Wararka


May, 2016

 

WARARKA MAANTA MAY 02, 2016

Su'aasha Maanta; Mudane Madaxweyne Xassan, Meeqo ciidan shisheeye ah ayaa dalka jooga? Haddii ay yimaadeen Ciidamo ka socda UK? Ma suurtagal baa inay Ciido Iran ama Ruushka ka socda yumaadaan? Yaa u fasaxay inay ciidamo shisheeye yimaadaan Soomaaliya? Jawaabtu waxay tahay Ummadda Soomaaliyeed Iyo Golaha Xildhibaannadda ma aysan u fasixin ciidamo shisheeye inay yimaadaan marka Mudane Madaxweyne Xasssan, Maxaad uga aamusan tahay inay joojiso ciidamadda shisheeye ee waddaka iska soo galaya!

Jigjigga May 02, 2016 Madaxweynaha Maamulka Galmudug ee garabka Koonfurta Gaalkacyo Mr. Cabdikariim Guuleed, Jaajuus Janaraal Gebra, Madaxweynaha DDS Cabdi Ilay Maxamuu Iyo Madaxweynaha Maamulka Jubbaland Mudane Axamed Maxamed ISlaan oo ku dhaantaynaya Jigjiga ayagoo aan wax tacsi ah u dirin dadkii ay gummaaday Ciidamadda DDSI ee hoos taga Dowladda TPDLF ee xoogga ku haysta dalka Itoobaya. https://www.youtube.com/watch?v=AVY6KXL3GoY

uqdisho May 02, 2016 Wararka naga soo gaaray Goor dhaw magaalada Muqdisho ayaa sheegaya in uu dib u dhacay kalfadhi ay yeelan lahaayeen mudanayaasha baarlamaanka ee Soomaaliya, kaas oo looga hadli lahaa arrimaha doorashooyinka Soomaaliya.

Mid kamid ah mudanayaasha baarlamaanka Soomaaliya ayaa sheegay in ay sababta baaqashada kalfadhigan ay tahay, maadaama labo maalmood la fasaxay Shaqaalaha dawladda Faderaalka, sidaas awgeedna uu baarlamaanka uu ka mid yahay Hay’addaha dawladda Soomaaliya.

Habdhawraha baarlamaanka ayaa sheegay in berri ay si rasmi ay u bilaaban doonaan Fadhiyada baarlamaanka, oo uu sheegay in la shaqeyn doono labada galinba, waxaana arrimaha laga doodi doono ay yihiin kuwa la xariira Hiigsiga 2016-ka ee doorashada Soomaaliya.

Muqdisho May 02, 2016 Wasiirka howlaha guud iyo dib-u-dhiska dowladda Soomaaliya Saalax Sheikh Cismaan ayaa sheegay inay dhawaan filayaan wafdi injineero ah oo ka imaanaya dalka Talyaaniga si buu yiri ay u indha-indheeyaan meelaha dekad iyo garoon caalami ah laga hir-galin karo.

Kadib safar ku tagista Talyaaniga, Saalax ayaa helay balan-qaad ku saabsan in Soomaaliya laga dhisi doono dekadda ugu weyn Afrika iyo garoomo diyaaradeed oo casri ah – isla markaana la jaan-qaadi kara kuwa dunida koobaad.

Saalax ayaa tilmaamay in wasaaraddu waddo qorshayaal lagu dhisayo jidadka, guryaha dudumay ee wasaaradaha dowladda – isaga oo dhawaan xusay in la hir-galin doono waaxda ku shaqada leh waddooyinka sare ‘high way’ taas oo uu raja ka muujiyay inay ku baahin doonaan dalka guud ahaan.

“Dhismaha dalka halaga wada qeyb-qaato oo yaan gacmo shisheeye wax laga sugin. Wasaaraddu waxay wadaa qorshe dib loogu dhisayo guryaha shibilka ama rayidka ee burbursan,” ayuu Saalax balan-qaaday.

Kol hore ayay aheyd markii Saalax uu sheegay in dhawaan wasaaraddiisu ay soo waddo sharci lagu burburinayo dhismayaasha sharci-darrada ah ee laga hir-galiyay dhulkii hantida guud ee dowladdii dhexe.

Muqdisho May 02, 2016 Maanta oo Isniin ah waxaa lagu waday in Baarlamaanka Soomaaliya uu hor tago Ra’iisul Wasaaraha Xukumadda Soomaaliya Cumar C/rashiid Cali Sharmaake si wax looga weydiiyo Hanaanka Doorashada ee Sanadkaan.

Xildhibaan Maxamed Cumar Maxamuud oo ka mid ah Baarlamaanka Soomaaliya ayaa Xaqjiiyiyay in Ra’iisul Wasaare Sharmaake oo la filayay in maanta Baarlamanaka uu kala qeyb galo Kulankooda uu ka baaqsaday Kulanka.

Xildhibaan Maxamed Cumar ayaa intaa ku daray in Sababta uu u baaqday ay tahay Fasax ku aadan Maalinta Shaqaalaha Adduunka oo Shalay ku beegneyd Balse Mudo labo Maalin ah la Fasaxay Shaqaalaha Dowladda .

