuuraha Muslimiinta taas oo uu ku tilmaamay fal fool xumo ah oo diinta ka fog “Islaamku ma uusan Garweyn lagu qodo qabuuraha Muslimiinta ee waxay wateen Muslimiintu Risaalo Quluubta gasho oo dadku ay qaataan” ayuu yiri sh Daahir oo sharaxaad ka bixinayaa ficil ahaan waxa ay sameynayaan Shabaab in ay diinta Islaamka ka fog yihiin.
Martiqaadka Usaama.
“Usaama Bin Ladin waxaa dhalay Bin Laden, aabihiis isaga ayaa dhisay Maka iyo Madiina, xataa wuxuu sheegtay in uu dhisay masjidka Aqsaa, salaadii aad ku tukato xaramka waxay ku ajir tahay boqol kun oo salaad, Diinta Maka iyo Madiina taal wwaa la qaldanaatay Usaama, Dowladda iyo Shacabkuba way la qaldanaadeen Usaama, markaas ayuu ka tagay, marka annagu diinta aan Mako iyo Madiino Aalin ma garanayno” ayuu hadalkiisa ku bilaabay Sh. Daahir Maxamuud Geelle.
Wuxuu shegay in Usaama Bin Laaden aysan Fursadi uga banaanayn Soomaaliya, wuxuuna wasiirku diiday in Muhaajiriin lagu Tilmaamao Dimbiilayaal Shisheeye ee u soo baxay dhibaataynta Shacabka iyo dalka Soomaaliya, isagoo khilaafka Dowladda iyo maleeshiyaadka ka dhaxeeya sheegay in ay ugu weyn tahay in kooxahaani ay dalka ku tilmaameen mid la wada leeyahay, oo aysan ogolayn in Soomalidu kali u leedahay dalkaan, wuxuu sheegay in Ajnabi uu yahay cid kasta oo aan u dhalan wadanka ama aan Passaboorkiisa Haysan.
Wasiirka ayaa ka hadlay warar dhawaan soo baxay oo Sheegaya in Dagaal yahano Ajnabi ah ay wadanka Soomaaliya uga yimideen meelo badan oo ay Yemen ka mid tahay, iyo in Maleeshiyaadku ay diiden in la dhaho Ajnabi ee ay ugu yeereen Muhaajiriin, arrintaasi wuu ka soo horjeestay wasiirku wuxuuna shegay in xataa diin ahaan aysan waqtigaan Hijro jiri karin.
“Nabigeena NNKH ayaa sheegay in Furashadii Makka ka dib aysan Jirin Hijro” ayuu wasiirku hadalkiisa ku soo gabagabeeyay” isagoo tilmaamay in Shacabka Soomaaliyeed ay ka bixi doonaan dhawaan Dhibaatada looga soo safriyay meelaha fog fog ee lagu dhabar jarayo Diinteeda iyo Sharafkeeda.
Caburinta Saxaafadda.
Wasiirka warfaafinta Soomaaliya ayaa nasiib darro ku tilmaamay in kooxaha diidan dowladnimada Soomaaliya ay caburiyaan saxaafadda madax banaan oo howl muhiim ah u heysa dalka iyo dadka Soomaaliyeed, wuxuu sheegay in dhibaatooyin xooggan loo geystay saxaafadda oo xataa loo diiday in ay sheegaan xaqiiqda Jirta, hase yeeshee dowladdu ay arrintaasi ka garaabi doonto, wuxuu sheegay in dowladdu ay garab taagan tahay Saxaafadda dalka.
Sh. Daahir ayaa saxafadda u sheegay in maalin lala xisaabtami doono kuwa xadgudubka ku haya Saxaafadda, wuxuu ku baaqay in saxafiyiinta iyo Hay’aduhuba ay diiwaan giliyaan tacaddiyada loo geystay si mustaqbalka dhow loo xisaabiyo cidda ku kacday caddaaladana loo marsiiyo.
Tuesday, April 06, 2010 11:36:29 PM (Wararka Dowladda ee Maanta): Xafiiska Isgaarsiinta Iyo Heshiisyada Dowladda Soomaaliya waxuu madaxda Dowladda Soomaaliiya u sheegayaa inay si deg deg ah u soo celiyaan hantida dadweynaha ee ay qarsadeen ama qarsanaayaan. Haddii kale ay si deg deg ah isku casilaan maadaamo ay tahay waxa ay eedi doonaan adduunka iyo aakhiro. Si deg deg ahna waa inuu ugu fadhiisto Golaha Shacabka Soomaaliyeed si shaqsiyaadkaas looga qaado xilka ay dadka ku dhaceen.
Tuesday, April 06, 2010 11:36:29 PM (Wararka Dowladda ee Maanta): Guddoomiye ku-xigeenka Golaha Shacabka Prof. Maxamed Cumar "Dhalxa" ayaa waxuu ummadda Soomaaliyeed ka codsanayaa inay la shaqeeyaan dowladdooda si dalka loogu soo dabaalo sharci iyo kala dembeynta.
Xoogagga Ahlu Sunna Waljameeca oo dib ula wareegay gacan ku heynta degmada Matabaan ee Goballka Hiiraan kadib markii saakay waabarigii hore ay halkaa la wareegeen Xoogagga Al-shabaab.
Talaado, 6, April, 2010 (Wararka Dowladda ee Maanta) Warar hadda laga hellayo degamada Matabaan ee Goballka Hiiraan ayaa sheegaya in Xoogagga Culima'udiinka Ahlu Sunna Waljmeeca dib ula wareegeen gacan ku heynta degmada Matabaan ee Goballka Hiiraan oo saakay waabarigii hore mar gacan u gashay Xarrakada Mujaahidiinta Al-shabaab.
Wararku waxaa ay intaa ku darayaan in Ciidamo aad u hubeysan oo ka tirsan Culimada Ahlu Sunna Waljameeca kana yimid Degmada Gure-ceel ay u soo dhaafeen degmada Matabaan dhinaca deegaannka Bacda oo masaafo aan badneyn u jirta deegaannka Beer-gadiid ee Goballka Hiiraan halkaa oo iska horimaad aan badneyn uu ku dhaxmaray Ciidamada Ahlu Sunna iyo kuwa ka tirsan Xarrakada Al-shabaab ee saakay werarka ku qaaday degmada Matabaan.
Dadka degmad Matabaan oo qaarkood HOL la xiriirtay ayaa xaqiijiyay in gudaha degmada Matabaan ay hadda ku sugan yihiin Ciidamada Ahlu Sunna Waljameeca, waxaana ay dadka deegaannku intaa ku darayaan in Ciidamada Al-shabaab isaga baxeen degmada markii ay ka warheleen Ciidamada Ahlu Sunna ee ku soo jeeda degmada Matabaan.
Dagaalka saakay ka dhacay degmada Matabaan iyo deegaannada ku dhaw dhaw ayaa soo baxay xili Todobaadyadii aynu soo dhaafnay deegaanno badan oo ka tirsan Goballada Bartamaha Soomaaliya ka jirreen dhaq dhaqaaqyo Militari iyo dagaallo u dhaxeeya Xoogagga isku haya Siyaasada Soomaaliya kuwaa oo kala tirsan Ahlu Sunna Waljameeca iyo Dowladda Soomaaliya oo isku dhinac ah iyo waliba Xarrakada Mujaahidiinta Al-shabaab iyo Xisbul Islaam oo dhinac ka soo wada jeeda.
Taliska Ciidanka Booliiska Soomaaliya oo soo bandhigay hub ay kusoo qabteen howgallo ay ka fuliyeen Gobolka Banaadir
Talaado, April 06, 2010 (Wararka Dowladda ee Maanta) Taliska Ciidanka Booliiska Soomaaliya ayaa maanta soo bandhigay hub ay sheegeen inay kusoo qabqabteen howlgallo ay ka sameeyeen degmooyinka Gobolka Banaadir ee ay dowladdu gacanta ku hayso.
Col. Cali Xirsi Barre (Cali Gaab) oo ah taliyaha qaybta baratmaha ee Booliiska Gobolka Banaadir oo ka hadlay halka lagu soo bandhigay hubkan ayaa sheegay inay hubkaan kusoo qabqabteen howlgallo lagu sugayay ammaanka oo ay ciidamadu sameeyeen.
"Hubkan oo isugu jira Walxo qaraxa iyo kuwo caadiga ah waxaan kasoo qabanay intiisa badan degmooyinka Xamarjajab iyo Degmada Xamarweyne oo ay maamusho Dowladda Soomaaliya" ayuu yiri Col. Cali Gaab. Taliyuhu wuxuu sheegay in haweeneydii gurigeeda hubkaan intiisa badan laga helay ay soo qabteen ayna ku hayaan baaritaanno, isagoo xusay in labadan degmo ay inta badan ka dhici jireen falal isugu jira qaraxyo iyo dilal qorsheysan.
"Haweeneyda waxaa ku socda baaritaanno, haddii aan ku weyno dambi waan sii daynaynaa, balse haddii aan ku helno dambi sharciga ayaa la marsiin doonaa" ayuu yiri Cali Gaab, oo intaas ku daray in howlgallada ay sii wadi doonaan.
Booliiska Dowladda Soomaaliya ayaa waxay dhawaanahan wadeen qorshayaal ay ku doonayaan inay ku sugnaa ammaanka guud ee Gobolka Banaadir, gaar ahaan deegaannada ay gacanta ku hayaan oo dhawaanahan ay ka dhaceen falal ammaanka wax u dhimaya.
Dowladda Yugaandha oo shaacisay inaysan ciidamadeeda la baxay inta ay laga jabinayo Xoogagga kasoo horjeeda Dowladda Soomaaliya
Talaado, April 06, 2010 (Wararka Dowladda ee Dowladda) Dowlada Yugaandha ayaa sheegtay inaysan ciidamadeeda ka saarayn Soomaaliya inta laga jabinayo kooxaha hubeysan ee kasoo horjeeda Dowladda Soomaaliya.
Gen. Felix Kulayigye ayaa hadalkan ka sheegay goob deeq loogu ururinayay ciidamada Uganda ee ku sugan dalka Soomaaliya, wuxuuna sheegay in ciidankooda ay diyaar u yihiin inay qayb ka qataan soo celinta ammaanka iyo xasiloonida Soomaaliya.
Lacagta loo ururiyay ciidamada Uganda ayaa waxay gaaraysaaa 20-Milyan oo Dollar waxaana Taliyahan uu sheegay in ciidamadooda ay iska difaaci doonaan weerar walba oo kaga yimaada kooxaha hubeysan ee Soomaaliya.
"Ciidamadeenu waxay ku sugnaan doonaan Soomaaliya inta laga xaqiijinayo amaanka guud ee dalka Soomaaliya, halkaasna waxaan u joognaa howlo nabadda lagu ilaalinayo" ayuu yiri Gen. Felix Kulayigye. Dalka Uganda ayaa waxaa Soomaaliya ka jooga 2500-askari, kuwaasoo ilaalo ka haya xarumo ay ka mid yihiin Garoonka Diyaaradaha, Dekedda Muqdisho iyo Xarunta Madaxtooyada halkaasoo fariisin u ah Dowladda Soomaaliya.
Afhayeenka Ciidamada AMISOM Maj. Behuko Brigiye ayaa dhawaan shaaciyay in Xarrakatul Shabaab ay doonayso inay qaraxyo ku weerarto xarumahooda Magaalada Muqdisho kaga sugan yihiin.