Ra’iisul Wasaare Sharmaake ayaa Sabtidii la soo dhaafay Baarlamaanka hor geeyay Heshiiskii Dowladda iyo Maamul Goboleedyada ay ku gaareen Muqdisho ee la isku raacay Nuuca Doorasho ee Sanadkaan.

Muqdisho May 02, 2016 Koox askar British ah ayaa soo gaaray Soomaaliya kuwaasi oo qeyb ka noqonaya inay taageraan Howlgalka QM ay taagerto ee laga wado Soomaliya ee lagula dagaalamayo Xarakada Al-shabab.

Kooxdan ayaa ka kooban 10-askari oo taageri doonta Howlgalka Nabad ilaalinta Midowga Afrika,waxan hor dhac ay u yihiin askar kale oo 70-gaareysa oo kusoo wajahan Muqdisho.

Askartaan ayaa shaqadooda waxa ay noqon doontaa in ay ciidamada AMISOM ka cawiyan dhinaca caafimaadka,Lojistikada iyo arimaha farsamada.

Dowladda Britten ayaa kamid ah wadamada Reer galbeedka ee iyagu gacanta kasiiya dowladda Soomaaliya dagaalka lagula jiro Al-shabab iyo tababarada la siiyo ciidamadeedi qaranka.

Tuun Nirgood May 02, 2016 Wararka ka imaanaya Degaanka Ruun-nirgood  ee Gobolka Shabellaha Dhexe ayaa sheegaya in Xaalada Degaankaasi ay dagan tahay islamarkaana Ciidamada Milatariga Soomaaliya ay Qorsheynayaan Weerar ay degaankaasi ku qaadaan.

Afhayeenka Maamulka Gobolka Shabellaha Dhexe Daa’uud Xaaji Ciiro ayaa Warbaahinta u sheegay in Ciidamada Dowladda Soomaaliya ay Weerar ku yihiin degaankaasi.

Afhayeen Daa’uud ayaa Xusay in Degaanka Ruun-nirgood ee Gobolka Shabellaha Dhexe ay ku dileen Rag ka tirsan Shabaab oo ay ku jiraan Ajaanib,balse ma sheegin Tirada Ajaanibta ay dilen.

Shalay Shabaab ayaa Dagaal ku qabsaday  Degaanka Ruun-nirgood ee Gobolka Shabellaha Dhexe.

Kismaayo May 02, 2016 Magaalada Kismaayo ee xarunta maamulka Jubaland ayaa waxaa maanta lagu qabtay tartan Orad ah oo loo qabtay dadka naafada ah ee ku socda Baaskiilka.

Tartankaani ayaa waxaa usoo daabasho tagay dad aad u farabadan kuwaasi oo u sacaba tumaayay kuwa ugu horeeyay orodka.

Tartanka loo qabtay dadka cuuryaamiinta ee ku dhaqan magaalada Kismaayo ayaa la sheegay in ay ordayeen masaafo dhan 150m.

Tartanka ayaa ahaa mid ku saleysan qaab xaafad ah, waxaana kaalinta koobaad la sheegay in ay ku guuleysatay xaafadda Calanley oo ka mid ah xaafadaha ku yaalla magaalada Kismaayo.

Muqdisho May 02, 2016 Taliyaha Ciidanka Xooga ee 12 April General Maxamed Maxmuud Saneey ayaa sheegay inay ay Amisom ay leedaha ma suuliyada qasaarihii ciidamada Dowladda ka soo gaaray dagaal kii Deegaanka Ruun-Nirgood ee Gobolka Shabeelaha Dhexe.

Gen Maxamed Saneey ayaa tilmaamay in Amisom ay balantii uga baxday Dowladda, taasoo ahayd in marka hore  ciidamda Dowladda ay ku hormaraan Deegaanka Amisom ay dib ka timaado balse halkii Amisom laga sugayay Saaka ay Al-shabaab weerar kala kulmeen sida uu hadalka u dhigay.

Dhinaca kale Saneey waxa uu sheegay Masuuliyadda inay qayb ka leeyihiin Madaxda Sare ee ciidamada si Amaanduulaha ciidanka iyo Taliyaha Xoogga Dalka.

Hadda ciidmada Dowladda ayaa Dib isu aruursi ka wada Deegada ku dhaw dhaw Ruun-Nirgood oo Al-Shabaab ay si rasmi ah ula wareegeen.

Muqdisho  May 02, 2016 Wixii ka dambeeyay weerarkii qaraxa loo adeegsaday ee 2-dii bishii February lagu weeraray mid ka mid ah diyaaradaha shirkadda Daallo Airlines, ayaa waxaa is bedel wayn oo xagga ammaanka ah laga hirgeliyay Garoonka Aadan Cadde.

Dadka doonaaya inay ka dhoofaan Garoonka Aadan Cadde, ayaa waxaa baaritaano kala duwan lagu marsiinaa Garoonka, waxaa jira eeyo ka qayb qaata baaritaanada, iyadoo Saraakiisha ay su’aalo afka ah weydiiyaan rakaabka qaarkood.

Dadka, ayaa waxaa baaritaanka 1-aad lagu marsiiyaa wadada 1-aad ee laga soo galo Garoonka, iyadoo agabyada ay wataana inta laga qaado ay uriyaan eeyda loo tababaray ka hortagga qaraxyada, waxaa sidoo kale jira agabyadaasi in la marsiiyo qalabka loogu talla-galay in lagu xoojiyo ammaanka. Boorsooyinka rakaabka waxaa markale lagu fatashaa albaabka hore ee diyaaradda.

Baaritaanadan, ayaa waxaa iska kaashada Saraakiisha Nabad Suggida & Booliska ee ka tirsan Laanta Socdaalka Somaliya, Saraakiisha Maamulka FAVORI oo maamula amaba gacanta ku haaya Garoonka Aadan Cadde iyo Saraakiil ka tirsan Amisom.

Madaxweynaha Jamhuuriyadda Somaliya, Xasan Sheekh Maxamuud oo bishii March la kulmay Saraakiisha dhinaca ammaanka ee Garoonka, ayaa ku amray inay kordhiyaan goobaha lagu baaro dadka safraaya.

Madaxweyne Xasan Sheekh Maxamuud, ayaa waxaa uu xilligaa sheegay in Dowladda Somaliya, ay tallaabo adag ka qaadi doonto cid kastaa oo ku lug yeelata weerarkii Daallo Airlines.

13 qof oo middi ay haweeney tahay, isla-markaana loo haysto weerarkan, ayaa 19-kii bishii hore ee April la horkeenay Maxkamadda Darajada 1-aad Ee Ciidamada Qalabka Sida.

Gudoomiyaha Maxkamadaasi, Xasan Cali Nuur (Shuute), ayaa sheegay inay sii wadayaan dhageysiga dacwadda loo haysto dadkaasi, ayna go’aan kaga gaari doonaan toddobaadyada soo socda.

Muqdisho  May 02, 2016 Askari ka tirsanaa Ciidamada Dowlada gaar ahaan kuwa ciidamada Saldhiga Galbeed ee Degmada Dharkeenleey ee Magaalada Muqdisho ayaa goordhow lagu dilay nawaaxiga suuq liif.

Dadka Deegaanka oo Warqaad la hadlay ayaa Askarigan magaciisa noogu soo koobay Cabdi Saciid iyagoo sidoo kale sheegay in Kooxaha Dilkaasi ka dambeeyay ay goobta ka baxsadeen.

Ciidamo ka tirsan kuwa Dowladda Soomaaliya oo goobta gaaray ayaa bilaabay howlgallo kala duwan oo lagu baadi goobayo Kooxaha falkaasi Dilka ahaa ka dambeeyay .


Galudug  May 02, 2016 Xildhibaanada baarlamanka Galmudug ayaa diyaariyey mooshin xilka looga qaadayo madaxweynaha maamulkaas Cabdikariim Xuseen Guuleed.

Xog gaar ah oo aynu helnay ayaa muujineysa in xildhibaanno dhowr iyo Soddon ah oo Mooshinkan ku diyaariyey magaalada Muqdisho ay maanta u baxayaan magaalada Cadaado.

Xildhibaanada ayaa waxaa sidoo kale ku biirayaa dhowr iyo labaatan xildhibaan oo kale oo ku sugan Cadaado.

Xil ka qaadista Cabdikariim Guuleed ayaa waxaa sabab u ah dhowr arrimood oo ay ka mid yihiin inuu ku guul darreystay isku keenidda dhammaan dadka Galmudug iyo deegaanada ka maqan gacanta maamulka, iyo inuu soo dhisi waayey xukuumad tayo leh.

Guuleed ayaa waxaa sidoo kale uu noqday madaxweyne maqane ah, isaga oo inta badan ku sugan magaalada Muqdisho oo uu xarun ka dhigtay.

Arrinta ugu weyn ee xildhibaannada ka carreysiisay, ayaa si kastaba ah, markii uu Guuleed dhinac fariistay Jeneraal Gabre, Axmed Madoobe iyo Cabdi Ileey, xilli ciidamada Cabdi Ileey ay shacab badan oo reer Galmudug ah xasuuqeen, islamarkaana diideen in xittaa meydadka la aaso.

“In dadkii meydkooda jidadka yaalaan, oo beesha Cabdi Ileey diiday xittaa in la aaso, inuu meel kula qoslo, ma qaadan karno” ayuu yiri xildhibaan codsaday inaan la magacaabin.

Mooshinka xil ka qaadista Guuleed ayaa la filayaa in la gudbiyo toddobaadkan.

Puntland May 01, 2016 Madaxweynaha dawladda Puntland Dr. Cabdiweli Maxamed Cali Gaas ayaa caawa 1-May-2016 munaasabad soo dhoweyn ah ugu sameeyey xarunta Madaxtooyada dawladda Puntland ee Magaaalda Boosaaso wufuudii caalamiga ahayd ee ka kala socotey dawladda Talyaaniga, dawladda Federaalka Soomaaliya, urur goboleedka IGAD iyo hay’adaha mashaariicaha ka wada Puntland oo maanta gelinkii hore soo gaadhey magaalada Boosaaso ee xarunta xanacsiga Puntland.