Maareeyihii dekadda Muqdisho oo xilkii laga qaaday iyo Maareeye cusub oo la magacaabay
Tuesday 06 April 2010 09:31 AM
...
Wareegto ka soo baxday xafiiska ra’iisul wasaaraha Somalia Mudane Cumar C/rashiid Cali Sharma’arke ayaa xilkii looga qaaday maareeyihii dekadda Muqdisho Mudane Cabdi Jiinow iyadoo maareeye cusubna loo magacaabay dekadda.
Wareegtadan oo ku asteysan maanta oo taariikhdu tahay 06 April uuna ka war hayo madaxweynaha Jamhuuriyadda Mudane Sheikh Shariif Sheikh Axmed, ayaa lagu socodsiiyay wasiirka gaadiidka badda iyo dekadaha, maareeyaha guud ee dekadaha soomaaliyeed iyo taliska ciidanka booliska soomaaliyeed.
Wareegtadan xilka looga qaaday maareeyaha dekadda Muqdisho , laguna magacaabay maareeyaha cusub, oo nuqul ka mid ah la soo gaarsiiyay Radio Muqdisho ayaa lagu yiri:
“Ra’iisul wasaaraha Xukuumadda Federaalka Kmg ah ee Somalia, markii uu arkay baahida loo qabo dardar galinta hay’adaha dowliga ah ee halbowlaha u ah ururinta iyo dhowridda dakhliga qaranka.
Markii uu la tashaday madaxda ay khuseeyaan go’aannadani, ayuu soo saaray go’aannada soo socda:
1-Laga bilaabo maanta oo ay taariikhdu tahay 06 April 2010, waxaa laga wareejiyay xilkii uu hayay maareeyaha dekedda Muqdisho Mudane Cabdi Jiinow Calasow, ka sii tirsanaan doona Wasaaradda Shaqada iyo horumarinta shaqaalaha inta loo magacaabayo xil kale.
2-Maareeyaha cusub ee dekadda Muqdisho, waxaa Isla maanta loo magacaabay Mudane Xasan Cali Macallin .
Wareegtadan oo uu ku saxiixan yahay ra’iisul wasaaraha Somalia Mudane Cumar C/Rashiid Cali Sharma’arke, ayaa fareysa dhammaan hay’adaha iyo madaxda ay sida tooska ah ugu socoto in ay sida ugu dhaqsiyaha badan u fuliyaan xil wareejinta.
Mudane Cabdi Jiinow Calasow, ayaa maareeye ka ahaa dekadda magaalada Muqdisho tan iyo sanadkii 2007-dii.
Isniin, April 05, 2010 (Wararka Dowladdda ee Maanta):- Dowladda Soomaaliya waxay idin sheegaysaa waa run inuu dhammaaday xilligii haynta jagadda guddoomiyaha baarlamaanka "Guddoomiyaha Golaha Shacabka" balse arrintan ay 75 xildhibaan soo shaaciyeen waa arrin loo baahnaa inay shaaciyaan marka uu guddoomiyaha baarlamaanka ku soo laabto gudaha dalka isla-markaasna ay keenaan dood looga hadlayo xilka iyo dib-udoorashada.
Wadada Dheer ee isku xirta Magaalooyinka Kismaayo iyo Dhoobley oo ay gooyeen biyo ka dhashay roobab xoog leh oo halkaasi ka da’ay.
Isniin, April 05, 2010 (Wararka Dowladda ee Maanta) - Wadadan dheer ee isku xirta magaaladani Kismaayo ee Xarunta Gobolka J/Hoose iyo deegaanka dhoobley ee ku yaal xadka kala qeybiya kenya iyo soomaaliya ayaa waxaa gooyay Roobab xooggan oo dhawaanahanba ka da,ayay qaar katirsan gobollada jubooyinka.
Wararka aynu ka heleyno deegaanada u dhexeeyo magaalooyinka kismaayo iyo dhoobley ayaa sheegaya in ay iminka ku xayiran yihin gaadid fara badan iyo safarey ka kicitintay magaaladani kismaayo halka gaadiid kale oo alaabo ganacsi u siday gobolka waqooyi bari ee wadanka kenya lagu soo waramayo in ay ku xayiranyihiin deegaano katirsan gobolkani j/hoose.
Qaar kamid ah darawallada gaadiidka ka dhex shaqeeya magaalooyinka dhoobley iyo kismaayo oo HOL u waramayay ayaa sheegay in ay xirantay wadada dheer ee isku xirta dhoobley iyo kismaayo waxa ayna sheegeen in ay adagtahay in gaadiidku ay ka gudbaan wadadaasi iyagoona sheegay in wadooyinka isku xira magaaloyinka kismaayo iyo Dhoobley ay yihiin kuwo aad u burbursan oo ay biyuhu fariistaan xiliyada ay jiraan roobabka.
Waxa aad u adag in gaadiidka rakaabka iyo kuwa ganacsi ay isaga kala gooshaan magaalooyinka Dhoobley iyo Kismaayo, maadama mudooyinkii danbe ay aad u da'ayeen roobab xoogan kuwaa oo sababay in ay dhiiri noqodaan qaar kamid ah wadooyinka soo gala magaalada kismaayo ee xarunta gobolka j/hoose.
Xirnaashaha wadada dheer ee isku xirta magaalooyinka kismaayo iyo dhoobley ayaa kusoo beegmeysa xilli ay jiraan roobab weli ka da'ayo qeybo katirsan gobolkani J/hoose, iyadoo ay dhawaan roobabkaasi sababeen in uu fahaad sameeyo webiga jubba oo ku fatahay dhul beereedyo ku yaal deegaanada gosha ee dhanka waqooyi kaga beegan magaalada kismaayo ee xarunta gobolka J/hoose.
Dowladda Soomaaliya oo sheegtay inay dib u dhigtay qorshe dagaal oo ay ku qaadi lahayd xoogagga kasoo horjeeda ee ku sugan Muqdisho
Isniin, April 05, 2010 (Wararka Dowladdda ee Maanta):- Dowladda Soomaaliya ayaa sheegtay inuu dib u dhac ku yimid dagaal ay doonayso inay ku qaaddo kooxaha kasoo horjeeda ee ku sugan Muqdisho iyo Gobollada dalka qaarkood.
Saraakiil ka tirsan Dowladda Soomaaliya oo wareysi gaar ah siiyay Wargeyska Al-sharqal-Awsat oo diiday in magacyadooda la xuso ayaa sheegay in dhaqaale la'aan lasoo daristay Dowladda iyo ciidamada oo aan habeysnayn ay sabab u tahay in dib loo dhigay dagaalladaas.
"Waxaan weli la hayn dhaqaalihii loogu talogalay in dagaalka lagu galo, sidoo kale ciidamada ayaan habeysnayn, taas ayaana keentay inuu dib u dhac ku yimaado dagaalkii ay Dowladdu qaadi lahayd" ayay yiraahdeen saraakiisha u hadlay Dowladda Soomaaliya.
Xukuumadda Soomaaliya ayaa waxay horay u sheegtay in la wareegayso inta badan goobaha ay gacanta ku hayaan xoogagga Dowladda ka horjeeda, kuwaasoo ay ka mid tahay Muqdisho, si ay ammanka u soo celiso. Magaalada Muqdisho ayaa waxaa inteeda badan gacanta ku haya xoogagga Dowladad Soomaaliya ka horjeeda, iyadoo Dowladduna ay gacanta ku hayso in yar oo ka mid ah caasimadda.
Saraakiishan u hadlay Dowladda Soomaaliya ayaa sheegay inaan laga tanaasulin dagaalka ay dowladdu ku qaadayso xoogagga kasoo horjeeda, balse la qaadi doono, inkastoo ay ka gaabsadeen inay sheegayaan xilliga la qaadayo..
Banaanbax lagu taageerayay Guddoomiye cusub oo u sharraxan Degmada Xamarjajab oo maanta ka dhacay xarunta Maamulka Gobolka Banaadir
Dowladda Soomaaliya oo sheegtay inay dib u dhigtay qorshe dagaal oo ay ku qaadi lahayd xoogagga kasoo horjeeda ee ku sugan Muqdisho
Isniin, April 05, 2010 (Wararka Dowladdda ee Maanta):-
Bannaanbax lagu taageerayay ninka u sharraxan inuu noqdo Guddoomiyaha cusub ee degmada Xamarjajab ee Gobolka Banaadir ayaa maanta ka dhacay xarunta Gobolka Banaadir. Mas'uulkan xilka u sharraxan ayaa waxaa lagu magacaabaa Macallin Maxamed Cali Maxamed isagoo kula hadlay xarunta Gobolka boqolaalka qof ee taageerayay in laga dhigo Guddoomiaha cusub ee degmada Xamarjajab.
"Waxyaabaha ugu horreeya ee aan wax ka qaban doono marka xilkan la ii doorto waxaa ka mid ah inaan hagaajiyo ammaanka, waxbarashada iyo nadaafadda" ayuu yiri Macallin Maxamed Cali isagoo sheegay in go'aankaas uu yahay mid ka go'an si ay dadka degmada ugu noolaadaan nolol wanaagsan.
Boqlaal qof ee taageerayay isla markaana dhigay dibadbaxa ayaa waxay ku qaylinayeen erayo ay ku taageerayaan musharraxa ay wataan, iyadoo maamulka Gobolka Banaadir uu sheegay inay go'aan ka qaadanayaan in mas'uulkaas ay u magacaabaan degmada iyo in kale.
Guddoomiyihii degmada Xamarjajab ayaa waxaa todobaad ka hor lagu dilay qarax ka dhacay degmadaas, isagoo ku howlan burburinta guryo laga dhistay hareeraha iyo gudaha garoonka diyaaradaha ee Muqdisho. Dilka Guddoomiyihii hore Marxuum Axmed Sheekh Maxamuud (Qoorleex) waxaa sheegtay Xarrakatul Shabaabul Mujaahidiin, iyagoo ku sheegay inuu ahaa mid ay ugu aargudayeen dadka laga rarayo deegaannadooda.
Haddii guddoomiyaha cusub loo magacaabo xilka guddoomiyenimo ee Degmadaas ayaa wuxuu noqonayaa guddoomiyihii ugu horreeyay ee dadka ku nool Muqdisho u doortaan inuu hoggaamiyo.
Ahlusunna Waljamaaca iyo Koox la baxday Muqaawamada Gobollada Jubbooyinka oo heshiis iskaashi ah ku kala saxiixday dalka Kenya
Sabti, April 03, 2010 (Wararka Dowladda ee Maanta) Waxaa heshiis ku kala saxiixday Magaalada Nairobi ee dalka Kenya Ahlusunna Waljamaaca iyo Koox isku magacowday Muqaawamada Gobollada Jubbooyinka, heshiiskaas oo ah mid looga horjeedo Xarrakatul Shabaabul Mujaahidiin.
Heshiiskan ayaa waxaa Ahlusunna u saxiixay Sheekh Xuseen Sheekh Dayib iyadoo kooxdan cusubna uu u saxiixay Sheekh Xuseen Sheekh Dayib halka Kooxda kale uu u saxiixay Maxamed Amiin Cabdullaahi Cismaan oo ku hadlayay magacooda.
Bayaan ay kooxaha heshiiskan gaaray soo saareen ayay ku sheegeen in Dowladda Soomaaliya ay ku guuldareysatay xaqiijinta ammaanka Gobollada Koonfurta Soomaaliya oo ay gacanta ku hayso Xarrakatul Shabaabul Mujaahidiin, iyagoo sheegay in dadka Gobolladaas ku nool lagu hayo dhibaatooyin kala duwan. Warkan oo lagu daabacay Bogga Telefishinka Al-Jazeera qaybtiisa Carabiga iyagoo intaas ku daray in dadka Gobollada Jubbooyinka ku nool ay dhibaatooyin kala duwan la kulmayeen tan iyo markii ay dhacday dowladdii dhexe ee Soomaaliya 1991.
Kooxdan ayaa waxay bayaankooda ku sheegeen inay dagaal hubeysan la galayaan Xarrakatul Shabaabul Mujaahidiin, si ay uga saaraan Gobollada Jubbooyinka si ay dadka halkaas ku nool u helaan nolol wanaagsan, dalalka dariska ahna kula noolaadaan nabad. "Waxaa naga go'an inaan dagaal ku qabsano Jubbooyinka" ayuu yiri Maxamed Amiin kaddib markii uu garabkiisa u saxiixay heshiiska, isagoo sheegay inay dhisayaan maamul uu yeesho Jubbooyinka markii ay Gobolladaas ka saaraan Xarrakatul Shabaabul Mujaahidiin oo awood badan ku leh.
Sidoo kale Maxamed Amiin ayaa sheegay in ciidamadii lagu tababaray dalka Kenya ee gaaraya 2,500-qof ay noqonayaan ciidamada ay ku dagaalamaan si ay dib ugu qabsadaan Gobollada Jubbooyinka, ciidamadaasoo dhawaan ay dalbaday Dowladda Soomaaliya in la geeyo Muqdisho Kenyana ay ku gacansayrtay.
Sidoo kale mas'uulkan wuxuu sheegay in ururkooda uusan wax xiriir ah la lahayn Dowladda KMG ah ee Soomaaliya, balse ay aqoosan yihiin, isagoo sheegay inay yihiin koox ka madaxbanaan oo doonaysa inay la dagaalamaan Xarrakatul Shabaab..
Afhayeenka AMISOM oo sheegay inay ka warheleen qaraxyo ay Xarrakatul Shabaab doonayso inay la beegsato Dekedda Muqdisho
Sabti, April 03, 2010 (Wararka Dowladda ee Maanta) Afhayeenka Ciidamada AMISOM Maj. Bregiye Behuko oo saxaafadda kula hadlay Muqdisho ayaa sheegay inay ka warheleen qorshayaal ay Xarrakatul Shabaabul Mujaahidiin ku doonayso inay qaraxyo kaga fuliso Dekedda Muqdisho.
Afhayeenku wuxuu sheegay in qorshayaashaas lagu maleegayo Gobollada Shabeellada hoose iyo Shabeellada dhexe inkastoo uusan sheegin xilli lagu soo beegayo qaraxyadaas, wuxuuna sheegay in ciidamadooda ay geliyeen heegan si ay uga hortagaan qaraxyadaas.
"Waxaan helnay warar sheegaya in Al-shabaab ay doonayso inay qaraxyo loo adeegsanayo booyado ay la beegsato Dekedda Muqdisho" ayuu yiri Maj. Behuko oo sheegay inuusan maqal goob kale oo ay doonayaan inay qaraxyo noocaas oo kale ah ka geystaan.
Ciidamada AMISOM ee ku sugan Muqdisho kana socda dalalka Burundi iyo Uganda ayaa waxay ilaaliyaan ammaanka Dekedda Muqdisho, Garoonka Diyaaradaha iyo Madaxtooyada, iyadoo qaraxyo horay loogu weeraray saldhigyadooda iyo xarunta ugu weyn ee Muqdisho ay ku leeyihiin looga dilay ciidamo iyo Saraakiil sarsare.
Maj. Behuko wuxuu sheegay inay iska difaaci doonaan weerar walba oo ay kooxaha Dowladda kasoo horjeeda ku doonayaan inay ku carqaladeeyaan Ammaanka, isagoo sheegay in ciidamadooda ay geliyeen heegan ay kaga hortagaan weerarkan.
"Halkan (Soomaaliya) waxaan u joognaa inaan sugno ammaanka, waan la soconaa Ammaanka goobaha aan kaga suganahay, balse ma jirto wax dagaallo ah oo aan ka qaybgalno" ayuu yiri Afhayeenka AMISOM oo la weydiiyay inay madaafiic waaweyn ku garaacaan Magaalada Muqdisho markii ay dagaallo dhacaan. Xarrakatul Shabaabul Mujaahidiin ayaan weli wax jawaab ah ka bixin wararka sheegaya inay qorshayaan qaraxyo la beegsadaan Dekedda Muqdisho oo ah isha ugu weyn ee ay Dowladdu ka hesho dhaqaalaha ugu badan.
Wasaaradda Bani aadamnimada oo ka hadashay Afduubka ay burcad badeedu u geysatay Doonyaha u raran Soomaalida.
Wednesday 31 March 2010 04:03 PM
...
Wasaaradda Bani’aadamnimada Dowladda KMG ee Soomaaliya ayaa sheegtay in afduubka ay kooxaha Burcad badeedu gaadiidka u rarnaa Ganacsatada Soomaaliyeed u saameyn xoogan ku yeelatay qiimaha Raashinka daruuriga ah ee Suuqyada Magaalada Muqdisho.
Wasiirka Bani’aadamnimada Soomaaliya Maxamed cabdi Gerwayne ayaa sheegay in falalka Burcad badeedu ay horay u saameeyeen howlihii gargaarka Soomaaliya, haddana ay halis galinayaan Shixnadihii ganacsiga Soomaaliya.
Mr. Garweyne ayaa sheegay in burcad badeedu ay si laba jibaareen dhibaatada ay ku hayeen Bulshada Soomaaliyeed, isagoo baaq u diray ku aadan badbaadinta hantida umadda Soomaaliyeed.
“ haddii wax yar oo diirnax ah ku jiraan Burcad badeeda waxaan leeyahay badbaadiya hantida ganacsatada Soomaaliyeed, arrintaani waxay saameynaysaa Bulshada waayo waxaa istaagaya adeegii ganacsi ee Soomaaliya, hadda loorkii Bariis ah waxaa ku kordhay qiimo ahaan hal doolar” ayuu Radio Muqdisho u sheegay Wasiirka Bani’aadamnimada.
Sidoo kale wasiirka ayaa tilmaamay in mar uun lala xisaabtami doono oo caddaalada la hor keeni doono kooxaha Burcad badeeda oo dhibaato badan u horseeday Shcabaka Soomaaliyeed.
Dowladaha Ethiopia iyo Masar oo ku baaqay in la taageero Soomaaliya.
Wednesday 31 March 2010 10:32 AM
...
Dowladaha Masar iyo Ethiepia ayaa ku baaqay in la taageero dowladda KMG ee Soomaaliya si loogu guulaysto xal u helidda Dhibaatada ka taagan Soomaaliya.
Kulan ay wasiirrada arrimaha dibadda ee Ethiopia iyo Masar ku yeesheen Magaalada Adis Ababa ee dalka Ethiopia ayay ku taageereen dowladda Soomaaliya, ayagoo besha caalamkana ugu baaqay in ay caawiso mashruuca nabadda ee Soomaaliya.
Siyuum Misfiin waiirka arrimaha dibadda Itoobiya ayaa shaaca ka qaaday in loo baahanyahay in taagero la siiyo Dowlada KMG Soomaaliya kadib kulan dhigiisa dalka Masar Axmed Abuu Qeyt uu kula qaatay magaalada Adis Ababa ee xarunta dalka Ethiopia, ayagoo ay labada wasiir arrimo dibadeed isla garteen in ay lagama marmaan tahay taageero la siiyo Dowladda KMG Soomaaliya.
Wariirada arimaha dibadda ee Dowladaha Ethiopia iyo Maser ayaa sidoo kale ka dalbaday beesha caalamka kuna adkeeyey in ay soo dadajiso baahida deg dega ah ee loo baahanyahay in lagu taageero Dowladda KMG Soomaaliya.
Siyuum Misfin iyo Axmed Abuu qeyt wasiirada arimaha dibadda ee dalalka Ethiopia iyo Maser ayaa sidoo kale kulankoda kadib waxay ku dhawaaqeen in ay soo dhaweynayaan ayna taageersan yihiin heshiiskii Dowlada KMG Soomaaliya iyo clumaa’udiinka Ahlusuna Waljamaaca ay ku kala saxiixdeen xarunta midowga Afrika ee dalka Ethiopia.
Madaxweyne Shariif oo kulamo la leh Q.M iyo Beesha caalmka.
Tuesday 30 March 2010 03:52 PM
...
Madaxweynaha Jamhuuriyadda Soomaaliya Sh. Shafiif Sh Axmed oo xalay soo gaaray magaalada Nairobi ee dalka Kenya ayaa maanta kulano kula leh halkaasi mas’uuliyiin ka socota Qaramada Madoobay iyo Beesha Caalamka.
Madaxweyne Shariif ayaa maanta Nairobi kula Kulmaya Safaaradaha ay Wadamada Caalmku ku leeyihin dalkaasi Kenya iyo Saraakiil sar sare oo ka tirsan Hay’adaha Gargaarka ee Qaramada Midoobay, wuxuuna Madaxweynuhu kala hadli doonaa Mas’uuliyiintaas xoojinta Gargaarka Soomaaliya iyo sidii dadka baahan loo caawin lahaa.
Safiirka Soomaaliya u fadhiya dalka Kenya Maxamed Cali Ameeriko ayaa Radio Muqdisho u sheegay in kulamada uu madaxweynuhu la yeelan doono Mas’uuliyiinta Beesha Caalamka ka socota looga hadli doono inta badan xaaladaha Banii’aadamnimo ee ka taagan dalka Soomaaliya, kuwaas oo inta badan ka dhici doona Hotelka uu madaxweynhu ka degan yahay Magaalada Nairobi.
Madaxweynaha Soomaaliya Sh. Shariif Sh Axmed ayaa sidoo kale lagu wadaa in galabnimada Maanta uu la kulmo madaxweynaha dalka Kenya Muwi Kibaki, iyo xubno ka tirsan xukuumadda Nairobi.
Wuxuuna safiirka Soomaaliya Sheegay in xiriirka wanaagsan ee labada dal ay ka wada hadli doonaan labada madaxweyne ee Soomaaliya iyo Kenya.
Sh. Shariif Sh. Axmed Madaxweynaha Soomaaliya ayaa xalay fiidkii soo gaaray magaalada Nairobi ee dalka Kenya ka dib markii uu ka qeyb galay shirkii hogaamiyayaasha Jaamacadda Carabta oo sanadkaan lagu qabtay dalka Liibiya
Axad, Mar, 28, 2010 (Wararka Dowladda ee Maanta) Madaxwaynaha DGPl Dr C/rixmaan Maxamed Faroole iyo Wafdi hogaaminayo ayaa maanta ka dhoofay Garoonka diyaaradaha ee Magaalada Boosaaso.
Safarka ayaa Madaxwaynuhu ugu ambabaxay Caasimada dalka Itoobiya ee Addis ,Waxaana safarkiisa ku wehliyay xubno wasiiro ah oo ka tirsan xukuumada,Waxaana ka mid ahaa Wasiirka arimaha Gudaha ,Wasiirka deegaanka iyo Madax kale.