Waftiga ayaa waxa kamid ahaa danjiraha dawladda Talyaaniga u fadhiya dalka Soomaaliya Ambassador Fabrizio Mercelli, xog-hayaha guud ee urur goboleedka IGAD Ambassador Maxbuub Macallin, Wasiirka Duulista hawada dawladda Federaalka Soomaaliya Cali Axmed Jaamac Jaangeli, wakiilka urur goboleedka IGAD ee Soomaaliya Ambassador Maxamed Cabdi Afey, hay’adaha Jimciyadda quruumaha ka dhexaysa ee mashaariicda ka fuliya Puntland iyo hay’adda Talyaaniga u qaabilsan horumarinta iyo mashaariicaha.

Sidoo kale munaasabadda ayaa waxaa kasoo qayb galay Guddoomiye ku-xigeenka koowaad ee Baarlamaanka dawladda Puntland Cabdixamiid Sheekh Cabdisalaam, Marwada Madaxweynaha Dr’s Hodon Siciid Ciise, wasiiro, xildhibaano, odayaal dhaqameed, isimo, qaybaha kala duwan ee bulshada rayidka ah iyo hobollada Kaah Star oo munaasabadda kasoo jeediyey suugaan kala duwan oo ay ku cabbirayeen horumarka iyo dawlad wanaagga ka jira Puntland.

Madaxweynaha dawladda Puntland Dr.Cabdiweli Maxamed Cali Gaas ayaa ku tilmaamay munaasabaddaasi mid lagu soo dhoweynayo isla markaana lagu muujinayo maamuuska ay dawladda Puntland iyo shacabkeedu u hayaan dawladda Talyaaniga oo doorweyn ka qaadatay horumarinta kaabayaasha dhaqaalaha Puntland iyo urur goboleedka IGAD oo wakiil uga ah dawladda Talyaaniga dhaqaalaha tirada badan ee ku baxaya dhammaystirka wejiga labaad ee Madaarka Boosaaso.

Sidoo kale Madaxweynaha Dawladda Puntland ayaa sheegay in ay dawladdiisu xoogga saarayso horumarinta kaabayaasha dhaqaalaha ee Puntland, si uu u kobco  dhaqaalaha waddanku, isla markaana ay u soo bataan fursadaha shaqo ee ay raadinayaan kumannaanka arday ee sannad walba kasoo qalin jebiya Jaamacadaha dalka iyo kuwa dibadda.

Ugu dambayn, Madaxweynaha Dawladda Puntland Dr. Cabdiweli Maxamed Cali Gaas ayaa ugu baaqay shacabka Puntland meelkasta oo uu joogoba in ay gacmaha is qabsadaan isla markaana ay isku tashadaan una guntadaan sidii ay u suubin lahaayeen wax soo saar ka-badan kan ay hadda sameeyaan, si dhaqaalaha dalku uu u kobco.

IMG_7000-1IMG_6990-1



May, 2016

 

WARARKA MAANTA Maay 01, 2016


Dowladda Soomaaliya's photo.

Dowladda Soomaaliya's photo.

Su'aasha Maanta: Mudane Madaxweyne Xassan? Haddii 4 sanno aad waxba ku qabanweysay? Ma waxaad wax ku qaban doontaa 4 sanno oo aad sii wado musuqmaasuq iyo argagixisadda Damu-Jadiid ee kula dhacaysa hantidii dadweynaga?

Muqdisho Axad, May 01, 2016- Baarlamaanka Soomaaliya ayaa gaashaanka ku dhuftay in muddo laba bilood ah lagu kordhiyo xilliga ay dhacayso doorashada sannadkan 2016-ka la filayo inay dalka ka dhacdo, kaddib markii uu codsi Arrintaas ku saabsan uu u gudbiyay RW Somalia Cumar C/rashiid. RW Shama’arke ayaa sheegay inuu kala hadlay arrintan guddoonka baarlamanka Somalia, isagoo xusay in tani ay imaan karto haddii cillado dhanka farsamadaha ay yimaadaan, inta hawsha doorashada lagu jiro.
“Waxaa rajeyneynaa inaan doorashada ku qabanno xilligii loogu talo-galay, laakiin haddii ay dhacdo iyadoo la shaqeynayo ay dhinaca farsamada wax ka suuro-geli waayaan waqti ayaa loo baahan doonaa. Aniga iyo hguddoonka baalamaanka ayaa wadahadalnay arrintan,” ayuu yiri Sharma’arke.
Dhanka kale, Codsiga RW Somalia ayaa ku qotomay in doorashada la filayo inay ka dhacdo dalka bisha September ee sannadkan dib loo dhigo illaa bisha December ee isla sanadkan, taasoo baarlamaanku uu diiday.
Ugu dambeyn, Heshiiskii Doorasho ee Muqdihso lagu saxiixay ayaa dhigayay in laga qabto dalka doorasho bisha September ee sanadkan, iyadoo codsiga baarlamaanku diiday uu noqnayo kii ugu horreeyay oo xukuumaddu ay la timaaddo.

Sir Culus May 01, 2016 Wasiirkii Hore Ee Isgaarsiinta iyo Boostooyinka Mr. Guuleed Xassan Qaasim oo shaaciyey inay jiraan rag badan oo ula shaqeeya Ururuka Argagixisadda ee Shabaab “UGUS” asagoo caddeeyey inay si toos ah uga hawl-galaan wariyayaal u shaqeeya Shabaab kuwasoo qaata lacago isla-markaarna lacago baad ah ka qaada wariyayaasha kale. Wasiirkii Hore Ee Isgaarsiinta iyo Boostooyinka Mr. Guuleed Xassan Qaasim waxuu kale oo kashifay inuu Wasiirka Warfaafinta la shaqeeyo Ururka Shabab isla-markaana u fududeeyo hawlaha ay ka dhex fuliyaan gudaha Muqdisho.

Wasiirkii Hore Ee Isgaarsiinta iyo Boostooyinka Mr. Guuleed Xassan Qaasim waxyuu caddeeyey sababta xilka looga qaaday inay tahay markii uu diiday codsi amar ah oo ka yimid dalka Itoobiya ee ay hoggaaminayso Jabhadda TPLF oo ka khalkhashay horumarin iyo ballanqaadka uu dalka ruushka u fidiyyey dalka Soomaaliya taasoo Dowladda Ruushka ay qirtay inay dib-u-dhis ku samayn doonto ciidanka Soomaaliya.

Wasiirka waxuu sheegay Dowladda Itoobiya inay isku-dayday sidii ay ku koontrooli lahaud Saxaafadda iyo Isgaarsiinta Soomaalliya taasoo ay haatan ogaatay inaysan suurtagal u noqonayn markii aad shacabka Soomaaliyeed u sheegay waxa ay in muddo ah ku taamaysay isla-markaasna waxuu u fasaxay saxaafadda gudaha iyo dibaddaba inay la socdaan wxiii dalka ka dhex socda.


Wasiirkii Hore Ee Isgaarsiinta iyo Boostooyinka Mr. Guuleed Xassan Qaasim ayaa shaaca ka qaaday inay Dowladda Itoobiya Iyo Kenya rabaan inay si fudud ku qaataan dalka Soomaaliya oo dowladdo kale oo waa weyn ay ku haystaan qaybtooda. Wax micno weyn uma arko in xilka la iga qaado balse waxaan Ummadda Soomaaliyeed u sheegayaa inay dalkooda ka saaraan shisheeyaha deriska ah kuwaasoo aad moodid inay hanan doonaan haddii aan hadda wax laga qaban.


Khaatumo State May 01, 2016 Xildhibaan faarax cali oo kamida xildhibaanada maamullka khaatumo oo warbaahinta la hadlyey ayaa waxaa uu sheegay arimo dhowr,sida ,maamulka khaatumo waxyaabaha bilaha soo socda uga qorshaysan magaalada laascaanood ee caasimada gobalka soo Arrimaha xulista xildhibaanada matalaya dowlada fadaraalka ah ee maaulka khaatumo iyo arrimo kale. https://www.youtube.com/watch?v=hjH8_55G_Dk

Muqdisho May 01, 2016 Ra'iisal Wasaarae Mudane Cumar Cabdirashiid Cali oo sheegay inuu yahay musharax jaggadda Madaxweynaha Soomaaliya ee 2016 asagoo ka codsaday Golaha Xidhibaannadda inay muddo 2 bil ah u kordhiyaan Xukuummadda. Ra'iisal Wasaarae Mudane Cumar Cabdirashiid Cali oo arrinta musharaxnimadda jaggadda Madaxxweynaha uga waramay saxiibadiis ayaa waxaa la filayaa inuu si cad ugu dhawaaqo.dhawaan.


Muqdisho Maay 01, 2016 Guddoomiyaha Baarlamaanka Somalia, Maxamed Sheekh Cusmaan [Jawaari] ayaa xildhibaannada aan soo xaadirin kal-fadhigan Sideedaad uusan ka mid noqon doonin xildhibaannada baarlamaanka cusub ee lasoo dhisi doono, isla markaana ay u aqoosan doonaan xlidhibaan gudan waayay waajibaadkii Qaran ee la saaray.

Afhayeenka Golaha Shacabka Somalia ayaa sheegay inay jiraan xildhibaanno badan oo aan soo xaadirin kulamada kal-fadhigan sideedaad ee baarlamanka, isagoo xusay inuu u dirayo digniin xildhibaannada maqan, taasoo ah inaanu kusoo laaban doonin golaha baarlamaanka cusub.

Sidoo kale, Guddoomiyaha Baarlamaanka ayaa ugu baaqay xildhibaannada inay soo wada-galaan, maadaama laga doodayo Aayaha Waddanka, Wuxuuna ku celiyay in Xildhibaankii aan soo xaadirin kulammada soo socda loo aqoonsan doono Xildhibaan Waajibkiisa Qaran gudan waayay.

Prof. Jawaari, ayaa dhawaan joojiyay Safarrada Xildhibaanada ay dibadda dalka ugu amba-baxaan, kaddib markii ay bateen xildhibaanada safarrada isaga maqan ee aan kal-fadhiyada baarlamaanka imaan.

Shirarkii ugu dambeeyay ee Baarlamaanka Soomaaliya uu yeelanayay ayaa waxaa aad u yareyd tirada xildhibaannada soo xaadira, iyadoo kal-fadhigan sideedaadna uu yahay kii ugu dambeeyay ee ay yeelanayaan Xildhibaannada Baarlamaanka hadda jira.