Madaxwaynaha Puntland Dr Faroolle Waxaa Garoonka diyaaradaha ee Bandar Qaasim, isaga iyo Wafidigiisa ku sii sagootiyay Madax ka tirsan Laamaha Dawlada iyo qaybaha kale ee Bulshada Bosaaso.
Waxaa la sheegay in Dalka Itoobiya lagu xalin doono khilaafkii soo kala dhex galay, isaga iyo Taliyihii hore ee Ciidamada Sirdoonka Puntland oo ka biyo diiday Isku shaandhayntii uu Madaxwaynaha Sameeyay.
Sidoo kale waxaa uu Madaxwaynaha dalka itoobiya uu kaga qayb gali doonaa kulan ku saabsan la dagaalanka Kooxaha Burcad badeed Somaliya oo dhawaan lagu eedeeyay in Puntland ay xiriir leeyihiin.
Ugu danbayntii Safarka uu Madaxwaynaha Puntland maanta ku aaday Itoobiya ayaa yimid Maalin ka dib markii Madaxtooyada Bosaaso lagu soo gababeeyay kulan uu la qaadanayay Odayaasha Puntland Qaar Ka mid ah.
Madaxweynaha Jabuuti oo sheegay in dagaallada ka socda Soomaailya ay u muuqdaan kuwo u gudbi kara dalalka kale ee Geeska Afrika
Axad, Mar 28, 2010 (Wararka Dowladda ee Maanta) - Madaxweynaha Dalka Jabuuti Ismaaciil Cumar Geelle ayaa sheegay inuu cabsi weyn ka qabto in dagaallada ka socda gudaha dalka Soomaaliya ay ku baahaan Geeska Afrika sida Jabuuti, Kenya iyo Itoobiya.
Madaxweyne Geelle oo wareysi siiyay Telefishinka Al-Jazeera ayaa sidoo kale xusay inuu cabsi ka qabto in dagaalladaas ay ku baahaan caalamka intiisa kale, wuxuuna sabab ka dhigtay hadal ay horay u sheegtay Xarrakatul Shabaab oo ah inay dagaalkooda caalamiyeyn doonaan.
"Al-shabaab waxay horay u sheegtay inay beegsan doonto Jabuuti, iyadoo taas jawaab uga dhigaysa taageerada aan siinayno Dowladda la aqoonsan yahay ee Soomaaliya" ayuu yiri Madaxeyne Geelle.
Dowladda Soomaaliya ayuu sheegay inuu ku kalsoon yahay inay dalka dib u qabsan karto haddii ay kaalmo calaami ah ka hesho beesha caalamka, wuxuuna ciidamada AMISOM ku tilmaamay kuwo gacan ka siinaya dowladda soo celinta ammaanka.
"Xisbul Islaam iyo Xarrakatul Shabaab ma qabo inay aqbali doonan wadahadal ay la galaan Dowladda Soomaaliya, waayo waxay wataan fikrado ay doonayaan inay ka dhigaan kuwo hirgala" ayuu yiri Madaxweynaha dalka Jabuuti.
Dadka Soomaaliyeed ayuu ku boorriyay inay qaataan go'aan wanaagsan si ay u xalliyaan dalkooda, isagoo xusay inaysan jirin waddo aan wadahadallo ahayn oo looga bixi karo dhibaatada laguna gaari karo guul.
Gabagabadii wareysigiisa ayuu kaga dalbaday calaamka inay gacan siiyaan dowladda Soomaaliya si ay xukuumadda uu horkacayo Sheekh Shariif ugu guuleysato inay ammaanka iyo kala dambeynta dalka soo celiso.
ENG. C/RISAAQ NUUNNE: "Kooxaha diidan inay ka guuraan Afasiyooni waa kuwo ka tirsan Xarrakatul Shabaab waana...
Axad, Mar 28, 2010 (Wararka Dowladda ee Maanta) - Guddoomiyaha Gobolka Banaadir ahna Duqa Muqdisho Eng. C/risaaq Maxamed Nuur (Nuunne) oo ka hadlay dagaal ka dhashay burburin lagu hayo guryaha laga dhistay Xerada Afasiyooni ayaa sheegay inay howshaas sii wadi doonaan.
Eng. Nuunne wuxuu sheegay in dadka dagaalka kala horyimid cidiamada Maamulka iyo kuwa Booliiska ay yihiin kooxo xiriir la leh Xarrakatul Shabaab ayna la dagaalami doonaan inta ay ka sifeynayaan deeegaannadaas.
"Dagaalka wuxuu ahaa mid ay abaabushay Al-shabaab, kooxaha dagaalka halkaas ka wadayna waxay ahaayeen kuwo ka tirsan kooxdaas, waxaana la dagaalamaynaa inta aan ka burburinayno iyaga iyo dhismayaasha ay sameysteen" ayuu yiri Duqa Magaalada Muqdisho.
Guddoomiyuhu wuxuu eedeyn kulul u jeediyay ciidamadii Milateriga ahaa ee dagaalka qaybta ka qaatay isagoo sheegay in dowladda dhexe ay baaritaan ku sameynayso ayna soo qabqaban doonto saraakiishii amarkaas bixiyay.
"Duminta guryaha laga dhistay garoonka agtiisa waan wadaynaa, waayo waa kuwo la doonayo in lagu waxyeelleeyo amaanka garoonka, mana aqbalayno in howshaas ay sii socoto ama ay noqoto mid u hirgasha sidii la rabay" ayuu yiri Eng. Nuunne.
Iskahorimaadkii ka dhacay xerada Afasiyooni ayaa wuxuu sababay dhimasho iyo dhaawac gaartay dad rayid ah iyo dhinacyadii uu dagaalku u dhexeeyay waxaana ku dhaawacmay Afhayeenkii Booliiska Soomaaliya Col. C/llaahi Xasan Bariise, kaasoo goobjoog ahaa markii uu dagaalku bilaabanayay.
Xiisado ayaa saakay laga dareemayaa, iyadoo ay ku sugan yihiin ciidamo Milateri ah iyo kooxo hubeysan oo dagaalka uu ka dhashay, waxaana Xarrakatul Shabaab ay ku tilmaantay burburinta guryahaas kuwo looga dan leeyahay in shacabka lagu dhibo.
Guddoomiyaha Gobolka Banaadir ahna Duqa Magaalada Muqdisho ayaa ka gaabaday inuu sheego cidda la dajinayo halkaas iyadoo mas'uuliyiin ka tirsan Gobolka Banaadir uu sheegay in la dajin doono ciidamada AMISOM, si ay ammaanka u sugaan.
Ma'suul u hadlay Ahlusunna Waljamaaca oo sheegay inay dagaal la geli doonaan Xarrakatul Shabaabul Mujaahidiin
Sabti, Mar 27, 2010 (Wararka Dowladda ee Soomaaliya) - Mas'uulkan ugu sarreeya Ahlusunna Waljamaaca ayaa ka sheegay Magaalada Nairobi ee dalka Kenya inay ballaarin doonaan dagaalka ay kula jiraan Xarrakatul Shabaabul Mujaahidiin.
Macallin Maxamuud Sheekh Xasan oo ah mas'uulka ugu sarreeya Ahlusunna ayaa sheegay in go'aankan ay qaateen markii la qoday qabriyo ay ku jiraan culummo si weyn looga yaqaan dalka Soomaaliya.
"Culummadii Qabriyadooda laga soo saaray, waxaan qabaa inaysan ruux ahaan iyo ajar ahaan lumayn, balse kuwa moodaya inay lumayaan ay yihiin kuwo aan Islaam lagu tilmaami karin" ayuu yiri Macallin Maxamuud, isagoo intaas raaciyay:
"Qorshahan waa mid la doonayo in lagu tirtiro qaabka ay diinta Islaamku kusoo gaartay dalka Soomaaliya, waxaana noo sheegay Rasuulka in kooxo sheeganaya diinta Islaamka inay ku dhaqmaan ay burburin doonaan dhaqanada Islaamka".
Sarkaalkan ayaa wuxuu ahaa hoggaamiyaha wafdigii Ahlusunna uga qaybgalay shirkii ka dhacay dalka Itoobiya ee ay ku kala saxiixdeen Dowladda Soomaaliya iyo Ururkan oo gacanta ku haya inta badan Gobolka Galguduud heshiiska awood qaybis ah.
"Xarrakatul Shabaab laguma tilmaami karo koox Muslimiin ah, waayo waxay ka hooseeyaan aragti ahaan Khawaarijta, kuwaasoo ku doodayay fikir Islaami ah oo ay si khaldan u qaateen" ayuu yiri Macallin Maxamuud Sheekh Xasan.
Mas'uulkan wuxuu sheegay in dagaalka ay xoojin doonaan ayna wadi doonaan inta ay dalka oo dhan ka saarayaan Xarrakatul Shabaab, inkastoo uusan soo hadal qaadin Ururka Xisbul Islaam oo isaguna horay u fuliyay howlo qabriyo burburin ah.
Hadalkan ayaa noqonaya kii ugu adkaa ee ay Ahlusunna u adeegsato Xarrakatul Shabaab oo ay ku dagaalameen gudaha dalka Soomaaliya, waxaana Xarraakadu ay ku sheegeen howlan qabriyo burburinta ah mid ay ku suulinayaan in Alle wax aan ahayn la caabudo.
Jabhaddda ONLF oo 5 qof oo Somaliland ka soo jeeda ku leysay deegaan ka tirsan Killilka shanaad ee Itoobiya
Sabti, 27 March 2010 (Wararka Dowladda ee Maanta)- Jabhadda ONLF ee dagaalka kula jirta dawladda Itoobiya, ayaa la sheegay inay dad shacab ah oo reer Somaliland ah ku laayeen degaanka Rabaso oo ka tirsan degmada Awaare ee gobolka Dhagaxbuur ee kilalka Shanaad.
Sida uu xaqiijiyay Caaqil Rashiid Maxamed Jaambiir, Jabhaddu waxay shalay degaan lagu magacaabo Ciryare oo ka tirsan degaanka Rabaso ku dileen shan wiil oo dhalinyaro ah. “Waxay dileen shan nin oo weliba dhalinyaro yaryar ah oo Geeljire ah,” ayuu yidhi Caaqil Rashiid. “Waxay ku dileen meel lagu magacaabo Ciryare oo dhinaca Hawd ka xigta Rabaso, waxaana galabta (gelinkii dambe ee shalay) nimankaa lagu aasay magaalada Rabaso,” ayuu raaciyay. “Xilliga ay ONLF laysay, wiilashu waxay la joogeen Geel, intooda badana da’doodu labaatan jir way ka yar tahay, inta ay qabqabteen baanay laayeen,” ayuu yidhi.
Caaqil Rashiid Maxamed Jaambiir waxa uu sheegay in weerar noocaas ah ay muddooyinkii u dambeeyay Jabhadda ONLF ku haysay mid ka mid ah Beelaha Somaliland ee halkaa dega, isla markaana ay marar hore weeraro ay soo qaaday ku laysay dad shicib ah oo Xoolo-dhaqato ah. “Weerarkan ONLF kii koowaad maaha oo waa kii shanaad ama lixaad, kan kii ka horeeyayna wuxuu ka dhacay dhinaca Galbeed ee Abokor ku beegan, dhinaca Bari ee Darroor ku beegana wuu ka dhacay, degaanka dhexe ee Rabaso ku beegana waa markii afraad. Markaa waa weerar joogto ah oo ay ku wadaan jiidaha ku beegan saddexdaa kaam ee waawayn ee Abokor, Rabaso iyo Darroor,” ayuu yidhi Caaqil Rashiid Jaambiir.
Mar la waydiiyay ujeedada ka dambaysa weerarka jabhadda ONLF ku hayso dadka degaankaas, waxa uu sheegay inay salka ku hayso qorshe ay jabhaddu ku doonayso sidii ay dadka shacabka ah ugu khasbi lahaayeen inay dagaalka ay wadaan gacan ku siiyaan. “Jabhaddu waxay dadka degaanka kula kacaan dhac iyo dil, imikana weeraro joogto ah bay ku hayaan dadka Xoolo-dhaqatada ah ee ku dhaqan jiidahaas,” ayuu yidhi Caaqilku.
Dhinaca kale, mar aanu isku daynay in aanu la xidhiidhno dhinaca ONLF, si aanu arrintan wax uga waydiino, nooma aysan suurtogelin in aanu helno.
Maamulka G/Bari oo lacag u Aruurinaya Dadkii ku waxyeeloobay Dab ka kacay xero Qaxooti oo Boosaaso ku taal
Sabti, 27 March 2010 (Wararka Dowladda)- Maamulka Gobolka iyo kan degmada Bosaaso oo maanta shir wadajir ah ku qabtay guriga gobolka ayaa ku baaqay in la caawiyo dad ku waxyeeloobay dab shalay ka kacay Xaafada Boqolka Buush ee Magaalada Bosaaso.
Shirkan waxaa ka qayb galay Godoomiyaha Gobolka, Duqa degmada Maxamuud Beeldaaje Faarax ,Nabadoono, ururada Haweenka iyo qaar ka mid ah ardayda wax ka barata Iskuulada ku yaala Bosaaso.
Duqa Degmada oo ka hadlay kulankaasi ayaa sheegay in ay jiraan shirkado ganacsi oo lacag ku bixinay taakuulaynta Barakacayaasha Bosaaso gaar ah kuwii dabka ku waxyeeloobay.
Waxaa Jira lacago ay ku deeqeen shirkadaha Ganacsiga ee Bosaaso iyo lacag ay bixin doonto Wasaarada Maaliyada si dadkaasi loo taakuleeyo"ayuu yiri duqa Degmada Isaga oo ka qayb galay kulankaasi.
Qaar ka mid ah ardaydii ka socotay Iskuulaadka Bosaaso ayaa lagu amray in arday kasta oo Bosaaso wax ka barta uu Bixiyo Hal kiilo oo bariis ah si loogu taakuleeyo dadka dhibaataysan.
Sidoo kale Nabadoonada Qaar ee Gobolka Bari ayaa xusay in kaalin lixaad leh ay kaa qaadan doonaan Caawinta Dadka ku waxyeeloobay dabkii Bosaaso ka kacay.
Shalay ayey ahayd markii xerada Boqolka Buush uu ka kacay dab aad u xoog badan ,kaasi oo dhulka la simay boqolaal guri oo ay daganaayeen dad ka soo barakacay koonfurta Somaliya
Ugu danbayntii Magaalada Bosaaso ayaa bilowga kulaylaha ee sanad walba waxaa ka bilowda dabaylo xoog badan ,kuwaasi oo Mararka qaar sababa in ay gubtaan guryaha ay dagan yihiin dadka soo barakacay ee Bosaaso ku Nool.
Dowladda Soomaaliya oo shaacisay inuu heer gabogabo ah marayo dayactir lagu sameynayo Isbitaalka Martiini ee Muqdisho
Arbaco, Mar 24, 2010 (Wararka Dowladda ee Maanta) - Wasiir u dowlaha xafiiska Ra'iisul wasaaraha Khaalid Cali Cumar ayaa warbaahinta ugu sheegay Muqdisho in Isbitaalka Martiini oo ay dhawaan qayb ka mid ah Dowladdu dayactir ku bilowday uu dhammaad ku dhow yahay.
"Waxaa lagu wadaa in dhawaan la dhameystiro qaybta aan dayactirka kaga sameynayno Isbitaalka Martiini, waxaana Isbitaalkan la dhisay 1930-kii wixii ka dambeeyayna wax dayactir ah laguma sameyn" ayuu yiri Khaalid.
Wasiir-u-dowluhu wuxuu sheegay in Isbitaalkan ay ugu talogaleen inuu wax ka qabto caafimaadka bulshada Soomaaliyeed, isagoo sheegay inay socdaan tababarro la siinayo shaqaalihii ka howlgeli lahaa, kaasoo ay iska kaashanayaan Dowladda Soomaaliya iyo Hay'adda WFP.
"Isbitaalkan wuxuu ka mid noqon doonaaa Isbitaallada ka howlgala Muqdisho, isagoo lacag la'aan ku daweyn doona shacabka Soomaaliyeed, wuxuuna isugu jiraan dhowr qaybood oo ay ka mid tahay qaybta Indhaha iyo qaybta xannaanada Hooyada" ayuu yiri Wasiirku.
Dawooyin iyo Qalab Caafimaad oo gaaraya 26-Tone oo ay Dowladda Ruushku ugu deeqday Dowladda Soomaaliya ayaa lagu wadaa in Isbitaalka lagu qalabeeyo, iyadoo wasiirku uu sheegay in sidoo kale qalabkan la gaarsiin doono Isbitaallada kale.
Isbitaallada Magaalada Muqdisho ku yaalla ee hadda shaqeeya ayaa waxay gaarayaa saddex ay taakuleeyaan hay'adaha MSF iyo ICRC, kuwaasoo laba ka mid ah ku yaalla goobaha ay gacanta ku hayaan Xarrakatul Shabaab iyo Xisbul Islaam.
Madaxweyne Sheekh Shariif oo kulan la qaatay Xildhibaanno ka tirsan Baarlamaanka Soomaaliya kalana hadlay howlaha Dowladda
Talaado, Mar 23, 2010 (Wararka Dowladda ee Maanta) - Madaxweynaha Soomaaliya Sheekh Shariif Sheekh Axmed iyo Guddiyada Baarlamaanka ayaa shalay kulan ku yeeshay Madaxtooyada Soomaaliya, kaasoo looga hadlay arrimo ay ka mid yihiin Ammaanka, Dhaqaalaha iyo Wadashaqeynta hay'adaha kala duwan ee Xukuumadda.
Xubnaha Baarlamaanka ee kulanka ka qaybgalay ayaa waxaa hoggaaminayay Prof. Maxamed Cumar Dalxa oo ah guddoomiye ku xigeenka ahna ku simaha xilka guddoomiyaha Baarlamaanka, waxaana kulanka intii uu socday loo diiday saxaafadda.
Prof. Dalxa oo saxafadda kaga warbixiyay kulankaas ayaa sheegay inay kaga hadleen sida ugu wanaagsan ee ay ku wadashaqeyn karaan hay'adaha dowladda loona dardargelin lahaa waxqabadka xukuumadda.
Guddomiye ku xigeenku wuxuu sheegay inay cambaareeyeen warbixintii Qarammada Midoobay ee lagu sheegay in la lunsado dhaqaalaha Dowladda, isagoo xusay in taas ay tahay mid been ah/
"Dowladda waxaa dhaqaale ay ka heshaa Dekedda iyo Garoonka Diyaaradaha, mana jirto cid lunsata, waa been ayaan leenahay warbixintaas, deeqo lacageed oo muuqda oo xukuumadda soo gaarayna maba jiraan" ayuu yiri Prof. Dalxa.
Kulankan ayaa noqonaya kii ugu horreeyay oo ay yeeshaan Madaxweynaha Soomaaliya iyo Guddiyada Baarlamaanka, iyadoo Prof. Dalxa uu dhanka baaq u diray xildhibaannada ka maqan dalka, kaasoo ah inay dib ugu soo laabtaan gudaha dalka.
GEN. GALAAL: “Waxaa jirra qorshe looga saarayo Xoogagga ka soo horjeeda Dowladda Soomaaliya Goballada Galgaduud, Hiiraan, iyo Shabeelaha Dhexe....”
Talaado, Mar, 23, 2010 (Wararka Dowladda ee Maanta) Gen, Max'ed Nuur Galaal oo ka mid ah Saraakiishii hore ee Xoogagga dalka Soomaaliyeed ayaa isaga oo ku sugan degmada Gure-ceel ee Goballka Galgaduud waxaan uu sheegay in uu halkaa ka wado qorshe dagaal oo dhan ah sida uu sheegay Xoogagga ka soo horjeeda Dowladda Soomaaliya.
Gen, Galal waxaa uu sheegay in uu halkaa u joogo sidii uu Aqoontiisa dhinaca Militariga ugu biirin lahaa Culima'udiinka Ahlu Sunn Waljameeca oo ka mid ah Xoogagga isku haya Siyaasada Soomaaliya sida weyn uga soo horjeeda kooxaha Dowladda ku kacsan ee Xarrakada Shabaabul Mujaahidiin iyo Xisbul Islaam.
''Waxaa uu qorshuhu yahay in dhawaan laga xureeyo Xarrakada Al-shabaab Goballka Galgaduud oo idil, iyada oo intaa kadibna loo gudbi doono Goballada Hiiraan iyo Shabeellaha dhexe ayuu yiri Gen, Galaal oo dhinaca kale sheegay in uu si buuxda u taageersan yahay Dowladda Soomaaliya.
Waxaa uu sheegay in dhawaan ay sameyn doonaan isaga iyo Saraakiisha Ahlu Sunna Waljameeca ee ku sugan Goballada dhexe Istiraatiyad cusub ee lagu wiiqayo ayuu yiri Xarrakada Al-shabaab iyo Xisbul Islaam, waxaan uu intaa raaciyay in uu ku kalsoon yahay Ciidamada Ahlu Sunna oo ah ayuu yiri kuwa kaliya ee jabin kara kooxaha Dowladda ka soo horjeeda.
Gen, Galaal oo bilihii aynu soo dhaafnayba ku sugnaa Goballka Galgaduud gaar ahaan degmada Gure-ceel ayaa markii ugu horeysay si buuxda u sheegay in uu la shaqeynayo Dowladda Soomaaliya, islamarkaana uu qeyb ka qaadan doono dagaallka Dowladdu kula jirrto Xoogagga Islaamiyiinta ah ee ku kacsan.
Madaxweynaha Somaliland oo isku-shaandhayn ku sameeyay qaar ka mid ah Golihiisa Wasiirada
Talaado, 23 March 2010 (HOL)- Madaxweynaha Somaliland Daahir Rayaale Kaahin, ayaa maanta isku-shaandhayn ku sameeyay qaar ka mid ah Golaha Wasiirada iyo Agaasimayaasha guud ee Xukuumadda uu madaxweynaha ka yahay.
Madaxweyne Rayaale ayaa digreeto uu maanta soo saaray waxa uu isku-shaandhayntaas ku sameeyay isku-bedel iyo kala-diris uu ku sameeyay Guddidii Cusbatalka guud ee Hargeysa.