Muqdisho Maay 01, 2016 Maanta waxay Soomaaliya u dabaal-degaysaa maalinta shaqaalaha adduunka oo ku beeggan 01 May, 2016.

Muqdisho Maay 01, 2016 Xildhibanada Baarlamanka Somalia oo laga codsaday iney deg deg u ansixiyaan qorshaha doorashooyinka

Ra’iisul Wasaaraha Xukuumadda Federaalka ah ee Soomaaliya Mudane Cumar Cabdirashiid Cali Sharmaarke oo shalay u gudbiyey Golaha Baarlamaanka Hanaanka guud ee Geeddi Socodka Doorashada 2016 ayaa ka codsaday baarlamanka iney deg deh u ansixiyaan.

Ra’iisul Wasaare Cumar oo Khudbad ka jeediyey kulanka Baarlamaanka ayaa sharaxaad ka bixiyey Hannaankan doorasho ee ay Xukuumaddu soo gudbisay, waxaana uu sheegay in hanaankani wadatashi guud ay ka sameeyeen Dawladda Soomaaliya iyo Maamullada dalka, isagoo ka codsaday Golaha Shacabka in ay ansixiyaan Hannaankan si ay u qabsoonto doorashadu waqtigii loogu talagalay.

“Waxaan ka codsanayaa Baarlamaanka, iyaga oo eegaya duruufaha ka jira dalka, waqtiga oo gabaabsi ah iyo howsha baaxadda leh ee dhiman in aad ansixisaan Hanaanka doorasho ee lagu keenay wada xaajood Siyaasadeed oo ku saleysnaa go’an wadar ogol ah oo ay qaateen Dawladda Federaalka Soomaaliya iyo Dawlad Gobolleedyada Xubnaha ka ah”.ayuu yiri R/Wasaare Cumar.

Guddoonka Baarlamaanka ayaa ka codsaday golaha shacabka inay soo aqriyaan qorshahan, maalinta Isniinta ah ee soo socotana la sii ambaqaadi doono go’aanka ka gaarista qorshaha guud ee Hannaanka Doorasho.

Washington DC Maay 01, 2016 Obama oo taliye cusub u soo magacaabay taliska ciidamada Maraykanka ee qaarada Afrika (AFRICOM)

Madaxweyne Obama ayaa Taliye cusub u soo magacaabay Taliska Milliteriga Maraykanka ka jooga Qaaradda Afrika.

Taliyaha cusub ayaa lagu magacaabaa Jeneral Tomas Waldhauser, kaasoo beddeli doona Jeneral David Rodriges oo hadda ka dib hawlgab ka noqonayo hawlaha Milliteriga.

Jeneral David Rodriges waxa uu bilowgii bishan sheegay in Maleeshiyo gaaraysa ilaa 6-kun oo ka tirsan Daacish ku sugan yihiin dalka Libya.

Mar uu ka hadlay Ammaanka Geeska Afrika, waxaa uu Al-shabaab ku tilmaamay Khatarta ugu weyn ee ka jirta gudaha Somalia.

Waxa uu intaasi ku daray inay la shaqeeyaan shanta waddan ee Ciiddamadu ka joogaan Somalia, isla markaana ay horumarinayaan Awoodda Ciidanka Qaranka Somalia.

Taliska AFRICOM waxay Saldhig ballaaran ku leeyihiin Jabuuti, halkaasoo laga soo abaabulo duqeymaha lala beegsado Saraakiisha iyo Fariisimadda Alshabaab iyo Hawlaha Loojistikadda ee lagu taageero Ciiddanka AMISOM ee dagaalka kula jira Al-shabaab.

Gaalkacyo Maay 01, 2016 Kooxo hubeysan oo saaka magaalada Gaalkacyo ku dilay saddex ruux oo ka tirsanaa barakacayaasha

Ugu yaraan saddex ruux oo midkood ay aheyd haweeney ayaa lagu soo waramayaa in saaka lagu toogtay magaalada Gaalkacyo ee gobolka Mudug.

Dadkan la laayey ayaa la sheegay iney ka mid ahaayeen qoysaska ku dhaqan xerada barakacayaasha ee Buulo bacley oo ku taala koonfurta Gaalkacyo.

Kooxo hubeysan oo aan heybtooda la garaneyn ayaa la soo sheegayaa iney geysteen falalkan dilka ah kuwaasoo markiiba goobta ka baxsaday.

Lama oga illaa hadda cida ka dambeysa iyo sababta loo dilay dadkan barakacayaasha oo markii horeba ku noolaa duruufo kala duwan oo dhinaca nolosha, waxaana falkan si weyn uga xumaaday shacabka magaalada.

Ciidamada amaanka ayaa goobta dadkan lagu laayey gaaray, kuwaasoo bilaabay baaritaano ku saabsan kooxaha ka dambeeyey weerarkan, mana jiro war ay ka soo saareen ilaa hadda.