Warsaxaafadeed ka soo baxay aqalka Madaxtooyada oo arrintaa la xidhiidha, ayaa wuxuu u dhignaa sidan;
“Madaxweynaha Jamhuuriyadda Somaliland, Mudane, Daahir Rayaale Kaahin, waxauu maanta isku shaandhayn ku sameeyay qaar ka mid ah Golaha Wasiirada iyo Agaasimayaasha Guud ee Wasaaradaha dalka.
Madaxweynuhu, isaga oo tix-gelinaya waajibaadka iyo xilka qaran eeWasaaradaha, isla markaana ahmiyad gaar ah siinaya dar dar gelintaxilkoodaasi, waxa uu maanta , bishuna tahay 23/03/2010 uu go’aansaday inuu isbedel lagu sameeyo xilalka ay hayaan Wasiirada qaarkood, waana sidahoos ku qoran:-
1. In Mudane, Cabdi Haybe Maxamed, oo hore u ahaan jiray WasiirkaWasaaradda Caafimaadka iyo shaqada hadda loo bedelay inuu noqdo WasiirkaWasaaradda Beeraha.
2. In Mudane, Aadan Axmed Cilmi oo hore u ahaan jiray Wasiirka WasaaraddaBeeraha uu hadda noqon doono Wasiirka Wasaaradda Cadaaladda.
3. In Mudane, Axmed Cali Casoowe, oo hore u ahaan jiray WasiirkaWasaaradda Cadaaladda uu hadda noqon doono Wasiirka Wasaaradda Caafimadkaiyo Shaqada.
4. In Mudane, Farxaan Jaamac Ismaacil, oo hore u ahaan jirayWasiiru-dawlaha Wasaaradda Arrimaha Gudaha uu hadda noqon doonoWasiiru-dawlaha Wasaaradda Macdanta iyo Biyaha
5. In Mudane, Muuse Maxamed Cabdi, oo hore u ahaa Wasiiru-dawlahaWasaaradda Macdanta iyo Biyaha uu hadda noqon doono Wasiiru dawlahaWasaaradda Arrimaha Gudaha.
6. Sidoo kale, Waxa uu Madaxweynuhu uu iyana isbedel ku sameeyayAgaasimayaasha Guud ee Wasaaradaha, kuwaasi oo kala ah
1. In Mudane, Maxamed Cabdi Diiriye oo ahaa Agaasimaha Guud ee WasaaraddaDib u Dejinta uu hadda noqon doono Agaasimaha guud ee WasaaraddaHorumarinta Qoyska iyo Arrimaha Bulshada
3. In Mudane, Cabdiqaadir Jibriil Tukaale, oo ahaa Agaasimaha Guud eeWasaaradda Beeraha, hadda u noqon doono Agaasimaha guud ee WasaaraddaCaafimaadka.
4. In Mudane, Cali Cabdi Odowaa, oo ahaa Agaasimaha Guud ee WasaaraddaWaxbarashada uu hadda noqon doono Agaasimaha Guud ee Wasaaradda Beeraha
5. In Mudane, Anwar Axmed Cige, oo ahaa Agaasimaha Guud ee WasaaraddaCaafimaadka uu hadda noqon doono Agaasimaha Guud ee Wasaaradda Dib uDejinta.
Dhinaca kale, Madaxweynaha JSL, Mudane, Daahir Rayaale Kaahin, isaga oo tix-gelinaya wada shaqayn la’aantii ka dhaxaysay Wasaaradda Caafimaadka iyo Guddida Cisbitaalka guud ee Hargeysa, iyadoo waajibaadka guddidaasi ay ahayd in ay wakiil uga tahay cisbitaalka Guud Wasiirka WasaaraddaCaafimaadka iyo Shaqada, oo isna hawsha wakiil uga ah Xukuumadda, taas oo dhici wayday in ay Guddidu sidii waajibaadkeedu xilkooda u gutaan, waxa kale oo iyana guddidu ay joojisay wada shaqayntii ka dhaxaysay WasaaraddaCaafimaadka, taas oo waxyeelo gaadhsiin karta hawlihii shaqo ee Cisbitaalka guud ee Magaalada Hargeysa, sidaa awgeed MadaxweynahaSomaliland, Mudane, Daahir Rayaale Kaahin, waxa uu go’aansaday in guddidaasi la kala diro, maadaama ay xilkoodii sidii loogu tallo galay ayu gudan waayeen.”
Ururka Qoraayaasha Qaranka Soomaaliyeed (UQQS) waxuu idin ku biishaaraynayaa in eryga qamuus oo asal ahaan laga soo xigtay Af-carabiga maanta iyo wixii ka dembeeya loo isticmaali karo Af-Soomaali sax ah oo ay hore u keeni waayeen guddigii loo xilsaaray soo uruurinta iyo qamuus u samaynta Af-Soomaaliga.
Qamuus waa “Ereykoob,” Erey iyo koob waxaa cilmi-baaristan sameeyey Dr. Badal Wayrax Kaariye oo caan ku ah Dr. Xunbul kaasoo qoray buuggaag badan oo kala duwan sida kuwaan hoose aanu ku xusi doono:-
Kombuyuutar “Computer” waxaanu u isticmaali doonaa ereyga ah “Oxogkoobe.”
Dowladda Soomaaliya oo ku amartay Hay'adda WFP inay qaybiso gargaarka ugu keydsan Bakhaarrada ku yaalla Gudaha Dekedda Muqdisho
Isniin, Mar 22, 2010 (Wararka Dowladdda ee Maanta) - Ra'iisul wasaare ku xigeenka ahna Wasiirka Kalluumeysiga iyo Kheyraadka Badda Soomaaliya Prof. C/raxmaan Xaaji Aadan (Ibbi) ayaa sheegay inay amar ku siiyeen Hay'adda WFP inay raashinka ugu keydsan bakhaaradeeda u qaybiso dadka ku dhibaateysan Muqdisho iyo daafaheeda.
Wasiirka ayaa sheegay in maalinta Arbacada ah ay kulan la qaadan doonaan xubno ka tirsan hay'adda WFP si ay uga dhaadhiciyaan in raashinka keydka u ah ay u qaybiyaan dadka dhibaateysan.
"Raashinka ku jira Bakhaarada ay hay'addu ku leedahay Muqdisho way dhacayaan haddaan dadka loo qaybin, waan taas midda aan amarkan u bixinnay" ayuu yiri Prof. Ibbi oo sheegay in raashinkan la siinayo dadka dhibaateysan.
Hay'adda WFP ayaa horraantii sannadkan joojisay howlihii ay ka haysay gobollada ku yaalla koonfurta Soomaaliya kaddib markii uu iyaga iyo Xarrakatul Shabaab uu soo dhexgalay khilaaf ku saabsan qaabka ay hay'addu ku shaqeyso.
Dadweynihii ka barakacay Muqdisho ayaa ku sugan daafaha caasimadda oo ay gacanta ku hayaan xoogagga Islaamiyiinta ah, iyadoo aan la garanayn qaabka ay hay'addu ku gargaari karto dadkaas, maadama ay horay u joojisay howlaheeda deegaannadaas.
Waa markii ugu horreysay oo ay Dowladda Soomaaliya bixiso amar dadka loogu qaybinayo gargaarka Hay'adda WFP ee ku xareysan Bakhaarada ay ku leedahay Magaalada Muqdsiho
Madaxweynaha dalka Jabuuti oo rajo wanaagsan ka muujiyay xaaladda Soomaaliya iyo isagoo sheegay inuu mar saddexaad isu soo taagayo jagada Madaxweynenimada
Madaxweynaha dalka Jabuuti Ismaaciil Cumar Geelle
Isniin, Mar 22, 2010 (HOL) - Madaxweynaha dalka Jabuuti Ismaaciil Cumar Geelle ayaa rajo-wanaagsan ka muujiyay xaaladda dalka Soomaaliya isagoo sheegay inuu mar kale isku sharraxayo xilka Madaxweynimo ee dalkiisa markii saddexaad.
Madaxweynaha Jabuuti ayaa wareysi uu siiyay Wakaaladda Wararka ee Reuters ku sheegay inuu diyaar u yahay inuu mar kale isku sharraxyo xilka Madaxweynimo ee dalkiisa, uuna ku kalsoon yahay in la dooran doono.
Xaaladda Soomaaliya ka jira ayuu ku tilmaamay mid aad uga wanaagsan sidii ay ahaan jirtay, wuxuuna daboolka ka qaaday inuu u dirayo 450-Askari oo ka mid noqda ciidamada AMISOM ee nabad ilaalinta u jooga Soomaaliya.
"Waxay ila tahay in xalaadda dalka Soomaaliya in ay kasoo wanaagsanaanayso sidii hore, waa jiraan xoogaa dhibaatooyin ah oo ku dhacaya dadka Soomaaliyeed gaar ahaan kuwa ku nool Muqdisho, balse waxaan filayaa in Madaxweyne Sheekh Shariif uu guulaysanayo" ayuu yiri Ismaaciil Cumar Geelle.
Madaxweynaha Jabuuti wuxuu sheegay in dalkiisa aysan qorshaha ugu jirin inay u diraan ciidamo ka badan kuwii ay horay ugu yabooheen, kuwaasoo uu sheegay inay ka mid noqdoonaan ciidamada AMISOM.
Dowladda Soomaaliya ee uu Madaxweynaha ka yahay Sheekh Shariif Sheekh Axmed ayaa lagu soo dhisay dalka Jabuuti, waxaana kooxaha ka horjeeda xukuumadda ay ku eedeeyeen Jabuuti in aysan dhexdhexaad ka ahayn Arrimaha Soomaaliya.
C/RAXMAAN IBBI :- Warbixinta Guddiga dabagalka QM waa mid aan sal iyo raad toona laheyn, mana jirto sabab igu qasbeysa in aan Fiisooyin ka beec mushtaro.
Khamiis, Mar, 18, 2010 (Wararka Dowladda ee Maanta) R/iisal Wasaarre Ku-xigeenka ahna Wasiirrka Kaluumeysiga iyo Kheyraadka Badda C/raxmaan Xaaji Aadan Ibbi oo ka mid ahaa shaqsiyaad ka tirsan Dowladda Soomaaliya oo lagu xusay Warbixin ay soo saareen Guddi dabagalka u qaabilsan QM ayaa si kulul uga Jawaabay eedeyn loo soo jeediyay oo aheyd in shaqsiyaad uu ka mid yahay iibsadaan Fiisooyinka Diblumaasiga ah ee la siiyo marka ay aadayaan Safarada dibada.
C/raxmaaan Ibbi waxaa uu sheegay in marka hore shaqsi ahaan uusan ogeyn sabab uu ugu bahan karro lacag ka soo gasha Fiisooyin laga iibsado dad rayid ah, laakiin waxaa uu yiri waa jirrtaa in aan marar badan u dalbay Fiisooyin shaqsiyaad ila shaqeeya oo xaq u leh in ay helaan Fiiso ay ku safraan sida ayuu yiri Agaasimayaasha Wasaarrada, umana baahna in Fiiso laga iibiyo waayo iyaga ayaaba xaq u leh in ay helaan ayuu yiri C/raxmaan Ibbi.
R/iisal Wasaare Ku-xigeenka waxaa uu intaa ku daray in Warbixintu inteeda badan tahay mid aan xaqiiq ku dhisneyn, waayo ayuu yiri muddo 9 bilood ah dalka dibada ugama bixin, sidaa daraadeed waxaan dhihi karaa waa warbixin laga soo xigtay goobaha sida uu hadalka u dhigay Fadhi ku dirirka.