Laascaanood Maay 01, 2016 xildhibaan fihima  oo kamida xildhibaanada maamulka soomalind ee magaalada laascaanood ku sugan yaa arrin yaabadan isla markaa dhawaanahanba shacabka laascaanood ay xam xamteeda u adkaysan waayeen  banaanka soo dhigtay iyadaan loo camaamadin xildgibaanada ayaa shaaca ka qaday isla markaana aan dabo ka reebin xogta dhabta ah ee ka danbeysa mooshunka laga keenay mayaarka maamulka soomalind u jooga magaalada laascaanood ee xarunta gobalka sool.

Xildhinad fahiima oo kamida dadka tira yar ee hadii aan lacagta loo badan qabka runta ku salaysan ceebaha iyo xogaha usoo shaac saarta isla markaana aan xataa dadka aakhiradooda iyo adduunkooda toona aan waxba u dib iyo huri dhigan ayaa xogtan yaabka badan sida qashinka banaanka u soo saydhisay iyada oo dibnaheeda ku walwalaysa oo aysan naf ilaahay abuurtay ka hadlinayn.

Dadka siyaasada gobalka ee maamulka soomalind u dhuun daloolla ayaa goobaha suuqyada iyo shaaracyada laga shaaho qabab kala duwan maalmahanba arrintan uga faaloonayey,waxana ay inta badan su,aallo xowli ah ka kenayeen saababta maayarka ,,wax badan gobalka u qabtay xilka looga xayuubinayo,,waa sidda ay wararka iskula dhexmarayaan bulshada isha dheer ku halacsata siyaasada maamulka soomalind ee magaalada laascaanood ka arrimiya.

Balse hadal hayntaa iyi nux-nuxdaaba waxaa god aad u dheer ku fanuuniyey xildhibaanadan sida toga xargaga soo rogmatay isla markaana ceebaha iyo ka shifadaha maamulka soomaalind xubnaha u matala gobalka sool hantaqo iyo huq aysan kasoo waaqsan karin banaanka ka keentay.

adaba mar  ay isla bulshada iyo dhalinyarada magaalada  laascaanood ay wax iska waydiinayeen sababta ku kaliftay xildhabaan fahiima in ay wakhti xadirkan dibnaheeda soo marsiiso hadaladan iyo xaqiiqada intan le,eg ee ay shacabka reer laascaanood sida bajaajta kusoo dhex daysay,ayaa waxaa ay bulshada inta ugu badan waxay ku macneeyeen ,,in marka xaajiyadan lacagta lagu yareeyo ay qarka u saranto in ay kar qubato wax kasta oo sanado badan xogh maamulka soomalind ku kaydsanayeyna ay bananka kusoo hur gufto sida cudbiga,,

Waxaa kale oo ay bulshadu ku xantamayeen in isla marka ay lacagba keeni wayaan maamulku ay shaaca ka qaado wax kasta oo ay hayso oo ceeb iyo dhabar jab aan kasoo waaqsi lahayn ku ah xubnaha maamulka soomalind ee magaalada laascaanood gacanta ku haya.

Lama oga ilaa hada jawaab sax ah uu maamulka Soomalind wakiilada magaalada laascaanood ugu sugan ay jawaab ahaan ka bixiyeen hadalka gabadhan runta sutida u qabatay,sidoo kale lama oga qaab iyo ajande ay kula xaaleen xildhabaanad fahiima oo beer qaday walwalna ku abuurtay xubnaha maamulka soomalind ee maagalada laascaanood taladeeda siyaasadeed gacanta ku haya.

Kamanaan hadhine xogta markii aan sii baadhnay waxaa aan ogaane in ay xilka qaadista maayarka magaalada laascaanood ay dabada ka riixayaan xubnaha ganacsiga laascaanood xuurtada ku haysta ee lagu magacaabo,,BEESHA CAALAMKA,,nimankan ayaa sida ila xogaaglu noo soo tabiyeen madaxa kaga taagan in uu tis qaado howlihiisa shaqo ee horyaalna uu qabsado mayaarka magalada laascaanood ee maamulka somalind,waa ninka lagu magacaabo Cismaan Saleebaan Jaamac oo  hada taqriiban aan mudo badanba jagada maayar nimo ee gobalka sool aan gacantiisaba ku jirn laakiin saan bulshada rayigooda kasoo xiganyno wax badan qabtay wax badana musuq maasiqay ha ugu horeeyaan,,Birirhii nalalka cad-ceeda ku shaqeeya oo magalada laascaanood loo qoon deyey ama ay xaq ahaan u lahayd 140,xabo ilaa hadana waxaa laascaanood laga hir galiye 60,xabo marka laga jaro hal xabo oo uu xaafadiisa ka taagtay adigu haysayaana birihii intaas le,ekaa.

Kasoo gudub Cismaan Saleebaan Jaamac la gary waa ninkaa xaalkiisa aan wax kasoo taabanay sidaas biraha oo kale maagalada laascaanood ninkan intuu jagadan hadda ciqliilka kaga jirta uu hayey waxyaabaha uu jaaniska ku helay kana faa,iidaysan waayey intuu waxa alle uga qoray ka qaato waxaa kamid ahaa,Laamiyadii ama wadooyinkii magaalada laascaanood dhawaan laga hirgaliyey kuwaas oo uu umadii oo arkaysa uu boodh iyo jay dadkii iskugu qooshay isla markaana daamurkii iyo qabayntii qurxintii wadooyinkaa suuq madow la xulay ilaa hadana umadda ku dhaqan magaalada laascaanood waxay ka war dhowrayaan ball roobkan iyo xaalka wadooyinjan say noqdaan mana saadaalin karno jawaabta saxda ah ee ay kaga fal celin doonaan arrintan laamiyada iyo musuqa maamulka soomalind xubnaha ugu sugan magaalada laascaanood ay ku caan baxeen in ay hagar dameeyan mashruuc kasta oo laascaanood iyp degaa ka usoo baxa.

intii uu xilka hayey Cismaan Saleeban Jamaac oo ah maayarka laascaanood ee haddana beesha caalamka ee laascaanood calanka loo saaray,cagahana doonaya in ay dhulka uga fujiyaan,beesha caalamka ayaa saan hadal hayn hoose oo nagu soo duulaysa ku helyno waxaa ay tageero hiil iyo hooya iyo waliba fan lacageed oo aan cadadkiisa qiyaaseed aan la saadalin karin ku bixinayaan sidii oday xiirahana laascaanood uu uga huleeli lahaa xilkan uu dhadhanka ku hayo iyo mashaariicdan is daba joga ah oo uu salka kusii adkaysanayo.

Beesha caalamka oo ah raga laacaanood dhaqaaq iyo joogso midna u diiday isla markaana mar kasta ku foogan in ay kala fur-furaan umadda inta aan mabda ooda la qaadan ayaa waxay hegan ugu jiraan goor iyo ayaanba in ay helaan qof ama xubin u dhaga furan oo kasoo wajahda dhanka maamulka soomalind,waxana saan warka ku helayno Cismaan Saleebaan jamac kamid yahay raga aan ahdaafta iyo amarada lacagaysan ee beesha caakamka laascaanood kaga yimaada aan aad u tixgalin isla markaana baacaadka iskaga dhaafa taasna waa ta sababtay saan ka war qabno isla markaana xogaha xaasasiga ah ku hayno in ninkan jagadiisa lacag lagu badalo isla markaana lasoo ceshado ninkiin aadka u tixgalin go,aanada maamulka nimanka beesha caalamka ee dib iyo hirba diidka ah isla markaana dhuun shubatada iyo xooga aan aqoonta ku dhehnayn gobalka sool ku haysta.

Waa ninka lagu magacaabo {Cabdiqaadir jaamac saalax,xuuxuulle}waxaana saan wararka caawaba ku haykni mooshin laga keenay Cismaan Saleebaan Jamac beri oo ah 31,april uu horyaala xarunta doelada hoose ee dagmada laascaanood waxana ha;lkaas codka moshinka soo dhoobi doona xildhibanada maamulka soomalind u matala magalada laascaanood ee xarunta gobalka sool kuwaas oo sida la xaqiijiyey lagu asqeeyey lacag aan caadi ahayn oo ay jeebadooda kasoo wadaceen beesha caalamka iyo xuuxuulle oo gacan ka helaya dhalinyaro maamulka Soomalind xogaa ka tuurta kuwa ku daba noolla isaga balse bilihii lasoo dhaafay ku bay hoofay magaaladan miskiin ilalista ah ee laascaanood ayaa xuuxulle gacmo lacag sida dhagaxa uga buuxdo oo beesha caalamku soo rartay ku tageeraya.

Cismaan Saleebaan jaamac ayaa sida ay xildhibaanadan cabasho iyo ceebohooda fashlish hadlaysaa waraysigeeda ku sheegatay in uu madaxa iskula dhacay dhamanba kuwa qababka kala duwan xulufada u ahaa hadalkaas oo ah,,timir lafbaa ku jirta macnaha ah waxaa uu haado iyo baacdo kala geeye isla markaana goobta ama saxankii siyaasada iyo tuug nimada ku kala waan tobau nimankii beesha caalamka iyo nimankii xildhibaanada golaha deegaanka oo ay iyadu ka mid tahay,,.

Lasaco qaybta 2aad qormo xiiso badan iyo waliba waxa beri bal dhaca poo aan isha ku hayn doono halkana aad kala sacon doontaan shabakada wararka ee widhwidh online.

Ceeldheer May 01, 2016 Ciidamada Milatariga Soomaaliya iyo kuwa Itoobiya ee Qebta ka ah AMISOM ayaa Saaka ku wajahan Degmada Ceel-dheer ee Gobolka Galgaduud.

Saraakiisha Ciidamadaasi horkacaya ayaa sheegay in Maanta ay ku Rajo weyn yihiin in ay Gacanta ku dhigeen Degmada Ceel-dheer ee Gobolka Galgaduud.

Wararka ayaa sheegaya in sidoo  Al-shabaab ay halkaa ka bilaabeen Dhaqdhaqaaqyo Ciidan,kuwaas oo doonaya in ay iska Difaacaan Weerarka uga imaanaya Ciidamada AMISOM iyo kuwa Soomaalida.

Dadkii ku noolaa Degmada Ceel-dheer ee Gobolka Galgaduud ayaa halkaa ka barakacay,kuwaas oo ka cabsi qaba in lagu dul dagaalamo.