"'Dowladda Soomaaliya uma dulqaadan karto warbixinta noocaa oo kale ah ee lagu ceebeynayo Mas'uuliyiinta Dowladda iyo Ganacsatada waqtigan adag u dhabar adeygtay in ay ku shaqeeyaan marxaladan dhibka badan leh, waxaana codsaneynaa in baaritaan dheer lagu sameeyo waxa ka run ah Warbixinta ayuu yiri C/raxmaan Ibbi oo dhinac kale sheegay in uu yahay qof hodan ah oo aan u baahneyn lacag ka soo gasha ka gacansi Fiiso.
C/raxmaan Ibbi waxaa uu si kulul u weeraray Qoraaga Warbixinta Guddiga isaga oo ku sheegay in uu yahay shaqsi been ku caan baxay, waxaana uu tusaalle u soo qaatay Qoraalo uu horay u seeyay isaga oo tusaalle u soo qaatay Qoraal uu horay ugu sheegay in Xoogag ka tirsan Al-shabaab ka bar bar dagaallameen Ururka Xisbullaah waliba waxaa uu waqtigaa tirradooda ku sheegay ayuu yiri in ay dhamaayeen 700 taasoo markii danbe beenowday ayuu yiri C/raxmaan Ibbi, oo dhinaca kale carabka ku adkeeyay in aan laga hari doona Warbixinta ilaa laga keeno cadeymo dhab ah.
Warbixinta Guddiga dabagalku u gudbiyeen Golaha Amaanka QM ayaa waxaa ay wal wal ku abuurtay qaar ka mid ah Mas' uuliyiinta Dowladda oo si gaar ah magacyadooda loogu xusay, kuwaa oo la sheegay in shaqsiyaad iyo qaar ka mid ah Eheladooda ku kaxeeyaan Fiisooyinka loo siiyo Safarada Diblumaasiga ah iyaga oo dadkaa ka dhigaya kuwo ka mid ah Wafuuda Dowladda.
GUDDOOMIYAHA MAXKAMADDA SARE: "Madax bannaanida Garsoorka waxaa faragelin ku haya Wasiirrada Cadaaladda iyo Kalluumeysiga"
Khamiis, Mar 18, 2010 (Wararka Dowladda ee Maanta) - Guddoomiyaha Maxkamadda sare ee dalka Soomaaliya Maxamuud Cumar Faarax (Indhobuur) oo saxaafadda la hadlay isagoo ku sugan Magaalada Nairobi ee dalka Kenya ayaa ku eedeeyay Wasiirka Garsoorka iyo Cadaaladda inuu faragelin ku hayo garsoorka dalka.
"Haddii Wasiirka Garsoorka oo kaashanaya Ibbi iyo wax la mid ah faragelinta uu ku hayo Garsoorka Madaxa Bannaan waxaan diyaarsannay qoolkii aan ku geyn lahayn xabsiga" ayuu yiri Guddoomiyaha Maxkamadda sare Mudane Maxamuud Indhobuur.
Guddoomiyuhu wuxuu si aad ah ugu eedeeyay wasiirka Garsoorka iyo Wasiirka Kalluumeysiga inay faragelin toos ah ku hayaan garsoorka, wuxuuna sheegay inuu dhowr jeer oo hore kala hadlay Sheekh C/raxmaan Janaqow inuusan faragelin garsoorka, uuna la xiriirro guddiga Garsoorka si sharciga loo ilaaliyo.
Wuxuu ku eedeeyay in Wasiirka Garsoorka iyo Cadaaladda iyo Prof. C/raxmaan Ibbi ay abaabuleen shir ay ku qabteen Xarunta Maxkamadda Gobolka ayna casuumeen xubnaha garsoorka, taasoo ay ku sheegeen inay fureen Maxkamadaha, isagoo xusay inay Maxkamadaha horay iyagu u fureen.
"Axdiga dalka u yaalla iyo midkii lixdankii lagu dhaqmayay midna kuma jiro in garsoorku uu hoostagayo Wasiir, garsoorku waa mid madaxbannaan, waxaana kala hadlay Madaxweyne Sheekh Shariif in la ilaaliyo madaxbannaanida garsoorka" ayuu yiri Guddoomiyaha Maxkamadda sare.
Maxamuud Cumar Faarax (Indhobuur), wuxuu sheegay in xubnaha garsoorka aysan haysan ilaalo gaar ah, sidoo kalena aysan lahayn gaadiid ay ku socdaan ayna ku gaareen go'aan inay iyagu naftooda huraan, maadaama garsoor la'aantiis aysan jiri karin dowlad.
Guddoomiyaha Maxkamadda sare wuxuu sheegay inuusan haysan wax ilaalo ah, uuna ilaalo ahaan u wato markii uu doonayo inuu aado Magaalada gaari Tikniko ah oo uu u soo kireeyo wiil uu adeer u yahay oo Xildhibaan ah.
Wasiirrada eedddan loo soo jeediyay ayaan weli ka jawaabin, wuxuuse Indhobuur si weyn u eedeeyay wasiirka Kalluumeysiga isagoo ku sheegay inuusan lahayn xafiis ee uu u dhexeeyo xafiisyada Madaxweynaha iyo midka Ra'iisul wasaaraha
TO: United Nations Secretary General
Ban Ki-moon
CC: U.S. State Department
CC: African Union
CC: League of Arab States
CC: IGAD
CC: Transparency International
CC: The International Community
On 17th of March, 2010
Dear Sirs/Madam,
Subject: Application for Investigative Corruption Scandals for the United Nations
Organizations in Somalia
The Government of the Democratic Republic of Somalia and its people are hereby kindly requesting immediate investigation against the United Nations Teams for Somalia who’ve been misusing and misrepresenting a lot of international aid and funds on behalf of Somalia as well as giving some to the wrong people who’re also criminally fugitives from any kind of legal justice locally and internationally.
It’s the truth, and there’s no cover up for this UN scandal in Somalia, which has been happening since 1995 up to this present date. The Islamic terrorists and fundamentalists get free funds in the form of food aid from one the UN Organizations, and then they sell the humanitarian food aid to the intended needy people in the country.
Hiring the wrong people has caused a lot of Somali innocent sufferers, which the UN family in Somalia is always dictating and acting as for the Government of the Democratic Republic of Somalia.
The UN family has been living in Neighboring Kenya for a hub, which they hire international staffs who’ve also swindled a lot of money of behalf of Somalia, and there’s not been any legality to use transparency of any UN funded projects in Somalia.
It’s the right that the international community to not only investigate the UN business in Somali tribal and business leaders for the scandalous projects that ended and ends without gains.
If we need the United Nations Existence for true worldly arbitration then we’ve to correct our corruptors in positive and optimistic ways, which they can repent their on-going sins in swindling funds on behalf of innocent people.
If you know corrupted Somali government officers or officials who’ve contracted deals with the UN Organization then you must prove their list to the international community but if there were cooperated and corrupted businesses then we need to solve it diplomatically through legal means.
You can’t double-cross any constitution in the world where people have adopted to defend their rights therefore, we’re asking for urgent action to arrest and charge the international mafia working with the UN Organizations in Somalia.
I don’t want international mafia to offend us locally and internationally thereby, if you can’t help us faithfully then you must leave us peacefully because we’ve been surviving any kind of man made and natural disasters even before the United Nations was inaugurated in 1945.
I’m looking forward to hear from you soon.
Yours Faithfully,
Dr. Badal Kariye
Director, Office of Somali Governmental Communications and Contracts
Guddoomiye ku xigeenka Baarlamaanka Soomaaliya oo sheegay in dhawaan la bixin doono mushaaraadka xildhibaannada oo muddo hakad ku jiray
Axad, Mar 14, 2010 (wararka Dowladda ee Maanta) - Guddoomiye ku xigeenka Baarlamaanka Soomaaliya Prof. Maxamed Cumar Dalxa oo saxaafadda kula hadlay Muqdisho maanta ayaa sheegay in dhawaan la bixin doono mushaaraadka Xildhibaannada baarlamaanka oo aan la bixin muddo 10-bilood ku dhow.
Prof. Maxamed Cumar Dalxa wuxuu sheegay in Dowladda Soomaaliya ay awood u yeelan wayday inay bixiso mushaaraadka Xidhibaannada, balse lagu wado in dhawaan ay bixiyaan dalalka deeqaha bixiya, isagoo ka gaabsaday inuu sheego sababihii dib loogu dhigay mushaaraadka xildhibaannada.
Kulamada Baarlamaanka oo aan muddo sannad ku dhow qabsoomin ayaa loo sababeynayaan mushaar la'aanta Xildhibaannada, iyadoo guddoomiyaha Baarlamaanka oo haatan safar dibadda ah ku maqan uu sheegay in todobaadyo gudahood ay ku bilaaban doonaan kulammada baarlmaanka.
Sidoo kale guddoomiye ku xigeenku wuxuu ka hadlay Xildhibaanno ku xiran dalka Itoobiya kuwaasoo weli ku jira xabsi ku yaalla Magaalada Jigjiga ee Islaamulka Soomaalida dalka Itoobiya.
"Waxaan ka codsanaynaa Dowladda Itoobiya inay sii dayso labada xildhibaan ee ka tirsan Baarlamaanka Soomaaliya iyadoo tixgelinaysa saaxiibtimada naga dhexeysa" ayuu yiri Prof. Dalxa oo sheegay in saxiixa heshiiska Dowladda iyo Ahlusunna laga hormariyo sii daynta Xildhibaannadan iyo sarkaalka la xiran.
Xildhibaannada u xiran Dowladda Itoobiya oo la sheegay inay sharcidarro ku galeen dalkaas ayaa waxay kala yihiin Xuseen Gagaale iyo C/llaahi Farey, iyadoo dhawaan la shaaciyay in la sii daynayo, balse aan weli la sii dayn.
Dhanka kale, Prof. Dalxa wuxuu ka hadlay dagaallada u dhexeeya beelaha walaalaha ee ka socda Gobolka Mudug, isagoo sheegay in dagaalkooda uu yahay mid gadaal laga riixayo, wuxuuna labada beelood ugu baaqay inay joojiyaan dagaalka uu dhiigga badan ku daatay.
Guddoomiye ku xigeenka Baarlamaanka Soomaaliya Prof. Maxamed Cumar Dalxa oo haya xilka Guddoomiyaha Baarlamaanka ayaa dhawaan eedeyn u jeediyay Hay'adaha gargaarka ee Qarammada Midoobay, isagoo ku eedeeyay inay musuq-maasuqaan lacagta loogu talogalay Soomaaliya.
Madaxweynaha Somalia Sheekh Shariif oo ka qaybgalaya shir la doonayo in lagu dhexdhexaadiyo Dowladda iyo kooxaha kasoo horjeeda
Axad, Mar 14, 2010 (Wararka Dowladda ee Maanta) - Madaxweynaha Soomaaliya Sheekh Shariif Sheekh Axmed ayaa kaga qaybgalaya dalka Imaaraadka Carabta shir looga hadlayo arrimaha dalka Soomaaliya, kaasoo ay soo qabanqaabisay xarunta caalamiga ah ee dib u cusboonaysiinta.
Xubnaha ka qaybgalaya shirkan ayaa waxaa ka mid ah: Wakiilka Xoghayaha guud ee Soomaaliya Axmed Walad Cabdalla, Madaxweynihii hore ee dalka Suudaan C/raxmaan Suwarul-Dahab, ku xigeenka Ururka Muslimiinta Caalamka Sheekh C/llaahi Caalim iyo Dr. C/llaahi Tasiif oo ah ku xigeenka Madaxa Golaha Shuurada dalka Sucuudiga.
Shirkan ayaa lagu wadaa in dhinacyada isku haya talada dalka Soomaaliya la isugu keeno miiska wadahadallada, si looga gudbo in xal lagu gaaro xabbada ayna labada dhinac u yeeshaan kulamo ay ku xallinayaan khilaafyadooda.
Kulankan oo ka furmay Dubai ayaa waxaa ka qaybgalaya culumo ka kala socota caalamka iyo Somalia, kuwaasoo ka doodi doona dagaallada ka socda Soomaaliya, kuwaasoo u bandhigi doona diinta Islaamka dagaallada socda ee diinta ku saleysan.
Shir-guddoonka shirkan oo ah Sheekh u dhashay dalka Maroko oo lagu magacaabo Sheekh C/llaahi Beeh ayaa wuxuu daboolka ka qaaday in shirkan looga hadli doono xasaradaha ka jira dalalka Islaamka, iyadoo lagu xallin doono khilaafyada diinta Islaamka.
Kooxaha Dowladda kasoo horjeeda ayaan la sheegin xubno shirkaas uga qaybgalaya iyadoo lagu wado in culummada shirkaas isugu imaanaya ay kasoo saaraan bayaan
Heshiiskii ay wada-gaareen Dowladda Soomaaliya iyo Ururka Ahlusunna oo berri lagu kala saxiixanayo Magaalada Addis Ababa
Jimco, Mar 12, 2010 (Wararka Dowladda ee Maanta) Waxaa lagu wadaa maalinta Berri ah oo ku beegan Sabti in lagu saxiixo dalka Jabuuti heshiiskii ay wada-gaareen Dowladda Soomaaliya iyo Ururka Ahlusunna Waljamaaca sida aan kasoo xigannay ilo wareedyo ku dhow Dowladda.
Heshiiskan oo dhigaya in Ururka Ahlusunna uu ka mid noqdo dowladda ayay labada dhinac ku gaareen dalka Itoobiya, iyadoo heshiiskan la isku waafaqay kaddib doodo badan oo ay labada guddi ku yeesheen Addis Ababa bishii hore.
Dowladda ayaa waxaa u saxiixi doona heshiiskan Ra'iisul wasaaraha Soomaaliya Cumar C/rashiid Cali Shama'arke, iyadoo lagu wado in dhanka Ahlusunna uu u saxiixo hoggaamiyahooda ruuxiga ah Sheekh Maxamuud Macallin Xasan oo isaga iyo wafdi uu hoggaaminayo ay ku beegan yihiin Addis Ababa.
Ururka Midowga Afrika ayaa soo dhaweeyay heshiiskan, isagoo ku tilmaamay mid wax weyn ka tari doona dhinacyada siyaasadda, ammaanka iyo iskaashiga Milateri ee Dowladda Soomaaliya iyo ururka Ahlusunna.
"Wuxuu qayb ka yahay heshiiskan dib u heshiisiinta ay waddo Dowladda Soomaaliya kaasoo ay ballanqaaday markii lagu dhisay dalka Jabuut, waana arrin aan aad ugu kalsoonnahay inuu xaaladda Soomaaliya wax ka badalayo" ayuu yiri Remamta Lamamra oo ah madaxa Golaha ammaanka iyo Nabadgalyada ee Midowga Afirka.
Mas'uulkan wuxuu carrabka ku dhuftay in heshiiskan uu ka dhigayo Dowladda mid sal-ballaaran, isla markaana ay ciidamada labada dhinac ee la isku geeyo ay wiiqi karaan awoodda xoogagga kasoo horjeeda ee Xisbul Islaam iyo Xarrakatul Shabaab.
Dowladda Soomaaliya iyo Ururka Ahlusunna ayaa si weyn u soo dhaweeyay qodobbada heshiiskan, iyadoo dhinac walba uu shaaciyay inuu u dhaqangelinayo sida uu yahay, si dalka uu uga baxo dhibaatada.
Madaxwaynaha Puntland oo Xilkii ka qaaday Taliyihii Ciidamada Sirdoonka Puntland,Isbadalna ku sameeyay Laamaha Amniga Maamulka.
Jimco, Mar 12, 2010 (Wararka Dowladda ee Maanta) Madaxwaynaha DGPL Dr C/rixmaan Maxamed Faroolle ayaa isku shaandhayn balaaran ku sameeyay hayadaha Nabad Sugida ee Puntland ,Waxaana Madaxwaynaha uu Soo Magacaabay sargaal hogaamin doona dhamaan Hayadaha Qaabilsan nabadgalyada Gobolka.
Madaxwaynaha ayaa Meesha ka saaray Hayadii Nabad sugida u qaabilsanayd Puntland ee PISta ,waxaana uu soo magacaabay Labo hayadood oo Cusub oo amniga Qaabilsanaan doona ,kuwaasi oo lagu kala magacaabo PIA,& PSF.
Digreeto ka soo baxday xafiiska Madaxwaynaha ee Magaalada Garowe ayaa waxaa hayadahaasi madax looga dhigay Gaashaanle Sare Cali Maxamed Yuusuf Biinge,Waxaana xilka laga qaaday Cismaan diyaano oo horay Madax uga ahaa hayadii Ciidamada Sirdoonka Puntland ee PISta oo hada Magacii hore laga badalay.
Isku shaandhaynta uu Madaxwaynaha ku sameeyay Hayadaha Nabad Sugida ee Puntland ayaa qayb ka noqonaysa Isabadalo Lagu soo kordhiyay Dhamaan Laamaha xukuumada ee Maamulka.
Dhawaan Masuuliyiin ka tirsanaa Xukuumada Puntland oo xil ka qaadis lagu sameeyay ayaa ka soo horjeestay isku shaandhaynta Madaxwaynaha ,Mana jiro wax hadal ah oo ka soo baxay Cismaan Diyaano oo ku aadan Xil ka qaadista lagu sameeyay.
Ugu danbayntii Isbadalada uu ku sameeyay Madaxwayne Faroolle Golihiisa xukuumada Qaar ka mid ah ayaa horseedi karta hormar balaaran iyo caqabado soo ifbaxa ,waxaana Magaalada Garowe ay noqotay Meel Isha lagu wada hayo oo ah Goobta Magacaabista iyo Xilka qaadista.
Focus on Somalia: Peace and Reconciliation Forum to be held in Dubai
Global Arab Network Friday, March 12, 2010
The Global Centre for Renewal and Guidance (GCRG) will host a summit in Dubai March 13-14, to call for reconciliation and peace in Somalia.
The Summit, which will be attended by President Sheikh Sharif Sheikh Ahmed , the President of Somalia will focus on finding solutions to creating a more peaceful and reconciled Somalia by using the knowledge and expertise of leading global and Somali Islamic Scholars to counter the negative use of Islamic doctrines by political insurgents.
The event under the Chairmanship of the President of GCRG Shaykh Abdullah Bin Bayah will focus on the refutation of the ideologies of violent Islamists in Somalia who abuse the name of Shariah by imposing their own literal, ill-informed interpretations onto the innocent population. The summit will draw upon the expertise of Muslim scholars such as Hamza Yusuf (USA) Amr Khaled (Egypt) , Shaykh Tijane Cisse (Senegal) , Shaykh Mohamed Gharib Allah, (Sudan) and Shaykh Habib Ali Al Jifri the General Director of Tabah Foundation; who will clarify the orthodox position on Jihad and Takfir (judging a Muslim to be outside the fold of Islam).
The Summit will analyse in detail the religious motivation of the violent factions within Somalia in order to rebut their corrupt understanding of key Islamic concepts. The corollary of this is to highlight the principles of orthodox Islam that include peace, tolerance, diversity and respect. At the close of the Summit all scholars attending signing a declaration that condemns the religiously-inspired fighting in Somalia. The summit carries with it the support of the Somali Government who see the work of the GCRG summit as a vital contribution to the achievement of peace and stability throughout the country and the wider region.
SATURDAY 13 MARCH 9.00- 10.00 Opening Session addressed by: HE President Sheikh Sharif Sheikh Ahmed, the President of Somalia and Shaykh Abdullah Bin Bayah, President of the Global Centre for Renewal and Guidance
Booqashadii Madaxweyne Sheekh Shariif oo Habsami Uga Socota London
London, UK, March 8, 2010 - Madaxweynaha Soomaaliya ayaa maanta shirar badan kula yeeshay magaalada London madax ka tirsan dowladda Britain, isaga oo Madaxweynuhu ugu horrayn la kulmay Wasiirka Arrimaha Dibadda ee Ingiriiska David Milband, kaddibna ay kulan yeesheenRa’iisl Wasaare Gordon Brown.
Kulamadaas dowladda Britain waxa ay u ballan qaadeen in ay dowladda Soomaaliya u fuliyaan dhammaan codsiyadii ay u gudbiyeen. Iyada oo madax kale oo fara badan loo ballamiyey wafdiga Soomaalida saddexda maalmood oo ka haray safarka.
Intaa kaddib, wafdiga Madaxweynahu waxa uu aqalka Baarlamaanka Ingiriiska kula kulmay wafdi ballaaran oo qaabilsan iskaashiga caalamiga iyada oo wafdiga dhinaca ingiriiska uu hoggaaminayey Wasiir Muslim ah, dhanka kalana ay ka soo qayb galeen xildhibaanno ka socda xisbiga Mucaaradka.
Madaxda dowladda Ingiriisku waxa ay Madaxweynaha u sheegeen in ay diyaar buuxa la yihiingacan siinta dowladda Soomaaliya iyaga uu ku yri, “waan ku garab taagan nahay maxaa yeelay gacan siinta dowladdaada waa arrin sax ah oo xaq ah, danta dalkayaga ayaana ku jirta in aad ka guulaysato argagixisada.
Kulankaas kaddib, Madaxweynuhu waxa uu ka hadlay Xarunta aqoon is weydaarsigav ee Chatham House, halkaas oo kaddibna sul aalo badan ay waydiiyeen dadkii soo buux dhaafiyey oo isugu jirey Somali iyo aqoon yahan, safiiirro iyo aqoon yahan kale.
Madaxweynaha dawladda KMG ah ee Soomaaliya Shariif Sheekh Axmed oo maanta ka hadlayay kulan degdega oo ay isugu 
24/7 Online 
Dowladda Turkiga oo dhexdhexaadinaysa Dowladdaha Soomaaliya iyo Eritrea. 
, waxaana wareegtada magacaabidda saxaafadda u aqriyay madaxa Baratakoolka Madaxtooyada Mursal Maxamed Fareey.
Arbaco, April 21, 2010 (Wararka Dowladda ee Maanta) Guddoomiyaha Baarlamaanka Soomaaliya Sheekh Aadan Maxamed Nuur (Sheekh Aadan Madoobe) oo maanta shir jaraa'id ku qabtay Muqdisho ayaa ka hadlay mooshinka ka dhan ah ee la wado iyo furmidda kulammada Baarlamaanka.
Dilla, April 11, 2010 (Dilla) - Trade and Industry Minister Girma Biru said government will continue its support for developmental investors
</